مرحبا بالعضو الجديد: jalilo
      *قصه..و..قصيده* .....       الحب و الجنون .....       يعصي امه ثم يندم .. لكن هل ينفع ؟! .....       الطير الأبابيل .....       لوزة و صديقتها .....       ماكي في المدرسة .....       دابة الأرض .....       الكلب الوفي .....       فيل أبرهة .....       أشتريك ما أبيعك يامطر (2) .....
الصفحة الرئيسية
قصص مؤثرة وواقعيــة
قصص رومـــانســـية
قصص الجرائم والحوادث
قصص الأنبياء
قصص الهداية والتوبة
قصص الغزوات
قصص الشهداء العرب
قصص الأقلام المبدعه..(الكتابة الشخصية فقط)
قصص فكاهية
قصص الأطفال
قصص بوليسية
قصص تاريخية
قصص القرآن
قصص السيرة وقصص الصحابة
قصص الخادمات والسائقين
قصص الجن والسحر
قصص العلماء
قصص حسن وسوء الخاتمة
قصص الفساد والمخدرات
قصص عقوق الوالدين وبرهما
اسم المستخدم
كلمة المرور
:: نسيت كلمة المرور
:: تسجيل عضو جديد
المتواجدين حاليا :
20 الأقسام :
1174 عدد القصص:
171 الأعضاء :
349 التعليقات :
921746 زوار مكتبة القصص:
الصفحة الرئيسية » قصص الأقلام المبدعه..(الكتابة الشخصية فقط) » همــوم تحت السقف
مشاركة : M!şŞ ĻεģεиĐ اطبع القصة ارسل القصة لصديق
تاريخ الإضافة :: 2010/08/19   ||   عدد الزوار :: 719
همــوم تحت السقف

حصوه: نعم حمد شو قلت زوجتك حامل ؟؟
حمد: هيه زوجتي حامل ليش مب امصدقة !!
 حصوه: حمد اخيراَ بصير عمة مااصدق !
حمد: اختي حبيبتي صدقي انج بتصيرين عمة وعقبالج يا الدوبة !
( حمد وحصة اخوان وحمد متزوج من بنت عمه سالم وعمر حمد 20 وعمر حصة 18 ويعيش حمد مع زوجته في بيت واحد اما حصة مع امها وابوها وهي
بنت في المرحلة الثانوية وحمد يشتغل موظف في شركة معروفة في دبي )
حصوه: انزين حمد و مريوم ( اسم زوجة حمد ) اخبارها معاك ان شاء الله فرحانة ؟
حمد: حصوه اكيد مستانسة وياي وكل يوم نطلع ونتعشى برع ! اقول حصوه شخبارها ربيعتج عواش ( عائشة صديقة حصوه كانت تحب حمد قبل لايتزوج )
تسأل عني ولا شي وقلتيلها اني متزوج ولا ماتدري لين الحين قاصة عليها وقلتيلها اني مسافر ومابرجع الا بعد 4 سنين ؟؟
حصوه: حمد قايلتلها انك متزوج علشان ماتقعد تسألني كل يوم عنك بس ماتدري ان مريوم حاامل اكيد اذا عرفت بتنصدم مافيني اقولها .. اخبرك امي وابوي
يعرفون ان مريوم حامل ولاماخبرتهم ؟
حمد: الله يخسج حصوه نسيتيني انا ياي بخبرهم وبروح وخذتني السوالف .. الحين بسير اقولهم .. 
( وسار حمد عند امه وابوه يالسين في الصالة ) 
حمد: ابووي ، امي عندي لكم خبر بيفرحكم وااايد ..
ابو حمد: بشرنا ياولدي , طول عمرنا نسمع اخبار اتخوف الا قتلى وجرحى .. حمد ليكون بتقولنا خبر سامعنه من الاخبار انا وامك 24 ساعة على قناة الاخبار شو بتقول؟
حمد: ابوووي مب من الاخبار اسمع انت ,, زوجتي مريوم حاااامل !
ام حمد: الله يبشرك بالخير ياولدي مبرووك وشحالها مريوم متقبلة الحمل ولاتعبانة ؟
حمد: الله يبارك فيج امي , هيه الحمدلله متقبلة بس كانت في حالة صدمة يوم خبرتها الدكتورة انها حامل !
ابو حمد: مبرووك ياولدي , اخيراَ حد بيقولي يدي ( يضحكون كلهم )
 ام حمد: هيه حتى انا اخيراَ حد بيقولي يدوه .. حمد شو فكرتوا بـ اسم الياهل ؟
حمد: هيه امي خلاص مجهزين الاسامي , اذا بنية بأذن الله بنسميها علايه واذا ولد بنسميه سعود ..
 ام حمد: على منو مسميهم علايه و سعود؟؟
حمد: امي بس جذي اخترنا الاسامي , لاعت جبدنا كل اسامي عايلتنا مكررة الا حصوه وحمد وفطوم وماعرف منو ..!
ام حمد: هيه والله صدقك حمد الاسامي كلها مكررة .
حمد: انزين امي وابوي انا رايح بيتي الحين تأمرون على شي ؟
ام حمد: فديتك ياحمد ديربالك من السيارات لاتسرع شوي شوي اعرفك انت مينون ماتصدق تركب السيارة تقعد تسرع واتشخط ..
حمد: هههههههههههه ان شاء الله امي بسرع اقصد بخفف السرعه ..
ابو حمد: بارك حق زوجتك وقوليها تزورنا ..
حمد:ان شاء الله ابوي .. ( قعد يصارخ حمد بصوت عالي حصوه تعالي الصالة ) ..
حصوه: اخووي ما شاء الله صووتك وصل الفريج الثاني شوو فيك ؟
حمد: الله يغربلج الحين صوتي بيسير هههههههه , تأمرين على شي قبل لا اسير ؟
حصوه: هييه , قول حق مريوم مبروووك على حمالج وخلنا نشووفج ..
حمد: ان شاء الله , يلا فمان الله .
( ام حمد , ابو حمد , حصوه ) : حياك الله .
ام حمد: حصوه شو مسوية في الدراسة ان شاء الله اتذكرين وتراجعين دروسج ؟
حصوه: هييه امي مسووية زين في الدراسة بس والله تعبناا متى إنأجز لاعت جبدنا ..
ام حمد: اصبري ماباقي الا شهرين وتخلصون وتفتكين ..
حصوه: عااد ابوي انت كل سنة اتوديناا دولة عربية عااد هاي المرة بنسير باريس ..
( ام حمد , ابو حمد يضحكون بصوت عالي ) ..
ابو حمد: حصووه انتي تعرفيني ماعرف انجليزي وكيف نسافر على دولة اجنبية ونسير اهناك ونضيع ونفشل عمارنا ..
