المساعد الشخصي الرقمي

مشاهدة النسخة كاملة : يا شين العيد من دونك وكيف البس ثياب اجداد



وايل مصطفى
27-10-2011, 12:51 PM
ياشين العيد من دونك وكيف البس ثياب اجداد
واعيد وين فغيابك ؟ومن عقبك يخاويني

اضيق ان غبت هيه طبعن يمين الله تضيق ابلاد
جميع الناس فغيابك على الفرقا تعزييني

لبس كلن ترا ثوبه ونا ثوبي بكا واحداد
عرف كلن مكانه بس انا تاهت عناويني

بكيتك قلت يرجعلي بكيتك والبكا ما فاد
بكيتك لين ماجفت دموع الشوق في عيني

حبيبي هذا خامس عيد مابين افراق وبين ابعاد
تعبت اسالك وين إنته تعبت وضاعت اسنيني

واقول الصبر وين إنته يجاوبني ترا ما عاد
يفيد الصبر ياقلبي نفذ صبر الصبر فيني

طعني الوقت كم مره ولولا ان الضلوع اشداد
خضعت امن الالم للجرح ووقتي ما يداويني

جفتني الضحكة فغيابك وكم مرت علي اعياد
بلا ضحكة ولا فرحة ولا خلن يواسيني

عموما عيدك امبارك عليك ويا عسى ينعاد
عليك ابخير يامسافر بعيد ولا تحاتيني

مدامك انته في وادي ونا ياغايتي في واد
لاحول لي ولا قوة سوى رب(ن) يراعيني

ياشين العيد من دونك وكيف البس ثياب اجداد
واعيد وين فغيابك ؟ومن عقبك يخاويني

اضيق ان غبت هيه طبعن يمين الله تضيق ابلاد
جميع الناس فغيابك على الفرقا تعزييني



ساقي الورد

همس
27-10-2011, 05:21 PM
يا سلام كلمات في قمة الروعه ..

صح لسانك وعلا شانك يالشاعر ع هالقصيدة الغاوية .. ابدعت فيها

سلمت هالانامل الحلوه ..

عيدك مبارك وعساك من العايدين .. وعسى حياتك كلها فرح

محمد الشامسي
27-10-2011, 05:28 PM
صح لسانك اخوي وايل مصطفى كلمات رائعه

كل عام وانت بخير مقدما :idiot_alam:

عــيـ دبـي ــون
27-10-2011, 08:02 PM
صح لسانك يالشاعر على هالابيات

اعياد مرت عليه بالغربه والحمد لله ان هالعيد بعيد بالامارات وبودع غربت الثلاث سنين :)

سراب الشارجه
27-10-2011, 09:01 PM
قصيده حزينه تعور القلب

صح لسانك يا الشاعر والله يفرحنا جميعأ بيوم العيد ويبعد عنا الحزن والكدر

تذكار
29-10-2011, 08:36 PM
قصيدة حيييل حزينه
صح لسانكــ والله

كتبيه محبوبه
30-10-2011, 12:33 PM
صححح السااانك يااا شاااعر
وربي يعطيييك العاافيييه يااااربي
على هالكلماااات الحلوووه والطيبه
سلمت وسلمت يمناااااك ننتظر ابدعااااتك القااااادمه

وايل مصطفى
01-11-2011, 09:42 AM
يا سلام كلمات في قمة الروعه ..

صح لسانك وعلا شانك يالشاعر ع هالقصيدة الغاوية .. ابدعت فيها

سلمت هالانامل الحلوه ..

عيدك مبارك وعساك من العايدين .. وعسى حياتك كلها فرح


صح بدنج هموووووس


كل الشكر لتواصلج الراهي


علينا وعليج يارب وعسى ايامج كلها اعياد


تحياتي لشخصج الكريم


ساقي الورد

عادل بوبدر
01-11-2011, 11:24 AM
صح لسانك ياشاعرنا المبدع
كتبت فأجدت فتألقت

كنت بجوار هذا الابداع

عادل