البـــــــرزه

[محمد الشامسي]

السلام عليكم
شخباركم يا حلوين :S_009:
توني اكتشفت انه شي منتدا لسوالف ما كنت اعرف ومحد خبرني :nosweat:
عاد انا احب السوالف :S_009:
قلت بسوي برزه او مجلس بسميه مجلس الشامسي :S_009:
عاد نبا الكل يشارك بالسوالف :clap:

كل واحد يقول موقف محرج صارله او موقف يضحك يوم كان صغير او كبير او موقف يضحك شافه او صار حق شخص يعرفه المهم شي يضحك :idiot_alam:


انا ببدا بسالفه عني يوم كنت صغير :S_009:
كان عمري يوم هالسالفه خمس او ست سنين :nosweat:
عندي يده الله يحفظها دوم تخبرنا قصص عن الجن و الساحره وام دويس لين ما عششت افكار الرعب في عقولنا
السالفه استوت في رمضان كان رمضان في هذاك الوقت ايي في الشتا ( لا تقولون عليه شيبه تراه مب من زمان وايد :nosweat: )
المهم
كانت يدتيه تحب ترقد فالحوش وقت البراد و كنت انا واخواني نرقد عدالها:S_051:
فالليل شفتها قامت من الرقاد و نشيت انا بعد قالتلي( رقد رقد انا بسير اتسحر)
وانا عاد في هذاك الوقت ما اعرف شو يعني سحور فقربتها لاقرب كلمه و هي ساحره :nosweat:* وفكرت يعني يدتيه سايره تتسحر يعني بتغادي ساحره و بتي تاكلني :icon6:
طبعا ما رقدت من الخوف :nosweat: واللي زاد الطين بله انها يوم ردت ولقتني مب راقد قالتلي ( رقد رقد بسير اتسنن (يعني بتصلي السنه ) ) انا هني بعد ما اعرف شو يعني تتسنن فقربتها لاقرب كلمه و هي تسن و قلت الحين هي سايره بتسن السكين و بتي تذبحني و تاكلني :crazy:
خخخخخخخخخ والله كنت غبي :S_003
لين يومك اخواني يذكروني بهاذا الموقف انا الغلطان قلتلهم :00006:

هههههههههههههه :S_003:


يله الحين دور منوه يخبرنا سالفه :S_005:

[Fabeano]

ههههههههههههههههههه

يالجبان ..عيل طلعت تخاف بعد

يلا نتريا باقي الاعضاء

[عــيـ دبـي ــون]

ههههههههههه

اسميك سوالف. والله

زين انها ماطلعت ساحره *

[حروف القصيد]

اخوي محمد فكره حلوه بس وين القهوهـ والشاي ما تحلى السوالف الا فيهم

وبعدين انت ما توب قلت السالفه لـــ أخوانك
وضحكوا عليك يعني احنا مراح نضحك عليك بصراحه انا مت من الضحك :S_052:

اذكر لما كان يطعمونا بـ الابتدائية ويخلونا نصف بــ الدور
كنت اصف اخر وحده واذا قرب دوري رجعت مره ثانيه وراء مره مرتين لين سحبتني المديرهـ عند
وحده دبه قاعده تلعب بــ الإبرة وانا اقولها ما فيه ابرهـ اصغر
حسبي الله عليهم خلوني اكرهـ المستشفيات والدكاترهـ
يقولون عنهم ملائكة الرحمه والله ملائكة الرعب :icon28:

[محمد الشامسي]

ههههههههههههههههههه

يالجبان ..عيل طلعت تخاف بعد

يلا نتريا باقي الاعضاء

ما عليه يالشجاعه ههههههه نتريا علومج يوم كنتي صغيره :S_005:

[محمد الشامسي]

ههههههههههه

اسميك سوالف. والله

زين انها ماطلعت ساحره *

والله لين الحين تراني شاك فالموضوع :S_013:

خخخخخخخخخخ :S_050:

[محمد الشامسي]

