المساعد الشخصي الرقمي

مشاهدة النسخة كاملة : مما سمعته من امي



عادل بوبدر
11-09-2011, 06:01 PM
لا أعلم أين ينشر هذا الطرح لان فيه تراث ومنقول
فأرتئيت ان انسب قسم هو منتدى القصص
لكن المشرفين فيهم الخير والبركة وهم أدرى بالمكان المناسب

امثلة كثيرة سمعتها من امي وعبارات حلوة جدا
وهي من تراث الخليج انقلها لكم

تقول امي ان عندنا مقولة خليجية
أقرب لأن تكون مثلا من أن تكون حكمة تقول:
قال عندك تاكل قال "لا"
قال عندك تغرم قال " ايه"

وحكمة خليجية اخري تقول

وش لك بالبحر وأهواله
ورزق الله على السيف


سمعت الوالدة الله يحفظها مرة تقول

"عافوك ياقلب المحبين عافوك
وتبدلوا في شف غيرك وخلوك"

وقالت مثل خليجي فيه حكمة

طب الريال طب هين
أكل لذيذ وكلام لين

والان اتمنى على احدكم ان يجاوب هذا اللغز

من الذي يقول

" يايمه لا تبجين علي حتى
تشوفي عظامتي على السيف"

انتظر جوابا من احدكم

اخوكم -عادل بوبدر

تذكار
13-09-2011, 12:55 AM
حكم ومقولات جميله

ماعرفت الحل

انتظر الاعضاء يجاوبون

يعطيك العافيه

عادل بوبدر
13-09-2011, 08:29 PM
حكم ومقولات جميله

ماعرفت الحل

انتظر الاعضاء يجاوبون

يعطيك العافيه


الاجمل مرورك سيدتي
وسننتظر الاخرين لعل الجواب عندهم
وانا اعتقد انه عندهم خاصة أهل الخليج العربي

عادل

بنوووووته
14-09-2011, 04:13 AM
تسلم يمناك ع الموضوع الرائع ..
وانا بعد ماعرفت ...





يعطيك العافيه

عادل بوبدر
17-09-2011, 08:07 PM
الرائعة تذكـــــار

أنا اعتذر لك سيدتي فلربما خانني التعبير
فأنت وأنا من دار ابو متعب وبالتالي نحن من الخليج العربي

ما قصدته ان هناك امثلة ومقولات مصدرها لربما البحرين او الامارات او قطر وبالتالي لربما هم اعلم منا في امثالهم

ومع ذلك انت على حق فأنت وانا من الخليج العربي
فنحن من دار ابو متعب ملك الانسانية

اعتذر وارجو قبول اعتذاري

عادل

nice life
17-09-2011, 11:52 PM
عآدل

آطآل آلله بعمر وآلدتك




ولكن آللعز لم آعرف آلسيف ولكن هل آلسيف آلمقصود به آلبحر آو آلخليج آو مآشآبه..!!

عل مآيبدو آن آلآمثله شرقآويه:)


دمت بخير..

تذكار
18-09-2011, 04:30 AM
اعتذراك على راسي اخوي
وانت اخوي وغالي
ماكان يحتاج الاعتذار
وبصراحه احرجتني باسلوبك الراقي

اكرر اسفي ..

عادل بوبدر
20-09-2011, 08:50 AM
أحبتي

هذه المقولة
" يايمه لا تبجين علي حتى
تشوفي عظامتي على السيف"

هي مقولة شعبية قالها أهل البحر في سمكة الهامور
هذه السمكة فيها من البأس والقوة انها لاتموت بسرعة
عندما تصطاد وتخرج من البحر
تظل الحياة فيها لمدة طويلة

شكرا لكم جميعا

والان مثل اخر جديد يقول

" لا توقظ اللوه"

فهل هناك من يعرف تفسير هذا المثل

انتظر تفاعلكم

تذكار
20-09-2011, 01:53 PM
ماشاء الله عليك ياخوي عادل كنز من الامثال
.
دورت عنها في النت بس مالقيت معناها
بس ممكن حاولت افهم المعني .. بس ماادري اذا صح او غلط


شخص يكون غافل عن شي وانت تنبهه

عادل بوبدر
20-09-2011, 01:59 PM
ماشاء الله عليك ياخوي عادل كنز من الامثال
.
دورت عنها في النت بس مالقيت معناها
بس ممكن حاولت افهم المعني .. بس ماادري اذا صح او غلط


شخص يكون غافل عن شي وانت تنبهه


رائع انت اقرب للحل
يحتاج فقط تفسير المفردات والتوسع في الطرح نوعا ما

عادل

nice life
03-10-2011, 12:15 AM
آخي عآآدل


آعذرني...


لآزلت آتسآل مآمعنى آلسيف..!!

عادل بوبدر
03-10-2011, 04:51 PM
آخي عآآدل


آعذرني...


لآزلت آتسآل مآمعنى آلسيف..!!



أنا اسف ان تاخرت في الرد
الخطأ كان خطئي
السيِف هو شاطئ البحر

عادل بوبدر
03-10-2011, 11:45 PM
ماشاء الله عليك ياخوي عادل كنز من الامثال
.
دورت عنها في النت بس مالقيت معناها
بس ممكن حاولت افهم المعني .. بس ماادري اذا صح او غلط


شخص يكون غافل عن شي وانت تنبهه


تذكار
وجودك شرفني

لا توقظ اللوه
اللوه يا احبتي هو طائر بحري وللاسف
هذا الطائر يحمل كثير من الحشرات المنتشره في جسده
وعادة تجده يكثر على الجزر الصغيرة التي هي
متناثرة في الخليج العربي وتسمى "فشت"

