المساعد الشخصي الرقمي

مشاهدة النسخة كاملة : الشـــــوق مجهـــــدني



عادل بوبدر
15-11-2011, 04:04 PM
بسم الله أبدأ
::::
الشوق مجهدني ولابي جَـهَـد شوق
والقلب مسرف به كثير إشتياقه

أسباب من زوّد على الطاق مطبوق
مالي على فرقــاه صبر ٍ و طاقه

غرو ٍ سبق حبه ولاهوب مسبوق
عـنده من فــنون المحبه لباقه

لا ينفهق قربه ولا هوب مفهوق
اللي سرق كل الموده سراقه

ابو العيون الدعج والنعّـس الروق
زودٍ على دعج العيون الرواقه

غض القوام الغض والعنق منـتوق
عوده صخيف و زاد صخفه رشاقه

يمشي غنج لو كان ما يشتكي عوق
فـديت ذاك العـود شر الإعاقه

وإذا هرج كنه على الهرج مسيوق
رغم إن في همسة كلامه طلاقه

لو كان ما يصدق مصدّق و مصدوق
يخلف وعوده رغم طول الصداقه

قولوا له إني حافظ ٍ كل موثوق
من العهود اللي توثــّــق وثاقه

والصد يقطع كل ما كان معلوق
أحـدّ من شفرات موس الحلاقه

ويحط في وسط الحشى جرح وحروق
و يعيق سريان الهوى كسر ساقه

هو ما درى إن الهجر ما ربّحه سوق؟
ما يغــني الجــلّاب عــن كل فــاقه

وهو ما درى إن الحب له حكمه وذوق؟
إن كان ما هانت عليه العـــلاقه

وهو ما درى إني دم واحساس وعروق؟
وإني على شــوفــته كلي شـفـاقه

حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه

بقلم-عادل بوبدر

بنت الكويت الابيه
15-11-2011, 04:17 PM
روعه ابداع صح الله لسانك

الحر الأشقر
15-11-2011, 05:21 PM
مساء الشوق

استنسق الجمال في هذه الصفحه

صح لسانك مليون على هذه القصيدة الجميله

ودمت بود

محمد الشامسي
15-11-2011, 09:03 PM
صح لسانك اخوي عادل ابيات في غاية الروعه :ongue:


تقبل مني كل احترام و تقدير

جـــوف
16-11-2011, 04:36 PM
صــــــــــح لسـانكـ،،،،

همس
16-11-2011, 10:54 PM
الله ع هالقصيدة وع هالابداع الرائع ..

صح لسانك شاعرنا عادل ع القصيدة الرائعة .. ابدعت فيها ..

سلم لنا هالانامل الحلوه .. ننتظر منك الزود ..

تذكار
17-11-2011, 06:54 PM
صح لسانك بوبدر
قصيده رااائعة
حبيت قافيتها
ننتظر المزيد من نبعك

عادل بوبدر
20-11-2011, 03:01 PM
روعه ابداع صح الله لسانك


اشكر مرورك سيدتي

عادل

علياء
20-11-2011, 03:22 PM
"

هلا فيك عادل صح لسانك وتسلم ايدك ع الكلمات الغاوية

تحياتي "عليا"

عادل بوبدر
21-11-2011, 08:15 AM
مساء الشوق

استنسق الجمال في هذه الصفحه

صح لسانك مليون على هذه القصيدة الجميله

ودمت بود


صباح الود
اشرقت صفحتي بمرورك يالغالي

شكرا

عادل بوبدر
26-11-2011, 05:28 PM
صح لسانك اخوي عادل ابيات في غاية الروعه :ongue:


تقبل مني كل احترام و تقدير


شاعر المنتدى
اشكر مرورك

عادل

عادل بوبدر
27-11-2011, 11:43 AM
صــــــــــح لسـانكـ،،،،


صح بدنك
سلمتِ

عادل

سراب الشارجه
28-11-2011, 11:04 AM
وهو ما درى إن الحب له حكمه وذوق؟
إن كان ما هانت عليه العـــلاقه

الشاعر عادل بوبدر صح لسانك كلمات رائعه

تقبل مروري واحترامي

سالم الكعبي
28-11-2011, 03:41 PM
وإذا هرج كنه على الهرج مسيوق
رغم إن في همسة كلامه طلاقه

بيت عجبني

كلام جميل صح لسانك أخوي عادل بوبدر

أخوك سالم الكعبي (حطّام)

عادل بوبدر
01-12-2011, 10:38 AM
الله ع هالقصيدة وع هالابداع الرائع ..

