المساعد الشخصي الرقمي

مشاهدة النسخة كاملة : مبدع التصوير سعيد العامري (سفير دبي)



عــيـ دبـي ــون
29-10-2011, 12:24 AM
2011/11/11 ...لقاء مميز وتاريخ مميز :)

مع مبدع التصوير سعيد العامري (سفير دبي)

من مواليد 1982

وأول هواياته الرسم وكرة القدم .. لعب لنادي النصر الاماراتي من 1994 ولغايه 1999 وترك النادي بسبب الدراسة .. وفي سنة 2002 درس في بريطانيا لغايه 2005 .. وخلال فترة الدراسة تعرف على احد الزملاء في الكلية وكان يحب التصوير الفوتوغرافي ويمارسه .. وقال له ان التصوير فن ويحتاج حس و ذوق و ثقافة و صبر .. ونفس الوقت شجعه على هالواية لانه كان واثق بانه مناسب له هالمجال بعد ما شاف تصويره في الكيمرا العادية ( المدمجة ) و بالذات بعد ماعرف انه يمارس هواية الرسم ..



احبتي اعضاء منتديات عيون دبي للابداع وزواره في حاله الرغبه للمشارك في هذا اللقاء

ومعرفه كل صغيره وكبيره من مبدعنا سعيد العامري

نتمنى في كل مره تكون الاسئله ماتتعدى 3 اسئله

وبعد مايجاوب مبدعنا يمكن للعضو طرح اسئله اخرى


موعدنا

2011/11/11

عــيـ دبـي ــون
11-11-2011, 12:20 AM
بسم الله وعلى بركه الله نبداء لقائنا المميز مع اخونا سعيد العامري

احد مبدعي التصوير في دوله الامارات:)

نتمنى من الاعضاء من خلال اسئلتهم انا نعرف كل صغيره وكبيره عن مبدعنا في عالم التصوير وشو يحب شو يكره ووووووو يعني من a الى z :00006:


وانا راجع للاسئله ان شاء الله قريبا

Pretty_girl
11-11-2011, 01:02 AM
مـرحبا ,, الساااع

من متى وأنا أتريا هالمقابلة :S_009:

كيف حالك أخوي سعيد العامري؟

صراحة أنا من أحد المعجبين بأعمالك .. ومن زمااان أتابعك وانصدمت يوم شفت اسمك فهالمنتدى ,, واستانست من هالشي ..
صراحة ..من اشوف تصويرك انبهر واتحمس مادري ليش.. ماشا الله عليك
يعجبني أكثر شي ف تصويرك الزوايا .. واللي يبهرني أكثر شي.. انك قليل ماتستخدم الفوتوشب .. ((وهالشي قليل ما اشوفه فالمصورين اللي أتابعهم)) .. هذا ان دل دل على ابداعك وتميزك ووتمكنك وشغفك لهالمجال ......

بسم الله سأبدأ في طرح الأسئلة...

- شو هو المشروع/ الهدف اللي قاعد تسعى لتحقيقه خلال السنوات القادمة؟

- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟ :S_009:

- الحين انت دراستك طيران .. ولا تصوير فوتوغرافي ؟؟؟ :confused:


أتمنى أشوف تواصلك معانا فالمنتدى .. ونسمع اقتراحاتك وانتقاداتك البناءة ..

شكرا لك لأنك عطيتنا جزء من وقتك

وكلنا فخورين بك كمصور إماراتي راقي ..

الله يوفقك ..


(( شكرا عيون دبي على الموضوع ))

عــيـ دبـي ــون
11-11-2011, 01:13 AM
Pretty_girl
العفو اختي


اخوي سعيد العامري

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات


تذكر شو نوع اول كيمره استخدمتها وانا اقصد هنيه الكيمرات العاديه...


وشو نوع اول كيمره احترافيه


الاسئله كثيره والرجوع قريب

كتبيه محبوبه
11-11-2011, 02:49 AM
:ongue::ongue::ongue:
السلام عليييكم
هلا فيييك مبدعناااا سعيد العاااامري
وحياااااك في كرسي المقاااابلات وهااااذي
فرصه حلوووووه اتااااحهااا حقناااا
اخووووي ومديري عيوووون دبي
حق نتعرف اكثر واكثر على مبدع التصوير
وسفير دبي سعيد العاااامري اتمنى لك
التووووفيييق ياااااربي وان شاااااالله لي
عووووده مره ثااااانييه مع الاسئله:bye1:

كتبيه محبوبه
11-11-2011, 03:04 AM
:smilies_024: السلام عليييكم
رجعت مع الاسئله :S_005: ههه
!!!
!!
1- بداياتك في التصوير؟ ومتى البداية الفعلية لـ سعيد؟
2- نشاهد جمال وروعة الأفكار والتنفيذ في لقطاتك – ماشاء الله – فكيف تأتي الفكرة وهل يتم رسمها أو مثل مايقولون تأتي على البركة؟
3- في أي مجال لابد للشخص من تطوير نفسه حتى يصل للاحتراف في ذلك المجال فكيف تطور نفسك في مجال التصوير ، ونصيحتك للمصورين لتطوير قدراتهم؟


وسموووحه طووولت عليييك
مع السلامه وان شالله من
المتااابعين لك لهذاااء القااء الرااائع ^^

سعيد العامري
11-11-2011, 05:59 PM
السلام عليكم و رحمة الله وبركاته

جمعة مباركة

شحالكم عساكم بخير :thumbsup:

اولا اشكر اخوي عيون دبي على اختياري لهالمقابلة .. و اشكركم على كلماتكم الطيبة ومتابعتكم لاعمالي المتواضعة .. تشجيعكم لي هو استمراري في هالمجال .. وان شاءالله بجاوب على اسئلتكم كلها ..

واذا حبيتوا تزيدون فالاسئلة بعد ما اجاوب على اول 3 .. فما عندي مشكلة .. :)

فانا يالس مع اهلي في بيت واحد ..

نبدأ

سعيد العامري
11-11-2011, 07:01 PM
مـرحبا ,, الساااع

من متى وأنا أتريا هالمقابلة :S_009:

كيف حالك أخوي سعيد العامري؟

صراحة أنا من أحد المعجبين بأعمالك .. ومن زمااان أتابعك وانصدمت يوم شفت اسمك فهالمنتدى ,, واستانست من هالشي ..
صراحة ..من اشوف تصويرك انبهر واتحمس مادري ليش.. ماشا الله عليك
يعجبني أكثر شي ف تصويرك الزوايا .. واللي يبهرني أكثر شي.. انك قليل ماتستخدم الفوتوشب .. ((وهالشي قليل ما اشوفه فالمصورين اللي أتابعهم)) .. هذا ان دل دل على ابداعك وتميزك ووتمكنك وشغفك لهالمجال ......

بسم الله سأبدأ في طرح الأسئلة...

- شو هو المشروع/ الهدف اللي قاعد تسعى لتحقيقه خلال السنوات القادمة؟

- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟ :S_009:

- الحين انت دراستك طيران .. ولا تصوير فوتوغرافي ؟؟؟ :confused:


أتمنى أشوف تواصلك معانا فالمنتدى .. ونسمع اقتراحاتك وانتقاداتك البناءة ..

شكرا لك لأنك عطيتنا جزء من وقتك

وكلنا فخورين بك كمصور إماراتي راقي ..

الله يوفقك ..


(( شكرا عيون دبي على الموضوع ))

شكرا اختي .. هذا من ذوقج الطيب .. نتعب اثناء التصوير عشان اقلل استخدامي للفوتوشوب قدر الامكان

- شو هو المشروع/ الهدف اللي قاعد تسعى لتحقيقه خلال السنوات القادمة؟

هو الهدف عندي واحد .. ( حب التصوير ) و رسالة بجميع اللغات .. احب اوصلها لكل شخص .. وعندي رسالة بوصلها للعالم عن طريق مسابقة الشيخ حمدان بن محمد للتصوير الفوتوغرافي فانتظروها.

وان شاءالله هناك مشاريع .. والحين ادرسها بس احتاج وقت طويل وامشي فيها حبة حبة .. احب اشتغل بكل ثقة واكون عند حسن ظن كل من يتعامل معاي ..
و اول هالمشاريع .. تصوير بوتريهات ويتفرع لاكثر من مجال ..
وتصوير معماري وتصوير الاكل ..


- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟ :S_009:


لاني تركت هالهواية من سنة 1995 :) .. وفي نفس السنة فزت بجائزة افضل رسام على مستوى مدارس دبي .. ( كنت في الصف الخامس )
وايامها كننا انا وربعي نحضر حصص القرآن وندرس الدين ونعتكف في المساجد .. وعرفوا اني فزت بالمركز الاول .. والرسمة اللي فزت بها ..
فيها مسجد الاقصى .. وحرمة فلسطينية ماسكة ولدها ينزف .. وجندي اسرائيلي واقف وماسك سلاح ويدوس علي لعبة الولد .. والبيئة فيها دمار وخراب ..
ربعي قالولي ليش ترسم ؟ ما تعرف الرسم حرام ؟ انا هني تعقدت بصراحة .. فقلت اكون في السليم احسن لي واترك الرسم .. طبعا هالكلام قبل 16 سنة تقريبا ..


- الحين انت دراستك طيران .. ولا تصوير فوتوغرافي ؟؟؟ :confused:


درست هندسة الطيران .. لكن امارس هواية التصوير الفوتوغرافي .. يعني هوايتي مالها دخل في شغلي .. لكن فالمستقبل التصوير بيكون شغلي الاول والاخير ..

شكرا :)

سعيد العامري
11-11-2011, 07:36 PM
Pretty_girl
العفو اختي


اخوي سعيد العامري

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات


تذكر شو نوع اول كيمره استخدمتها وانا اقصد هنيه الكيمرات العاديه...


وشو نوع اول كيمره احترافيه


الاسئله كثيره والرجوع قريب

مرحبابك اخوي عيون دبي

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات

هم اللي لقبوني ربعي لاكثر من سبب .. قبل كنت وايد اصور في دبي وطلع معالمها .. بالتصوير الليلي .. وقبل التصوير كنت مشارك في منتدى الكتبي الثاني .. ودايما ايبلهم اخبار عن دبي وشويخها الله يحفظهم وعن انجازاتهم .. وحتى ايام الدراسة في بريطانيا .. كنت دايما اكلم البريطانين عن دبي وعطيهم اخبارها .. الشباب ايامها اذا اي شي يبون يعرفون عن دبي .. كانوا ايون عندي ويسئلوني .. :)


تذكر شو نوع اول كيمره استخدمتها وانا اقصد هنيه الكيمرات العاديه...

اول كاميرا استخدمتها في حياتي كانت سوني سايبر شوت .. في سنة 2003 ..

Sony Cyber-shot DSC-T1


5 ميقابكسل


وشو نوع اول كيمره احترافيه

كانت Nikon D80 في 2006 :)

شكرا اخوي عيوني دبي

سعيد العامري
11-11-2011, 07:47 PM
اختي الكتبية

لي عودة ان شاءالله

تذكار
11-11-2011, 10:57 PM
هلا وغلا بمصورنا الرائع
سعدت باختيارك للمقابله
ولي عوده ان شاء الله مع الاسئلة ..

سحآبة صيف
12-11-2011, 12:37 AM
السلام عليكم

حياك الله مصورنا المبدع في المنتدى
أسعدنا هذا التواجد


بدون كثرة كلام راح أبدأ بالأسئلة :S_005:
من هو سعيد العامري (( في سطور )) ؟؟

اممممم

عندك هوايات أخرى غير التصوير ؟؟

اممممم

قبل فترة سمعت انك مب حاب ان يكون التصوير هو مهنتك الأساسية و حاب انها تبقى هواية .. ليش ؟؟

و السموحة منك :nosweat:

عــيـ دبـي ــون
12-11-2011, 01:33 AM
عدنا من جديد :)



ماهيه افضل كاميرا في نظرك من خلال تجربتك في عالم التصوير

ماهيه انواع العدسات وماهو افضلها


هل لتصوير النهاري وقت معين خلال ساعات النهار

عدسة زوم
12-11-2011, 10:52 AM
السلام عليكم ورحمة الله وبركاته

مرحبا اخوي سعيد

انا ما اقدر اوصف لك شعوري عندما اشاهد صورك الرائعة افانا بعض الاحيان احاول اقراء صورك ومنها اطبقها واقلدها على بعض صوري ومنها اتعلم منك واستفيد.