في القديم كانت السفن تعبر بمحاذاة تلك الجزر
وكان النوخذة يوصي البحارة ان تمر السفينة بهدوء
حتى لا تطير تلك الطيور فتنثر حشراتها على البحارة
الذين هم في السفينة فقيل المثل " لاتوقظ اللوه"
بمعنى لنمر بهدوء وطائر اللوه نائم

وهذا مثل يقال عندما لا نريد ان نذكر في حوارنا
موضوعا قد يشعل الشجار او الخلاف
او عندما لا نريد الاخرين ان ينتبهوا لامر ما
فنقول لا توقظ اللوه اي لا تفتح السيرة والحديث في هذا الامر

كم اثلج صدري تواجدكم ومروركم

اصعب الكلام
04-10-2011, 12:09 AM
الله يحفظ امك ويخليها لك

وصح لسانها واعتذر مالي بالالغاز كثير :blush-anim-cl:

يعطيك العافيه

عادل بوبدر
04-10-2011, 01:30 AM
الله يحفظ امك ويخليها لك

وصح لسانها واعتذر مالي بالالغاز كثير :blush-anim-cl:

يعطيك العافيه


اصعب الكلام
وجودك هو المكسب
عطرتي صفحتي وكلي فرح بذلك

شكرا

عادل

عادل بوبدر
04-10-2011, 01:47 AM
مما حدث اليوم بيني وبين امي

اليوم تناقشت مع الوالدة في موضوع وكنت استأنس
برأيها في امر ما فمن جملة ماقالته هذا المثل
" يا بوك من أدعى نفسه سبوس لعبت فيه الدياي"

هل سمع احدكم هذا المثل؟

عادل بوبدر
07-10-2011, 03:05 AM
الليلة كنت مع الوالدة
سالفنا دردشنا في امور كثيرة

قلت لها يمه ابوي غيص ولا سيب

قالت ابوك غيص وعمك سيب
وفجاة بدون اي محفزات مني قالت امي

عافني الخلان والصاحب بعد ملني
واتكدرت عيشتي من يوم زادي هني

الله يرحم أبوك

قلت وش السالفة يمه
قالت يابوك مافي سالفة ولا شي
خلاص خلني بروح اصلي وقوم انت صل صلاتك

بس هذه سالفة الليلة مع امي
سيب/غيص/ وبيت شعر

احد يعرف السالفة ياجماعة؟

nice life
08-10-2011, 08:49 PM
عآآدل آطآل آلله بعمر وآلدتك

آنآ ووآلدتي نقلب كلمآتك ولكن يبدوآ لهجتكم بعيدة عن لهجتنآ :)



عيص هل بمعنى وآصل آو ثآبت ومتزن وعلى خلآفه عمك:) ..

عادل بوبدر
09-10-2011, 04:10 PM
عآآدل آطآل آلله بعمر وآلدتك

آنآ ووآلدتي نقلب كلمآتك ولكن يبدوآ لهجتكم بعيدة عن لهجتنآ :)



عيص هل بمعنى وآصل آو ثآبت ومتزن وعلى خلآفه عمك:) ..


لا سيدتي
ليست لغتنا مختلفة ولا شي
كلانا سعوديين وانا بدوي وافتخر اني بدوي
لكن انا انقل لغة اهل البحر من باب العلم بالشي
ولأننا استوطنا الساحل( اقصد اجدادنا) فطبيعي نتعلم لغة اهل البحر
والغيص هو من يغوص ليخرج اللؤلؤ من البحر
والسيب هو الشخص الذي يسحب الغيص من البحر بالحبل عندما يطلب الغيص منه ذلك
لنفاذ الاكسجين حيث لم يكونوا في الماضي يستخدموا ادوات الغوص الحديثة

اتمنى ان تكون قد وصلت الفكرة سيدتي
طبتِ وطاب يومك

عادل

nice life
09-10-2011, 06:37 PM
عآآدل..


آعتذر لك لسوآء آلفهم .. مآآردت قوله آنآ لهجآتنآ مختلفه فقط


ورآئع آن تكسب لهجة آهل آلبحر لآنهآ رمز آلبحآر وشفرة آلمحآر


كوننآ نقطن في تلك آلهضبه بعيده تلك آلهجة عنآ وليست آللغه:)


ليست آلعبره بدوله وآحده آنمآ وآجهة يتميز بهآ آهلهآ بلهجة معينه .

عادل بوبدر
09-10-2011, 07:11 PM
عآآدل..


آعتذر لك لسوآء آلفهم .. مآآردت قوله آنآ لهجآتنآ مختلفه فقط


ورآئع آن تكسب لهجة آهل آلبحر لآنهآ رمز آلبحآر وشفرة آلمحآر


كوننآ نقطن في تلك آلهضبه بعيده تلك آلهجة عنآ وليست آللغه:)


ليست آلعبره بدوله وآحده آنمآ وآجهة يتميز بهآ آهلهآ بلهجة معينه .


بالعكس انا الذي يتاسف
لان كلامك صحيح ودقيق
لهجتنا تختلف لا لغتنا
فلغتنا تظل لغة الضاد

شكرا لك

عادل

كتبيه محبوبه
10-10-2011, 10:14 AM
الله يطووول بعمر الوالده يااااربي والله
يعطييييك العاااافييه ياااا شاااعرنااا على
هالامثااااال الحلووووه اصرااااحه في امثااااال
عرفت معناااهااا وامثال ماعرفتهاا :S_011:
هههههه تسسسلم اخووووي وربي يسلمك

عادل بوبدر
11-10-2011, 06:14 PM
الله يطووول بعمر الوالده يااااربي والله
يعطييييك العاااافييه ياااا شاااعرنااا على
هالامثااااال الحلووووه اصرااااحه في امثااااال
عرفت معناااهااا وامثال ماعرفتهاا :S_011:
هههههه تسسسلم اخووووي وربي يسلمك