حصوه: انزين ابوي انا اعرف انجليزي انا بمشي الامور بس خلنا نسافر ..
ام حمد: لا حبيبتي حصوه ابوج هاي السنة وعدني نسير الكويت وان شاء الله بنسير ..
حصوه: انزين امي هاي السنة الكويت والسنة الياية وين ؟
ابو حمد: يصير خير لين السنة الياية , الحين سيري ذاكري دروسج .. 
( صعدت حصوه وراحت غرفتها تذاكر ) 
ابو حمد: ام حمد اشرايج نطلع وانغير جوو ونسير نتمشى شوي ..؟
ام حمد: ونخلي حصوه بروحها لا اسمع ابو حمد ان شاء الله باجر يوم حصوه بتسير المدرسة احنا بنطلع انزين ؟
ابو حمد: ان شاء الله .. ( وصعدوا فوق ينامون ابو حمد وام حمد ) .. ( وحصوه بعد ماذاكرت نامت لان عندها مدرسة ) ..!
( اليوم الثاني يوم الثلاثاء .. وقت اذان الفجر ) .. ( قامت ام حمد من نومها ) ..
ام حمد: ابو حمد قوم بسك نووم قوم صل صلاة الفجر ..
ابو حمد: ( مدوخ ) ان شاء الله الحين قايم , قعدتي حصوه حق الصلاة ؟
ام حمد: الحين رايحتلها .. ( وراحت ام حمد لحصووه علشان تقعدها ) 
ام حمد: حصووه قوومي صلي يلاا ..
حصوه: ان شاء الله امي الحين قايمة اتريي ..
ام حمد: شو اترياا قوومي ( وتسحبها من ريولها ) ..
حصوه: امي هديني بطيح من الفراش .. ( وتطيح حصووه ) ..
ام حمد: ههههههههههه شكلج يضحك يلا قوومي اشوف تحركي جدامي تووضي وصلي والبسي ثياب المدرسة وشوفي ميري جهزت الفطور ( ميري الخدامة ) .. 
حصوه: ان شاء الله امي ..
( وطلعت ام حمد وراحت اتصلي واتشوف بو حمد قام صل ) .. 
ام حمد: بو حمد صليت ولا شو ماصارت صلاة ولللل ؟
ابو حمد (يضحك ) : هيه صليت , انزين اخبرج اتجهزي بعد ماتسير حصووه بنطلع نتمشى ..
ام حمد: بو حمد وللل بعدها الحين 5 الفجر وحصوه اتسير المدرسة 7 باقي ساعتين وايد ..
ابو حمد: خلاص انزين انا بنزل الصالة وبشوف التلفزيون والساعة 9 بنطلع ..
ام حمد: انزين بو حمد بكون جاهزة .. انطر بنزل معاك الصالة .. ( نزلوا بو حمد و ام حمد الصالة يشوفون التلفزيون ) ..
( في بيت حمد ) ..
حمد : حبيبتي مريوم ان رايح الحين الشغل تأمرين على شي ؟
مريوم: لا حبيبي ابغي سلامتك بس ولاتسرع مثل ماقلت لك ..
حمد: ان شاء الله حبيبتي يلاا فمان الله ..
مريوم: مع السلامة حبيبي .. ( راحت مريوم اتقول حق خدامتها سونيا اتنظف البيت علشان بيون بيتهم صديقاتها ) ..
مريوم: سونيا اخبرج نظفي البيت عدل وجهزي الاكل لان بيون صديقاتي ظبووي و حمدوه و ساروه ..
سونيا: ان شاء الله ماما الحين بيسوي تنظيف وجهز الاكل ..
مريوم: سونيا الحين الساعة 7 الصبح الساعة 11 بيون صديقاتي نظفي اول شي بعدين سووي الاكل اوكي ..
سونيا: اوكي ماما .. ( وراحت سونيا تنظف البيت وبعدها تجهز الاكل ) ..
( مريوم صعدت غرفتها ترتاح ) .. 
( في بيت حمدوه < صديقة مريوم ) 
حمدوه: حبيبي رشود ( زوجها ) انا رايحة عند ربيعتي مريوم ابارك لها على حملها وبمر السوق بشتري لها هدايا ..
رشود: اوكي حمدوه انا بروح عند ربيعي عندنا شغل اشووي ..
حمدوه: خلاص بطلع من اهني الساعة 8 بعد ساعة وبمر السوق وصح رشود نسيت اقولك بمر على ربيعاتي ظبووي و ساروه بأخذهم معاي ..
 رشود: اوكي حبيبتي بس لاتتأخرين عن البيت .. يلاا انا رايح مع السلامة ..
حمدوه: ان شاء الله حبيبي .. مع السلامة ..
( في بيت بو حمد ) 
ابو حمد : حبيبتي ام حمد انا تعبان اعتقد اني بسير انام لوع جبدي هذا الفيلم الهندي وللل شاروخان ماينقذ البطلة ويفكنا لاعت جبدي .. 
ام حمد: ههههههههههههه وايد مندمج في الفيلم بو حمد ..
ابو حمد: هههههههههههه هييه اشووي وبدخل في التلفزيون .. انزين اقوولج حصوه متى بترد من مدرستها الساعة 2 صح ؟
ام حمد: هييه الساعة 2 ليش في شي ؟؟
ابو حمد: لا أسأل بس .. ( ويكملون ابو حمد وام حمد ويشوفون الفيلم الهندي ) ..
( في بيت حمدوه ) 
( الساعة 8 طلعت حمدوه من بيتهم رايحة السوق وبعدها بتمر على ظبووي وساروه ) ..
( في بيت حمد ) 
( نزلت مريوم من غرفتها اتشوف سونيا شو سوت ) 
مريوم: سونياااااااا ( وتصرخ بصوت عالي ) .. 
سونيا: نعم ماما انا قاعده انظف الحوش شو يبغي ؟
( مريوم وهي منصدمة ) .. مريوم : شو تنظفين الحوش تعالي اهني ..
سونيا: نعم ماما انتي ماقلتي نظفي البيت .؟
مريوم: انا قلت نظفي البيت مب الحووش .. خللي الحوش يولي وتعالي نظفي داخل في البيت ..
سونيا: انزين ماما .. 
مريوم: اوكي انا بسير فوق بشوف اشوي التلفزيون وبعدين برجع بشوف المكان .. 
( وراحت مريوم فوق وسونيا قعدت تنظف المكان ) ..
( في بيت بو حمد ) ..
ام حمد: بو حمد اخيراَ نهاية الفيلم , اخبرك يلا نطلع الحين مليت من قعده البيت تدري لو بس تحوطني في الفريج زين المهم اطلع ..
