المساعد الشخصي الرقمي

مشاهدة النسخة كاملة : محطات الارصاد



عبدالله محمد الشمري
19-11-2011, 12:30 PM
وين اتجاهك يالغيوم الثقيله = ماجابت اخبارك محطات الارصاد

سوقي سحابك للديار المحيله = لك والعطاشا والملاهيف ميعاد

يخيلك اللي ساهراً طول ليله = هم وغثا بال وهواجيس وسهاد

اغيب واسرح في مسافه طويله = وافيق والقى الشعر بالفكر ينقاد

يشوقني نوح الحمام وهديله = وانا بحضوة كيف والسهر معتاد

فنجالاً اشقر زايداً قوس هيله = والليل ونجوم السما جمع وافراد

مجنون وبكفّي زناد و فتيله = عاقل و لا عندي فتيله و لا زناد

افخر بديني واعتزي بالقبيله = شمّر سنادي يوم كلاً له سناد

هذي حياتي واعتبرها جميله = فقير واغنى شخص ما جامل اضداد

والوقت غاراته جسام ومهيله = هولاً يبث الرعب بأرواح وجماد

يسلم به الكافر ويسجد نفيله = ويكفر به المسلم على روس الاشهاد

طمس الحقايق والكوارث حصيله = نقفور يرقص غي واولاده اسياد

دمع اليتيمه فاض من ينتخي له = تصرخ له بلاداً وتغرق به بلاد

مات الوفا بأيدين الانذال غيله = والناس بالدنيا ضحيّه وجلاّد

كليب من بعده هيام الجليله = ولازال ابو ليلى عن الثأر نشّاد

لله درك يالسيوف الصقيله = ( ماتشتكين من الصدأ وسط الاغماد )

كان ابرهه يشعب على الدرب فيله = قولو له اقبل 0 طير ابابيل صيّاد

لابد للعرّاف خطه بديله = والاّ انكشف كذبه على جمع الاوغاد

على شخوص الارض ضاع الدليله = منجوم والاّ صايبه غيض وعناد

الغايه اللي سابقتها وسيله = مطامع الروّاد بأفكار الانداد

عين الرضا عن كل عيباً كليله = قبلي يقوله شاعراً بأمة الضاد

علياء
19-11-2011, 01:16 PM
:

هلا فيك اخوي عبدالله صح لسانك تسلم ع الكلمات الغاوية

تحياتي"عليا"

محمد الشامسي
19-11-2011, 04:44 PM
صح لسانك اخوي عبدالله كلمات جميله تسلم ايدك

تقبل تحياتي

الحشيم
19-11-2011, 06:35 PM
صح لسانك على هالقصيده

تذكار
19-11-2011, 08:57 PM
هذي حياتي واعتبرها جميله = فقير واغنى شخص ما جامل اضداد

صح لساااانك ... وعلا شااانكـ..
ابدعت بقصيدتك اخوي عبدالله

الحر الأشقر
19-11-2011, 09:00 PM
قصيدة في منتهى الجمال


صح لسانك اخوي على هذه القصيدة الجميلة

ودمت بود

همس
13-12-2011, 08:03 AM
قصيدة في قمة الروعه ..

يعطيك العافية اخوي ع هالابداع الرائع ..

ننتظر منك الزود ..

عــيـ دبـي ــون
14-12-2011, 06:50 PM
افخر بديني واعتزي بالقبيله = شمّر سنادي يوم كلاً له سناد

هذي حياتي واعتبرها جميله = فقير واغنى شخص ما جامل اضداد


صح لسانك يالشاعر على هالابيات الرائعه