انا لدي كثير من الاسئلة لكن بختصرهم في بعض الاسئلة واتمنى ما ازعجك فيها .

1_ ما هي الدوارت التي اتعلم فيها لفن التصوير الوفوتوغرافي .

2- ما هي الجمعيات في فن التصوير التي يمكن لي الانظمام لها .

3 صورة لا تنساها ابد .


واتمنى الاسمتاع بمشاراكاتك معنا .


http://im13.gulfup.com/2011-11-11/1321077697652.jpg (http://www.gulfup.com/show/X2azfda0wr6jo4)

pink heart
12-11-2011, 01:09 PM
هلا وغلا بمصورنا الرائع
سعدت باختيارك للمقابله
ولي عوده ان شاء الله مع الاسئلة

مالي مثيل
12-11-2011, 07:49 PM
مرحب اخوي سفير دبي

انا من عشااق لتصويرك وافكارك..

وانااحب التصوير واتعلم التصوير من نااحيه صورك.. وافكاارك ..

ليش اخترت التصوير ؟؟

تحب تصوير ماكرو؟؟

من هو المصور الحقيقي؟؟

شو نصيحتك لي كا مبدئه فالتصوير . وشورايك في كميرا نيكون دي 7000 ؟

ولي عووده :)

ربي يوفقك

محمد الشامسي
12-11-2011, 11:15 PM
مرحبابك اخوي سعيد العامري في هالمقابله اللي اسعدتنا
و شكرا لاخوي عيون دبي على اتاحة الفرصه لنستفيد من خبرتك في التصوير

اخوي سعيد العامري لاحضت في بعض صورك لقطات نادره ما تي اللا في لحضات و ما تتكرر
السؤال
1ـ كيف تعرف اللحضه المناسبه لتصوير وهل تكون الكامره دايما معاك
2ـ طريقة انتقائك للموقع و الزاويه و الضوء
3ـ وهل تفضل استخدام الفلاش في التصوير

اتمنى اني ما ثقلت عليك بالاساله
تحياتي لك اخوي المبدع سعيد العامري

سعيد العامري
13-11-2011, 02:54 AM
:smilies_024: السلام عليييكم
رجعت مع الاسئله :S_005: ههه
!!!
!!
1- بداياتك في التصوير؟ ومتى البداية الفعلية لـ سعيد؟
2- نشاهد جمال وروعة الأفكار والتنفيذ في لقطاتك – ماشاء الله – فكيف تأتي الفكرة وهل يتم رسمها أو مثل مايقولون تأتي على البركة؟
3- في أي مجال لابد للشخص من تطوير نفسه حتى يصل للاحتراف في ذلك المجال فكيف تطور نفسك في مجال التصوير ، ونصيحتك للمصورين لتطوير قدراتهم؟


وسموووحه طووولت عليييك
مع السلامه وان شالله من
المتااابعين لك لهذاااء القااء الرااائع ^^

مرحباااااابج اختي

بداياتك في التصوير؟ ومتى البداية الفعلية لـ سعيد؟

البداية كانت اثناء دراستي في خارج الدولة .. في 2005 يوم صورت ربعي صورة تذكاربة عالغروب وكان من بينهم مصور وشاف النتيجة ولاحظ أن توزيعي كان مرتب في الصورة يعني كنت عاطي مسافة للغيوم الحمرا ومخلي الشباب على طرف الإطار ومسافة للشارع .. عيبته اللقطة وحب يشوف اذا عندي لقطات ثانية ماخذنها من قبل واذا بعدها مخزنة في الكاميرا ... عيبه تصويري ولاحظ أني أخذ زوايا جيدة .. فقال ليش ما تتعمق في هالمجال ؟ ما كنت افهم شي فالتصوير
وما كنت اعرف ان التصوير حتى يدرسونه .. فقال لي التصوير ذوق وفن وصبر .. بعد التخريج في نفس السنة يلست سنة كاملة ما امارس اي هواية .. قررت أني أخذ كاميرا من السوني وكانت Sony R1
قلت بجرب اصور وانخدعت فيها انها كاميرا احترافية :)
وشهر 10 شريت كاميرا من النيكون وكانت Nikon d80 ..وايد واجهت مشاكل في البداية وراسلت مصورين في منتديات لكن للأسف محد كان يرد على أسئلتي . فبديت اقرا الكتيب للكاميرا واجرب فص فص واصور .. لين ما تعرفت على اساسياتها وتمكنت منها الحمدلله

والبداية الفعلية كانت في 2007 مع تصوير القطرات وبعدها ضفت افكار مثل انعكاسات داخل القطرة وبعدها اتقلت للمعماري الليلي في تصوير دبي وتصوير الطبيعة .


نشاهد جمال وروعة الأفكار والتنفيذ في لقطاتك – ماشاء الله – فكيف تأتي الفكرة وهل يتم رسمها أو مثل مايقولون تأتي على البركة؟

هو يعتمد اختي على حسب الموضوع اللي اصوره .. بعض الصور تحتاج سيناريو وترتيب وأرسمها بالفعل قبل التنفيذ .. مثل تصوير البورتريه ..

http://dubaieyes.net/talents/PhotosFile/9/13047120001809938800524.jpg

http://dubaieyes.net/talents/PhotosFile/9/12853044001530963547356.jpg

واحيانا تخطيط ونفس الوقت استغلال الجو ( الحظ )


http://dubaieyes.net/talents/PhotosFile/9/13053168001811458273195.jpg

او مثلا طالعين رحلة لتصوير الطبيعة والعدسات كلها معاي ونوقف مكان عسب نصور وفجأة آتيك افكار وتنفذها نفس الوقت ( تجرب حظك لأنك ما تعرف كيف بتطلع النتيجة واستمر فالمحاولة لين ما توصل لنتيجة ترضيك )

http://dubaieyes.net/talents/PhotosFile/9/1315339200197057758528.jpg

بالنسبة لتصوير الطبيعة .. جمالها يعتمد عالجو ومحد يتحكم به غير الله سبحانه و تعالى .. فأحاول قدر الإمكان استغل الجو .. وهذا اتابعه عن طريق موقع الأرصاد accuweather.com و weather.com .. للإمارات وعمان .. متى ماكان الجو حلو .. طبعا المتوقع يكون قبله بيوم او يومين وأكون مستعد ومجهز عدتي .. مثلا اذا الجو حلو وبيستمر يومين او اكثر .. فابات اذا كانت المنطقة بعيدة مثل خصب او صور في عمان .. ومحد يعرف شو يصير .. انت فقط اهم شي عندك تمتلك خبره كافية في معرفة اماكن الاضاءة والظلال واختيار العدسة المناسبة والفلاتر دايما تشلها معاك وتجربها وتعرف كيف تسيطر على آلة التصوير عشان تحصل على افضل نتائج ..

في أي مجال لابد للشخص من تطوير نفسه حتى يصل للاحتراف في ذلك المجال فكيف تطور نفسك في مجال التصوير ، ونصيحتك للمصورين لتطوير قدراتهم ؟

عن نفسي بصراحة بعدني ما وصلت للاحتراف .. لان الاحتراف اذا كنت متخصص في مجال معين فالتصوير ويكون مصدر دخل من وراه .. ويكون خبير في مجاله كونه يمارسه من فترة طويله .. فالأغلبية منهم يفكرون في المادة .. عندج المصور الصحفي ابسط مثال ..

من خلال تجربتي ..اقول بكل صراحة والله يشهد على كلامي لهم .. دائماً اعتمدت على نفسي في البداية .. تعلمت واكتشفت اشياء ما تنعطى فالدورات وتأكدت من هالمعلومات بنفسي في المواقع الاجنبية واليوتيوب وهالشي زادني ثقة في نفسي الحمدلله .. وما زلت أتعلم وابحث واتابع مصورين عالمين .. واذا اكتشفت معلومة يديدة .. ما اعتمد عليها لين ما أتأكد منها واجربها بنفسي وابدا ابحث في اليوتيوب او القوقل . واسمع للمصورين اللي دائماً يصورون ويغامرون وأكيد يمتلكون خبرة لانهم يمرون بتجارب مختلفة باستمرار .. اولهم علي بن ثالث الحميري .. وابتعد عن اللي تجاربهم قليلة وكلامهم اكثر .

ونصيحتي لكل مصور طموح ..

اذا كنت تبا تتعلم .. اهم شي انك تحب التصوير وتحب عدتك ..
تعرف على عدتك وتعلم الفرق بين العدسات لان محد يعرف انت شو من عدسات تحتاج .. انت تعلم عنها عشان تعتمد على نفسك و مارس التصوير ولا توقف .. يمكن تشوفه صعب فالبداية بس لا تنحبط ولا تتراجع .. واقرأ في النت لانه بحر من المعلومات .. وحاول تطبقها واختبر نفسك .. اقرأ كل شي يخص التصوير .. اذا كنت تحب اعمال مصور حاول تقلده ترا مب عيب .. انت تقلده تختبر قدراتك فقط
وخل هالشي بينك وبين نفسك .. تواصل معاه وسأله عن لقطاته وخذ نصائحه بس اذا تبغي تكون مميز لا تتبع أسلوب اي حد تراك ما سويت شي .. ما يبت شي يديد في الساحة .. خذ العلم منه اذا عطاك وزيد لمساتك الخاصة او حاول تضيف افكار يديدة او تاخذ التقنية في تنفيذ أفكارك .
ولا تأخذ نصيحة مصور واحد لانه أكيد عنده أسلوبه الخاص .. شوف اعماله قبل واحكم .. ونصيحة لا تسمع من شخص فقط يتكلم وماعنده اعمال قوية .. يمكن يمتلك شهادة لكن خبرة لا والسبب انه ما يمارس
وماسك منصب من ورا الشهادة . اسمع لأفضل المصورين لكن مش من شهايدهم بل من أعمالهم القوية .. ودائما اقول الخبرة افضل من الشهادة وأعمالك هي اللي تتكلم عنك ..

والصورة دائماً تكون جميلة بمجرد انها يت بفكرة يديدة .. حتى لو كانت بسيطة .. ولا تفكر فاضل كاميرا وتقول لازم هذي ولا ما قدر اصور .. الا اذا كنت واصل لمرحلة انك فاهم شو تحتاج لمجالك وتعرف تفرق بين الكاميرات ..

واللي يقول لك لازم تصور جذي ولازم تصور جذي !!! تأكد انه تفكيره محدود .. الناصح الناجح ما يقول لك انت شو لازم تسوي .. يقول لك روح وجرب بنفسك وشوف شو تكتشف .. اقنع نفسك وامتلك الخبرة ..

دائماً استمتعوا فالتصوير .. لانه إحساسك وثقافتك ومشاعرك .. هذي لغة العالم .. حتى الطفل اذا شاف صورة فيها إثارة ومرح تحصله يبتسم يضحك ..

شكرًا وآسف عالتاخير

تذكار
13-11-2011, 07:43 AM
عدنا ...

1/موقف طريف حصل لك وانت تمارس هذه الهواية.....؟؟

2/ مالذي يصنع الصورة...؟؟

3/ يُقال "التصوير فن" ، وكذلك يُقال بأن "التصوير توثيق" ، ويُقال
بأن "التصوير قد يكون في لحظة مفاجئة حظ" ، فـ ماذا تقول ؟!؟

pink heart
13-11-2011, 04:48 PM
عدنا

- هل تؤمن باستخدام الفلاتر في كاميرات التصوير
وبرأيك هل برامج تحرير الصور ( الفوتوشوب مثلاً ) كافية لإضفاء لمسة جمالية على الصورة ؟

- لم يعرف التصوير الضوئي بشكل كبير إلا بعد ظهور الانترنت فبرأيك هل للإنترنت دور كبير في انتشار هذا التخصص ؟

- بماذا تهتم قبل عمليـة التصويـر ؟

سعيد العامري
13-11-2011, 05:36 PM
السلام عليكم

حياك الله مصورنا المبدع في المنتدى
أسعدنا هذا التواجد


بدون كثرة كلام راح أبدأ بالأسئلة :S_005:
من هو سعيد العامري (( في سطور )) ؟؟

اممممم

عندك هوايات أخرى غير التصوير ؟؟

اممممم

قبل فترة سمعت انك مب حاب ان يكون التصوير هو مهنتك الأساسية و حاب انها تبقى هواية .. ليش ؟؟

و السموحة منك :nosweat:



من هو سعيد العامري (( في سطور )) ؟

freedom is my identity


هذا هو سعيد العامري :) .. ما اقصد بالحرية اني اسوي الي ابغيه وبكيفي ؟

يوم بتزورين اماكن بعيدة عن المدن وزحمة الناس وحشرتهم .. وتشوفين الطبيعة وتتعمقين في خلق الله .. بتعرفين شو اقصد :)

عندك هوايات أخرى غير التصوير ؟؟

قبل لا امارس هواية التصوير .. نعم .. كنت العب قدم في نادي النصر وكنت ارسم وفترة كنت اصمم بالفوتوشوب وكنت انزل صور من موقع عيون دبي واستخدمها في تصاميمي :) . هذا كان في 2004 ..