ابو حمد: في الفريج عاد شو مافي مكان هههههههههههههههه انزين يلاا قومي البسي خلنا نغير جو قبل لااتي حصوه من المدرسة وانا بعد ببدل ثيابي ..
( راحوا ابو حمد وام حمد يغيرون ثيابهم وبعدها طلعوا يتحوطون ) ... 
( في بيت مريوم ) 
( نزلت من تحت وقعدت تشوف البيت ) 
مريوم وهي تكلم نفسها: ماشاء الله سونياا خمت ونظفت البيت عدل .. ( وشافت مريوم ساعتها الساعة 9 ونص .. صرخت ونادت سونيا بصوت عالي كالعادة ) ..
سونيا: نعم ماما شوو في انا قاعده اطبخ ..
مريوم: اوف زين خفت انج تنظفين لين الحين خلاص طبخي انا بسير ابدل ثيابي واتعدل .. 
( راحت سونيا تكمل طبخهاا ومريوم راحت غرفتها تتعدل ) ..
( في سيارة حمدوه ) 
حمدوه: ألو ساروه ..
ساروه(صديقتها): ألو هلا حمدوه شخبارج ؟
حمدوه: الحمدلله بخير , اخبرج ساروه تجهزتي انا مارة عليج الحين في الدرب ..
ساروه: هييه حمدوه انا متجهزة وانطرج الحين ..
حمدوه: اوكي قولي 10 دقايق وبكون عندج .. بدق لج هرن واطلعي انزين , يلا مع السلامة .. 
ساروه: مع السلامة ..
( وبعد 10 دقايق وصلت لها حمدوه وشلتها معاها ) ..
ساروه: اخبرج حمدوه مابتمرين على ظبووي ..
حمدوه: هييه الحين رايحين عندها ..
ساروه: انزين حمدوه اشتريتي هدايا حق مريوم ولا لا ؟
حمدوه: هييه مريت السوق قبل لا امر عليج واشتريت لها هدايا وصح انا وظبوي وانتي قلنا بنيمع الفلوس وانا بشتري الهدايا وبغلفها وبحط كرت عليه اسأمينا كلنا .. جذي سويت ..
ساروه: زين سويتي .,,
حمدوه: وصلنا بيت ظبوي دقي عليها قوليلها تطلع ..
ساروه: ألو ظبوي ..
 ظبووي: هلا ساروه ..
ساروه: ظبووي طلعي برع احنا نترياج في السيارة ..
ظبوي: اوكي يلا انا طالعة الحين .. يلاا باي ..
( ركبت ظبوي السيارة ورايحين بيت حمد ) ..
( في بيت بو حمد ) 
( الساعة 11 , رجعوا بو حمد وام حمد لبيتهم بعد الحواطة ) 
ام حمد: مشكور يا الغالي على الطلعة الحلووة ..
ابو حمد: العفوو يا الغالية , يلااا انا بروح انام شووي تعبان ..
ام حمد: انا بشوف ميري سوت الغداء ولا لا ؟ 
ابو حمد: وانا رايح فوق يلاا .. ( راح بو حمد فوق غرفته ينام ) ..
ام حمد: ميري وووينج ؟
ميري: هاا ماما شو فيج انتي وايد تطلبين ؟ ( ميري شخصيتها قووية وماتخاف من حد ) ..
ام حمد: ميري انا من يبتج مستقووية علينا لاتخليني انادي بو حمد يسفرج الحين ؟؟
ميري: لا ماما خلاص انتي شوو يبي الحين ؟
ام حمد: سويتي الغداء ولابعدج ؟
ميري: هييه ماما سويت مجبووس دياي .. 
ام حمد: زين اوكي , اقولج لاتقولين حق حصووه ان انا وبابا يطلع انزين .. 
ميري: انزين ماما الحين انا بيروح يشوف الغداء علشان مايحترق ..
ام حمد: انزين انا بروح انام شوي , اذا حصووه يت حطيلها الغداء اوكي يلاا ..
ميري: ان شاء الله ماما .. 
( راحت ام حمد فوق تنام وميري تكمل اتسوي الغداء ) ..
( في بيت حمد ) 
( سونيا سمعت صوت جرس يدق وراحت تفتح الباب ووصلوا صديقات مريوم ) .. 
( دخلتهم سونيا الصالة ويلستهم ) ..
حمدوه: سونيااا شخبارج ؟
سونيا: الحمدلله ماما بخير ..
حمدوه: اقول سونيا وين مريوم مااشوفهاا ؟
سونيا: ماما فوق تتعدل .. الحين بناديها .. 
( مريوم تصرخ سونياا منو يانا ) ..
( وترد عليها ساروه مريوم وصلنا تعالي ووينج ) ..
مريوم: ياهلا والله الحين ياية ..
حمدوه: يالله نترياج ..
( سونيا جهزت القهوة والحليب حقهم وردت المطبخ ) ..
( نزلت مريوم من فووق وراحت عند صديقاتها ) ..
مريوم: يااهلا والله بـ ربيعاتي شحالكم ..؟
حمدوه: هلا والله بالحامل شخبارج يا الغالية احنا بخير ..
مريوم: انا بخير الحمدلله ..
حمدوه: تفضلي يا الغالية الهداياا ..
مريوم: ليش اتعبون عماركم فديتكم والله ..,, ظبوي شحالج ؟
ظبوي: مريوم انا بخير انتي شخبارج ؟ وان شاء الله حمد مستانس بخبر حملج ؟
مريوم: الحمدلله والله ماتتصورون اشكثر فرحان في خبر حمالي .. 
( وقعدوا يسولفون ) ..
( الساعة 2 ورجعت حصوه من المدرسة ومعاها ربيعتها عواش ) 
حصوه: امي , ابوي وينكمــ ؟ بسم الله البيت هادي مافيه حد ؟
عواش: يمكن نايمين انزين إسألي ميري ..
( وتصرخ حصوه على ميري ) ..
ميري: شوو حصة شوو يبي ؟
حصوه: ميري وين ماما و بابا ؟
ميري: ماما وبابا نووم , وانتي الحين يباا غداء ؟
حصوه: اهااا وانا اقول وينهم , هييه حطيلي انا وعواش الغداء وهاتيه فوق في غرفتي ..
ميري: اوووكي ..
( صعدوا حصوه وعواش فوق ودخلوا الغرفة ) ..
( في بيت حمد ) ..
ساروه: يلااا فديتج مريوم بنروح والله استانسنا معااج .. 
مريوم: فديتكم والله يلسوا بعدهاا الساعة 2 وشي ..