صح لسانك شاعرنا عادل ع القصيدة الرائعة .. ابدعت فيها ..

سلم لنا هالانامل الحلوه .. ننتظر منك الزود ..


القديرة همس
اشكر مرورك سيدتي
بارك الله فيك

عادل

عادل بوبدر
01-12-2011, 10:40 AM
صح لسانك بوبدر
قصيده رااائعة
حبيت قافيتها
ننتظر المزيد من نبعك


زادني شرف وجودك
والحمد لله ان قافيتها اعجبتك
وانا انتظر دائما مرورك

عادل

المتهور
05-12-2011, 03:16 PM
صــح لــســآنـك أخووي ع هل الأبيات الجميله ونتظر جديدك

عادل بوبدر
06-12-2011, 09:06 AM
"

هلا فيك عادل صح لسانك وتسلم ايدك ع الكلمات الغاوية

تحياتي "عليا"


هلا وغلا عليا
تسلمي وشكرا لمرورك

عادل

عــيـ دبـي ــون
07-12-2011, 02:36 PM
حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه


صح لسانك يالشاعر على هالابيات الرائعه

عادل بوبدر
11-12-2011, 09:14 AM
وهو ما درى إن الحب له حكمه وذوق؟
إن كان ما هانت عليه العـــلاقه

الشاعر عادل بوبدر صح لسانك كلمات رائعه

تقبل مروري واحترامي


شيخة الشعر
اشكر جميل مرورك ولطف قولك

عادل بوبدر
24-05-2012, 07:46 AM
وإذا هرج كنه على الهرج مسيوق
رغم إن في همسة كلامه طلاقه

بيت عجبني

كلام جميل صح لسانك أخوي عادل بوبدر

أخوك سالم الكعبي (حطّام)

صح بدنك وكلك ياشاعرنا
اشكر مرورك الكريم

كتبيه محبوبه
24-05-2012, 08:36 AM
هو ما درى إن الهجر ما ربّحه سوق؟
ما يغــني الجــلّاب عــن كل فــاقه

وهو ما درى إن الحب له حكمه وذوق؟
إن كان ما هانت عليه العـــلاقه

وهو ما درى إني دم واحساس وعروق؟
وإني على شــوفــته كلي شـفـاقه

حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه


:( حزينه لاني اناا اخر من يرد على هذه القصيده والابياات الرائعه
ااين كاانت مختبئه هههه ...ضححح السانك يااا شااعرنااا
ابياات طيبه كوجودك الطيب وحروف راقييه كحضورك الرااقي
ربي يعطييك العاافيييه يااارب ..لاتحرمنااا من تواجدك الرااائع
ولا من يديدك وابيااتك العذبه والنقيييه ,,,,

تحيااتي واحترااامي لشخصك ^^

عادل بوبدر
24-05-2012, 12:34 PM
صــح لــســآنـك أخووي ع هل الأبيات الجميله ونتظر جديدك

الاجمل مرورك ياجميل

صح بدنك

عادل بوبدر
02-06-2012, 04:25 PM
حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه


صح لسانك يالشاعر على هالابيات الرائعه

شكرا لمرورك يامديرنا الغالي

مصور الاحساء
02-06-2012, 06:53 PM
حلو عيبني ياغالي
صح اللسانك

عادل بوبدر
04-06-2012, 05:41 PM
هو ما درى إن الهجر ما ربّحه سوق؟
ما يغــني الجــلّاب عــن كل فــاقه

وهو ما درى إن الحب له حكمه وذوق؟
إن كان ما هانت عليه العـــلاقه

وهو ما درى إني دم واحساس وعروق؟
وإني على شــوفــته كلي شـفـاقه

حفظت أنا سر الهوى وسط صندوق
و ما بحت به بين الربع والرفاقه

كله لأجل من غض موق ٍ على موق
و أسترسل الدمعات لحظة فراقه


:( حزينه لاني اناا اخر من يرد على هذه القصيده والابياات الرائعه
ااين كاانت مختبئه هههه ...ضححح السانك يااا شااعرنااا
ابياات طيبه كوجودك الطيب وحروف راقييه كحضورك الرااقي
ربي يعطييك العاافيييه يااارب ..لاتحرمنااا من تواجدك الرااائع
ولا من يديدك وابيااتك العذبه والنقيييه ,,,,

تحيااتي واحترااامي لشخصك ^^



شكرا لمرورك ياوجه الخير
بيض الله وجهك
لا هنتِ

عادل بوبدر
06-06-2012, 02:42 PM
حلو عيبني ياغالي
صح اللسانك
شكرا للمرور ياغالي