المساعد الشخصي الرقمي

مشاهدة النسخة كاملة : لحظه جنونيه في ليله صاخبه



عبدالله محمد الشمري
07-10-2011, 12:06 AM
يستثار الشعر والمارد يفيق = بوح روح وغيض في رحلة فكر

ابني الاهرام بأحجار العقيق = واختصر كل المعاجم في سطر

ان سبقني بالجنون ابن زريق = اختلفنا بالزمان وبالسفر

كنت امارس حق قانون الرقيق = للهقاوي لين صارت في خطر

كان انا قلت آه من جرحً عميق = اعذروني سلّم الله من عذر

كان همي عبد0 قولو له عتيق = معتقه ما ابيه جيّاب السهر

حايراً مذهول في وادي سحيق = للسباع وللكواسر فيه اثر

في مضارب غربتي ضاع الطريق = داهمه ريح البوارح واندثر

لا طريق ولا صديق ولا رفيق = ما سوى اعجاز النخل بأرضً قفر

من يقول الارض بأبنادم تضيق = لين صارت دار حبس و لا مفر

علقم الايام بأكواب الرحيق = يمنح الانسان تصميم وصبر

اكفخ الجنحان يالحر الطليق = الليالي كلّها درس وعبر

ماشيً واسمع على الشجره نعيق = تكثر الغربان بأغصان الشجر

كل حرّاً ماعشق قمة طويق = والله انه خاب لو عاش الدهر

قال واحد كان لي مجداً عريق = قلت كان وكان ميّت في قبر

يا ضعيف العزم والناصح شفيق = خل قلبك مثل جلمود الصخر

تخدع الابصار يالغصن الوريق = ما دريت انك ضريع بلا ثمر

موتة الهقوه بصدّه من صديق = طعنة الايام غدراً بالظهر

قلبي اللي حمّله مالا يطيق = حظي العاثر غرابيل وكدر

ليه سلمى ما تنزّل للعشيق = لو تكون الروح لرضاها مهر

صابراً والجوف به جمر الحريق = جعل جمر الجوف يطفيه المطر

اتعلّق بالسبب مثل الغريق = مؤمناً بالله واحوال القدر

سراب الشارجه
07-10-2011, 01:20 AM
صابراً والجوف به جمر الحريق = جعل جمر الجوف يطفيه المطر

اتعلّق بالسبب مثل الغريق = مؤمناً بالله واحوال القدر

الشاعر عبدالله محمد الشمري صح لسانك كلمات رائعه والله يعطيك العافيه

Pretty_girl
07-10-2011, 02:04 AM
صح لسانك شاعرنا
كلمات رائعة ..

محمد الشامسي
07-10-2011, 02:09 PM
صح لسانك اخوي عبدالله كلمات في غاية الروعه
يعطيك العافيه على هذي ألقصيده الجزله ابدعت فيها

تقبل مني كل احترام و تقدير

دمت بود

سحآبة صيف
07-10-2011, 05:53 PM
صح لسانك شاعرنا

كلمات في غاااية الجمال

يعطيك العافية

بإنتظار المزيد :)

بنوووووته
08-10-2011, 02:18 AM
من طول الغيبات جاب الغنايم .. / :)


وغنايمك يرفع القلم عنها ...




كان انا قلت آه من جرحً عميق = اعذروني سلّم الله من عذر

كان همي عبد0 قولو له عتيق = معتقه ما ابيه جيّاب السهر




من يقول الارض بأبنادم تضيق = لين صارت دار حبس و لا مفر

علقم الايام بأكواب الرحيق = يمنح الانسان تصميم وصبر

اكفخ الجنحان يالحر الطليق = الليالي كلّها درس وعبر





صابراً والجوف به جمر الحريق = جعل جمر الجوف يطفيه المطر

اتعلّق بالسبب مثل الغريق = مؤمناً بالله واحوال القدر










الله عليك ..
صح لسانك وزان ولاهان’,
جزله من شاعر جزل .. وراقي ..



يعطيك العافيه عليها ...

عــيـ دبـي ــون
11-10-2011, 11:08 AM
صح لسانك يالشاعر على هالقصيده الرائعه ابدعت فيها باسلوبك المميز


ارسال المشاركه عبر خدمه البلاك بيري الخاصه بالمنتدى

وايل مصطفى
11-10-2011, 03:06 PM
خذ من احروفك صداقه وخذ صديق
ياقلم ماخان صاحب او غدر

لو في مره اتحس يالشاعر بضيق
انثر ابياتك على شط البحر

كل منا له ظروف وله طريق
كل من فكر بالالامه انتحر

القهر ياصاحبي مايبل ريق
ابتسم ياصاحبي وخلي القهر



صح الله لسانك


والسموحه عالمجاراه


تقبل ودي وتقديري


ساقي الورد

همس
13-10-2011, 08:51 PM
صح لسانك وعلا شانك يالشاعر ع هالقصيدة الرائع ..

يعطيك العافية .. ننتظر منك المزيد ..