المساعد الشخصي الرقمي

مشاهدة النسخة كاملة : اول 10 ابيات من قصيدة الشيخ محمد بن زايد



محمد الشامسي
24-09-2011, 09:35 PM
السلام عليكم إخواني و أخواتي

اليوم حبيت اكتب لكم اول 10 ابيات من قصيده تتكون من 300 بيت
في الشيخ اللي اكن له كل حب و احترام و تقدير
طبعا هذي ألقصيده اول مره تعرض للجمهور

ما أطول عليكم اول 10 ابيات من قصيده ( الشيخ محمد)


ابتدي بالشعــــر وابحــــــــث منه ابيات(ن) جزال
ابتديبــــه وابتــــدي باســــم خــــلاق البريــــــــه
بســــم رب الكــــون ياللي خــــالق اسهول وتلال
الله اللــــي عالم(ن) لـــــي داير(ن) فــــي كل نيه
متوكل(ن) وقمت اخطــــط اسطر ابيات(ن) طوال
فاتح(ن) قاموس شعــــري باحث(ن) عن ابجديــه
انتقــــي من دره واشهد عــــن يقال و لا يقــــال
ابغــــي اكون قصيــــده بالمعني اتليق ابهديــــه
فجأه اتضحلي بالفعل فالمعنى لا يوجد مثــــال
والمعنى لـو هو اكتمل اقول ينقــــصله شويــــــه
في وصف شيخ(ن) لـي حضر يهز هامات الجبال
من نسل زايــــد وابفخر صقر العروبــــه لوليــــه
لـو قلــــت زايــــد ما رحــــل بتقوم تسألني سؤال
برد أجاوب ما رحل من خلف اصقور(ن) فتيــــه
بو خالد ياللي بالكرم جمعتلك كــــل الخصــــال
فارس ولا له بالمثل لا من هو مثله و لا هو زيــــه
لو شفتلك صوره يا شيخ *فشارع(ن) او في مقال
فزيــــت وابديت احترامي و قمت وأديت التحيــــه
كملــــك ربي و كمل حسن و حسان الخصــــال
صاحب الفكر القيادي راعــــي النضره السويه
يتبع.......

تقبلو تحياتي : نجم سهيل

عــيـ دبـي ــون
24-09-2011, 09:39 PM
صح لسانك اخوي الشاعر على هالقصيده الرائعه

ويستاهل طويل العمر هالابيات الجزله

كنا نتمنى انها كامله

الحر الأشقر
24-09-2011, 09:45 PM
صــــح لسانك حتى ترضي اخوي محمد على هذه القصيدة الجميلة

يستاهل طويل العمر بوخالد هذه الابيات الجميلة

وننتظر باقي القصيدة :)

بنوووووته
24-09-2011, 09:47 PM
وعليكم السلام ورحمة الله وبركاته ..



ماشاء الله 300 بيت

يستاهل طويل العمر .. وهذا قلييل بـ حقه


صح لسانك الشاعر .. ويعطيك العافيه ..




ولاتحرمنا من يديدك .. وف انتظار البقيه ^^

محمد الشامسي
24-09-2011, 10:28 PM
صح لسانك اخوي الشاعر على هالقصيده الرائعه

ويستاهل طويل العمر هالابيات الجزله

كنا نتمنى انها كامله

مشكور اخوي عيون دبي على مرورك الحلو
وان شاءالله بنزل كل مره قسم من ألقصيده

1- عشان ما بملون القراء يوم يقرون
2- عشان ما اتعب أنا في الكتابه :S_018:

تحياتي و تقديري لك


*

محمد الشامسي
24-09-2011, 10:32 PM
صــــح لسانك حتى ترضي اخوي محمد على هذه القصيدة الجميلة

يستاهل طويل العمر بوخالد هذه الابيات الجميلة

وننتظر باقي القصيدة :)



تسلم اخوي الحر الأشقر على مرورك
و يستأهل بو خالد

تحياتي لك الغالي

محمد الشامسي
24-09-2011, 10:37 PM
وعليكم السلام ورحمة الله وبركاته ..



ماشاء الله 300 بيت

يستاهل طويل العمر .. وهذا قلييل بـ حقه


صح لسانك الشاعر .. ويعطيك العافيه ..




ولاتحرمنا من يديدك .. وف انتظار البقيه ^^

شكرًا اختي بنوته على مرورج و على كلماتج الحلوه
ويستاهل بو خالد
واليديد ان شاءالله في الدوب

تقبلي تحياتي واحترامي
دمتي بود

سراب الشارجه
25-09-2011, 12:33 AM
صح لسانك يا الشاعر يستاهل سمو الشيخ محمد بن زايد

ونتريا باقي القصيده

1 زين سويت انك ما نتزلتها مره وحده
2 بعد زين سويت انك ما تعبت عمرك في الكتابه

والله يعطيك العافيه

محمد الشامسي
25-09-2011, 02:12 PM
1. شكرًا اختي سراب الشارجه على مرورج الحلو
2. الله يعافيج
:S_018:

تقبلي تحياتي

دمتي بود
*

همس
13-12-2011, 08:13 AM
قصيدة في قمة الروعه ..

صح لسانك يالشاعر ع هالقصيدة الجميلة ..

ابدعت فيها .. ويستاهل طويل العمر ع هالقصيدة الرائعه ..

لاتحرمنا من ابداعك ... وننتظر تكملت باقي القصيدة ..

سالم الكعبي
14-12-2011, 02:28 AM
الله عليك يالمبدع نجم سهيل وأنت نجم الله يحفظك وترجع لنا بالسلامه أشتقنالك صديقي العزيز