اخوي محمد فكره حلوه بس وين القهوهـ والشاي ما تحلى السوالف الا فيهم

وبعدين انت ما توب قلت السالفه لـــ أخوانك
وضحكوا عليك يعني احنا مراح نضحك عليك بصراحه انا مت من الضحك :S_052:

اذكر لما كان يطعمونا بـ الابتدائية ويخلونا نصف بــ الدور
كنت اصف اخر وحده واذا قرب دوري رجعت مره ثانيه وراء مره مرتين لين سحبتني المديرهـ عند
وحده دبه قاعده تلعب بــ الإبرة وانا اقولها ما فيه ابرهـ اصغر
حسبي الله عليهم خلوني اكرهـ المستشفيات والدكاترهـ
يقولون عنهم ملائكة الرحمه والله ملائكة الرعب :icon28:



خلاص انا بيب القهوه والشاي وانتي عليج تسويلنا فطاير و فواله :smilies_062:
خخخخخخخخ:S_050:
هذي المشكله اني ما اتوب رديت و خبرتكم :smilies_035:
ههههههههه:S_050:

يعني طلعتي خوافه تخافين من الابره :bleh:
هههههه لا بعد اونها تبا ابره اصغر
خخخخخخخخخخخ:S_050:

[golden cat]

هههههههه يا حلو سوالفكم
افا ما توقعت انك جبان بصغرك بس ما علينا


انا يوم كنت صغيرة وكانت بنت خالي اكبر مني بسنتين وكنت اصاحبها لان ما كان عندي اخوات

المهم بصغري وفي احد الاعياد عيد الفطر او الاضحى كنا ندور بالفريج نجمع عيدية العيد
وهي قالت لي يلا نروح بيوت ابد علشان نجمع اكثر

المهم رحنا لدرجة وصلنا بعيد عن البيت وقمنا نحاتي على الرجوع كيف نسوي وتاخرنا عن البيت

وفي هذي اللحظة مر علينا اخوها الكبير مع صديقة بسيارة جيب >> للحين تذكرها

المهم قال يلا بنوصلكم للبيت

وجينا البيت الا وامي

تشوفني نازلة انا وبنت خالي من سيارة

وهي كانت خايفة علي وتدور علي بالفريج بيت بيت

واول ما دخلت البيت وسكرت الباب

الا ومجهزة لي النعال وانتوا بكرامة وتبي تضربني

وانا اركض بالحوش وشكلي مترت الحوش >> الحمد لله ان عندهم حوش

لاحد يحاسبني على بلاوي طفولتي :S_015:

[محمد الشامسي]

هههههههه يا حلو سوالفكم
افا ما توقعت انك جبان بصغرك بس ما علينا


انا يوم كنت صغيرة وكانت بنت خالي اكبر مني بسنتين وكنت اصاحبها لان ما كان عندي اخوات

المهم بصغري وفي احد الاعياد عيد الفطر او الاضحى كنا ندور بالفريج نجمع عيدية العيد
وهي قالت لي يلا نروح بيوت ابد علشان نجمع اكثر

المهم رحنا لدرجة وصلنا بعيد عن البيت وقمنا نحاتي على الرجوع كيف نسوي وتاخرنا عن البيت

وفي هذي اللحظة مر علينا اخوها الكبير مع صديقة بسيارة جيب >> للحين تذكرها

المهم قال يلا بنوصلكم للبيت

وجينا البيت الا وامي

تشوفني نازلة انا وبنت خالي من سيارة

وهي كانت خايفة علي وتدور علي بالفريج بيت بيت

واول ما دخلت البيت وسكرت الباب

الا ومجهزة لي النعال وانتوا بكرامة وتبي تضربني

وانا اركض بالحوش وشكلي مترت الحوش >> الحمد لله ان عندهم حوش

لاحد يحاسبني على بلاوي طفولتي :S_015:

زين يوم ما فلعتج بالنعال وانتي تركضين ههههههههههه:S_053:

[Pretty_girl]

هههههههههههههههههههه

هههههه الله يحفظ يدتك يااارب ..