بعد ممارسة التصوير .. تغيرت حياتي .. بديت اشوف كل شي بتمعن .. وما عندي شي اسويه غير قراءة كتب التاريخ .. واسمع الاخبار عالراديو .. BBC arabic .. ادري ( شيبة )

قبل فترة سمعت انك مب حاب ان يكون التصوير هو مهنتك الأساسية و حاب انها تبقى هواية .. ليش ؟؟


بالضبط .. في هذيج الفترة ما كانت لي اي ارادة .. وخذت طابع سلبي .. لاني تعاملت مع جماعة يشتغلون كمصورين .. لكن للاسف ما كنت اقدر اتصرف على راحتي .. وكنت مربوط ..
مثلا يقولون لا تروح مكان اليوم .. عندنا اجتماع ها .. لا تصور هذا وصور هذا ها .
لازم تسوي جذي ومب لازم تسوي جذي والخ .. واعرف ربعي تعاملوا وياهم .. لكن ضاعوا خلاص .. ماصاروا يبدعون ويبتكرون اشياء يديدة .. لانهم خلاص صاروا مبرمجين علي شغله وحدة ويسلكون طريق واحد .. وخبرتهم صارت محدودة ..وانا من النوع الي يحب يتعلم ويوسع فكره وماحب حد يسيطر على هوايتي .. لاني مرات افكر .. واقول ما اشتريت كاميرتي عشان حد يسيطرعلي .. ادري هذا شغلي واحترمه ونمشي خطوة خطوة ولكن نفس الوقت ادفن شي اقدر اقدم من خلاله الكثير .. وادفنه من اجل المهنة وبرسم خط النهاية .. انا احب التصوير ويحق لي اصور اللي ابغيه واللي يكون فخاطري واطبق افكاري .. واسير وين ما ابغي عشان اصور .. ما احب اكون مقيد بالذات في المجال اللي احبه .. فقلت اذا المهنة تبعدني عن هوايتي فما ابغيها ..

لكن مع الوقت .. الحمدلله بديت افهم وايد امور في هالمجال .. مثل تصوير الاعلاني والفاشن والتصوير في الستوديو وبالذات بعد ما تعلمت اساسيات الفلاشات وكيف اتحكم بهم عشان احصل نتايج طيبة و التصوير المعماري والخ .. والحين مستعد اسوي مشروع بنفسي الحمدلله .. ومحد يديرني وعندي الي يساعدوني ونشتغل كفريق .. ونشتغل بثقة الحمدلله ..

شكرا ً

سحآبة صيف
13-11-2011, 11:10 PM
احم رجعت بعد اجابتك على اسئلتي عشان أحشرك من يديد :idiot_alam:

1- ماذا تعني لك المرأة ؟
2- هل تعتقد إن هواية التصوير أشغلتك أو خلتك تتخلى عن أمور ثانية كانت مهمة بحياتك ؟
3- الحياة الإجتماعية شو تعنيلك ؟



:D

nice life
13-11-2011, 11:37 PM
حيآك آلله سعيد آو سفير دبي.. كمآ تشآء :)

سفير دبي لدي وجهة نظر بآلتصوير ب آمكآنك آقنآعي آو آقنآعك ..!

وجهة نظري ..

(آن آلتصوير صوره حقيقه ولكنهآ ورقيه مجرده من آلحركه وتنقل آلحقيقه بمعيآرهآ آلثآلث .. ولكن في آلوقت هذآ مع تطور عدسآت آلتصوير ونزول برآمج مطوره في تعديل آلصور آصبحت آلصوره مصوره ومرسومه..
فقدت آلكميرآ جمآلهآ آلقديم وآكتست ثوب آلتزيف آلمطور ..!! قبل آيآم كنت آشآهد صور آلتقطت من حوش(حوي) عمي فقلت لبنت عمي معقولة هآلسمآء آلمزرقه بآلسعوديه..؟؟ قآلت لآ هذآ سمآء عدسة كآنون :) , سعيد نعم تصويرك رآئع وآنت مبدع وتعجبت مرة حينمآ علق عيون دبي على آحدى صورك ب آنهآ صآفيه من آلتعديل لكني بكل صدق لآآصدق عدستك دآئم ..هذآ لآيعني آني آقول آنك تستخدم آلفوتو لآ لكن بعض آلصور يستحيل للمنطق آن تكون بهذه آلروعه ..)

هل آلتصوير آلآن ليس صورورقيه, آنمآ صور معآلجه؟..؟؟ آو كآن آلتصوير قديمآ لذكرى وآلآن هونتآج دورآة تصويريه ..؟؟



آعذرنيعلى آلآطآله كنت آنتظر آللقآء لهذآ آلسبب..:)

سعيد العامري
14-11-2011, 12:59 AM
عدنا من جديد :)



ماهيه افضل كاميرا في نظرك من خلال تجربتك في عالم التصوير

ماهيه انواع العدسات وماهو افضلها


هل لتصوير النهاري وقت معين خلال ساعات النهار

مرحبابك اخوي عيون دبي .. اسئلتك مفيدة جدا وحلوة وشكلي بقدم دورة الحين :)

ماهيه افضل كاميرا في نظرك من خلال تجربتك في عالم التصوير

بلغة مصور .. اذا خيالك حلو ونظرتك الفنية حلوة .. فأي كاميرا بين يديك تستوي افضل كاميرا ..

لكن فالواقع كـ system وكـ تكنلوجيا من خلال تجربتي للنيكون والكانون والفوجي ..

اشوف النيكون تناسبني اكثر لانها عملية .. كل الاشياء الي يعتمد عليها المصور اثناء التصوير موجودة وبمجرد ضغط عالازرار بدل ما تدخل المينيو ويضيع وقتك .. واكسسوارتها متوفرة واكثر ..
والكانون حلوة واستخدامها سهل بس المشكلة تدخل المينيو وايد اذا بغيت تغير خصايص ولكن اذا بنتكلم عن جودة الصورة .. فالكانون والنيكون يعطونك جودة عالية ونتايج حلوة ..

لكن بالنسبالي .. النيكون كسيستم وتكنلوجيا .. تعجبني

ماهيه انواع العدسات وماهو افضلها

العدسات اتيك 3 انواع رئيسية

Wide angle
Standard
Telephoto

وكل نوع تعرفه حسب البعد البؤري .. standard يكون البعد البؤري 50 مم ..

بتكلم عن الـ wide angle

http://farm2.static.flickr.com/1321/3270770038_b1b1884bb9.jpg

http://imgs.abduzeedo.com/files/articles/gorgeous-wideangle-photography/2754113949_15f9d2a2ae_z.jpg

http://farm5.static.flickr.com/4054/4561132763_4c5c748345_o.jpg

اي عدسة اذا البعد البؤري مالها اقل من 50 .. فتعتبر من فئة الـ wide angle لان كل ما نزل الرقم عن الـ 50 مم .. كل ما كانت تغطية العدسة للمنظر اوسع وتكون اطراف الاطار مايله على داخل لان العدسة تحاول تغطي العرض .. يعني مثلا 40 مم تعتبر العدسة wide angle و اذا يتك 30 مم بتكون تغطية الزاويه اعرض من 40 وانت نازل .. والـ wide angle مناسبة لا يحد يقول لك لازم بل مناسبة لتصوير الطبيعة والمعماري لان هذا النوع من التصوير بشكل عام يحتاج تغطية عريضة .

الـ standard

http://news.dphotographer.co.uk/wp-content/uploads/2011/04/5018-300x286.jpg

http://farm3.static.flickr.com/2549/3919435206_642c8a04ae.jpg

http://cdn-4.nikon-cdn.com/en_INC/o/fMdY0CxLV3Gv08WO0JcFbiGDBKY/Overview/Bokeh.jpg

http://l.yimg.com/www.flickr.com/images/spaceball.gif

http://l.yimg.com/www.flickr.com/images/spaceball.gif

البعد مالها ثابت وهو 50 مم .. مثل ما تشوف عينك واقصد هني ان ماشي اطراف مايله في الاطار .. كل شي فالصورة طبيعي وحلو.. ويفضلونها لتصوير الاشخاص .. لان ابعاد الويه تكون مثل ما تشوفها .. مب عريضة مثل ما تعطيك عدسات الـ wide angle .. تقدر تصوربها كل شي حتى الطبيعة ..


والـ telephoto

تستخدم لتصوير الحياة البرية وتصوير الرياضي .. لانك غالبا ما تكون قريب من المواضيع الي بتصورها في هالمجالين .. توقف بعيد طبعا وتحتاج عدسات تقرب المسافة

http://www.luminous-landscape.com/images-56/Monster_vs_400mm.jpg

http://wwwdelivery.superstock.com/WI/223/1848/PreviewComp/SuperStock_1848-96938.jpg

http://www.visualphotos.com/photo/1x6952580/Professional_sport_photographer_with_a_large_N07-546879.jpg

http://image.shutterstock.com/display_pic_with_logo/148285/148285,1245276711,41/stock-photo-wildlife-photographer-outdoor-32263675.jpg

http://4.bp.blogspot.com/_-4Ut-X9AvMc/Rjsh2WEFo9I/AAAAAAAAAUM/nbec9eFcyjE/s400/183552581_ac47086e55.jpg

اذا يتك العدسة بعدها فوق الـ 50 مم فتعتبر تيليفوتو .. ما بتشوف اختلاف في الابعاد لانها فوق الـ 50 مم ..

واتيك باحجام مختلفه على حسب البعد البؤري فيها

http://www.mir.com.my/rb/photography/companies/nikon/nikkoresources/telephotos/superlensgroup1.jpg

والنتايج

http://www.popphoto.com/files/_images/201002/PPH0310_WIL_01.jpg

http://www.sacamera.co.za/blog/wp-content/uploads/2009/07/sports_photography.jpg

وهذي العدسات تكون سريعة من ناحية الفوكس او التركيز .. لان في كلا المجالين الحياة البرية والرياضي .. فيهم حركة واكشن .. فالشركات تعرف المصور شو يحتاج .. فتصن العدسات هذي مع سرعة فائقة في الفوكس ..

هذي انواع العدسات بصورة عامة ..

لكن بيسالونك شو عن الـ فش اي او Fisheye lens او الماكرو Macro

الفش اي تعتبر من الـ wide angle لانها 100٪ بيكون البعد البؤري مالها تحت 50مم وتكون معظمها بين ٨ مم و 15مم .

و يسمونها فش اي لانها تشوف مثل عين السمكة .. وتغطي زاوية عرضها 180 درجة

Macro

الماكرو تكون في الاغلبيه من 50 و فوق .. يعني من فئة تيليفوتو .. والفوكس مالها يمسك مسافات قريبه جدا تنحسب بالسانتي او بالملي ..
هذي عشان تصور و تشوف الاشياء الصغيرة من قريب جدا ..

انتهينا من اهم الانواع .. لكن للاسف تسمع بعض المصورين يوم يشوفون عدسات كبيرة يقولون عنها عدسات الزوم .. هذي معلومة مش صحيحة ..
لانهم ما يقرون عنها وما يعرفون يفرقون بين عدسة وعدسة بلُغة التصوير .. والمشكلة المبتدئين يتعلمون منهم ..
هذي العدسات الكبيرة طبعا يسمونها تيليفوتو ..

