المساعد الشخصي الرقمي

مشاهدة النسخة كاملة : قصيده اجتماعيه على شكل قصه (المريحانه)



محمد الشامسي
16-09-2011, 04:58 PM
هذي قصيده اجتماعيه على شكل قصه انشالله تنال إعجابكم
أترككم مع قصيده
......(المريحـــانه)....،

ما بقالـــي غير ذكرى ضحكتـــك عالمريحانـــه
والطفولـــه و البراءه لا حسيـــب و لا رقيــــــب
وافترقنا وكـــل منا عايش(ن) وقتـــه و زمانـــه
كنـــا نلعـــب و ابساطـــه فرقتنـــا قـــول عيـب
غطتـــك غشوه ثقيله و صرتي فيد الغير أمانه
والحراســـه من يمينك و عن شمالك ما تغيب
مثل عصفوره الكناري القفـــص حطـــم كيانه
وانته في غرفه محاصر ترتجي رحمة الغيب
زوجوها وهي صغيره شايب(ن) حصله دانه
وأصرخت ترجي أبوها يا عرب من هو يثيب
مكفنه بفستان ابيض و عرسها دمعه و اهانه
وقلبها يصرخ بحسره كل شي قسمه ونصيب
اااه يـــا دنيا غريبـــه تلتقي عينـــي ابعيانـــه
دمعتي حسره عليهـــا و دمعته تقولي غصيب
تنقضي ايام الطفولـــه و تبقى ذيج المريحانه
طفلت(ن)

تلعب عليها و ذكرى في بالي تطيب

تقبلو تحياتي أخوكم : محمد الشامسي(نجم سهيل)

عــيـ دبـي ــون
16-09-2011, 11:59 PM
وافترقنا وكـــل منا عايش(ن) وقتـــه و زمانـــه
كنـــا نلعـــب و ابساطـــه فرقتنـــا قـــول عيـب
غطتـــك غشوه ثقيله و صرتي فيد الغير أمانه
والحراســـه من يمينك و عن شمالك ما تغيب


صح لسانك يالشاعر على هالقصيده الرائعه رديتنا لزمن المريحانه وذكرياتها :)


تم ارسال المشاركه عبر خدمه البلاك بيري

همس
17-09-2011, 11:48 PM
ما اروعها من قصيدة تحمل ذكريات الطفولة ..

صح لسانك وعلا شانك يالشاعر ع هالقصيدة الغاوية ..

سلمت يمناك .. دمت بهذا الابداع في منتديات عيون دبي ..

بنوووووته
18-09-2011, 05:10 AM
تنقضي ايام الطفولـــه و تبقى ذيج المريحانه
.......................... طفلت(ن) تلعب عليها و ذكرى في بالي تطيب






الله عليك يالشاعر ..


اجديت ابها صح لسانك لاعدمناك ولاعدمنا تواجدك ولاتحرمنا من هالشوف ..

محمد الشامسي
18-09-2011, 04:07 PM
شكرًا إخواني و أخواتي على ذوقكم و مروركم الراقي

سراب الشارجه
18-09-2011, 07:40 PM
صح لسانك يا الشاعر

قريناها قصيده وقصه

الله يعطيك العافيه