هلا وغلا ياأختي كتبيه محبوبه
شكرا للمرور

عادل

عادل بوبدر
01-11-2011, 11:56 AM
قالت امي يوما ما وانا عندها اتقهوى
الله على ايامك ياعبدالرحمن لما قلت

"«الله يا زمان ربعة الشعري بثمان!!!»
سؤالي ماهي الربعة احبتي؟

وسألت امي حينها هل أصطدت السمك
قالت كيف اكيد وقالت بالعامية " صدته في الحضرة"

ماهي الحضرة؟

يالله عاد شدوا حيلكم

عادل بوبدر
01-11-2011, 03:41 PM
عاد في هذه ياجماعة تحملوني

الوالدة البارحة كلمتها في التلفون
وقالت ها يابوك ماتركت الشعر
قلت وبصوت مستحي ومنخفض لا يمه

قالت
القطو العود مايتربى

قلت: يمه عسى ماشر
ليه تقولي لي هالكلام

قالت عودت لسالفة الشعر
وقالت: ياولدي انت ماتسمع الكلام
الف مرة وانا اقول لك اترك الشعر ...اترك الشعر...اترك الشعر
قلت لك يدعو للنفاق ويجلب العداوة من الناس والبغضاء والكره

وبعدين تكتبه عشان من
قلت اكتبه لك ولنفسي اقلها

قالت عن نفسي انا لا تكتب عشاني
برضاي عليك ياولدي
برضاي عليك ياولدي
برضاي عليك ياولدي

اتركه

وانا الان بين نارين ومحتار
ارضاء امي اولى اكيد
ولكن الشعر نوعا ما القى فيه نفسي

اقلها الان وافقت الوالدة ان استمر شاعرا بضعة من الشهور وبعدها خلاص اوقف
يسمونها بالانجليزي

Grace period

يمكن هالموضوع مايعني احد
لكن ودي اسمع رايكم
وان كان الامر واضح ومايبي له خيارات
لكن مايمنع ان استأنس بارائكم

نسيت اقول لكم ان قبل لا تقفل الخط قالت امي خلنا من الشعر الحين
وخذ هاللغز وحاول تحله بس لاتروح لي لخويكم هذا اللي مدري وش اسمه جوجل مدري قوقل

أنشدك عن بنت صافحت كف يسراك
وان صافحت يمناك عيب وخطيه

وقفلت الخط الوالدة

هل احد يعرف الحل بس بدون الرجوع لقوقل مثل ماطلبت الوالدة
شكرا لمن مر هاهنا وقرأ

Pretty_girl
01-11-2011, 04:46 PM
اول شي الله يخلي الوالدة ويحفظها ويعطيها العافية يارب

.. ثانيا.. الله يعينك :)

وبالعودة إلى اللغز ،،، أظن الجواب هو

الدلة

شكرًا لك ،*

عادل بوبدر
02-11-2011, 08:45 AM
اول شي الله يخلي الوالدة ويحفظها ويعطيها العافية يارب

.. ثانيا.. الله يعينك :)

وبالعودة إلى اللغز ،،، أظن الجواب هو

الدلة

شكرًا لك ،*

ا
اولا شكراً لمرورك المعطر

ثانيا خلينا نصبر يمكن الاخوان يتفاعلون مع اللغز

ثالثا: ماجاوبتيني عن الربعة والحضرة

دمتِ بود سيدتي

عادل

عادل بوبدر
12-11-2011, 11:40 PM
اول شي الله يخلي الوالدة ويحفظها ويعطيها العافية يارب

.. ثانيا.. الله يعينك :)

وبالعودة إلى اللغز ،،، أظن الجواب هو

الدلة

شكرًا لك ،*


اسف يالغالية ان تأخرت
نعم اصبت الجواب هو الدلة

شكرا سيدتي لتفاعلك

عادل

عادل بوبدر
12-12-2011, 04:37 PM
حزاوي اخوي محمد الشامسي عجبتني
وايد حلوة وفيها من تراثنا الكثير
رائع يامحمد...
ابي اشارك بهذه القصة مع امي

كنت يوما ما اعمل في المنطقة الغربية من السعودية مدير بالانابة
محل احد الاخوان
اتتني الوالدة طول الله في عمرها زيارة في عطلة احد الاسابيع

فكرت ماذا اقدم لها غداء فاخرا
وفكرت وفكرت وفكرت فأرتئيت ان اقدم لها سمكا مقليا
يعملونه هناك بطريقة روعة جدا وحلوة انا اكلته واصبحت مدمن عليه
فسالت ادارة المطعم ماذا تقترحون اقدمه للوالدة
فاقترحوا سمك الحريد مقليا
والحق انا جربته ذاك النوع من السمك وكان لذيذا وهو مقليا
فطلبته وقلت لهم جهزوه تجهيز خاص وعند الساعة الثانية احضروه

الوالدة كانت فرحة بقدومها عندي لسبيين اولا لانها اشتاقت لي
وثانيا لأنها تحب تسالف معي وتحب معاياتي(كلمة اسالوا اهل البحرين عن معناها)

المهم كانت فرحة تضحك وتتطنز وتقول امثال وحكم
واتى الغداء قفلت لها اتى الغداء يمه وجبت لك غداء بتاكلين اصابعك وراها مثل مايقولون اهل الحجاز
قالت نجبه(وهي كلمة بحرينية اخرى) وخلنا نشوف اللي في الماعون يطلعه الملاس( هرج خليجي)

جبت الحريد وحطيته قدامها واذا بتلك الضاحكة المستبشرة خيرا انقلبت علي انسانة حزينة زعلانة وغضبة
قلت لها يمه وش فيك سمي بالرحمن وتغدي
ولم ترد علي قلت يمه شفيك انقلبتي هل زعلتك في شي

قالت بنبرة حادة
هذا قدري عندك......اييك كل هالمسافة وهذا قدري
قلت وش صار يمه مافهمت

قالت قدري تقدم لي اخس السمج( السمك)
هذا قدرك انت مو انا
اكله بروحك

ياترى يا احبتي وش زعل الوالدة مني؟
وهنا اقف لأنتظر رايكم؟

لماذا زعلت الوالدة؟

مودتي للجميع

nice life
12-12-2011, 08:29 PM
عآآدل ..