 حمدوه: انا لازم ارد البيت زوجي بيرد من شغله ومايباني اتأخر ,, اهم شي استانسنا معااج .. وان شاء الله مرة ياية نزورج ..
مريوم: حياكم الله والله فرحتووني بهاا الزيارة الحلووة ..
( وطلعوا حمدوه و ساروه وظبوي من بيت مريوم ,, وراحت حمدوه توصل ظبوي وساروه بيتهم وبعدها راحت بيتها ) ..
حمدوه: رشود وصلت البيت ولا بعدك ؟
( محد يرد على حمدوه ,, ) 
حمدوه: ماوصل شكله خلني اتصل فيه .. ألو رشود ؟
رشود: هلا حبيبتي شوو بلاج ؟
حمدوه: متى بتوصل البيت تأخرت ؟
رشود: بعدني حبيبتي يبالي ساعتين ولا 3 ساعات ,, وانتي رحتي عند ربيعتج ؟
حمدوه: وللللل باقيلك وااايد لو تميت عند مريوم احسن لي ههههههههههههه .. هييه رحت لهاا واستانسنا .. 
رشود: انزين حبيبتي انا مشغول بخليج الحين .. يلا مع السلامة ..
حمدوه: مع السلامة حبيبي ..
حمدوه( تكلم نفسها ): الحين انا فاضية شو اسووي خلني اروح أيلس على النت اشووي ..
( في بيت ابو حمد ) 
 عواش: اقوول حصوه تدخلين الدردشة ؟
حصوه: شو الدردشة هاي بعد انا سامعة عنها بس مادخلتها ولا مرة ؟
عواش: مثل غرف وفيها شباب وبنات يسولفون يعني مثل المسن بس الدردشة اي حد يقدر يدشهاا مب مثل المسن انتي تضيفين ,, تبين اراويج وندخلها ؟
حصوه: يالله شوو ورانا ماعندنا شغلة .. 
( دخلت ميري ويايبة الغداء وحطته وطلعت ) 
حصوه: عواش صبري بنتغدى وبعدين بندخل الدرسة انزين ..
عواش(ميتة من الضحك): شو الدرسة قصدج الدردشة ,, انزين بعد الغداء ..
حصوه: هههههههههههههه اللي هوو نفس الشي ترااا .. 
( بعد ماخلصوا من الغداء يلسوا على الكمبيوتر ودخلوا الدردشة )
عواش: شووفي حصوه الحين اخترت النك أنووثة قمر وشوفي كيف الشباب بيكلموني ..
حصوه: والله انتي عواش عجيبة طالعي هذا نكه حافي القدمين اوونه شو ماعنده نعال ههههههههههههههه ..
 عواش: ههههههههه نكه بعد جذي , شووفي حصوه واحد نكه الرومنسي يبااا يكلمني خلنااا نسولف معااه ..
( وهذا اللقاء اللي دار بينهم ) ..
الرومنسي: هلا اختي انووثة قمر شحالج ؟
انووثة قمر: هلا والله بالرومنسي انا بخير انت شحالك ؟
الرومنسي: بخير الله يسلمج ,, شوو هاا النك الحلوو اكيد انتي حلووة وقمر بعد ؟
انووثة قمر: احم احم اكيد ,, انت اماراتي ؟
الرومنسي: لا هندي هههههههه اكيد مواطن اماراتي .. اقوول حبيبتي اشرايج بدال مانتكلم اهني ونتعب واحناا نكتب اعطيج الرقم ؟
انووثة قمر: شوو الرقم مرة وحدة ,, انزين عطني ؟
الرومنسي: ....... هذا الرقم دقي الحين اترياج ..
( طلع الرومنسي من الدردشة وعواش وحصوه يشوفون الرقم وهم منصدمين ) ..
حصوه: طالعي هذا ماصدق عطانا الرقم وطلع ..
عواش: هييه والله اشرايج اسمع صووته واكلمه ؟
حصوه: لا حبيبتي مافيني على المشاكل .. 
عواش: سمعي حصوه الحين منو يعرف ان احنا نكلمه بس انا وانتي نعرف يلاا بدق عليه ..
حصوه: كيفج انا مايخصني .. 
( عواش ماسكة موبايلها ودقت الرقم واتصلت ) ..
عواش: ألوو ..
الرومنسي: هلا والله انتي انووثة اكيد ؟
عواش: هييه انا ,, انت شو اسمك ؟
الرومنسي: اسمي عزوز وعمري 19 ..
عواش: هلا عزوز ,, العمر كله يا الغالي ..
( حصوه اتشوف عواش بأستغاراب ) ..
عزوز: اقووول شو الاسم اذا ممكن ؟
عواش: اسمي عواشي ..
عزوز: عاشت الاسامي يا الغالية ..
( طالت المكالمة بين عزوز و عواش لمدة ساعة .. وبعدهاا سكرت الموبايل واتفقت انهاا تقابله )
عواش: حصوه شفتي الدردشة شو تسووي احلى شي ..
حصوه: حلفي بس بتواعدين هذا ماعندج شغلة ..
عواش: مافيها شي حبيبتي .. انزين انا بروح وايد تأخرت عن البيت امي بتحاتيني يلاا بروح مع السلامة ..
 حصوه: منوو بيوصلج انزين ؟
عواش: عزوز منو غيره ..
حصوه: شووو عزوز بتدلينه بيتناا بعد ..
عواش: لاتخافين بس بيوصلني وخلاص .. 
حصوه: انزين اتصلي في ابوج .. اووه صح سامحيني نسيت ابوج متوفي ..
عواش: ماعليه الله يرحمه ( متوفي ابو عواش في حادث وراح ضحية وكان يتعاطي المخدرات والعياذ بالله ) ..
حصوه: خلاص كيفج اللي تشووفينه ..
عواش: الحين بدق عليه وبدليه بيتكم ..
( اتصلت عليه ودلته البيت وهو في طريقه لهاا ) 
عواش: الحين بيني ,, تعالي نطلع برع نترياهـ ..
حصوه: انزين انا بوقف وراء الباب علشان مافيني يشوفني ولاتخبرينه عني ؟
عواش: انزين يالله ..
( بعد ماانتظروا لمدة 10 دقايق وصل عزوز ) ..
حصوه: عواش اعتقد هذا هو عزوز صح ؟
عواش: ماعرف صبري بدق عليه بشووف .. ( قبل لاتتصل عواش رن موبايلها والمتصل عزوز ) 
( ردت عليه عواش ) ..
عواش: ألووو هلاا عزوز ..
عزوز: هلا بالغالية ,, اقوول عواشي بيتج اللي رقمه من برع 14 ؟
عواش: هييه هذا ,, شوفني الحين بطلع من البيت ,, بعد 5 دقايق ,, هاا شفتني الحين ؟
عزوز: اوووه هاي القمر انتي ..