أسميكم طماشه :S_050: ،

[محمد الشامسي]

هههههههههههههههههههه

هههههه الله يحفظ يدتك يااارب ..

أسميكم طماشه :S_050: ،

امين انشاالله
عاد نبا فضايحكم ... قصدي سوالفكم :S_011:
لا تبخلون علينا بعلومكم :S_009:

[كتبيه محبوبه]

ههههههه الله يعلك الخييير يااااربي
هاااي ام ادوويس ماااحد مااايخاااف
منهااا حتى انااا ياليين الحيين :bleh:ههههه
ومثل مااقلت يدتك ربي يسلمهااا لكم
كانت تخوووفكم ابهااا ونحن امي كانت تخوفنااا:00010:
ابهااا يااااليين عرفنااا وفهمناااا هههههه
تسسلم اخوووووي على طرح هالمووضوووع
الحلووو وربي يعطييك العاافيييه ياااااربي:thumbsup:

[تذكار]

هلا ببو السوالف

متابعة من بعد...

[محمد الشامسي]

يله دور منوه يقولنا سالفه :S_047:

يله تشجعوا :clap:

[pink heart]

اذكر كنت تعبانه بمووت وكنا طالعين فالسياره المهم قالي اخويه اقولج انزلي المحل وهاتي العبي اللي مفصلتنهم قلت له مارووم تعبانه المهم اخر شي نزلت وانا مسطوله ودايخه وحالتي حاله
يوم نزلت وسرت صوب المحل والمحلات كانت كلها فوق مرتفعه عن الشارع يعني بغيت ادخل المحل تذكرت مب شاله بيزات وجان الف برجع ولا اشوف واحد مبطل الجامه وياشر علي وناقع وفاطس من الضحك انا اقول هاذا شو يطالع يوم انتبة ولا اشوف عمري لابسه نعال زنوبه خضراءفي ريل وكعب في الريل الثانيه هههههههههههههه والله تفشلت وسرت السياره اركض واعري بسبت النعال واحد مسطح والثاني كعب خخخخخخ ركبت السياره وخليت العبي يولن

[محمد الشامسي]

اذكر كنت تعبانه بمووت وكنا طالعين فالسياره المهم قالي اخويه اقولج انزلي المحل وهاتي العبي اللي مفصلتنهم قلت له مارووم تعبانه المهم اخر شي نزلت وانا مسطوله ودايخه وحالتي حاله
يوم نزلت وسرت صوب المحل والمحلات كانت كلها فوق مرتفعه عن الشارع يعني بغيت ادخل المحل تذكرت مب شاله بيزات وجان الف برجع ولا اشوف واحد مبطل الجامه وياشر علي وناقع وفاطس من الضحك انا اقول هاذا شو يطالع يوم انتبة ولا اشوف عمري لابسه نعال زنوبه خضراءفي ريل وكعب في الريل الثانيه هههههههههههههه والله تفشلت وسرت السياره اركض واعري بسبت النعال واحد مسطح والثاني كعب خخخخخخ ركبت السياره وخليت العبي يولن

خخخخخخخخخخخخخ :S_003: اتخيل الموقف هههههه لا بعد زنوبه ام صبع و خضرا بعد ههههههههه:S_003:

[golden cat]

بما اني اكبر وحدة من اخواني واخواتي

كان بعدي اخوي عبادي

المهم بصغري عاد مسوية حالي حلاق

ورحت خذت مقص وعلى طول بشعر اخوي

وهو ما شاء الله مطاوعني وسلمني شعره

المهم بعد ما خلصت وسويت له تسريحة لا صارت ولا استوت

بس سويت له جزر منزوعة الشعر

وشاف الوالد هالتسريحة ما قدر يقول شي وعلى طول خذاه للحلاق وعلى طول على
الصفر


والمشكلة كان قبل العيد بكم يوم :S_013:

[تذكار]