بدآية مسآءك آلله بآلخير ,ولـي وآلدتك بآلمسرآت ...

ثآآني آحسدك مآشآء آلله على آلثروه آللغويه آلمتوآرثه من وآلدتك ,


وهآ آنآ آستمتع بقرآءة هذآ ,,

ي ترى كنت آعتقد آن غضب آلوآلده سببه آن آلآكل من برآ ولكن تآكدت آخيرآ آنه بسبب آلسمك لكن بآلضبط لمآ آنآ في حيره :)


هل نوعية آلسمك آم لمآ هو مقلي ..


ثم آني آشكرك لتلبية هذآ .. وم يآآمرك عدو ولآظآلم

Pretty_girl
12-12-2011, 09:05 PM
اللي زعلها انك مقدم لها اخس انواع السمج! واساساً هالسمكه مو مشهورة وايد
ههه الله يحفظها يارب
امم اتوقع الاسباب ترجع للعادات والتقاليد فالنهاية :)

*والاجابة عندك وننتظرها

عادل بوبدر
13-12-2011, 10:27 AM
عآآدل ..

بدآية مسآءك آلله بآلخير ,ولـي وآلدتك بآلمسرآت ...

ثآآني آحسدك مآشآء آلله على آلثروه آللغويه آلمتوآرثه من وآلدتك ,


وهآ آنآ آستمتع بقرآءة هذآ ,,

ي ترى كنت آعتقد آن غضب آلوآلده سببه آن آلآكل من برآ ولكن تآكدت آخيرآ آنه بسبب آلسمك لكن بآلضبط لمآ آنآ في حيره :)


هل نوعية آلسمك آم لمآ هو مقلي ..


ثم آني آشكرك لتلبية هذآ .. وم يآآمرك عدو ولآظآلم




اولا
انت طلباتك أوامر

كم Nice Life عندنا

انت تامر وحنا انطامر

المشكلة......اقولها لك بعدين ياغالية

عادل بوبدر
13-12-2011, 10:39 AM
اللي زعلها انك مقدم لها اخس انواع السمج! واساساً هالسمكه مو مشهورة وايد
ههه الله يحفظها يارب
امم اتوقع الاسباب ترجع للعادات والتقاليد فالنهاية :)

*والاجابة عندك وننتظرها


ياسيدتي
هذه السمكة عند اهل الحجاز اسمها حريد
وعندنا في الخليج يسمونها القين
وشكلها شبيهه للبغبغاء
واهل الحجاز يعزونها حيل ويحبونها
واحنا اذا صادوها البحارة عندنا قطوها ثاني للبحر...مايبونها
ماسمعت البحار اللي يقول القين اخس السمك....قطه بحر
واللي مزعل الوالدة انني عزمتها على القين
وحست انني اهنتها بهالسمك رغم انه لذيذ ومذاقه حلو
ولكن لانها راعية بحر وكلي فخر بذلك ازعلت مني امي

للمعلومة انا لما سويت الحريد طلبت من المطبخ يسوي لنا هامور
والوالدة ماتدري ولاني اعرف ان الوالدة بتزعل عملت طبق اخر هامور
وافيدكم ان بعد زعل الوالدة قلت لها وش يرضيك
ماردت علي وكانت زعلانة حيل
قلت يرضيك هالهامور يا يمه
ضحكت وقالت شيطان ياعدول
اثرك مجهز لي شيخ السمك
قلت يمه اولا انت امي واغلى ماعندي وثانيا اعرفك لو زعلتك بتهجيني بكم بيت وبتيبين راسي الارض وانا ما اقدر ارد عليك لجزالتك
وثالثا انا وليدك راعي بحر اعرف اخس السمك وشيخ السمك

وسلامتكم يالربع

عادل بوبدر
02-01-2012, 03:46 AM
مثل قالته أمي اليوم لي
أتحدى اخواتي واخواني يقولون

مامعناه ومتى يقال

لكن بشرط عدم الرجوع للاخ قوقل

تقول الوالدة
" الشيص في الغبه حلو"

بس امانة تجاوبون سيده مو تروحون قوقل او غيره

الميدان ياحميدان

Pretty_girl
02-01-2012, 03:59 AM
فيني فضول اعرف المعنى
بما اني ماعندي الخبره الكافية في المصطلحاات العامية، ولا الثقافة العامه P;
بحاول أسأل الأهل بكرى بإذن الله
واذا لقيت الجواب بخبرك :)

عادل بوبدر
02-01-2012, 12:41 PM
فيني فضول اعرف المعنى
بما اني ماعندي الخبره الكافية في المصطلحاات العامية، ولا الثقافة العامه P;
بحاول أسأل الأهل بكرى بإذن الله
واذا لقيت الجواب بخبرك :)


هلا وغلا يالطيبة
انتظرك سيدتي
لا تتاخرين

Pretty_girl
02-01-2012, 02:01 PM
للأسف الشدييد ،، ماعرفته أمي
وكل حد فالدوام
اتوقع شي يخصه فالبحر ،،، صح؟!

عادل بوبدر
02-01-2012, 03:10 PM
للأسف الشدييد ،، ماعرفته أمي
وكل حد فالدوام
اتوقع شي يخصه فالبحر ،،، صح؟!