عواش: احم احم ماقلتلك قمر ماصدقت .. يلاا الحين بييك بااي ..
عزوز: يالله بااي ..
( قبل لاتكمل عواش تروح عند عزوز نادتها حصوه )
حصوه: اقوولج عواش الحين بيوصلج بيتج واكيد حفظ مكان بيتنا شوو نسووي الحين ؟
عواش: لاتخافين حصووه ماعليه هاي اخر مرة اطلع معاه يالله انا مرووحة مع السلامة حبيبتي ..
حصوه: مع السلامة وانتبهي على رووحج ..
( ركبت عواش سيارة عزوز ودخلت حصوه غرفتها ) 
( الساعة 4 العصر ) 
( بيت حمد ) ( رجع حمد من شغله تعبان )
حمد: مريوم انا وصلت ووينج ؟
مريوم: هلا هلا بـ حموودي ووينك اليوم تأخرت وااايد ؟
حمد: هييه ماشفتي شو صار حادث قووي الولد توفااا والبنت في المستشفى حالتهاا حالة حليلها كسرت خاطري والله .. ( يقصد عواش وعزوز وحمد ماانتبه انها عواش ) ..!
 مريوم(وهي مندمجة): شوو صار حاادث يالله والله الشباب متهورين وايد ,, انزين والبنت ماتعرفهاا منو ؟
حمد: لا مااعرفهاا , المهم اخبرج انا رايح انام تعباااان من الشغل ..
 مريوم: روح نام حبيبي .. 
( راح حمد غرفته ينام ومريوم راحت اتشوف التلفزيون ) ..
( مرت الساعات وصارت الساعة 8 بالليل ,, واتصلت ام عواش على حصوه ) ..
أم عواش: ألوووو حصوه 
حصوه: ألووو هلا خالتي ( تناديها بــ خالتي لانها اكبر عنها وتحترمها ) ..
 أم عواش: اقووول حصووه وين عواش تأخرت عن البيت واايد ؟
حصوه(في حالة صدمة): شو خالتي تأخرت , انزين الحين بنوصلها بيتها .. 
أم عواش: انزين يالله مع السلامة ..
 حصوه: مع السلامة ..
( سكرت حصوه السماعة وهي في حالة صدمة وتقول في نفسها ليكون عزوز سوووا فيها شي شوو اسووي الحين ) ..
( بعد 10 دقايق من الخوف والخيال اتصلوا عليهاا المستشفى ) .. 
الدكتور: ألووو السلام عليكم ..
حصوه: عليكم السلام منوو معاي ؟
الدكتور: انا الدكتور بدر من مستشفى ....... !
حصوه: عسى ماشر دكتور في شي ..؟؟
الدكتور: اختي عندج صديقة اسمها عائشة ؟
حصوه: هيه ليش ؟ في شي ؟
الدكتور: مادريتي ان صار لهاا حادث والولد اللي معاها توفى و الله يستر منو هاا حاولنا نأخذ منهاا معلومات منو اللي كان معااه مب راضية تتكلم تقدرين اتين المستشفى اتشوفينهاا ؟
حصوه( في حالة صدمة وبكااء): ان شاء الله دكتور الحين بيي ..
( سكرت حصوه السماعة وهي اتصيح وراحت تفعد امها وابوها واتقولهم عن الخبر المخيف ) ..
حصوه: امي , ابوي قوموا من النوم وتعالوا ودوني المستشفى ........... !
(قاموا ام حمد وابو حمد من الخوف ) ..
 أم حمد: شو فيج يابنيتي فيج شي قوليلي ؟
أبو حمد: شوو فيج ؟
حصوه (وهي تصيح): عواش في المستشفى ..
( قاموا ام حمد وابو حمد من الخوف وتلبسوا وراحوا كلهم المستشفى ووصلوا اهناك ) ..
حصوه: السلام عليكم ..
الدكتور: عليكم السلام ..
حصوه: وين عواش انت الدكتور المشرف عليها ؟؟ دكتور بدر ؟
الدكتور: لا انا دكتور سلطان .. دكتور بدر اهناك غرفته ..
( راحت على طوول غرفت الدكتور وقعدت اتدوره مثل المينونة ,, وتنادي بصووت عالي دكتور بدر ووينك ) 
الدكتور: اختي لاتصرخين انا في الحمام اغسل ايدي شوو فيج ؟
حصوه: انا حصة صديقة عائشة ..
الدكتور: زين يوم يتي ,, منو اللي معااج امج وابوج ؟
حصوه: هيه هاي امي وهاا ابووي .. 
ابو حمد: تشرفناا دكتور وين عائشة ؟
 الدكتور: تعالوا وراي ..
( وصلوا غرفة عواش وام حمد وابو حمد قعدوا برع ينتظرون حصوه ,, وحصوه دخلت الغرفة مع الدكتور ) ..
حصوه (اتشوف عواش وهي اتصيح): عواش شفتي شو صار لج مااستفدتي شي من طلعتج معاه ؟
عواش(تتكلم بصوت خفيف): حصوووه , امي تدري عني ؟
حصوه: لا وهي اتصلت علي جذي الساعة 8 والحين الساعة 9ونص واكيد تحاتيج .. ( بعد 5 دقايق رن موبايل حصوه المتصل ام عواش ) ..
حصوه: ألوووو هلا خالتي ( ماتبين لهاا ان صار حق عواش شي ) 
أم عواش: ألووو هلا حصوه .. اقوولج ادق على موبايل عواش ماترد علي وينهاا الحين عطيني اياهااا ؟
( اتنزل حصوه الموبايل على تحت وتكلم عواش ) ..
حصوه: عواش امج تبااج اقولهاا عنج ؟
عواش: هييه لين متى مابتعرف هاي امي .. 
( عطت حصوه عواش السماعة وكلمتها ) ..
أم عواش: عواش ويننج تأخرتي ؟ 
عواش(وهي تصيح): أمي انا في المستشفى ...... !
أم عواش( وهي خايفة): مستشفى شو بلاج شووووووو فيج قوليلي ؟
( عواش خبرت امهاا القصة كلها بس قصت عليها وقالتلها ان التاكسي سوا حادث وماخبرتها عن عزوز ,, على طول سكرت السماعة وبعدها بساعة وصلت عند بنتها ) ..
أم عواش: عواش بنيتي الله يأخذه التاكسي اللي سووو فيج جذي ..
الدكتور( منصدم): التاكسي ,, اي تاكسي ؟؟ كانت مع اخوهاا اعتقد ولا حد من اهلها والولد عمره 19 سنة ..
