وش اخر العند

[محمد الشامسي]

السلام عليكم

شخباركم يا حلوين :S_005:

هذي ابيات خفيفه انشاالله تنال اعجابكم
تحياتي لكم :S_009:

(وش اخر العند )

اعانــد و تعــانــد وش اخــر العنــــد
واللــي يعــاند مـا يعــاند اللا عنـــاده
لو تجمع و تضــرب و تقســم العـــد
الإجابــه وحــده و مالك مني اعــاده
اللون الابيــض تقــول عليـــه اســود
ولو قلت لك طابـوق تقول لي وساده
عــورت لي راسـي بين لسإله والـرد
اقول هات قهوه وخل الســكر زيـاده
صار العمر وياك مـثل الجــزر والمد
انته الجزر مــره واللا انا امتــــداده
خذ الصراحه مني لو تزعل لو بتصد
لا تحاول لو في مـره تاخذ دور القياده

[عبدالله الشامسي]

"
"

صح لسانك اخويه محمد وزان جزله من راس جزل

"
"

دمت بود

[همس]

صح لسانك يالشاعر ع هالقصيدة الغاوية ..

ابدعت فيها .. سلمت هالانامل .. لا تحرمنا من جديدك ..

[الحر الأشقر]

صح لسانك مليون سيدي على هذه القصيدة الجميلة

[عــيـ دبـي ــون]

خذ الصراحه مني لو تزعل لو بتصد
لا تحاول لو في مـره تاخذ دور القياده

صح لسانك يالشاعر على هالابيات الحلوه

[الغربه]

فعلا خفيفة علي القلب
بمعناها وصدقها
وبحضور كاتبها
يعطيك العافيه

[سراب الشارجه]

صح لسانك مراقبنا

سطور روعه

دمت بخير وعافيه