حاولي عزيزتي
سانتظرك انا هنا

اقتراح:استشيري محمد الشامسي
اكيد عنده الحل
انا في انتظارك

Pretty_girl
02-01-2012, 10:17 PM
أفا عليك .. مايحتاج استشير حد من المنتدى ؛)

الجواب عندي يبته ؛) .. ماقصر الوالد الله يحفظه يارب ، ويفرج همه ؛) راعي البر .. راعي الفزعه ..

كتبتله على الورقة وطلعت ،، انصدمت لما رديت وشفت الجواب ،،، :)

http://img864.imageshack.us/img864/1002/phuppimageko.jpg

(( يعني الشيء الذي تراه رديء ، في وقت الحاجة يكون طيّب ))

الشيص: ثمرة النخيل التي لم تلقح ، هي ثمرة أو رطبة ولكن مافيها دبس وحلاوتها قليلة ،،

شرااايك؟ D:

عادل بوبدر
02-01-2012, 10:44 PM
أفا عليك .. مايحتاج استشير حد من المنتدى ؛)

الجواب عندي يبته ؛) .. ماقصر الوالد الله يحفظه يارب ، ويفرج همه ؛) راعي البر .. راعي الفزعه ..

كتبتله على الورقة وطلعت ،، انصدمت لما رديت وشفت الجواب ،،، :)

http://img864.imageshack.us/img864/1002/phuppimageko.jpg

(( يعني الشيء الذي تراه رديء ، في وقت الحاجة يكون طيّب ))

الشيص: ثمرة النخيل التي لم تلقح ، هي ثمرة أو رطبة ولكن مافيها دبس وحلاوتها قليلة ،،

شرااايك؟ D:

yes
you hit the hot spot

صح ومليووووون صح والله يحفظ لك الوالد

A+ full mark

عادل بوبدر
22-01-2012, 08:47 PM
اليوم زي العادة اتصلت بأمي
قلت هاه شلونك يمه
قالت بخير انت شلونك
قلت الحمد لله
قالت وش غداك في الديرة اللي انت فيها
قلت كبسة دجاج
قالت بس هذا انت ماعندك الا بنت المذن
قلت من هي
قالت بنت المذن يعني دياي
قلت اها وانتم يمه وش غداكم
قالت غدانا بواليل
قلت شنهو يمه
قالت اصمخ انت....اقولك بواليل

قلت يمه وشنهو ذي بعد
قالت ماتعرف البالول
قلت لا يمه
قالت ومصمة انت ولد غيص ماتعرف البالول
وصكت الخط في وجهي

تكفون ساعدوني
وش عنه امي تتكلم
بالول وجمعها بواليل


ابي اراضي امي
فزعه يالربع
بسرعة عاد

تذكار
22-01-2012, 11:43 PM
:shiny:

الله يحفظها لك ..

في نوع من السمك اسمه بالول..

يمكن تقصده ..

اذا طلعت اجابتي صح ..

خلي الوالده تجهز الهديه ..

عادل بوبدر
23-01-2012, 08:09 AM
:shiny:

الله يحفظها لك ..

في نوع من السمك اسمه بالول..

يمكن تقصده ..

اذا طلعت اجابتي صح ..

خلي الوالده تجهز الهديه ..


بارك الله فيك
صدقت يامشرفتنا الراقية والرائعة
باقي بس تقولي اي نوع من السمك
والوالدة تقول هديتك جاهزة

تذكار
23-01-2012, 09:40 AM
الهامور

عادل بوبدر
23-01-2012, 09:49 AM
الهامور


مشرفتنا الغالية
صح ومليووووون صح
ويطلق هذا الاسم على ولد الهاموووور
والهدية عند الوالدة موجودة

انتظر تفاعلك سيدتي في القادم

مودتي وتقديري

تذكار
23-01-2012, 10:00 AM
تسلم اخوي بو بدر... وسلملي عليها

عادل بوبدر
23-01-2012, 10:53 AM
تسلم اخوي بو بدر... وسلملي عليها


يبلغ يا اختي
شكرا

عادل بوبدر
24-01-2012, 08:53 PM
اليوم اتصلت بالوالدة
وسالتني وش غداك
وقبل لا اجاوب قالت لا تقول دياي او لحم
قلت إلا يمه
قالت قوم وسو لك
مطفية على سكن او برطامة
وباجر الصبح خل يسويلك مطعمك خبيصه ترد عافيتك
وبعدين قبل لا تقفل في ويهي الجوال
قالت لا تنسى تحط في المطفية صبار
قلت ليس الصبار يا يمه
قلت ايه هنا
الغبنده

وين اهل لغة الخليج
بس هاه بدون مساعدات من احد او الاخ قوقل

وش معنى غبنده
وش هي المطفيه
وش هو السكن
وش هي البرطامه
وش هي الخبيصه

شدوا حيلكم يالربع

Pretty_girl
28-01-2012, 01:24 PM
السلام عليكم

اممممم بختبر ثقافتي وبجاوب ..

الغبنده؛ مربط الفرس
مطفيه ؛ مشوي
سكن؛ فحم
برطامة؛ ....
الخبيصة؛ خبيصة يعني اتوقع نوع من الحلوى الشعبية " أكلة شعبية " ،، دوم الشياب والعيايز يبونها هي وربيعتها البثيثة خخخ*

عادل بوبدر
31-01-2012, 09:26 PM
السلام عليكم

اممممم بختبر ثقافتي وبجاوب ..