أم عواش(منصدمة): شوو عواش منووو هوو خبريني ؟
( عواش ساكتة , حصوه خبرتهاا السالفة كلهاا من الألف لين الياء ) ..
أم عواش: حسبي الله ونعم الوكيل فيج من بنت تطلعين مع واحد ماتعرفينه ولايعرفج !!
 عواش( تصيح): امي سامحيني ارجووج مااعيدهاا والله ..
أم عواش: ماتعيدينهاا بعد شووو ماصرتي مكسرة وطايحة في الفراش .. 
الدكتور: اسمحوولي وقت الزيارة انتهت تعالوا ان شاء الله بااجر ..
( قبلت ام عواش بنتها وراحوا كل واحد على بيته ) ..
( في بيت حمد ) 
( قعد حمد متأخر من النوم وراح عند مريوم وشافها راقدة على الكرسي ) 
حمد: مريوم قوومي شوو بلاج راقده على الكرسي مافي مكان ..؟
مريوم(قاعده مدوخة): حبيبي قعدت اخيراَ الساعة كم الحين ؟
حمد: الساعة 11 ،، قومي نامي فووق وانا بأكل شي يوعاان ..
 مريوم: انزين بسير بناام فووق تصبح على خير حبيبي ..
حمد: وانتي من اهله .. ( راحت مريوم غرفتها وراح حمد المطبخ يدور له شي يأكله ) ..
( سمع حمد موبايله يرن وراح رد واخته حصوه اللي متصلة ) ..
حمد: ألووو هلا حصووه ..
حصوه(صوتهاا حزين): هلا اخووي شخبارك؟
حمد: الحمدلله بخير .. شخبار امي وابوي ؟
حصوه: الحمدلله كلهم بخير .. 
حمد: تعالي حصوه تذكرت سمعتي عن الحادث اللي راحوا ضحيته ولد وبنت ؟ الولد توفى بس البنت في المستشفى ...
حصوه: حمد ماتعرف منو هاي اللي صار لهاا الحادث ؟
 حمد: ليش تعرفينهاا ؟
حصوه(وهي اتصيح): هااي عواش ..
حمد(منصدم): شوو عواااااااااااش ؟؟ منو اللي معاهاا ؟ انا اللي اعرفهاا ماعندهاا اخوان ؟؟
( حصوه خبرت حمد السالفة كلها ) 
حمد: حسبي الله ونعم الوكيل .. انزين رحتي لها المستشفى ؟
 حصوه: هييه اتصل علي الدكتور وخبرني ورحت لهاا !!
حمد: شوو صحتهاا الحين وامها درت بالخبر ؟
حصوه: هييه درت اكيد ,, صحتهاا راحية فيهاا ما اعتقد انهاا بتعيش لاحول ولاقوة الله بالله ..
حمد: لاحول ولاقوة الا بالله .. انزين انا خبرت مريوم عن سالفة الحادث بس ماتعرف انها ربيعتج عواش .. 
حصوه: حمد لاتخبرهاا الله يخليك .. 
حمد: مابخبرهاا خلاص ,, اخبرج حصووه ياويلج ان دشيتي الشات وهاي السوالف شفتي شو نهاية اللي يدخل هاا الخراب ..
حصوه: حمد اكيد مابدخل حسبي الله ونعم الوكيل على اللي اخترع شي اسمه كمبيوتر ... 
حمد: هييه والله صدقج .. انزين حصوه بخليج الحين انتي نامي وراج مدرسة بااجر .. 
حصوه: حمد كيف تباني اروح المدرسة ومااشوف اعز ربيعاتي في المدرسة ؟؟
حمد: شو قصدج ؟
حصوه: بغيب بااجر مابروح المدرسة بسير عند عواش ..
حمد: كيفج اللي تشووفينه .. يلاا سلمي على امي وابوي وقوليلهم بااجر بنيكم انا ومريوم .. 
حصوه: حياكم الله ,, انزين يلاا مع السلامة ..
حمد: مع السلامة .. 
( اليوم الثاني ) ..
( قامت حصوه من نومهاا وعلى طوول تلبست ونزلت تحت عند امها وابوها )
 حصوه: امي , ابوي وصلوني عند عواش .. 
ام حمد: حصوه اليوم مابتسيرين المدرسة ..؟
 حصوه: امي لااا مالي خلق والله ،بروح عند عواش .. أبوووي قوم وصلني عندها ..
ابو حمد: انزين بتلبس الحين وبوصلج وبرد انتي قعدي عندها يوم بتخلصين اتصلي فيني برد اشلج انزين ..
حصوه: ان شاء الله ابووي ,, صح نسيت اخبركم حمد اخووي اليوم بيي عندنا مع مريوم ..
ام حمد: حياااهم الله .. من عرفنااا عن حمل مريوم ماشفنااهاا ..
 حصوه: انزين ابووي يالله قووم ..
ابو حمد : هااج خذي المفتااح وفتحي السيارة وقعدي فيهااا واتريني .. 
حصوه: ان شاء الله ابووي ..
( راحت حصوه فتحت السيارة وقعدت فيهاا تترياا ابوهاا ونزل ابوهاا وركب السيارة ووصلها المستشفى ورد البيت ) 
( حصوه دخلت المستشفى وراحت على مكتب الدكتور بدر )
حصوه: دكتور بدر اخباارك ؟
الدكتور(وهو خايف): هلاا حصة .. انا بخير وانتي اخباارج ؟ 
حصوه: الحمدلله بخير ,, شو اخباار عواش الحين ؟
الدكتور(وهو حزين): عائشة !!
حصوه(وهي خايفة): دكتور اشفيك عواش فيهاا شي ؟
الدكتور: انتي اول وحدة تعرفين بهاا الخبر ياحصة , عائشة قعدت تصارخ من شدة ألمهاا في ظهرهاا ورحناا نقلنهاا وخذناا صورة لظهرها وبعد تأكدنا باللي شفنااه انصدمنا
عائشة تعااني شي في شرايين ظهرهاا واذا غلطناا فيه واحناا نعالجه يمكن يتسبب لهاا بالشلل في نصف جسدهااا او انهاا تمووت .. 
حصوه(وهي اتصيح): انزين دكتور شو لقيتوا حل لهاا ؟
الدكتور: الصراحة ماقدرناا نسوي شي لين ماننتظر خبير الدكاتره في عمليات الظهر وهو امريكي 
حصوه: انزين ومتى بيي هذا الدكتور ؟
الدكتور: يمكن بعد يوم او يومين ..
حصوه: شووو يوم او يومين واذا البنت ماتت وهو مالحق يعالجهاا !!؟
الدكتور: حصة الاعمار بيد الله سبحانه , واذا الله راد انها تتوفى الحين ولا باجر مب بيد الدكتور هذا يومهاا ..
