المساعد الشخصي الرقمي

مشاهدة النسخة كاملة : فــدوة مواطـــيك



عادل بوبدر
11-09-2011, 05:49 PM
قديمة حييييييييييل.....مالت أول

بسم الله أبدأ
::::
ياهاجس الأشعار ماني مخليك
حتى تعبر كلما احس فيّه

القلب ما يرتاح حتى يغنيك
ويردد الأمثال صبح وعشيّه

واليوم عبّر عني الله يخليك
دام المشاعر بين الأضلاع حيّه

وأصدق شعور إنسان ماهوب خافيك
في الأم كل الشعر والله شويّه

يمّه ماغير الله وحده يجــازيك
مهما عطينا ما نجازي العطيّه

يمّه تموت حروف شعري ما توفيك
تعجز جميع حروفه الأبجديّه

يمّه أنا والشعر فدوة مواطيك
نزفي ودمّي والعروق النديّه

ياما سهرتِ والسهر كان يضنيك
بس المهم أرتاح نومه هنيّه

وياما دعيتِ الله أحقق أمانيك
وأجيب لك أغلى شهادة هديّه

صحيح أميّه ولكن راضيك
أميّه وتسوى كذا جامعيّه

أنتِ منار العلم والله محليك
في عيني أحلى من جميع البريّه

يمه ولا أحد في البرايا يحاليك
أنتِ وبس الله يخليك ليّه

مهما حصل مانيب والله ناسيك
برّك وشكرك فرض واجب عليّه

والقلب ما يرتاح حتى يناجيك
ويردد الأشعار صبح وعشيّه

بقلم-عادل بوبدر

بنوووووته
12-09-2011, 05:38 PM
قديمه بتاريخها ...


جديدة .. ف كل حالاتها ...



ماعرفت وين اقتبس .. احتر




في الأم كل الشعر والله شويّه

يمّه ماغير الله وحده يجــازيك
مهما عطينا ما نجازي العطيّه

يمّه تموت حروف شعري ما توفيك
تعجز جميع حروفه الأبجديّه

يمّه أنا والشعر فدوة مواطيك
نزفي ودمّي والعروق النديّه



مهما وعطينا مانجازيها العطيه ..
الله يخليلنا امهاتنا يارب ..

صح لسانك ولاهان وزان ...


تسلم ع القصيد الراقي لاهنت

عــيـ دبـي ــون
12-09-2011, 10:37 PM
يمّه أنا والشعر فدوة مواطيك
نزفي ودمّي والعروق النديّه

ياما سهرتِ والسهر كان يضنيك
بس المهم أرتاح نومه هنيّه


صح لسانك شاعرنا على هالابيات الرائعه

والله يخلي امهاتنا واللي فقد امه تراها عند رب العالمين والله يرحمهم

تذكار
13-09-2011, 12:59 AM
صح لسانك

والله يخلي امهات الجميع

دمت كما تشاء

همس
13-09-2011, 05:54 AM
صح لسانك وعلا شانك بالشاعر ع هالقصيدة الغاوية ..

الله يحفظ ويحلي جميع امهاتكم وامهات المسلمين ..

سلمت يمناك .. لا تحرمنا من إبداع المميز ..

عادل بوبدر
13-09-2011, 08:31 PM
قديمه بتاريخها ...


جديدة .. ف كل حالاتها ...



ماعرفت وين اقتبس .. احتر







مهما وعطينا مانجازيها العطيه ..
الله يخليلنا امهاتنا يارب ..

صح لسانك ولاهان وزان ...


تسلم ع القصيد الراقي لاهنت


صح بدنك تسلمي
اشكر مرورك العطر

عادل

الحر الأشقر
16-09-2011, 10:30 AM
استنشقنا الجمال هنا


صح لسانك اخوي على هذه القصيدة الجميلــة

والله يرحم ويحفظ امهاتنا والأم رحمـة وان ماتت تذهب الرحمه معاها ويشيب الولد بعد وفاة امة مباشرة

دمت بود