الغبنده؛ مربط الفرس
مطفيه ؛ مشوي
سكن؛ فحم
برطامة؛ ....
الخبيصة؛ خبيصة يعني اتوقع نوع من الحلوى الشعبية " أكلة شعبية " ،، دوم الشياب والعيايز يبونها هي وربيعتها البثيثة خخخ*


شكرا يالغالية على مرورك

على راسي والله

عادل بوبدر
31-01-2012, 09:28 PM
يا احبتي ماتفاعلتوا معي بوقف ترى
هذا تراثنا ياجماعة وتاريخنا وثقافتنا الغنية
ونحن اهل البحر الطيبيين

محد جاوب أسئلتي الاخيرة
ومازلت انتظر الاجوبة
مدري مليتوا سواليف امي ولا مليتوا سواليفي

المهم ماعلينا
اليوم عندي حكاية جديدة مع الوالدة الله يحفظها لي
سالتها يوما ما
امي كيف كان الوالد يقضي يومه
تنهدت تنهد المغرم والعاشق وقالت اااااه الله يرحمه
بقولك كيف كان يقضي الخميس والجمعة
يوم الخميس بعد صلاة الفجر يرجع البيت ويدخل ويقول
لااله الا الله محمد رسول الله
ويقول قوموا صلوا
وبعدها يقعد يقرا القرأن لحد ما يطر النور
ويلبس ثيابه ويشغل سيارته ويطلع الجسر ويروح البحرين
يقول صح سمج الخبر زين بس سمج البحرين طري واحسن
ويروح السوق المركزي في المنامة
طبعا يوصل مبجر
فيمر على قهوة شعبية عند باب البحرين
يكون موجود فيها ربعه الشيبان من البحرين
ويقعد معاهم
سوالف ومعاياة
هذي يتحجى عن الشوعي حقه
وهذا عن محمله
وهذا عن بانوشه
وهذا عن ماجلته
معاياة في معاياة
سوالف في سوالف
وفي هالحالة يطلب ريوق
قرص بيض وخبر هولي
واستكانة سليماني
وباجله ونخي او لوبه
واذا خلص الريوق
راح جبرة السمج
اول مايدور برطامة
لان ابوك يحب البرطامة وان ماحصل خذ له هامور
او سبيطي

قلت لها يمه سبيطي ولا سبيتي
قالت لا يمه سبيطي
وبعدين الحين انت ماتعرف السبيتي من السبيطي
قلت كملي يمه وعديها
قالت خلاص وياخذ حق امه يدتك في البديع عنافيز وصافي وحلوى بحرينية ورهش
لان يدتك تحب العنافيز شوي والصافي مقلي مع محمر
ويروح البديع لامه ويقول لها يبت لج يمه
صوغة
عنافيز وصافي وحلوى ورهش

مرة يابوك راح ابوك لامه اللي هي يدتك وكانت مرة عمك واضعة
ودش عليهم ورحبت به امه وقالت تعال يمه تريق حسو مسوينه حق مرة اخوك
المهم عقب مايتريق عند امه يرجع لنا الضحى عشان اسوي له الغداء
قلت طيب يمه والجمعة
قالت قوم
انا ماعندي الا بس اجابل خرابيطك
قوم روح دور لك شغل
وبعدين بقولك يوم الجمعة ابوك وش يسوي

فهمتوا شي يا جماعة
وين محمد الشامسي او عيون دبي
يمكن فهما لغتي الغريبة

عادل بوبدر
08-02-2012, 01:17 PM
قبل كم يوم قلت لأمي
يمه شكلها الناس ملوا سواليفك وسواليفي

قالت يابوك قل لهم

عتيج الصوف ولا يديد البريسم

تذكار
14-02-2012, 11:33 PM
بالعكس ماملينا اخوي بوبدر
واستمتع بسواليفكم ومفرداتكم
لكن العتب اني مو من اهل البحر..لكني احاول اجتهد معاااك:)



استمر فلك متابعين ..والدليل عدد المشاهدات للموضوع..

عادل بوبدر
15-02-2012, 12:32 PM
بالعكس ماملينا اخوي بوبدر
واستمتع بسواليفكم ومفرداتكم
لكن العتب اني مو من اهل البحر..لكني احاول اجتهد معاااك:)



استمر فلك متابعين ..والدليل عدد المشاهدات للموضوع..


يكفي تواجدك سيدتي
شكرا

عادل بوبدر
15-02-2012, 12:41 PM
عتيج الصوف ولا يديد ( جديد) البريسم

البريسم نوع من انوّاع الخام الناعم ولكنه رغم نعومتّه فبعد مده من لبسه يبهت لانه ناّعم ويصير غير قابل للاستخدام .,

علي عكس الّصوف الذي من خوّاصه ااّنه يحافظ علي شكّله مع مرور الايام ولّا يهتري مع الاّستعمال كغيره من الملّابس وهذا سر جودته مقّارنة بغيره .,

فاّلاصاّله في كل شي تدوم مهماّ كاّنت الظرووف
وليس كل ماّ هو جديد وجذاب يدووم .,

تحيااّتي .,

عادل بوبدر
27-02-2012, 12:32 AM
تكفون مساعدة وانا جاد

اليوم كلمت امي
وقالت شلونك عادل
قلت الحمد لله يمه
قالت تذكر في بيت يدك لما كنت ارقدك على الكرفايه
قلت لا يمه ولا شوية اذكر شي
قالت من صجك عادل
قول بعد الكبر والبرستي ماتعرفهم
قلت لا والله يمه
قامت وقفلت الخط في وجهي
وانا هذه بس سالفتي مع امي
ان زعلت قفلت الخط
ياجماعة لحقوني بالحل
انا اتكلم جد
امي زعلانه والله ما اضحك
ارجو المساعدة

عادل بوبدر
11-03-2012, 08:30 PM
يمه

وصلتني رسالة من مجهول او لربما مجهولة
كتب فيها
قرفتنا بسالفة امك
وماعندك الا امي قالت وامي قالت
كفاية جبت لنا الغثيان والصداع
هل تظن ان هالترهات والخرابيط والشخابيط
سنصفق لها
بالله عليك وقف هالمهزلة
فالناس تهزء من كلامك ومن كلام امك