واذا كان بُعدها فوق الـ 300 فنقول عنها super telephoto

العدسات الي ذكرتها فالبداية

wide angle - standard - telephoto


حتى هذيله ايضا بتحصل لكل وحده منها نوعين

وحدة يسمونها زوم والثانية برايم

Zoom Lens -- Prime Lens

الزوم اذا البعد البؤري يتغير من رقم الى رقم

مثال علي عدسة wide angle من النيكون و الكانون

http://www.kenrockwell.com/nikon/d3/images/d3-14-24mm.jpg

http://www.finalsense.com/news/image/camera/canon-Lens-ef16-35.jpg

nikon 14-24mm f2.8

canon EF 16-35mm f2.8

لاحظ البعد البؤري يتغير من رقم الى رقم

فـ يسمونها zoom wide angle lens

وعندك نوع البعد فيها ثابت ويسمونها برايم

Prime wide angle lens

مثال من النيكون

nikkor 14mm f2.8

http://www.talkurbex.com/site/wp-content/uploads/2010/09/4911086676_3fed2af3cb_z1.jpg

وهنا الفرق واضح بين الزوم عاليمين والبرايم عاليسار

http://www.kenrockwell.com/nikon/images1/14mm/D3S_9190-vs-14-24mm.jpg

telephoto

http://photo-help.com/wp-content/uploads/2011/02/Comparing-Canon-Super-telephoto-Lenses-200x200.jpg

والتيليفوتو نفس الشي .. اذا البعد ثابت يسمونها

prime telephoto

واذا البعد متغير من رقم الى رقم .. معناته انت تستخدم الزوم

zoom telephoto
----------

انتهينا من البرايم والزوم

========

كيف تفرق بين عدسة قوية وحادّة عن العادية

وبختصار شديد .. عشان افيدكم كيف تقدر تفرق لكل نوع من ناحية الجودة والنتايج الحادة .. من عدسة جودتها عاليه عن العادية .. لو تشوفون وين مكتوب رقم البعد لكل عدسة .. بتحصلون اخر رقم

1:2.8

هذا رقم فتحة العدسة .. كم اوسع شي تقدر تعطيك .. لكن ايضا هالرقم له معنى ثاني لكن ما اقدر اشرحه الحين لان الشرح بيطول وايد ..

اذا شفتوا اي عدسة تنتهي بهالرقم .. 80٪ تكون غالية ..

اذا شفتوا على سبيل المثال

Nikon 70-200mm f2.8

و

Nikon 70-300mm f3.5-5.6

بتلاحظون الـ 2.8 اثقل وزنا واغلى سعرا ً .. لان المسألة فيها جودة الزجاج وسرعة الفوكس sharp results

فبشكل عام .. اذا شفت الرقم فوق الـ 2.8 .. جودة اقل وارخص .. واذا شفت الـ 2.8 واقل منها .. جودة اقوى more sharp و better glass و سريعة

وطبعا مثل ما قلت .. كل عدسة لها مميزاتها .. محد يقدر يعرف انت شو تبغي ..

فبعد ما المصور يعرف هالمعلومات ويكون ملم فيها ..

خلاص هو يكون صاحب القرار ويشوف شو اللي يناسب مجاله ..

هل لتصوير النهاري وقت معين خلال ساعات النهار ؟


هم المصورين اهم شي عندهم الوقت .. وين تكون الشمس .. واذا قلت لك فترة الصباح والعصر .. فالجواب هنا لا يكفي .
المواسم مهمة ايضا ً.. يعني في عز الشتا والجو مغيم والسما زرقا .. تقدر تصور يوم كامل .. خلنا نقول في الدول الاوروبية .. تقدر تصور يوم كامل هذا يمكن حتى في صيفهم .. وتعرف الدول الاوروبيه كيف مناخهم .. الجو فالنهار بالنسبالي اهم شي .

شكرا ً لك اخوي عيون دبي

عــيـ دبـي ــون
14-11-2011, 01:20 AM
ارفع لك القبعه على قولتهم

اشكرك عطيت الاسئله حقها فعلا..موضوع هالمقابله مهم لكل الاعضاء والزوار وكمرجع للجميع ليستفيد منه كل هاويه وحاب التصوير لانه عالم اخر في نظري..


هل هناك اختلاف في التصوير بالنسبه للاماكن في الدول العربيه والدول الاوروبيه

لانه في نظري التصوير في الدول الاروبيه تساعد المصور على اظهار الابداع الجمالي لصوره

اما الدول العربيه العكس المصور هو من يساعد على اظهر الصوره الجماليه لتصويره

لا اعرف هل نظريتي صحيحه ام خاطئه الجواب عند مبدع مثلك :)

سعيد العامري
14-11-2011, 01:46 AM
ارفع لك القبعه على قولتهم

اشكرك عطيت الاسئله حقها فعلا..موضوع هالمقابله مهم لكل الاعضاء والزوار وكمرجع للجميع ليستفيد منه كل هاويه وحاب التصوير لانه عالم اخر في نظري..


هل هناك اختلاف في التصوير بالنسبه للاماكن في الدول العربيه والدول الاوروبيه

لانه في نظري التصوير في الدول الاروبيه تساعد المصور على اظهار الابداع الجمالي لصوره

اما الدول العربيه العكس المصور هو من يساعد على اظهر الصوره الجماليه لتصويره

لا اعرف هل نظريتي صحيحه ام خاطئه الجواب عند مبدع مثلك :)

بس اعتذر من الاخوة لي سئلوا قبلك .. برد عليك بسرعة بما انك موجود وسالت ..

نعم نظريتك صحيحة 100٪ .. والسبب هو الجو .. فالجو وصافاءه يساعدون على اكتمال جمالية الصورة .. من ناحية الالوان بالذات وتباينها ..

لكن نفس الوقت ما بنقول خلاص نحن في دولنا ماشي صور حلوة .. ولازم نسافر اوروبا عشان نحصل صور جميلة ..

مثل ما تفضلت المصور هو الي يظهر جمالية الصورة .. وهذا بحد ذاته تحدي ومتعة .. تحدي الذات ... وتتعلم من خلاله وايد امور .. اولها الصبر .. وخبرة في اختيار المكان المناسب في الوقت المناسب وتتابع الاحوال الجوية .. انا زرت اماكان في عمان مثل صور و وادي بني خالد و خصب في الصيف .. اشوفها شي .. ويوم ارجع فالشتا اشوفها شي ثاني .. و احلى .. فتتعب اكثر بتتعلم اكثر ..

تسلم

كتبيه محبوبه
14-11-2011, 08:50 AM
مرحباااااابج اختي

بداياتك في التصوير؟ ومتى البداية الفعلية لـ سعيد؟

البداية كانت اثناء دراستي في خارج الدولة .. في 2005 يوم صورت ربعي صورة تذكاربة عالغروب وكان من بينهم مصور وشاف النتيجة ولاحظ أن توزيعي كان مرتب في الصورة يعني كنت عاطي مسافة للغيوم الحمرا ومخلي الشباب على طرف الإطار ومسافة للشارع .. عيبته اللقطة وحب يشوف اذا عندي لقطات ثانية ماخذنها من قبل واذا بعدها مخزنة في الكاميرا ... عيبه تصويري ولاحظ أني أخذ زوايا جيدة .. فقال ليش ما تتعمق في هالمجال ؟ ما كنت افهم شي فالتصوير
وما كنت اعرف ان التصوير حتى يدرسونه .. فقال لي التصوير ذوق وفن وصبر .. بعد التخريج في نفس السنة يلست سنة كاملة ما امارس اي هواية .. قررت أني أخذ كاميرا من السوني وكانت Sony R1
قلت بجرب اصور وانخدعت فيها انها كاميرا احترافية :)
وشهر 10 شريت كاميرا من النيكون وكانت Nikon d80 ..وايد واجهت مشاكل في البداية وراسلت مصورين في منتديات لكن للأسف محد كان يرد على أسئلتي . فبديت اقرا الكتيب للكاميرا واجرب فص فص واصور .. لين ما تعرفت على اساسياتها وتمكنت منها الحمدلله

والبداية الفعلية كانت في 2007 مع تصوير القطرات وبعدها ضفت افكار مثل انعكاسات داخل القطرة وبعدها اتقلت للمعماري الليلي في تصوير دبي وتصوير الطبيعة .


نشاهد جمال وروعة الأفكار والتنفيذ في لقطاتك – ماشاء الله – فكيف تأتي الفكرة وهل يتم رسمها أو مثل مايقولون تأتي على البركة؟

هو يعتمد اختي على حسب الموضوع اللي اصوره .. بعض الصور تحتاج سيناريو وترتيب وأرسمها بالفعل قبل التنفيذ .. مثل تصوير البورتريه ..





واحيانا تخطيط ونفس الوقت استغلال الجو ( الحظ )




او مثلا طالعين رحلة لتصوير الطبيعة والعدسات كلها معاي ونوقف مكان عسب نصور وفجأة آتيك افكار وتنفذها نفس الوقت ( تجرب حظك لأنك ما تعرف كيف بتطلع النتيجة واستمر فالمحاولة لين ما توصل لنتيجة ترضيك )



بالنسبة لتصوير الطبيعة .. جمالها يعتمد عالجو ومحد يتحكم به غير الله سبحانه و تعالى .. فأحاول قدر الإمكان استغل الجو .. وهذا اتابعه عن طريق موقع الأرصاد accuweather.com و weather.com .. للإمارات وعمان .. متى ماكان الجو حلو .. طبعا المتوقع يكون قبله بيوم او يومين وأكون مستعد ومجهز عدتي .. مثلا اذا الجو حلو وبيستمر يومين او اكثر .. فابات اذا كانت المنطقة بعيدة مثل خصب او صور في عمان .. ومحد يعرف شو يصير .. انت فقط اهم شي عندك تمتلك خبره كافية في معرفة اماكن الاضاءة والظلال واختيار العدسة المناسبة والفلاتر دايما تشلها معاك وتجربها وتعرف كيف تسيطر على آلة التصوير عشان تحصل على افضل نتائج ..

في أي مجال لابد للشخص من تطوير نفسه حتى يصل للاحتراف في ذلك المجال فكيف تطور نفسك في مجال التصوير ، ونصيحتك للمصورين لتطوير قدراتهم ؟

عن نفسي بصراحة بعدني ما وصلت للاحتراف .. لان الاحتراف اذا كنت متخصص في مجال معين فالتصوير ويكون مصدر دخل من وراه .. ويكون خبير في مجاله كونه يمارسه من فترة طويله .. فالأغلبية منهم يفكرون في المادة .. عندج المصور الصحفي ابسط مثال ..

من خلال تجربتي ..اقول بكل صراحة والله يشهد على كلامي لهم .. دائماً اعتمدت على نفسي في البداية .. تعلمت واكتشفت اشياء ما تنعطى فالدورات وتأكدت من هالمعلومات بنفسي في المواقع الاجنبية واليوتيوب وهالشي زادني ثقة في نفسي الحمدلله .. وما زلت أتعلم وابحث واتابع مصورين عالمين .. واذا اكتشفت معلومة يديدة .. ما اعتمد عليها لين ما أتأكد منها واجربها بنفسي وابدا ابحث في اليوتيوب او القوقل . واسمع للمصورين اللي دائماً يصورون ويغامرون وأكيد يمتلكون خبرة لانهم يمرون بتجارب مختلفة باستمرار .. اولهم علي بن ثالث الحميري .. وابتعد عن اللي تجاربهم قليلة وكلامهم اكثر .

ونصيحتي لكل مصور طموح ..

اذا كنت تبا تتعلم .. اهم شي انك تحب التصوير وتحب عدتك ..
تعرف على عدتك وتعلم الفرق بين العدسات لان محد يعرف انت شو من عدسات تحتاج .. انت تعلم عنها عشان تعتمد على نفسك و مارس التصوير ولا توقف .. يمكن تشوفه صعب فالبداية بس لا تنحبط ولا تتراجع .. واقرأ في النت لانه بحر من المعلومات .. وحاول تطبقها واختبر نفسك .. اقرأ كل شي يخص التصوير .. اذا كنت تحب اعمال مصور حاول تقلده ترا مب عيب .. انت تقلده تختبر قدراتك فقط
وخل هالشي بينك وبين نفسك .. تواصل معاه وسأله عن لقطاته وخذ نصائحه بس اذا تبغي تكون مميز لا تتبع أسلوب اي حد تراك ما سويت شي .. ما يبت شي يديد في الساحة .. خذ العلم منه اذا عطاك وزيد لمساتك الخاصة او حاول تضيف افكار يديدة او تاخذ التقنية في تنفيذ أفكارك .
ولا تأخذ نصيحة مصور واحد لانه أكيد عنده أسلوبه الخاص .. شوف اعماله قبل واحكم .. ونصيحة لا تسمع من شخص فقط يتكلم وماعنده اعمال قوية .. يمكن يمتلك شهادة لكن خبرة لا والسبب انه ما يمارس
وماسك منصب من ورا الشهادة . اسمع لأفضل المصورين لكن مش من شهايدهم بل من أعمالهم القوية .. ودائما اقول الخبرة افضل من الشهادة وأعمالك هي اللي تتكلم عنك ..

