المساعد الشخصي الرقمي

مشاهدة النسخة كاملة : وكيف الشوق في قلبي يموت ودمعتي تسقيه ؟!!



وايل مصطفى
13-11-2011, 01:30 PM
الا كيف الغرام اللي بنيته من سنين ايهون
وكيف الشوق في قلبي يموت ودمعتي تسقيه

وكيف أنساه ياقلبي ابا أسال ياعرب تكفون
وكيف أمشي الطريق اللي رسمته البارحه واطويه

وكيف القلب يتحمل جروحه والجروح اطعون
واذا عذالي نادوني وقالولي غلاك اشفيه

هجرك وتنزف اجراحك هجرك وخافقك محزون
هجرك ولا كسر قلبه دموعن باتت اتناديه

ياقلب اشلون ياقلبي تحبه موت كذا واشلون
تحبه لين هاللحظه وترجف لو حضر طاريه

غريب أمرك تحت رجلك تدوس افخطوتك مليون
وهذا اللي خسر حبك جفاك وللاسف تغليه

يخونونك كثر نبضك وليتك لو تعرف اتخون
خساره الحب ياقلبي فخلن ما ذكر غاليه

تهون الدنيا ياقلبي وجرحك مستحيل ايهون
زرعت الحب في قلبه وغيرك للاسف يجنيه


ساقي الورد

محمد الشامسي
13-11-2011, 04:12 PM
روووووعه اخوي وايل مصطفى صح لسانك على هذي الابيات الجزله
اللي تحتوي الكثير من المعاني

بيض الله ويهك عى هذي القصيده

تقبل مني كل احترام و تقدير

تذكار
13-11-2011, 04:49 PM
تهون الدنيا ياقلبي وجرحك مستحيل ايهون
زرعت الحب في قلبه وغيرك للاسف يجنيه


صح لسانك .. ولا هنت
ابيات في قمة الروعه ..
يعطيك الف عافيه ..

همس
14-11-2011, 12:19 AM
صح لسانك وعلا شانك يالشاعر ع هالقصيدة الرائعة ..

يعطيك العافية .. لا تحرمنا من جديدك الرائع ..

الغربه
14-11-2011, 10:25 PM
مايموت الشوق ولا الحب
بقلوب الله خلقها للحب
ورسالته الجميله
يعطيك العافيه
والغربه تسجل اعجابها
بما قرأت

عادل بوبدر
15-11-2011, 04:00 PM
صدقت الغربة

وصح لسانك وبيض الله وجهك
قصيدة رائعة

عادل

بنت الكويت الابيه
15-11-2011, 04:25 PM
صح الله لسانك ابداع

عــيـ دبـي ــون
16-11-2011, 10:52 PM
ياقلب اشلون ياقلبي تحبه موت كذا واشلون
تحبه لين هاللحظه وترجف لو حضر طاريه

غريب أمرك تحت رجلك تدوس افخطوتك مليون
وهذا اللي خسر حبك جفاك وللاسف تغليه



صح لسانك يالشاعر على هالقصيده الرائعه ابصراحه :)

ابدعت فيها