المساعد الشخصي الرقمي

مشاهدة النسخة كاملة : دنيــــا الفلـــــس



عادل بوبدر
27-09-2011, 10:01 AM
بسم الله أبدأ
::::
يا قلب ياللي من الايام بك لوعه
إن بحت ملتاع وإن غبيت ملتاعي

من هاجس ٍ يصطفق بالفكر ويصوعه
في غبته حطني مجداف و شراعي

والنفس مابين ماموره وممنوعه
والقلب من عادته ماهوب مطواعي

ما سارت الرجل والاقياد مربوعه
والفكر محتار بين اخماس و ارباعي

و أرزاق ربي ترى ماهيب مقطوعه
لو حال من دونها مليون قطـّــاعي

واللي يحسب انه يسقينا بقرطوعه
حنا قبل شوفته راهين وشباعي

غره غروره و قاده غصب في طوعه
ما يدري إن الذمم ماهيب تـنباعي

دنيا الفلس عندنا ماهيب مطموعه
أما على عز وإلا مالها داعي

واللي على جوع يصبر خير له جوعه
من شبعة الهون من كفين طماعي

عشنا و شفنا من الصدمات والروعه
لو كان نفسي قبل ماهيب ترتاعي

والناس مابين موضوعه و مرفوعه
يضيع عمر الرجل والطيب ما ضاعي

واللي على حربنا محتاط بدروعه
يرتاح مادام حنا فكرنا واعي

واللي يزل القدم لا ينكسر كوعه
لو مد قنطار نجزا الصاع بالصاعي

واللي على الطيب والاخبار مذيوعه
لو هو تقدم شبر نجزاه بذراعي

يقوله اللي سبح موجه قبل قوعه
والغيص ما غره الامواج والقاعي

والشعر مشروع والابيات مشروعه
لكن تبغى لها حكم ٍ و شرّاعي

بعض الشواعير موهوبه و مطبوعه
و بعض الشواعير تمشي بالتطـبّاعي

والبعض متكلف ٍ طرحه و موضوعه
والبعض متميز ٍ في كل الاوضاعي

والبعض ما ينعرف شكله ولا نوعه
والبعض يمشي من الإبداع في إبداعي

و صلاة ربي من الاعماق مسموعه
على النبي احمد عدد ما هبّ ذعذاعي

خروج عن النص:
بارك الله لنا في كل شعرائنا في عيون دبي
على هذا الشعر الاصيل والراقي

عادل بوبدر

سراب الشارجه
27-09-2011, 11:35 AM
عليه الصلاة والسلام

صح لسانك شاعرنا كلمات رائعه

والله يعطيك الصحه والعافيه

همس
27-09-2011, 11:57 AM
عليه الصلاة والسلام ..

كلمات في غاية الروعه ..

صح لسانك وعلا شانك يالشاعر ع هالقصيدة الغاوية ..

يعطيك العافية .. لا تحرمنا من ابداعك المميز ..

محمد الشامسي
27-09-2011, 03:38 PM
والشعر مشروع والابيات مشروعه
لكن تبغى لها حكم ٍ و شرّاعي

بعض الشواعير موهوبه و مطبوعه
و بعض الشواعير تمشي بالتطـبّاعي

والبعض متكلف ٍ طرحه و موضوعه
والبعض متميز ٍ في كل الاوضاعي

والبعض ما ينعرف شكله ولا نوعه
والبعض يمشي من الإبداع في إبداعي


الشعر مشروع والأبيات مشروعه..
وشعرك يا خوي عادل إبداع في ابداعي

بيض الله ويهك اخوي عادل على هذي الابيات الجميله

لك خالص الاحترام و التقدير

تحياتي لك

بنوووووته
28-09-2011, 02:03 AM
"

بوبدر

صح لسانك .. ولاهان وزوان ..
ومش يديد عليك هالقصيد الرائع لاهنت ..
يعطيك العافيه عدد بلا مدد ..



"

اصعب الكلام
28-09-2011, 05:06 AM
صح لسااااااااااااااااااانك

عــيـ دبـي ــون
28-09-2011, 06:58 PM
أرزاق ربي ترى ماهيب مقطوعه
لو حال من دونها مليون قطـّــاعي



صح لسانك وعلا شانك شاعرنا عادل على هالقصيده الرائعه

والمنتدى منتداك شاعرنا ونشكر لك تواصلك الدائم بقصائدك المميزه




تم ارسال القصيده عبر خدمه البلاك بيري

الحر الأشقر
30-09-2011, 02:02 PM
مساء الطاعة


صح لسانــــــــــك مليون اخوي بدر على هذه القصيدة الجميلة

ودمت بود

عادل بوبدر
02-10-2011, 08:35 AM
عليه الصلاة والسلام

صح لسانك شاعرنا كلمات رائعه

والله يعطيك الصحه والعافيه



شيخة الشعر
اشكر عاطر مرورك سيدتي
والله يعطيك الصحة والعافية يارب

عادل

اصعب الكلام
02-10-2011, 08:39 AM
صح لساااااااانك اخوي

عادل بوبدر
04-10-2011, 01:51 AM
عليه الصلاة والسلام ..

كلمات في غاية الروعه ..

صح لسانك وعلا شانك يالشاعر ع هالقصيدة الغاوية ..

يعطيك العافية .. لا تحرمنا من ابداعك المميز ..


والشكر لك همس على عطر وجودك هنا
وجودك له تميز سيدتي

عادل

عادل بوبدر
08-10-2011, 07:51 PM
محمد الشامسي " عزيز الشعر"

وجودك كان الاجمل وقولك كان الابلغ

اشكر تواجدك اخي

عادل