والصورة دائماً تكون جميلة بمجرد انها يت بفكرة يديدة .. حتى لو كانت بسيطة .. ولا تفكر فاضل كاميرا وتقول لازم هذي ولا ما قدر اصور .. الا اذا كنت واصل لمرحلة انك فاهم شو تحتاج لمجالك وتعرف تفرق بين الكاميرات ..

واللي يقول لك لازم تصور جذي ولازم تصور جذي !!! تأكد انه تفكيره محدود .. الناصح الناجح ما يقول لك انت شو لازم تسوي .. يقول لك روح وجرب بنفسك وشوف شو تكتشف .. اقنع نفسك وامتلك الخبرة ..

دائماً استمتعوا فالتصوير .. لانه إحساسك وثقافتك ومشاعرك .. هذي لغة العالم .. حتى الطفل اذا شاف صورة فيها إثارة ومرح تحصله يبتسم يضحك ..

شكرًا وآسف عالتاخير

الله عليييك وعيني عليييك باااارده ربي يحفظك
ياااربي من كل ششر اصراااحه كفيت وووفييت
في اجوبتك ومااافيييك حيله وعرفت في هذا القاااء
الراائع اشياااء واااااايد حلوووه ومفيييده انااا
كنت ماااعرفهاااا عيبني تصويرك عيبني اسلوبك
في التقااط الصور عيبني ردك على اسئلتنااا
عيبني هذااا القاااء سلمت وربي يعطيييك
الف الف عااافييه على هاالاردود الحلوووه
ولك مني احلى تقيييم واحلى ستاااار وانته
تستاااهل اكثر معااااكم في هذااا القاااء قلبااا وقااالبااا
ربي يووفجك يااااارب في حيااتك وشغلك وهوايتك الحلووه

الغربه
14-11-2011, 10:56 PM
مصورنا سفير الابداع بعالم التصوير

ماعندي أسئله اقدر ازيدها علي اخواني وخواتي
بالمنتدي
الصور تتحدث عن ميلاد مصور تفخر الدوله
انه يكون واحد من ابناؤها المتميزين
واللي تقدر تفخر به بها المجال
فعلا انت فخر للوطن ولنا وللتصوير
يعطيك العافيه
لحقت اهنيك وما اقدر اوفيك حقك
لك شكري واعجابي وتقديري
اختك الغربه
اخوي
عيون دبي
هذا التميز مب غريب عليك
عشان يكون غريب علي منتداك واعضاءه
لك كل التقدير

همس
14-11-2011, 11:46 PM
حياك الله مصورنا المبدع في منتداه الرائع ..

نورت منتديات عيون دبي بتواجدك ومقابلتك الرائعه والمميزة ..

اسعدنا جدا هالتواجد الرائع والمميز ..

نبدا بالاسئله ..


ما الشي الذي جذبك في التصوير وجعلك من عشاقة ؟


نرى ان معضم المصورين يحملون حقيبة مليئة بالمعدات عن ذهابهم الى رحلات التصوير؟ ، ما هي اهم الادوات التي يحتاج لها المصور ؟


ما هي الفعاليات التي شاركت فيها ؟؟ وما هي الجوائز التي حصلت عليها؟

كلمه تود ان تقولها لمنتديات عيون دبي للابداع ؟

سعيد العامري
17-11-2011, 03:55 PM
السلام عليكم ورحمة الله وبركاته

مرحبا اخوي سعيد

انا ما اقدر اوصف لك شعوري عندما اشاهد صورك الرائعة افانا بعض الاحيان احاول اقراء صورك ومنها اطبقها واقلدها على بعض صوري ومنها اتعلم منك واستفيد.

انا لدي كثير من الاسئلة لكن بختصرهم في بعض الاسئلة واتمنى ما ازعجك فيها .

1_ ما هي الدوارت التي اتعلم فيها لفن التصوير الوفوتوغرافي .

2- ما هي الجمعيات في فن التصوير التي يمكن لي الانظمام لها .

3 صورة لا تنساها ابد .


واتمنى الاسمتاع بمشاراكاتك معنا .


http://im13.gulfup.com/2011-11-11/1321077697652.jpg (http://www.gulfup.com/show/X2azfda0wr6jo4)



مرحباااا عدسة زوم .. تسلم لي والله هذا من ذوقك اخوي

واسمحولي على التاخير

1_ ما هي الدوارت التي اتعلم فيها لفن التصوير الفوتوغرافي .

كل الدورات تقدر تتعلم منها فن التصوير غير اساسيات التصوير .. و من الافضل انك تكون فاهم اساسيات التصوير قبل كل شي .. عسب تكون مؤهل للمرحلة الثانية .. ولازم تعرف شو في المجال اللي تحبه و تبغي تتعمق و تتفنن فيه ؟.. هل هو تصوير لاندسكيب ؟ تصوير تجاري ويتفرع الى بورتريهات واكل وعطور والخ ؟ هذا كله بتكتشفه مع الوقت
لكن السؤال الاهم .. من منو تبغي تتعلم ؟؟؟ فنصيحتي لكم .. لا تدخلون اي دورة الا بعد ما تتاكدون منو اللي بيقدمهاوشو تخصصه وتشوفون اعماله اذا كان مبدع فيها ولا لا .. عشان تستفيدون من خبراته والتجارب اللي مر بها ..

مثلي .. اتمنى اتعلم واخذ دورة من هاي المصورة



Annie Leibovitz

http://www.youtube.com/watch?v=dNyIUlra9LU&feature=related

المغامر

Joe Mcnally



http://www.youtube.com/watch?v=59wjbFrc0JU



2- ما هي الجمعيات في فن التصوير التي يمكن لي الانظمام لها .

تقدر تنضم لـ جمعية الامارات في الشارجة
ودار بن الهيثم في دبي ( البستكية )

هذيله اسمع عنهم وايد بس ما انضميت لهم .. روح واكتشف بنفسك :) ؟

3- صورة لا تنساها ابد .

بصراحة سؤالك صعب :) ..

لين الحين ما صورتها .

تسلم عدسة زوم .. اسئلتك جميلة

سعيد العامري
17-11-2011, 06:00 PM
مرحب اخوي سفير دبي

انا من عشااق لتصويرك وافكارك..

وانااحب التصوير واتعلم التصوير من نااحيه صورك.. وافكاارك ..

ليش اخترت التصوير ؟؟

تحب تصوير ماكرو؟؟

من هو المصور الحقيقي؟؟

شو نصيحتك لي كا مبدئه فالتصوير . وشورايك في كميرا نيكون دي 7000 ؟

ولي عووده :)

ربي يوفقك

مرحبااا مالي مثيل .. شكرا عالكلمات الطيبة ..

ليش اخترت التصوير ؟؟

من التصوير اقدر اعرف .. حسك .. ثقافتك .. خيالك .. ذوقك وفنك .. رسالتك .. فكرك .. طولة بالك .. التعمق في خلق الله

هذا النوع من التصوير اللي اخترته


تحب تصوير ماكرو؟؟

احب تصوير الماكرو نعم .. صح انه صعب بالذات اذا اصور الكائنات الحيةومتعب يوم تكتم النفس عشان تثبت التركيز ( الفوكس ) ولكن فيه تحدي الذات وصبر .. واللي يصور ماكرو خياله واسع وعينه مب مثل عين اي شخص عادي .. وهني ما اتكلم عن الحشرات ومشكلتنا يوم نسمع الماكرو نتخيل حشرات وتفاصيلها بس .. لان الاغلبية اللي نشوفهم حولنا يصورون حشرات وبس .. وهذا خط النهاية للخيالً

الماكرو فن ومن خلاله تقدر تصور اشياء صغيرة مثلا على شكل تجريد .. او نبتة صغيرة مع خلفية حلوة او سلوك الكائنات الحية الصغيرة .. يعني اشياء ما تشوفها اي عين

اذكر مرة كلمني واحد من جنوب افريقيا .. وقالي انه شاف واحد يالس وخاش راسه في الحشيش ويصور

استغرب منه ويقول هذا شو يسوي ؟ وكان فيه فضول الا يعرف شو يصور .. فترياه لين ما يخصلص .. وساله شو تصور في الحشيش ؟؟؟ قال
اصور هذا ويراويه شاشة الكاميرا .. ولا يشوف شي مثل وردة صفرا وعليهاقطرات مكورة وخلفيتها خضرا .. استغرب ؟؟؟ وين هالوردة راوني اياها ما اشوفها ؟؟ واشر بصبعه قال هاي !! يقول لي يا سعيد ما تنشاف الوردة من صغرها .. تقيسها بالملي وتنشاف في الصورة كبيره .. فيقول المصور فعلا عينه غير


من هو المصور الحقيقي؟؟

المصور الحقيقي اللي ما يقول خلاص وصلت
اللي يستمتع و يحب هالهواية
وما ياخذ التصوير مثل سباق الماراثون
خياله واسع
باله طويل
مثقف
يعرف كيف يوصل الفكرة
صادق مع نفسه دايماً

شو نصيحتك لي كا مبدئه فالتصوير . وشورايك في كميرا نيكون دي 7000 ؟

هو تقنيا وفنيا

تقنيا


كيف تسيطين على كامج عشان تحصلين اللقطة اللي تبينها

تعرفي على اساسيات الكاميرا نفسها والاشياْ تتحكمين بهم الاضاءة وهاي اهم خطوة

الي هم3 واهم 2 .. الشتر ( الغالق ) وفتحة العدسة ... وثالثهم الايزو وشو وظيفة كل منهم؟

اذا عرفتي كيف تتحكمين بهم وتعرفين وظايهم .. فانتي عديتي اول واهم خطوة

حاولي تصورين على وضعية المينوال او يدوي

Manual Mode = M

لانه يسيطر الـ 3 وبتتعلمين بسرعة

حاولي تقرين الكتيب للكاميرا

بعد ما تشوفين انج تقدرين تسيطرين عالكاميرا من ناحية التحكم بالاضاءة والاهتزاز والفوكس والعزل والحدة

انتي جاهزه الحين ومستعدة للتصوير

تبين تصورين صور فنية

فنيا

عودي عينج عالاشياء الحلوة .. شوفي صور فيها ابداع وتعلمي منهابالذات المواقع الاجنبية .. وسئلي نفسج كيف خذ الزاوية وليش اختار التوقيت هذا .. ركزي وين الاضاءة واقعة في صورهم ووين الظلال .. اقري مجلات التصوير وكتب .. شوفي دروس عاليوتيوب .. لا تفكرين فالعدة لين ما تشوفين نفسج جاهزة

وشورايك في كميرا نيكون دي 7000

استخدم هاي الكاميرا .. وبصراحة ممتازة
وتعتبر من انجح الكاميرات في الاسواق .. لانها للمبتدئين وفيها خصايص حلوة قريبةمن كاميرات البروفيشنل .. وجودة الصور فيها والالوان قوية

الايزو متطور وهذا من اهم الاشياْ يتابعها المصور في الكاميرات .. لانه يتعلق بجودة الصورة

شكرا وبارك الله فيج واتمنالج التوفيق في عالم الضوء

سعيد العامري
17-11-2011, 07:19 PM
السموحه عالاطاله اخواني و اخواتي انا
فالدوام ..