بما اني اكبر وحدة من اخواني واخواتي

كان بعدي اخوي عبادي

المهم بصغري عاد مسوية حالي حلاق

ورحت خذت مقص وعلى طول بشعر اخوي

وهو ما شاء الله مطاوعني وسلمني شعره

المهم بعد ما خلصت وسويت له تسريحة لا صارت ولا استوت

بس سويت له جزر منزوعة الشعر

وشاف الوالد هالتسريحة ما قدر يقول شي وعلى طول خذاه للحلاق وعلى طول على
الصفر


والمشكلة كان قبل العيد بكم يوم :S_013:




هههههههههههههههههههههههههههه
شكل انتي الي اخترعتي الموضه الي الحين بين الشباب

انصحك تفتحين صالون .... بتكسبين :S_024:

تسلمين اختي golden cat
على الموقف..

[golden cat]

الله يسلمك
وعقبال ما نشوف بلاوي طفولتكم

[محمد الشامسي]

اختي golden cat ماشاالله عليج تشتغلين حلاق يوم صغيره هههههههه :S_050:

وحليله اخوج نتفتي شعره على العيد خخخخخخخخخ :S_050:

[عدسة زوم]

والله مواقفكم حلوه لكن انا موقفي غير عنكم.

كانت اختبارات نهاية العام الدراسي كنت بالمرحلة الثانوية وانا تعودت ان بعد الغدا ارقد ساعتين ومن بعدها اذاكر لاختبار اليوم التالي .

الساعة الرابعة عصرا وجالس اذاكر فجاءة اخذت لي غفوة وفجاءة صحيت من النوم والا اشوف الساعة السابعة صباحا تجننت لان الاختبار الساعة السابعة لبست الكندورة بسرعه والكتاب بيدي وامي تناديني وين رايح وانا طالع بسرعه ركض للمدرسة .

وصلت المدرسة والا اسمع الاذان اقول غريبة ليش ياذن الفجر متاخر.


كانت الساعة سبع المغرب وجلست اضحك على نفسي وامي مسكينة في البيت تقول ليش ركضت بسرعه.


لكن الايام الدراسية ايام جميلة الله يعيدها علينا

[pink heart]

اذكر مرة كانا في ماليزيا ودخلنا سينما ثلاثية الابعاد يعني كل الفلم جنه صدق جدامنا
وكان عن الدينصورات ،، وبعد ما شفنا الفلم طلعنا ولاحظنا غياب امايه وطولت داخل
وعقب يتنا ويتقول انها قبل لا تطلع تراوالها دينصور صغير وتخرطفت ههههه وكانت شالة كيس فيه نعول شاريتنهن
ويلست تدور النعول فالظلام ههههههههههههااععع

[golden cat]

هههههههه وبي مواقفكم تفطس من الضحك
ربي يسعدكم وعقبال نشوف الباقي

[الهوى ظبياني]

خخخخخخ
مواقف تضحك..
تسلم يالشامسي ع الموضوع

[الهوى ظبياني]

اذكر مرة كنت فصف

خامس ابتدائي وكان عندي اخوي الصغير :innocent: ينش

من رقاده نص الليل عسب ياكل سيريلاك لازم

ولا بيتم يصيح طول الليل ..في يوم من

الايام ع السااعة 9 المساء اكتشفت امي ان

السيريلاك مخلص وابوي كان فالدوام :00006:فقالت

امي انها بتسير الدكان اللي عدالنا

وسارت معاه اختي الصغيرة..طلعو هم جدام

وانا وراهم بمسافة وهم ما عندهم خبر اني

سايرة وراهم لين نص الدرب قلت فخاطري

ليش ما اسوي مقلب بأمي :nosweat: وجان اسير واقرب

منها من ورا واحط ايدي ع حلقها كاني

بخطفها خخخ وما اسمعها الا تصرخ صرخة هزت

هدوء الحارة :S_005: خوفتني وخلتني انبط بضحك

واركض البيت وانا اضحك من قمة راسي وهي

تصيح ما عليج انزين صبري لين ارد البيت

خخخخ هي على بالها ان هندي بيخطفها خخخخ

[golden cat]

