المساعد الشخصي الرقمي

مشاهدة النسخة كاملة : يا وديمه



وايل مصطفى
18-10-2011, 04:37 PM
غيرج ايحليها ثوب وانتي ثوبج بج تحلا
وان لبس غيرج ثيابج أصبحت من غير قيمه

الحلا ماهو بصناعي حلوة موت أصلن من الله
تسكن القمره ابحلاها بين نجمه وبين غيمه

من ملك ذره افجمالج ما نلومه لو تغلا
ما سمعتي القمره قالت ليتني أشبه وديمه

كل من شافج تشهد ياغلا قلبي وصلى
يدعي ربه انه يلاقي بنت مثلج يالحشيمه

اه لو تدرين فيني وشكثر قلبي توله
وافهميني يا غلايه دامها النيه سليمه

وجه طفله ايه طفله وجه طفله ما نمله
مثل قطعة كيك غطتها الفراولة والكريمه

ما رأت عيني افجمالج لا افجريدة ولا افمجله
منهو قال إنج شبهااا ظفرج أجمل من حليمه

التواضع ماله داعي قولي زينج من وصله
في سبيل إرضاج عاد أرتكب أعظم جريمه

والله أبصم لج واوقع بالعشر ياقلبي والله
لو تقولي إن الدواير مستقيمه مستقيمه

لج غلا فالقلب باقي ما تحرك من محله
يبقى مثل النبض فيني بس عشانج يا وديمه


ساقي الورد

بنوووووته
18-10-2011, 05:20 PM
الله عليك ..


صح لسانك الشاعر .. تسلم ع الابيات الغاويه ..
وهنيالها وديمه تستاهل .. /:)


يعطيك العافيه

سراب الشارجه
18-10-2011, 11:20 PM
صح لسانك والله يخلي لك وديمه
اظن مريت عليها من قبل في احد المنتديات ان ما خانت بي الذاكره

تقبل مروري واحترامي

كتبيه محبوبه
18-10-2011, 11:36 PM
اه لو تدرين فيني وشكثر قلبي توله
وافهميني يا غلايه دامها النيه سليمه

=========
الله عليييك ياااا شاااعرناااا وائل وعلى
هالكلماااات العذبه تسسلم وربي يسسلمك
ربي يعطييييك العااافيييه يااااربي بانتظااار
كل ماااهووو مبدع وجديد لدييييك

همس
18-10-2011, 11:41 PM
قصيدة في قمة الروعه ..

صح لسانك وعلا شانك يالشاعر ع هالقصيدة الغاوية ..

سلمت اناملك .. لا تحرمنا من جديدك الرائع ..

الحر الأشقر
19-10-2011, 02:13 PM
مساء الياسمين

صح لسانك اخوي على هذه القصيدة الجميلة

الغربه
20-10-2011, 09:30 AM
ياساقي الورد
والورد منثور بين كلماتك
والعذوبه تنشر ريحة الورد
بسطورها
استمتعت بما قرات
يعطيك العافيه
ودمت بمودة الغربه

وايل مصطفى
23-10-2011, 11:44 AM
الله عليك ..


صح لسانك الشاعر .. تسلم ع الابيات الغاويه ..
وهنيالها وديمه تستاهل .. /:)


يعطيك العافيه



بنوتة

صح بدنج

وكل التحايا لمرورج الراقي


زلكي كل الود والتقدير


ساقي الورد

عــيـ دبـي ــون
25-10-2011, 12:50 AM
اه لو تدرين فيني وشكثر قلبي توله
وافهميني يا غلايه دامها النيه سليمه


صح لسانك يالشاعر على هالابيات

وايل مصطفى
01-11-2011, 09:38 AM
صح لسانك والله يخلي لك وديمه
اظن مريت عليها من قبل في احد المنتديات ان ما خانت بي الذاكره

تقبل مروري واحترامي



صح بدنج الشاعره

اذا مريتي على نفس هالقصيدة معناته كالعاده شلوها ونقلوها وهاي مب اول مره وايد جيه يستويلي



على كلن لاهنتي عالتواصل



ساقي الورد