لي عوده بالاجوبه .. الليله ان شاء الله
:smilies_051:

Pretty_girl
17-11-2011, 07:47 PM
خذ راحتك ،

ماشا الله

يزاك الله خير

بما انك قلت عادي نسأل بعد ، ^^ قلت استغل الفرصة الذهبية
قريت كلامك عن المانيوال ،
انزين .. أنا خاطري أعرف يوم أحطه عالمنيووال واصور تطلع الصورة سودة
أسير المنيو، اختيار الشتر وخيار ثاني بعد اتوقع الايزو، واغيرهم عشوائي واروح اصور ، اذا ماعيبني اروح اغيرهم مره ثانيه عشواي،
( الحين انا حابة استخدمه استخدام دائم بدال زر الاوتو والماكرو والبورتريت،،، فهمت؟)
خاطري اعرف متى انقص الشتر ومتى ارفع الشي الثاني ( الايزو اتوقع )

وايد قريت عن هالشي فالنت عن فتحة العدسة والشتر بس مافهمت شي :tears: ياليت لو عندك طريقه مبسطه تخليني افهم هالشي وايتم فبالي
بالتوفيق
واعذرني ... وشكرا لك

عــيـ دبـي ــون
18-11-2011, 02:46 AM
نشوفنا بنطول مده اللقاء عيل :)






من هو افضل مصور اماراتي في نظرك والافضليه في الاحتراف اقصد



لك الكثير من الاصدقاء وخاصه من لديهم هوايه التصوير من تتوقع منهم سيكون له اسم في عالم التصوير والابداع


خبرني عن هالطفل ماشاء الله عليه

كيف تقبل هذا الدور

http://www.dubaieyes.net/talents/PhotosFile/9/1246078800290894102953.jpg

عــيـ دبـي ــون
18-11-2011, 11:33 PM
احبتي اعضاء المنتدى

بعد اذن اخوي سفير دبي

راح يكون نهايه اللقاء يوم الاثنين تاريخ21 وقابله لتمديد ليتسنى لمبدعنا الاجابه على بعض الاسئله واتاحه الفرصه لمن اراد ان يسئل

المصمم العربي
19-11-2011, 12:55 AM
بسم الله الرحمن الرحيم

أخي المبدع والمميز ....

سعيد العامري

بكل تحيه وإحترام أقف بهذا المنتدى ... وأوقع على روعة ذلك اللقاء ..
مميز بكل ما بالكلمة من معنى ....
لم يتبقى لي أي أسئلة ... بل وأيضاً لم يتبقى لي شيئ إلا وقد إستفدت منه .. كل كلمة قرأتها بهذا اللقاء كانت فائدة لي ..

فشكراً لك .. ولأخي عيون دبي على إتاحة الفرصة لنا بالإستفادة من تلك الأسئلة .. والردود ...

مع كل إحترامي وتقديري

سعيد العامري
19-11-2011, 02:05 PM
مرحبابك اخوي سعيد العامري في هالمقابله اللي اسعدتنا
و شكرا لاخوي عيون دبي على اتاحة الفرصه لنستفيد من خبرتك في التصوير

اخوي سعيد العامري لاحضت في بعض صورك لقطات نادره ما تي اللا في لحضات و ما تتكرر
السؤال
1ـ كيف تعرف اللحضه المناسبه لتصوير وهل تكون الكامره دايما معاك
2ـ طريقة انتقائك للموقع و الزاويه و الضوء
3ـ وهل تفضل استخدام الفلاش في التصوير

اتمنى اني ما ثقلت عليك بالاساله
تحياتي لك اخوي المبدع سعيد العامري

حياك الله اخوي محمد االشامسي

تسلم على كلماتك الطيبة .. من ذوقك

1ـ كيف تعرف اللحضه المناسبه لتصوير وهل تكون الكامره دايما معاك


الكاميرا كل يوم اشلها معاي .. بس اذا مخطط حقالتص،يو في مكان .. فاخذ العدة كلها

من عدسات وفلاشات وامبريلا .. اذا تقصد باللحظه المناسبة لتصوير الطبيعة .. فهذا لاني اتابع موقع الارصاد ..

واستغل الشتا .. و الجو له دور كبير في الوان الصورة .. من ناحية التشبع والتباين + فلاتر اذا احتجت

تخيل هاي الصورة ماخوذه في الصيف و بدون غيوم وحر والخ

http://dubaieyes.net/talents/PhotosFile/9/128858760015821282268742.jpg

وتخيل هذي ايضا

http://dubaieyes.net/talents/PhotosFile/9/12959352001727436685607.jpg

الجو المناسب مهم :)


2ـ طريقة انتقائك للموقع و الزاويه و الضوء


و اختياري للمواقع + التوقيت ( تكلمنا عن الشتا ) .. مثلا اذا شفت منظر عيبني اوقف .. ليش اوقف ؟ لاني رسمت الصورة في بالي والحين ابغي اسجلها في كاميرتي ..
وكلنا بهالطريقة سبحان الله .. فهذا يعود لخيالك وذوقك ..

كيف تعود نفسك على اختيار المواقع ؟
لازم تتابع صور مبدعين .. وتثقف ذهنك وتعود عينك .. وعقب حاول تكون مختلف شوي بافكارك وتبتكر اشياء يديدة ..

3ـ وهل تفضل استخدام الفلاش في التصوير

نعم .. احب استخدام الفلاش في تصوير البورتريه (الناس ) ..

لكن ما يكون الفلاش فوق الكاميرا

http://www.itechnews.net/wp-content/uploads/2009/07/FujiFilm-FinePix-S200EXR-14.3X-Zoom-Camera-flash-on.jpg

و أفضل استخدام فلاش خارجي بنفس طريقة الفيديو

http://www.youtube.com/watch?v=GF4c0HCAB2A

شكرا محمد

سعيد العامري
20-11-2011, 11:15 AM
عدنا ...

1/موقف طريف حصل لك وانت تمارس هذه الهواية.....؟؟

2/ مالذي يصنع الصورة...؟؟

3/ يُقال "التصوير فن" ، وكذلك يُقال بأن "التصوير توثيق" ، ويُقال
بأن "التصوير قد يكون في لحظة مفاجئة حظ" ، فـ ماذا تقول ؟!؟
*

مرحبااااا

موقف طريف حصل لك وانت تمارس هذه الهواية.....؟؟

وايد مواقف حصلت لي بالذات في تصوير الطيور :)

كنت اصور هالطير في القرم ( كلبا )*

http://dubaieyes.net/talents/PhotosFile/9/1262671200992739734268.jpg

وهذي هي المنطقة

http://www.dubaieyes.net/gallery/data/media/339/080629.jpg

بسيارتي*

http://dubaieyes.net/talents/PhotosFile/9/12704436001278903364424.jpg

الطير كان مشاغب بصراحة و وايد لعوزني .. ينتقل من مسافة الى مسافة بعيدة مابين 100 لـ 200 متر .. فكنت اتبعه بسيارتي .. ودخل منطقة البحر .. ووقتها كان جزر وماشي ماي وشفت اثار تواير سيارات والمكان طين والطير بعيد دااااخل .. ( قلت في خااطري أنا ضارب خط ساعتين من دبي لين هني عشانك ) وأشغل الدفع الرباعي وادخل .. وهو يطير شرق وغرب وانا وراه .. وطلع من المنطقة رجع اليابسة .. طلعت وراه وانا لا شعوريا بندت الدفع الرباعي لان عيني عالطير .. ورجع دخل منطقة البحر *وانا وراه .. واسوق و أنا واضحك اقول ما لك مفر اليوم .. وعقب طار مره ثانية رجع اليابسة .. وانا كسرت السكان اوني بطلع ولا السيارة تغط وتنزل من ورا وانا اقول شو السالفة ؟ ولا اشوف أني مبند الدفع الرباعي .. شفت الطير واقف على غصن كانه يضحك علي .. شغلته الدفع الرباعي مره ثانية بس ماشي فايدة وبدت السيارة تغط من جدام .. بطلت الباب ولا اشوف الموتر داق تحت خلاص .. حكيت راسي ( شو اسوي الحين ) وكانت الساعة 3 ونص العصر وادري ان لين الساعة 5 بيصير مد وسيارتي بتغرق .. واشوف السيارات تمر برع *وفيها انجليز وارفع يدية فوق *وهم رفعوا يسلمون *ويصوروني ( أنزين ساعدوني !!!) .. ويت الساعة 4 ولا اسمع فقاعات تحت ريولي وتحت السيارة ( بيصير مد ) ولا اشوف دورية ياية .. قلت الحمدلله .. حاولوا يمين يسار وآخر شي طلعوني الساعة 5 والماي كان وقتها مغرق تواير السيارة .. ف الحمدالله .


2/مالذي يصنع الصورة...؟؟


المصور الفوتوغرافي في الاول والأخير

3/ يُقال "التصوير فن" ، وكذلك يُقال بأن "التصوير توثيق" ، ويُقال
بأن "التصوير قد يكون في لحظة مفاجئة حظ" ، فـ ماذا تقول ؟!

صحيح .. كلهم مرتبطين في بعض .. وهذا يدل ان التصوير صار جزء من حياتنا .. كل اللي تشوفه فالتلفزيون .. الاخبار والبرامج والخ عبارة عن توثيق .. ومنه الفن .. واذا كان حظ .. يعني أنا استغليت لحظة يمكن ما تتكرر .. فأنا محظوظ ..

التصوير ثقافة .. التصوير علم .. :)

سعيد العامري
20-11-2011, 11:57 AM
عدنا

- هل تؤمن باستخدام الفلاتر في كاميرات التصوير
وبرأيك هل برامج تحرير الصور ( الفوتوشوب مثلاً ) كافية لإضفاء لمسة جمالية على الصورة ؟

- لم يعرف التصوير الضوئي بشكل كبير إلا بعد ظهور الانترنت فبرأيك هل للإنترنت دور كبير في انتشار هذا التخصص ؟

- بماذا تهتم قبل عمليـة التصويـر ؟

- هل تؤمن باستخدام الفلاتر في كاميرات التصوير
وبرأيك هل برامج تحرير الصور ( الفوتوشوب مثلاً ) كافية لإضفاء لمسة جمالية على الصورة ؟

هو لابد من استخدام عدة اضافية عشان تطلع الصورة بافضل نتيجة .. عشان ما نعدل على الفوتوشوب وايد ..

بتشوفين فئة من المصورين الكسالى .. صور مرتين ويقول الباقي في الفوتوشوب .. وفئة تقول 30٪ تصوير و 70٪ تعديل ..

وبتحصلين ناس تتعب اكثر في التصوير عشان تقلل استخدامها للفوتوشوب او برنامج معالج ..

فهذي وجهات نظر من باب التجارب .. مب قانون ..

عن نفسي .. ابا اكون مصور فوتوغرافي .. ما ابغي اعتمد عالتعديل وايد فابذل جهد اكبر .. مثلا اذا اصور منظر طبيعي وابغي السما تكون زرقا اكثر .. فاستخدم بولورايزر فلتر ..

http://upload.wikimedia.org/wikipedia/commons/thumb/d/d8/CircularPolarizer.jpg/500px-CircularPolarizer.jpg

لكن هناك فئة تقول بغمجها بالفوتوشوب .. واذكر واحد كان يصور في ستوديو ربيعه .. فطلب منه يخوز الكرسي لان ما يباه يطلع فالصوره .. فقال له لا تحاتي بخوز الكرسي بالفوتوشوب !!! يعني كسل لابعد حد ..

الصورة بصيغة الـRAW صحيح قابله للتعديل وما تاثر على جودة الصورة .. بس كلما تتحرش فالصورة .. تتاثر البكسلات .. فالنهاية جودة الصورة تتاثر .. فهذا هو السر لعدم الاعتماد على التعديل وايد ..

المعالجة تكون بمستوى معقول .. هذي فالنهاية كاميرا ومستحيل تعطي كل شي 100٪ .. مرات تكون الصورة ناقصه اضاءة او تحتاج رفع اضاءة ( التعريض ) او الوان او التباين .. تعديل ميلان .. تحتاج حدة .. او عناصر مزعجة للنظر اشلها .. .. هالاشياء اللي اسويها ..

لو يبت لج صورتين حلوات .. لنفس الموضوع .. والثنتين يتشابهن وماشي فرق

بس بقول لج هذي بالتعديل وهذي بدون تعديل ؟ اي صورة بتقدرينها اكثر ؟

- لم يعرف التصوير الضوئي بشكل كبير إلا بعد ظهور الانترنت فبرأيك هل للإنترنت دور كبير في انتشار هذا التخصص ؟


بكل تاكيد .. الحين نحن كلنا نعرف بعض من الانترنت .. وايضا التصوير .. صرنا نتعلمه من هالشبكة .. الوصول لاي معلومه بكل سهولة .. واكثريتها مجانية :)

سعيد العامري
20-11-2011, 02:12 PM
احم رجعت بعد اجابتك على اسئلتي عشان أحشرك من يديد :idiot_alam:

1- ماذا تعني لك المرأة ؟
2- هل تعتقد إن هواية التصوير أشغلتك أو خلتك تتخلى عن أمور ثانية كانت مهمة بحياتك ؟
3- الحياة الإجتماعية شو تعنيلك ؟



:D


- ماذا تعني لك المرأة ؟

اختصرها واقول .. المرآة دواء .. كـ آم .. كـ زوجة .. كـ أخت

و خلف كل رجل عظيم امراة عظيمة

عنوان الحنان والعطاء هي المرآة

- هل تعتقد إن هواية التصوير أشغلتك أو خلتك تتخلى عن أمور ثانية كانت مهمة بحياتك ؟

الهواية غيرت الروتين الي كانت ماشي عليه فقط .. اما الامور المهمة ما تغيرت ..