حصوه: صح كلامك دكتور , الحين هي وين ؟
الدكتور: عائشة في نفس الغرفة بس تعباانة وما اعتقد انهاا بترد عليج .. روحي لهاا ..
( راحت حصوه عند عواش ) ..
حصوه: عواش فديتج والله ياليتج ماتعرفتي على هذا اللي اسمه عزوز ما استفتدي شي والله .. ياليتناا لو مادخلنا شي اسمه الدردشة ..
( وقعدت حصوه تكلم عواش ) 
( في بيت حمد )
حمد: مريوم قووومي من النوم بنروح بيت ابووي يالله قوومي تجهزي ...
مريوم: حمد مب الحين مب وقته بعدين ..
حمد: شو مب وقته الحين الساعة 10 قوومي بسسج ..
 مريوم: انزين انزين الحين بقووم ..
حمد: قولي حق سونياا ماتسوي غداء بنسير بيت ابوي بنتغدى ..
مريوم: انزين الحين بنزل بقولها ..
( حمد نزل يتفطر وقامت مريوم من نومهاا وتتجهز علشان تروح بيت عمهاا ) 
( في بيت ابو حمد ) 
ابو حمد: اقوول ام حمد شخباااره حمد مااتصل فيج ؟
ام حمد: ماسمعت شو قالت حصوه اليوم بيون عندنا بس ماعرف اي وقت صبر خلني ادق عليه ..!
( ام حمد تتصل في ولدهاا حمد ) 
ام حمد: هلاا بولدي حمد شحالك وشحال زوجتك ؟
حمد: هلا امي انا بخير و زوجتي بعد بخير ..
ام حمد: يا ولدي سمعت ان حصوه قالت انكم بتون عندنا اليوم ؟
حمد: هييه امي بني عندكم بنتغدى ..
ام حمد: حياكم الله .. متى بتطلعون من البيت ؟
حمد: جذي على الساعة 12 بعد ساعتين ..
 ام حمد: انزين ياولدي حيااكم الله ...
حمد: امي وين حصوه ؟
ام حمد: حصوه في المستشفى عند ربيعتهاا ..
حمد: هييه انزين امي خلاص انا بيكم الساعة 12 ان شاء الله ..
ام حمد: انزين ياولدي مع السلامة ..
حمد: مع السلامة ..
( وبعد ماسكرت عن ولدهاا )
ابو حمد: هاا شوو قال ؟
ام حمد: ماشي يقوول ان بيي عندناا الساعة 12 مع زووجته ..
 ابو حمد: حياااهم الله ..
( في المستشفى ) 
( فجأة بعد الكلام الطوويل مع عواش شافت حصوه عواش تصرخ بصوت عالي وتقول ظهري يعورني )
حصوه(اتصرخ بصوت عالي): دكتووور تعال شوفهاا ..
الدكتور: عائشة خلاص بس انتظري احناا مانقدر نسوي لج شي الا نعطيج المخدر .. ( وعطوهاا المخدر ونامت نوومة عميقة ) ..
الدكتور: خلاص حصة رجعي بيتكم ماتقدرين تكلمينهاا الحين بتنااام تقريباَ لمدة طوويلة رووحي بيتكم ومري عليهاا بعدين ..
حصوه(وهي اتصيح): انزين دكتور بتصل على ابووي علشان يشلني ..
( راحت حصوه غرفة انتظار السيارات واتصلت على ابوهاا ايي يشلهاا وبعدهاا بـنصف ساعة وصل وشلهاا ورجعوا البيت ) ..
ام حمد: هلا بحصووه ,, شخباارهااا عواش الحين احسسن ؟
ابو حمد: هييه قوليلنا شخباارهاا ان شاء الله تحسنت حالتهاا ؟
حصووه: حالتهاا وايد خطرة وما اعتقد انهاا بتعيش ( وخبرتهم السالفة كلهاا ) ..
ام حمد: لاحول ولاقوة الا بالله .. 
ابو حمد: انزين ام عائشة تعرف عن بنتهاا ؟
حصوه: لا ماتعرف اكيد .. بروح لهاا البيت بعدين وبقولهاا علشان ماتنصدم .., اقوول امي حمد مابيي ؟
ام حمد: هييه اتصلت عليه وبعد ساعة بيوصلون عندنا وبيتغدون عندناا بعد ..
حصوه: زين والله ,, انا بروح غرفتي برتاااح ..
ام حمد: انزين رووحي ويوم بيوصل اخووج بنااديج ..
حصوه: انزين امي ..
( صعدت حصوه غرفتهاا وقعدوا ام حمد وابو حمد يسولفون ) ..
( الساعة 12) ..
( بيت حمد ) 
 حمد: مريوم جاهزة ولا بعدج ؟
مريوم: هييه جهزت ..
حمد: اترياااج في السيارة ..
مريوم: انزين ..
( ركب حمد السيارة وانتظر مريوم وبعد 5 دقايق ركبت السيارة وراحوا على بيت ابوو حمد ,, ووصلوا )
( في بيت ابو حمد )
( سمعوا جرس الباب )
ام حمد(اتصرخ على ميري): ميري روحي فتحي الباب ..
ميري: انزين ماما .. 
( فتحت ميري الباب ودخلوا حمد و زوجته البيت ) 
ابو حمد: هلا هلا والله باللي ووصل ..
حمد: هلا ابووي ,, هلا امي ..
 ام حمد: مريوم ووينج ماشفنااج من حملتي ..
مريوم: سمحيلي عمتي كنت تعبانة وياا حمالي يالله اتحرك .. صايرة مثل الفقمه .. ههههههههههه ..
ام حمد: حياكم الله يلسوا خلوناا نحط لكم الغداء ... ميري حطي الغداء يالله ..
ميري: انزين ماما ..
( وحطت ميري الغداء وقعدوا كلهم يتغدون )
مريوم: عيل وين حصوه ماشوفهاا ؟
ام حمد: تعبااانة من سالفة ربيعتهاا مسووية حادث وطايحة في المستشفى ...
مريوم: حاادث حليلهاا والله الله يشفيهاا ان شااء الله ..
ام حمد: امين , ميري رووحي نادي حصووه قوليلها حطيناا الغداء وقاعدين نتغدى ..!
ميري: اووكي ماما ..
( صعدت ميري فووق وراحت اتنادي حصوووه وشافت حصووه نايمة ورجعت تحت )
ميري: ماما حصة نوم ..
ام حمد: خلاص خليهاا تناام اكيد تعبانة .. الا قوليلي مريوم اي شهر الحين انتي ؟
مريوم: الشهر السادس .. 