مرة يوم كنت بالاعدادية وكان ابوي مسجلني انا واثنين من اخواني بمركز صيفي

وخلصنا من هناك وكنا على طريق الرجوع للبيت

وابوي كان ماسك الخط اللي على اليمين وكان بطيء السير فيه ويبي ينتقل من هالخط الى اليسار بس كان في ميني باص مسرع وما انتبه للسيارة

وصار حادث بسيط بس الجمس تبع الوالد والميني باص بس احتكاك من اليسار وهو من الصدمة طلع على الرصيف وانكسرت المراية الجانبية

وابوي نزل من السيارة يشوف الحادث وقالنا اتصلوا بامكم طمنوها وعطانا جواله

وقبل لا نتصل جا ببالنا نسوي مقلب على الوالدة


واتصلنا فيها


وانا بديت المكالمة و قلت لها سوينا حادث وخذ اخوي الجوال وكملها ان من قوة الحادث اللي صار لنا اخوي انقطع نصين نص عندنا بالسيارة والنص الثاني على السيارة اللي دعمتنا من الجنب >> بسم الله عليه

ومدري صدقتنا او اغمى عليها وسكرنا االخط على طول :shock_1:

وبعد شوي ابوي خذ الجوال واتصل فيها يطمنها اننا بخير

وبعدها وصلنا ابوي للبيت وراح مع الرجال للمرور

[محمد الشامسي]

هههههههههههههههههههههههههههههههه :S_053:

الله يقطع سوالفكم فطستوني ضحك
الهوى ظبياني اونها هندي بتخطف امها خخخخخخخخ
اتخيل الموقف هههههههههههههههههههه:S_053:

و golden cat سوت على امها مسلسل كويتي خخخخخخخخخخ:S_050:

هذا وانتن بنات و جذيه مقالبكن الله يعين خخخخخخخخخ

[حشيمه الذات]

هههههههه قسم بالله كل وااحد وسالفته تضحك
خااااصه خااصه سااالفه اخووويه البطل الشجااع المغااامر والفااهم محمد خخخخخخخخخ


انااا بخبركم عن سالفتي يووم كان عمري 5 سنواات كانت اناا واابوويه (الله يرحمه) وخوويه الي اكبر مني مروحيين نتمشى وكاان الوقت مأذن الظهر انززين وقف ابوويه عند المسيد ونزل من السيااره هوه واخوويه وعطااني درهم وقال لي سيري كسريهاا يقصد اشتريبها لانه كاان قرب المسيد دكاان اوك وانا الشطوووره ماا فهمته شووه يقصد على بالي الدرهم شراات الزجااج ينكسر وسرت وقفت قرب الدكاان وقعت افرها وفرهاا اتريااهاا تنكسسر وطالع لي حلااوه <<عايشه الخياال الاخت ... المهم يووم رجعوا ابوويه واخوويه من الصلااه قالي ابوويه بعدج ماسرتي تكسرينها ؟؟ قالت له ماا طااعت تنكسسر خخخ قال لي يالبقاام ( طبعن نكخه ع الرااس ) الدرهم حديد ماا ينكسسر واناا يووم قالت لج كسريهاا يعني اشتريبهااخخخخ من ذالك الوقت وحتى الان اشتريبهاا ماا اكسرهااا خخخخخ ذكييه صح ؟؟!!:smilies_019:

[الهوى ظبياني]

خخخ حلوووووة منج يا حشيمة الذات

[محمد الشامسي]

خخخخخخخخخخخ :S_053:
حشيمة الذات تنفذين كلام ابوج بالحرف اونها تبا تكسر الربيه
هههههههههههه

والله مواقف ايام الطفوله :S_004:

يله من بيقولنا سالفه :idiot_alam:

[حشيمه الذات]

خخخخخخخخخخخ :S_053:
حشيمة الذات تنفذين كلام ابوج بالحرف اونها تبا تكسر الربيه
هههههههههههه

والله مواقف ايام الطفوله :S_004:

يله من بيقولنا سالفه :idiot_alam:


ههههههههههه هيييه يحيييني اناا عن الي يتررووع من يدته ويتخايلها ينيه :S_005:

[محمد الشامسي]

ههههههههههه هيييه يحيييني اناا عن الي يتررووع من يدته ويتخايلها ينيه :S_005:

انا شو اللي خلاني اخبركم :smilies_035:
ههههههههههههههههههههههه:S_053:

يله اللي بعده منو بيقول سالفه :S_018:

[تذكار]

:clap: :clap: :clap:

مواقف مضحكه

والله عاد ياحشيمة الذات موقفك مايبعد عن موقف الي يتروع من جدته ..