الحين عادي و ما ايلس في دبي نفس قبل .. دايما برع المدينة .. و عادي اروح لين مسقط اصور وارجع ثاني يوم ههههه


الحياة الإجتماعية شو تعنيلك ؟


اغلى من الذهب والفضة


شكرا والله يعطيج العافية

عــيـ دبـي ــون
20-11-2011, 02:37 PM
أحبتي نظرا لرغبه الاعضاء
تمديد هذه المقابله
راح نخليها لغايه يوم الخميس ان شاء الله :)

سعيد العامري
20-11-2011, 04:14 PM
حيآك آلله سعيد آو سفير دبي.. كمآ تشآء :)

سفير دبي لدي وجهة نظر بآلتصوير ب آمكآنك آقنآعي آو آقنآعك ..!

وجهة نظري ..

(آن آلتصوير صوره حقيقه ولكنهآ ورقيه مجرده من آلحركه وتنقل آلحقيقه بمعيآرهآ آلثآلث .. ولكن في آلوقت هذآ مع تطور عدسآت آلتصوير ونزول برآمج مطوره في تعديل آلصور آصبحت آلصوره مصوره ومرسومه..
فقدت آلكميرآ جمآلهآ آلقديم وآكتست ثوب آلتزيف آلمطور ..!! قبل آيآم كنت آشآهد صور آلتقطت من حوش(حوي) عمي فقلت لبنت عمي معقولة هآلسمآء آلمزرقه بآلسعوديه..؟؟ قآلت لآ هذآ سمآء عدسة كآنون :) , سعيد نعم تصويرك رآئع وآنت مبدع وتعجبت مرة حينمآ علق عيون دبي على آحدى صورك ب آنهآ صآفيه من آلتعديل لكني بكل صدق لآآصدق عدستك دآئم ..هذآ لآيعني آني آقول آنك تستخدم آلفوتو لآ لكن بعض آلصور يستحيل للمنطق آن تكون بهذه آلروعه ..)

هل آلتصوير آلآن ليس صورورقيه, آنمآ صور معآلجه؟..؟؟ آو كآن آلتصوير قديمآ لذكرى وآلآن هونتآج دورآة تصويريه ..؟؟



آعذرنيعلى آلآطآله كنت آنتظر آللقآء لهذآ آلسبب..:)





مرحباااااابك عزيزي

وجهة نظرك احترمها اخي الكريم .. و سؤالك جميل وعجبني جدا ً

كل الكلام اللي قلته صح بخصوص التعديل .. وما اقدر الوم اي حد يقول نفس كلامك .. لان معظم المصورين صاروا يعتمدون على التعديل بشكل اكبر من التصوير .. واللي حولهم يعتقدون ان التصوير خلاص كله تعديل والخ .. هو التعديل موجود ولا بد منه .. لكن بطريقة معقولة .. يمكن كلامي لين هني مب مقنع .. ادري ..

حتى ايام الكاميرات الفلمية .. اسال المصورين القدامى الي يحمضون الافلام بانفسهم ولا تسال المصورين الي كانوا يودون افلامهم للمحلات عشان التحميض ..

اسال اللي كانوا يحمضون الافلام بانفسهم .. كانوا يعدلون الصور اثناء التحميض .. :)

اذا كان يريد تشبع لوني .. كان يسويه اثناء التحميض ..
وحتى بالابيض والاسود .. اذا كان يريد يزيد التباين بين بالابيض و الاسود contrast كان يحرق بالتحميض ،اذا حب يحولها sepia يسويها .. اذا هناك تعديل حتى ايام الفلم

لكن هناك فئة تبالغ في التعديل جدا جدا في التصوير الرقمي .. لدرجة انه يغير معالم الصورة .. واقبال كبير من الشركات اللي تتعاقد معاهم ..

وكلنا نعالج النواقص في صورنا بطريقة معقولة وما اعتقد فيها شي .. لانه جزء من الفن ..

الكاميرا يا اخي الكريم عبارة عن صندوق اسود يحبس الضوء

وكيف تتحكم بالضوء هذا يعود على مهارة المصور ..

جرب بنفسك تصور منظر طبيعي والشمس امامك وخلها شوي على يمين الاطار وصور .. بتلاحظ صار عندك خلل في الاضاءه .. اما تشوف السما بالوانها وتشوف الارض سودا .. او العكس
الارض بالوانها والسما بيضا .. لان الكاميرا فقط تقرا الاضاءة ..

مثال ثاني اخي الكريم ..

جرب تصور المنظر الصبح بعد الشروق بساعة .. او العصر ..
صور اي منظر وخل الشمس ورا ظهرك .. بتلاحظ السما والارض بالوانها .. هذا شرح مبسط بس عشان توصلك الفكرة .. ومافي مثل عين الانسان سبحان الله .. فهذي مجرد الة تصوير ..

فاختيار الوقت مهم جدا فالتصوير عشان تحصل الوان جميلة .. بالذات في بلدانا .. واحسن وقت في الشتاء .. في الصباح والعصر بتشوف السما زرقا وكانك في اوروبا :) .. بالذات بعد سقوط المطر ..

هذي الصورة من تجاربي.. وشافوها وايدين واعتقدوا انها بالفوتوشوب


http://dubaieyes.net/talents/PhotosFile/9/12853044001530963547356.jpg

والصورة ما تتعدل في الكاميرا .. ولو عدلتها بالفوتوشوب مستحيل تردها للكاميرا .. وهذا الفيديو كدليل :) .. يمكن تعرف انواع الصور بصيغ مختلفة مثل JPEG او GIF او TIFF
ولكن RAW تعني خام .. وبتشوفها في اسفل يمين الشاشة في الفيديو

http://www.youtube.com/watch?v=zfw684FUCnE



هل آلتصوير آلآن ليس صورورقيه, آنمآ صور معآلجه؟..؟؟ آو كآن آلتصوير قديمآ لذكرى وآلآن هونتآج دورآة تصويريه ..؟؟

هذا طبعا يعتمد على المصور نفسه .. وشو ميوله .. بالنسبالي التصوير الفوتوغرافي رسالة وحس وفن وذوق ليس فقط صور ورقية ..

لكن بتشوف في التصوير التجاري يتطلب من المصور انه يركب ويعدل في الصور وهذا المجال يسمونه مصمم جرافيكس graphic designer

مصمم ومصور في نفس الوقت

شكرا عزيزي وعجبتني اسئلتك واتمنالك التوفيق

سفيرة دبـي
20-11-2011, 08:13 PM
ما شاء الله اجابات شافيه تفيد كل مبتدأ في عالم الضوء
استاذ سعيد شو رايك بالي يصير انه الشعب كله يمتلك كاميرا
واصبح التصوير لكل من شاء التغير عن الروتين و اقتناء الكاميرا ل(موضه) و بريستيج ..
وربي يوفقك ف رسالتك الابداعيه و اي نصيحه لي ك مصوره مبتدئه ..

سعيد العامري
22-11-2011, 10:52 AM
مصورنا سفير الابداع بعالم التصوير

ماعندي أسئله اقدر ازيدها علي اخواني وخواتي
بالمنتدي
الصور تتحدث عن ميلاد مصور تفخر الدوله
انه يكون واحد من ابناؤها المتميزين
واللي تقدر تفخر به بها المجال
فعلا انت فخر للوطن ولنا وللتصوير
يعطيك العافيه
لحقت اهنيك وما اقدر اوفيك حقك
لك شكري واعجابي وتقديري
اختك الغربه
اخوي
عيون دبي
هذا التميز مب غريب عليك
عشان يكون غريب علي منتداك واعضاءه
لك كل التقدير

كل الشكر والتقدير لج اختي الكريمة .. على الكلمات الطيبة

يزاج الله خير

سعيد العامري
22-11-2011, 03:17 PM
حياك الله مصورنا المبدع في منتداه الرائع ..

نورت منتديات عيون دبي بتواجدك ومقابلتك الرائعه والمميزة ..

اسعدنا جدا هالتواجد الرائع والمميز ..

نبدا بالاسئله ..







الله يحيج اختي

ما الشي الذي جذبك في التصوير وجعلك من عشاقة ؟


كنت احب ارسم الطبيعة .. والحين اقدر اكمل هالمشوار بالتصوير ..

وبعدين فالتصوير .. حس .. فن .. ذوق .. صبر .. مغامرة

وايد اشياء تعلمتها من هالهواية ..


نرى ان معضم المصورين يحملون حقيبة مليئة بالمعدات عن ذهابهم الى رحلات التصوير؟ ، ما هي اهم الادوات التي يحتاج لها المصور ؟


الحين هني يعتمد عالمصور وشو يصور ..

يمكن يكون متخصص في الطبيعة .. فبياخذ معاه عدسات خاصه للطبيعة
مثل الـ wide angle وفلاتر وترايبود والخ ..

واذا كان مصور متخصص في الحياة البرية او الطيور .. فاكيد بيشل معاه عدسة خاصة مثل الـ telephoto .. والخ

ويقدر يستغل عدة مناسبة .. بوزن اقل ..

عدسة مداها من 24مم الى 70 مم ..

AF-S Nikkor 24-70mm f2.8

و اي عدسة تحت الـ 50 مم تعتبر wide angle

واللي فوق الـ 50 مم تعتبر telephoto

فهني انا ضربت عصفورين بحجر !

كيف ؟


العدسه هذي تفيدني للطبيعه لان فيها بُعد من 24 مم فتعطيني زاوية عريضة .. ونفس الوقت اقدر اصور بها بورتريه ( الناس ) لان بُعدها يوصل الـ 50 مم واكثر ..

فهذا يعتمد عالمصور .. لازم يعرف شو العدة المناسبة للمكان المناسب .. وايبضا ً يكون فاهم وملم في انواع العدسات والكاميرات اكسسوارات ..

ما هي الفعاليات التي شاركت فيها ؟؟ وما هي الجوائز التي حصلت عليها؟

شاركت في معرضين .. معرض الطفل الي تابع لـ حديقة الخور في دبي 2008 .. ومعرض التقارب اللي كان قريب من شارع الضيافة 2011 ..

و ما شاركت في اي مسابقة لين الحين .. :)

كلمه تود ان تقولها لمنتديات عيون دبي للابداع ؟

استمروا مع المنتدى .. لانه بيت طيب و يجمع اعضاء طيبين .. اتمنالهم التوفيق وان شاءالله فالطليعة .. احبكم في الله :)

سعيد العامري
22-11-2011, 04:18 PM
خذ راحتك ،

ماشا الله

يزاك الله خير

بما انك قلت عادي نسأل بعد ، ^^ قلت استغل الفرصة الذهبية
قريت كلامك عن المانيوال ،
انزين .. أنا خاطري أعرف يوم أحطه عالمنيووال واصور تطلع الصورة سودة
أسير المنيو، اختيار الشتر وخيار ثاني بعد اتوقع الايزو، واغيرهم عشوائي واروح اصور ، اذا ماعيبني اروح اغيرهم مره ثانيه عشواي،
( الحين انا حابة استخدمه استخدام دائم بدال زر الاوتو والماكرو والبورتريت،،، فهمت؟)
خاطري اعرف متى انقص الشتر ومتى ارفع الشي الثاني ( الايزو اتوقع )

وايد قريت عن هالشي فالنت عن فتحة العدسة والشتر بس مافهمت شي :tears: ياليت لو عندك طريقه مبسطه تخليني افهم هالشي وايتم فبالي
بالتوفيق
واعذرني ... وشكرا لك

اختي الكريمة .. ارجعي من الصفر .. وانسي الوضعيات كلها لمدة قصيرة

انتي سالتي سؤالين مهمين وجوابهم واحد ..سالتي ليش تطلع الصورة سودا .. ومتى تنزلين الشتر والشي الثاني ( تقصدين فيه فتحة العدسة ) والايزو ..

التصوير هو ضوء .. وجميع كاميرات الـ D-SLR ( اللي تسمونها احترافية ) فيها نفس الاساسيات ..