انا اسف يا امي ان جرحت مشاعرك حتى بدون علمك
اعلم ان كل ماقصدتيه ان يعرف الناس ثقافة اهل البحر
وهرجهم وتاريخهم وتراثهم
واذا انا بنقلي لكلامك قاعد اهينك
فسامحيني يا اغلي حبيبة

وقريبا ان التقيت معك ساعتذر وأطلب منك القرار الاخير
هل نقف ام نستمر
لاني اعلم رؤياك الثاقبة
وان كنت يا امي اميل للتوقف
وحينها لا اعلم هل سأشكر صاحب الرسالة لصراحته
ام هل اسامحه لتجريحه لشخصي

لكن ما اعلمه هو انني لا ارضى ان تجرح مشاعرك انت يا امي
وان كان ماقاله تجريح لك واقررت انت بذلك وطلبت رد الاعتبار
فوالله له مني ذاك السيف الذي ينسيه اسمه بل كله

وان ارتئيت ان لا نبالي ونكمل فأنت الحكيمة وعلي السمع والطاعة
لكن الان سامحيني يا امي الحبيبة

عادل بوبدر
24-03-2012, 09:25 AM
رجعت للوالدة وسألتها هل ودها تكمل ام توقف
قالت افا عليك ياولدي
ماعلينا من من ينبح ويذم ويكسر العزيمة
احنا بنكمل
قلت طيب يابنت راشد
وش الجديد
قالت لا يا بوك
في مواضيع وايد حطيناها وما ردوا عليها الجماعة
اولا خل احبابك يردوا على اللي مضى وابشر بعدها باليديد
قلت يمه وين يرجعون للماضي
قالت عدال شدعوة
اللي يسمعك يقول بيروحون غبه
كلها كم صفحة من صفحاتي الماضية
يجاوبون عليها ونبدأ من جديد
هذا هو المقصد ياولدي
بقوم اصلي قم صل احسن لك

عادل بوبدر
30-03-2012, 11:31 AM
البارحة كنت عند الوالدة
وأثناء الحديث قلت لها يمه ماكو امثلة يديدة
قالت بس هذا انت أذا ربعك ماعطوك ويه رزيت ويهك عندي
تطلب امثلة
قلت معليش يايمه عديها وعطيني بعض الاقوال والامثلة
قالت يابوك ماتجي الامثال جذي
لازم سالفة تصير وتذكرك بمثل او قول
قلت المهم حاولي
فكرت شوية وقالت انا اعرف قصدك
تبي امثال في الحب او العشق يعني جذي
قلت اووووووه رحنا نمك

قالت اسمع
قلت ايه يمه اسمعك

قالت ماعندي في العشق عندي في غيره
قلت هذا بنكه

قالت يقولون

لا طبنا ولا غدى الشر

ويقولون

جرح الوداد يطيب بمرهم ودواء
لاشك...هيهات مجروح اللسان يطيب

ويقولون

ياسيد البيض ياللي من بينهم وردة
حالتي مثل حال غيص العامري وأرده

وبعدها قالت تمزح.....بس قم فج عني ماعندي غير جذي

قلت زيديني
قالت ماعندي شي

وفجأة قالت اسال ربعك واحبائك

شنهو العلَوِلم

قلت يمه من صجج
قالت قول
قلت الآلو بعد شنهو
قالت اللي هو شنهو
قلت البطاطس يايمه

قالت زين سؤالي لكم
ليش سموا البطاطس علَوِلم

قلت هاه.....مدري

قالت ايه هني الغمنده

هل احد عنده الجواب

انتظركم

وسلامتكم

عادل بوبدر
08-04-2012, 12:40 AM
قبل كم دقيقة دخلت على الوالدة

ولما شافتني قالت

عادل شفيك داش علي
أترهدى
جنك فاج

قلت لا مافيني شي يمه

قالت وش لا

الدنيا ماتسوى

قوم بس اكلك قرص خبز مع مهياوه

واكو يم الثلاجة متوت
كل منه شويه خل ينصلب عودك

قوم بس قوم

قلت يمه شالحجي الغلج

قالت لا غلج ولا شي
بس انت يتراوالك

قوم سو اللي قلته لك

اي والله داش علي مترهدي

عادل بوبدر
20-04-2012, 11:01 AM
اليوم قلت لأمي

يمه امثالك وحجيج مو مفهوم

واحرجني مع الجماعة

قالت تنحرج من حجي امك

انا امك يالعدل

وهالابيات اللي تقولها تدري اني اقدر ارد عليها

قالت ادري يمه وانت اجزل مني

بس يمه عطيني شي مو غلج

قالت خذ عيل

اسال ربعك هاللي مو معطينك وجه

شنهو يعني " موص الفنيال "

وش تعني هالكلمات

المرفاعة
الحب
اللسقا
شلوشن
بوزليغه

أتحدى احد يرد ويعرف هذه المفردات

والتحدي اقوى لأهل الخليج
واشوفهم متواجدين في موقعنا الراقي
انتظر من يتحدى ويجاوب

سلام

تذكار
25-04-2012, 05:41 PM
متابعة من الخطير الي بيعرف هالكلمات :S_014:

كتبيه محبوبه
25-04-2012, 09:09 PM
الله يطووول بعمر امك ويعطيهااا الصحه والعاافييه
ولالا تتذمر من كلام امك ياا عاادل :) مهمااا كاان صعب
كلالام النااس اوووول فييه حكم ومعاااني جميله بسس
الجييل الحااظر يجهلهاااا :)


موص الفنيال << حرك الفنيال أو تحط ماء ف الفنيال وتحركه بشكل خفيف

المرفاعه << اممم هيه رافعه للاكل او التمر ف زمان ..او رافعه نفس السرير
بس من طابوق وترااب هههع يمكن مش اكيد