ام حمد: انزين ماشفتي ولد ولا بنت ؟
مريوم: لاماشفت حبيتهاا مفأجاة تكوون ..
( قعدوا حمد ومريوم يسولفون مع ام حمد وابو حمد لين العصر )
( الساعة 5 العصر ) 
حمد: امي روحي شووفي حصوه معقولة لين الحين نايمة ..؟
ام حمد: خلهاا نايمة اكيد تعبااانة ..
حمد: امي بشووفها على الاقل اتطمن عليهاا ..
( صعد حمد غرفة حصووه وقعدهاا من نومهاا )
 حصوه: حمد اشفيك ؟
حمد: بسم الله انتي اشفيج نايمة لين الحين ؟
حصوه: ليش لين الحين شو تقصد ؟
حمد: انا ياي اهني الساعة 12 ولقيتج نايمة لين الحين الساعة 5 العصر ..
( قامت حصوه ونقزت من فراشهاا )
حمد: بسم الله شووو فيج خوفتيني ..
 حصوه: لازم اروح بيت ام عواش واخبر امهاا عن عواش ..
حمد: عواش !!؟؟ شو فيهاا ماتعرف انها في المستشفى ؟
حصوه: لا اقصد اللي شي ثاني اكتشفوا فيهاا ؟
حمد: شو تقصدين بسم الله ؟
( حصوه خبرت حمد السالفة كلهاا ) 
حمد: يالله كله هذا فيه بس لانهاا طلعت مع واحد ماتعرفه لاحول ولاقوة الا بالله ..
حصوه: الله يشفيهاا بس ,, انزين اخووي اطلع شووي خلني ابدل وبنزل لكم ..
حمد: هههههههههههه اشكرة طردة .. انزين يالله ..
( حمد نزل تحت وقعدت حصوه تتلبس ونزلت تحت )
ام حمد: حصووه هالكثر ينامون , وماتغديتي بعد ..
حصوه: امي شو اسوي بعد .. اووه هلاا ببنت عمي مريوم شحالج يا الغالية ؟
مريوم: هلا هلا بالدوبة حصووه انا بخير انتي شحالج ؟
حصوه: الحمدلله بخير .. شخباار حمالج واي شهر الحين ؟
مريوم: زينة الحمدلله انا في الشهر السادس ..
حصوه: يالله الله يسهل عليج الولادة وتقومين انتي والبيبي بخير ..
مريوم: امين يارب ..
( وتلتفت حصوه على ابوهاا ) 
حصوه: ابووي الله يخليك وصلني بيت ام عواش ؟
 ابو حمد: ليش ؟ شو صاير بعد ؟
حصوه: بقولك في السيارة يالله ابووي ..
( وقام بو حمد ووصل حصوه بيت ام عواش ,, وقبل لاتنزل حصوه من السيارة )
حصوه: ابووي مابغيت اتكلم جدام مريوم عن سالفة عواش .. انا الحين ياية اخبر ام عواش عن بنتهاا بس مابطول بس بقولهاا كل شي وانت ابووي اترياني اهني انزين ..
ابو حمد: انزين يابنيتي لاتطوولين هاا ..
( نزلت حصوه ودخلت بيت ام عواش وتدور عليها )
حصوه: ام عائشة وووينج ؟
( محد يرد صار لهاا نصف ساعة اتدور عليهاا محد )
حصوووه(تكلم نفسهاا): اكيد في غرفتهاا بشووفها .. ( ودخلت حصوه غرفة ام عواش ولقت المفأجاة الغير مفرحة لقت ام عواش منتحرة وكاتبة رسالة كلها حزن ,, حصوه من الخوف
اغمى عليهاا ..) ( ومرت ساعة كاملة وشاف ابو حمد ان بنته تأخرت ودخل البيت يدور على بنته ) ..
ابو حمد(يصارخ ): حصوووووه وووينج ؟ خلني اشووفها في غرفة ام عائشة .. 
( بعد مادخل شاف الصدمة المخيفة بنته مغمى عليها وام عائشة منتحرة .. اتصل على الشرطة وحلت المشكلة ونقلت حصووه للمستشفى نفسه اللي فيه عواش )
( مريوم وحمد وابو حمد وام حمد قاعدين عند حصوه بعد ساعتين من اغمأهااا قامت حصووه )
حصوه: انا ووين ردوا علي ؟؟ منو اهني ؟؟ منو انتوا ؟
حمد: بسم الله اختي اشفيج انا اخووج حمد ..!
حصوه: حمد منوو انا ماعندي اخوان ..
ام حمد ( اتصيح ): فديتج يابنتي شكلج تعبانة ناامي ..
( دخل الدكتور بدر عليهم وهو يشوف العائلة المسكينة اتصيح ) ..
ابو حمد(يصيح): دكتور اشفيها بنتي رد علي الله يخليك ؟
الدكتور( وهو حزين ): بنتكم خرفت من شدة الصدمة ..
( قعدوااا يصيحون كلهم ) .. 
حمد: اختي خلاص خرفت فديت اختي الغالية وانا من لي غيرهاا ..
 الدكتور: اسمحوولي بس حصة بننقلها لمستشفى المجانين ..
ابو حمد: لاحول ولاقوة الا بالله ..
ام حمد: دكتور ماله علاج انزين ..
الدكتور: اكيد ماله علاج , ولازم توقعون على هاي الورقة علشان يتم نقلهاا من عندنا لمستشفى المجانين ..
ام حمد: وقع ابو حمد شو نسووي بعد ..
ابو حمد: ياالله اشفي بنتي من اللي فيهاا ..
( وقع ابو حمد على الورقة ونقلت حصوه لمستشفى المجانين )
( بعد مرور 4 اشهر ) 
( ولدت مريوم بفتاااة جميلة جداَ )
 حمد: فديت بنتي الغالية والله ..
مريوم: شو نسميهاا علايه مثل مااتفقناا ..؟
حمد: لا غيرت الاسم لأسم حصه على اسم اختي الغالية ..
مريوم: فديتهاا والله حصووه حليووه تشبه اختك ..
( عاشوا ام حمد وابو حمد وحمد ومريوم في حالة حزن وفرح واما عواش فتوفيت بعد شهر من عملية ظهرهاا بسبب تعبهاا وارهاقهاا وحصووه الى الان في مستشفى المجانين بسبب صدمتهاا 
لرؤية ام عائشة متدلية من رقبتهاا والدم ينزف بشدة ) ..
التقييم : 5.00
التعليقات : ( 0 )
عفوا لا يوجد تعليقات
الاسم
اضف تعليق
عودة »»
فى حالة وجود اى مشكلة فى اى صفحة او رابط الرجاء مرسلتنا