ههههههههههههههههههههههههههههههه

[حروف القصيد]

ههههههههه :S_047:

والله يا محمد قصتك مع جدتك الله يحفظها صارت مشهوره :00019:

بس ما تلاحظ ان الشباب ولا واحد منهم قال لنا سالفه

مفروض يكون في مخالفه :busted_red: لكل شخص يدخل بدون ما يقولنا سالفه صارت له

:bye1::bye1:

[محمد الشامسي]

ههههههههه :S_047:

والله يا محمد قصتك مع جدتك الله يحفظها صارت مشهوره :00019:

بس ما تلاحظ ان الشباب ولا واحد منهم قال لنا سالفه

مفروض يكون في مخالفه :busted_red: لكل شخص يدخل بدون ما يقولنا سالفه صارت له

:bye1::bye1:

انا شو خلاني اقولكم سالفت يدتيه :00006:

خخخخخخخخخخخخخخخخخخ:S_053:

خلاص بنبدا بقانون يديد اللي يقول سالفه يختار
عضو بعده يقول لنا سالفه اجباري يعني
عشان نطلع فضايحهم :S_005:
ههههههههههههههه

[حشيمه الذات]

اااووك دااام انه محد قال لنا سالفه اناا بخبركم عني بسالفه ثاانيه اوك ؟؟!!! بس ترااا الي يضحك عليييه عرفوووا انه جييه شكله :S_004:
في مره يوم كنت اصغيره سالمكم الله كنا دااايمن ااناا واخووويه نطلع الظهر في وقت القايله ونسير انسم توااير سيارت يراانا وكل يوووم على هالحاال خخخخ فقرناهم المساكيين .... انززين وفي يوم من الاياام سرنا نبا انسم التوااير مره وبعدين ونحن تووونا يالسيين طلع رااعي السيااره ونخخمهاا بشررده خخخخخخخخخخخخ وخوويه النذل رده علييه وقال انا الي اقووله روحنا خخخخ ......


وفي موقف ثااني بعد ...... كنا اناا وخوويه طالعيين برا البيت وبعد ف وقت القاايله خخخ نهوووم اندوور طوويراات << عصافيير خخخ ونحن ندور لقينا على دربنا صخله صغييره وعيبتنا وتميين نركبهاا ولعوزبهاا خخخ لا تلوومونا عياال بدو :S_020:

[محمد الشامسي]

حشيمة الذات
ثرج شيطانه يوم صغيره
وما تطلعين اللا القايله
خخخخخخخخخخخخخخخخخخ :S_003:

[حشيمه الذات]

حشيمة الذات
ثرج شيطانه يوم صغيره
وما تطلعين اللا القايله
خخخخخخخخخخخخخخخخخخ :S_003:



ههههههههههههههههههه
هيييه شفت عاااااد خخخخخخخخخخخخخ
يالله محمد اختاار عضووو حلووو جيييه نغيير جوووو

[الهوى ظبياني]

أنا راح ارشح عمري واخبركم بموقف صار وياي البارحة
كنا أنا وأخوي وحرمته وبنته الصغيرة سايرين المول واحنا
فالدرب
اخوي
شرا له رد بول وشرب منه شوي ولا بنته
الصغيرة عمرها عشر شهور تصيح تبي تشرب الرد بول
فامها عطتها شوي ومن شالته عنها ردت تصيح خخخ ما كان
ناقص غير أني اصورها

[حشيمه الذات]