اللسقاء << هووه الي يحطوون فييه لبن البقر ويرجووون رج ياالين
يطلع روب ويطلع سمن منه زبده يعني هههههه

بسس هذيلا الي اعرفهم وان شالله صحححح :)
تسسلم يااا العدل ههههع ع الطرح الجميل واكثر
تحياااتي لك :)

عادل بوبدر
28-04-2012, 09:43 PM
متابعة من الخطير الي بيعرف هالكلمات :S_014:

شكر لمرورك يابنت ديرتي

عادل بوبدر
28-04-2012, 09:44 PM
الله يطووول بعمر امك ويعطيهااا الصحه والعاافييه
ولالا تتذمر من كلام امك ياا عاادل :) مهمااا كاان صعب
كلالام النااس اوووول فييه حكم ومعاااني جميله بسس
الجييل الحااظر يجهلهاااا :)


موص الفنيال << حرك الفنيال أو تحط ماء ف الفنيال وتحركه بشكل خفيف

المرفاعه << اممم هيه رافعه للاكل او التمر ف زمان ..او رافعه نفس السرير
بس من طابوق وترااب هههع يمكن مش اكيد

اللسقاء << هووه الي يحطوون فييه لبن البقر ويرجووون رج ياالين
يطلع روب ويطلع سمن منه زبده يعني هههههه

بسس هذيلا الي اعرفهم وان شالله صحححح :)
تسسلم يااا العدل ههههع ع الطرح الجميل واكثر
تحياااتي لك :)


شكرا ياوجه الخير

مافيج حيلة

رائعة

كوني بالقرب

كتبيه محبوبه
28-04-2012, 09:58 PM
ههههههه رأائع وجووودك ياإشااعرناا

شؤووه يعني صححح :)

يأااسسسلام. ههههه

مشششكور ي الطيب

ع الطرح والمواضيع والكلالالام الحلوو

تحياأاتي لك

عادل بوبدر
29-04-2012, 06:16 PM
ههههههه رأائع وجووودك ياإشااعرناا

شؤووه يعني صححح :)

يأااسسسلام. ههههه

مشششكور ي الطيب

ع الطرح والمواضيع والكلالالام الحلوو

تحياأاتي لك


عشتِ ياوجه الخير
مرورك وتواجدك دافع
كوني بالقرب سيدتي

عادل بوبدر
10-05-2012, 03:27 PM
اليوم سألت امي
اول جم كان يكفيج تروحين المنامة من البديع

قالت في النقل او البيك اب او باص الشيلاني

قلت اي واحد......

قالت اثنا عشر آنه وايد

قلت هههههههه
آنـــــه يمه......آنــــه عاد

قالت ايه....آنــــــه......واللي ماله اول ماله تالي

قم فج عني جان ياي تتطنز
هدوك ربعك وييت اتمقل عندي


الاثنا عشر آنــــه هذي كانت تعشينا لوبى ونخي ....والحمد لله مستورة

قم اذلف عني......ياي تتطمش

عادل بوبدر
24-05-2012, 07:49 AM
الليلة سألت الوالدة بنت راشد
هاه يما ماكو جديد
ماردت علي
اعدت السؤال مرتين

ردت بجواب مقتضب من كلمتين

مالي بارض اليوم

فهمتوا شي يالربع؟

كتبيه محبوبه
24-05-2012, 08:15 AM
ههههههههه الله يحفظهااا يااارب من كلل شر :)

ويخلهااا لكم ياا اخوووي عاادل ويعطيهااا طوولت العمر

هيييه فهمناا شي هههههه

مالهاا خلق حق كلام وسوالف الييوم يعني في شي مكدار خااطرهاا
مااتريد تتكلم ولاتريدك تزعجهاا بااسسالتك وكلامك المعتاااد هههههههه

الله يسسلمك الهااا ويسسلمهاا لكم يااارب ^^

نووورت المنتدى .. تحيااتي واحترااامي لك يااا طيب:)

عادل بوبدر
24-05-2012, 12:36 PM
ههههههههه الله يحفظهااا يااارب من كلل شر :)

ويخلهااا لكم ياا اخوووي عاادل ويعطيهااا طوولت العمر

هيييه فهمناا شي هههههه

مالهاا خلق حق كلام وسوالف الييوم يعني في شي مكدار خااطرهاا
مااتريد تتكلم ولاتريدك تزعجهاا بااسسالتك وكلامك المعتاااد هههههههه

الله يسسلمك الهااا ويسسلمهاا لكم يااارب ^^

نووورت المنتدى .. تحيااتي واحترااامي لك يااا طيب:)

جبتيها ياوجه الخير
رائعة انت ونبيلة انت وراقية انت
تفاعلك مع سواليف الوالدة يفرحني

كتبيه محبوبه
24-05-2012, 10:52 PM
جبتيها ياوجه الخير
رائعة انت ونبيلة انت وراقية انت
تفاعلك مع سواليف الوالدة يفرحني

تسسسلم يااا طيب سسوالف واالدتك

مقاااربه لسسوالف جدتي الله يسلمهاا

فااا احب سسوالف زماان ههههه

الراائع كلامك ومحترام في تعاملك وراقي في حضورك

تحيااتي لك يااا طيب

عادل بوبدر
28-05-2012, 02:50 PM
تسسسلم يااا طيب سسوالف واالدتك

مقاااربه لسسوالف جدتي الله يسلمهاا

فااا احب سسوالف زماان ههههه

الراائع كلامك ومحترام في تعاملك وراقي في حضورك

تحيااتي لك يااا طيب

اسعدني كلامكِ هذا ياوجه الخير

اسمى المعاني
17-07-2012, 08:34 PM
http://up.hawahome.com/nupload/70845_1325912042.gif