Shutter Speed
Aperture
ISO

اذا تحكمتوا بالـ 3 هذيله .. بتكونون عديتوا اول خطوة في عالم الضوء

لانكم تتحكمون بالاضاءه عن طريق استخدامكم لها .. وطبعا لهم وظايف ثانية بس ما بذكرها عسب ما تصير خربطة .

بتكب نقاط مهمة بختصار شديد .. ويتعلقون بالاضاءة ..

اختي

Shutter Speed

الغالق .. الي يتحكم بمدة دخول الاضاءة للسنسر ( الوقت ).. فـ كل ما كان سريع .. قلت مدة دخول الاضاءة وكلما كانت ابطأ .. زادت مدة دخول الاضاءه .. وهذا نسميه التعاريض المختلفة .. تعريض طويل وتعريض قصير

وتتحكمين بهم بالارقام

Aperture

فتحة العدسة .. تتحكم بكمية دخول الاضاءة للسنسر .. وكل كانت الفتحة كبيرة .. كمية دخول الاضاءة اكبر .. وكلما ضيقت فتحة العدسة .. كمية دخول الاضاءة تكون اقل ..

وايضا ً تتحكمين بهم بالارقام

هذي الارقام بالصور

http://www.shortcourses.com/images/b4ch1/aperture.jpg

الـ ISO

حساسية السنسر .. كلما زاد الرقم .. زادت الاضاءة ولكن يصير عندج تحبب في الصوره . وكلما نقصتي نقصت الاضاءة وتكون الصورة انظف

بس ما انصح به .. خلي الايزو دايما على اقل شي ..عشان الصورة تكو ن خالية من التحبب والجودة تكون عالية ..

----

وهذيله تتحكمين بهم Manual واعرف بتقولين صعب وارقام وبلاوي

لكن يوم بتجربين تصورين مينوال

بتشوفينه سهل مع الوقت وبتعرفين الوضعيات الثانية مثل الوردة وقمر والخ كان كلام فاضي ..

وماشي اعدادات ثابته .. لان كل مكان ولكل زاويه الوانها .. والكاميرا اذا شافت الاسود حتى لو فالنهار فبتقراه ان الاضاء ناقصة
واذا شافت الابيبض فبتقراه ان الاضاءه عالية

http://dubaieyes.net/talents/PhotosFile/9/12942936001698888955860.JPG

كيف بتعرفين ان الاضاءة عندج مناسبه ولا لا وانتي تغيرين في ارقام الشتر والفتحة والايزو ؟

بعد ما تختارين وضعية المينوال .. الكاميرا تطلع لج شريط لقراءة الاضاءة للزاوية اللي تختارينها .. وهالشريط على يمينه سالب ويساره موجب اوالعكس يعتمد اذا كانت الكام كانون ولا نيكون

شريط مثل هذا

http://www.photoxels.com/images/Nikon/D40/nikon-d40-graphic-display.jpg

او على هالشكل

http://www.photographyreview.com/channels/photographyreview/data/images/CanonEOS40D_display5.jpg

حتى داخل االـViewfinder

http://content.reviewed.com/products/84/specs/6158/SONY-A550-viewfinder.jpg

شوفي وين الدايرة الحمرا

http://www.mamma-razzi.com/wp-content/uploads/2011/03/Viewfinder-300x226.jpg

غيري في ارقام الشتر وفتحة العدسة << والايزوم خليه 100 ثابت ..

بتلاحظين الاشارءة تتجه للموجب او السالب ( حسب اضاءة المكان )

اذا اتجهت للسالب ،، يعني الاضاءه ناقصة .. عندج خيارين .. اما تنقصين سرعة الشتر او تكبرين فتحة العدسة .. :) بتلاحظين الاشارة تتجه لنص الشريط ،، جربي ولعبي مع الكاميرا وبتعرفين .. واذا شفتي الاشاارة متجهة للموجب . سرعي الشتر عشان تنزلين الاضاءة او ضيقي فتحة العدسة

وجربي تصورين عالسالب والموجب عساب تكون عندج فكره كيف تطلع الصوره

نتريا النتايج واتمنالج التوفيق

سعيد العامري
22-11-2011, 05:12 PM
نشوفنا بنطول مده اللقاء عيل :)






من هو افضل مصور اماراتي في نظرك والافضليه في الاحتراف اقصد



لك الكثير من الاصدقاء وخاصه من لديهم هوايه التصوير من تتوقع منهم سيكون له اسم في عالم التصوير والابداع


خبرني عن هالطفل ماشاء الله عليه

كيف تقبل هذا الدور

http://www.dubaieyes.net/talents/PhotosFile/9/1246078800290894102953.jpg

مشكور اخوي عيون دبي .. يزاك الله خير

من هو افضل مصور اماراتي في نظرك والافضليه في الاحتراف اقصد ؟


علي الحميري و الاخت احلام الاحمد

لك الكثير من الاصدقاء وخاصه من لديهم هوايه التصوير من تتوقع منهم سيكون له اسم في عالم التصوير والابداع

سؤال صعب بصراحة ههههه .. لان عندنا مبدعين كثر الحمدلله .. واحس انهم بيوصلون للعالمية وبيرفعون راسنا ان شاءالله .. اتمنالهم التوفيق ..


خبرني عن هالطفل ماشاء الله عليه .. كيف تقبل هذا الدور ؟

http://www.dubaieyes.net/talents/PhotosFile/9/1246078800290894102953.jpg

هذا اخوي و اسمه راشد .. وعمره 10 سنين .. هذروب ما يسكت ههههههه

هو اكثر شي يطلع ويا الوالد ..

والوالد في فترة كان مسافر .. وراشد ملان متعود يطلع

قال لي ملان ابا اطلع وياك .. فشاف التصوير وربعي ونتكلم ونستخدم مصطلحات فالتصوير مثل اكسبوجر واف ستوبس .. وراشد يسال هذا شو يعني وهذا شو يعني .. عيبته السالفة .. فقام يطلع وياي كل يوم وربعي حبوه لانه ما يسكت فالسيارة .. وحب التصوير وعلمناه كيف يتحكم بكاميرا بسيطة ..

راشد - عبدالله الشحي - انا - سمشد عبدالله
http://dubaieyes.net/talents/PhotosFile/9/124556040059779902432.jpg

http://www.dubaieyes.net/gallery/data/media/339/s-sa%20(24).jpg

http://www.dubaieyes.net/gallery/data/media/339/s-sa%20(30).jpg

http://www.dubaieyes.net/gallery/data/media/339/s-sa%20(9).jpg


و هو ماشاءالله ما يسكت فالسيارة .. كنت اكلم ربعي عن افكار يديدة وهو كان مطفربي يبا تويكس ههههه قلت له اسكت خلني ارمس الريال .. قال والله انا مسكين .. يتني هالفكرة .. وتقبل الدور وحتى يوم يتصور يتكلم ما يسكت.. يقول لي سعود .. ريلي تاكلني .. ولا ظهري ياكلني هههههه .. بسرعة انا يوعان ..


http://dubaieyes.net/talents/PhotosFile/9/1254373200745857665055.jpg

http://www.dubaieyes.net/gallery/data/media/339/s-sa%20(27).jpg

http://dubaieyes.net/talents/PhotosFile/9/12550644007721120904551.jpg

http://dubaieyes.net/talents/PhotosFile/9/12888468001591566844617.jpg

http://dubaieyes.net/talents/PhotosFile/9/13047120001809938800524.jpg

بس الحين موقف لانه مركز فالدراسة ..

تسلم اخوي عيون دبي

سعيد العامري
22-11-2011, 05:18 PM
بسم الله الرحمن الرحيم

أخي المبدع والمميز ....

سعيد العامري

بكل تحيه وإحترام أقف بهذا المنتدى ... وأوقع على روعة ذلك اللقاء ..
مميز بكل ما بالكلمة من معنى ....
لم يتبقى لي أي أسئلة ... بل وأيضاً لم يتبقى لي شيئ إلا وقد إستفدت منه .. كل كلمة قرأتها بهذا اللقاء كانت فائدة لي ..

فشكراً لك .. ولأخي عيون دبي على إتاحة الفرصة لنا بالإستفادة من تلك الأسئلة .. والردود ...

مع كل إحترامي وتقديري

مشكور اخوي من ذوقك .. وتشرفت بحضورك و بتواجد الاعضاء

يزاك الله خير

سعيد العامري
22-11-2011, 05:27 PM
ما شاء الله اجابات شافيه تفيد كل مبتدأ في عالم الضوء
استاذ سعيد شو رايك بالي يصير انه الشعب كله يمتلك كاميرا
واصبح التصوير لكل من شاء التغير عن الروتين و اقتناء الكاميرا ل(موضه) و بريستيج ..
وربي يوفقك ف رسالتك الابداعيه و اي نصيحه لي ك مصوره مبتدئه ..

تسلمين وبارك الله فيج .. حبي التصوير .. حبي كاميرتج ..

لان حبج للكاميرا وللتصوير .. بيدخلج في عالم الضوء وتبحثين اكثر ..

اقري مجلات وشوفي دروس عاليوتيوب .. اذا مرت عليج كلمة يديدة تبين تتعلمينها .. النت بحر وحاولي تبحثين عنها فالقوقل واليوتيوب

اتمنالكم التوفيق شكرا

علياء
22-11-2011, 05:48 PM
"

هلا فيك اخوي سعيد ما عندي اسلئة اقدر ازيدها ع إخواني وأخواتي بالمنتدي فعلا انت فخر للوطن ولنا ويعطيك العافية نشكر عيون دبي ع إتاحة الفرصة لنا

تحياتي "عليا"

سعيد العامري
23-11-2011, 01:17 PM
"

هلا فيك اخوي سعيد ما عندي اسلئة اقدر ازيدها ع إخواني وأخواتي بالمنتدي فعلا انت فخر للوطن ولنا ويعطيك العافية نشكر عيون دبي ع إتاحة الفرصة لنا

تحياتي "عليا"

الله يعافيج و تسلمين ختي .. اسعدني مرورج ويزاج الله خير على الكلمات الطية ..

شكرا لكم :)

عــيـ دبـي ــون
24-11-2011, 11:14 PM
من القلب اشكر مبدعنا سعيد العامري على هذى اللقاء الرائع
واشكره مره اخرى ومن القلب على اجوبته الطيبه واعطائه لكل سؤال حقه في الاجابه

اخوي سعيد العامري كلمه اخيره تحب تقولها لاعضاء منتديات عيون دبي للابداع
مع العلم بانا في الشهر السابع من افتتاح المنتدى


واخيرا اتمنى اخوي سعيد ان تقبل هذه الهديه البسيطه من منتديات عيون دبي للابداع

http://dubaieyes.net/up/upadmin/13213008004850316018153-1240898862.jpg


يرجى من الاعضاء عدم الرد لان الرد الاخير لاخوي سعيد فقط

سعيد العامري
27-11-2011, 10:33 AM
مشكورين على اختياري وفعلا استمتعت في الحوار معاكم ..

واذا عندكم اي استفسار فآنا حاضر .. عبر الرسايل وبفيدكم باللي اعرفه ان شاءالله ..

اخوي سعيد العامري كلمه اخيره تحب تقولها لاعضاء منتديات عيون دبي للابداع
مع العلم بانا في الشهر السابع من افتتاح المنتدى



اشكركم على تقديركم ومتابعتكم .. وحبوا التصوير واستمتعوا فيه.. لا تزعلون من الانتقادات الهدامة .. كونوا واثقين من عماركم لانكم تقدرون تقدمون الافضل .. واللي تتعلمون منهم تراهم ماكانوا افضل منكم ..
والحمدلله الموقع حقق نجاح في سابع شهر .. بفضل الله ثم فضلكم و استمروا معانا تراكم تمثلونا .. ونحن نمثلكم .. وان شاءالله دايما على يد وحدة .. واتمنى لكم ولاسرتكم التوفيق ودوام الصحة والعافية من كل قلبي .. طاعة الوالدين لا تنسونها .. ادعولي .. واحبكم في الله :) .

اخوي عيون دبي مشكور على مبادرتكم الطيبة وافتخر بوجودي من بينكم بصراحة ..

هدية كبيرة لي واعتبرها وسام على صدري .. وتقديركم لي اعتبره اكبر جائزة .. مشكور يالغالي .. واتمنالك التوفيق ونحن مستمرين معاك باذن الله ..