ههههههههههههههه
حلييلهاا ربي يحفظها لهلها
تسلميين ع المشاركه
يالله نترياا البااقي محبووبه يالله نبااج تخبرينا مواقفج;)

[حشيمه الذات]

محشش مع مطوع





محشش يسوق تكسي


أشر له مطوع متشدد شوي وركب معه


بنص الطريق قال المطوع: بعهد الرسول


كان فيه شي اسمه رادو؟


قال المحشش : لا


قال المطوع: أجل طفه


بعد شوي قال: في عهد الرسول


كان فيه مكيف؟


قال المحشش: لا


قال المطوع: أجل طفه








زهق المحشش :icon28:وسأل المطوع: بعهد الرسول


كان فيه شي اسمه سيارة؟


قال المطوع :لا


قال المحشش: أجل انزل ودور لك بعير:S_050::S_050:

[حشيمه الذات]

طفله تسأل أمها : شلون بدأ الخلق؟
جاوبتها : الله خلق آدم وحواء تزوجو وخلفو اولاد وبنات وبدت قصة الخلق ..
راحت تسأل أبوها نفس السؤال :/ رد عليها :الانسان اصله قرد تطور وصار يشبه الانسان ..

.
رجعت حق أمها وقالتلها :ماما ليش تعلميني غلط :بابا يقول الانسان أصله قرد .
قالت :حبيبتي أنا اتكلم عن اهلي """
اهل أبوج مالي خص فيهم:S_052::S_052::S_050::S_050:

[حشيمه الذات]

بخبركم في يوم من أيام هالأسبوع وأنا أجلب في القنوات لفت انتباهي فلم هندي الصراحه حاولت اني اصدق مااقدرت

تخيلوا هذا البطل الشجااع كان بطييح حبيبته من الشلال أوك ويوم شافها تخيلوا انتوا نزل من الشلال يررررربع ولااا قطرت مااي يت فيه خخخخخ :S_053::S_053:انزين وشل حبيبته وربعبها مره ثااانيه فووق يعني ركب الشلال متجه فووق خخخخخ :S_050::S_050:مااياااه شي يالله كيييييف كييييف خياااال حتى عالم الخياال مب جيييه أستغفر الله جذب واااايد خخخخخخخ يالله مابلومهم أمبونهم لهنوود الي قوم بو وزاار وفاااانييييله :smilies_086::bleh: :00018::00018:هع هع خياليين شووي أسفه أقصد واااايد هع هع:S_010::S_005::S_005:

[بنت دار غايب غاليها]

اممم انا بخبركم عني يوم كنت صغيره كنت وايد خراريف هههههه:S_023: يعني ماكتم شي
وكان اخويه اللي اكبر مني دوم يروح فوق السطوح فقلت براقبه وبشوفه شو يسوي جان اركب عالسور اللي عند المطبخ وشفت عنده مدواخ وقاعد يدوخ المهم جان اقوله ماعليه بخبر ماماه عليك قالي شوه بتخبرينها قلتله ادوخ قالي مادوخ كنت داس لبان هنيه وياي اشله قلت فخاطري يمكن انا ماشفت زين

خلاص براقبه مره ثانيه بس غيّّرت المكان جان ايي وتسلقت هههههه الاريل مال التلفزون
مسويه من عمري بطله وشفته يدوخ وكنت ابا انزل بسرع عسب مايشوفني طحت على خشمي:00009: جان اربع واندس ورا الباب اصيح واصيح يوم عبرت الصياح رحت عند ماماتي وخبرتها قلتلها ولدج يدوخ فوق السطح يوم ضربوه خبر عليه قالهم اني اللعب ويا ولد اليران ههههههه وضربوني وياه

[محمد الشامسي]

بنت دار غايب غاليها

هههههههههههههههههههههههههه :S_053:

فطستيني ضحك يا ام الخراريف
خخخخخخخخخخخخخخخخخخخخخخ :S_003:

[بنت دار غايب غاليها]

هههههههههه صح خراريف بس ماخاف من يدتيه :smilies_091:

وان شاء الله دوم هالضحكه :S_053: