المساعد الشخصي الرقمي

مشاهدة النسخة كاملة : ياقدس ناقصنا طيورا أبابيل !!!!



طلال بن نشار
22-11-2011, 08:42 PM
ياقدس ناقصنـا طيـور أبابيـل !!!!!


الملك فيصل ال سعود رحمة الله رحمة واسعه

قال الفيصل ( حرمنا الشريف ومقدساتنا تنتهك وتستباح وتمثل فيها بالمخازي والمعاصي والانحلال الخلقي

فاني أدعو الله مخلص أذا لم يكتب لنا الجهاد وتخليص هذة المقدسات أن لايبقيني لحظة واحدة على الحياة )





ياقدس ناقصنـا طيـور أبابيـل = مـدام هـذا وضعنـا جنبيـنـا
حنا رضينا بالبقـر وألمؤاويـل = والعـز والله ماتحوشـه يدينـا
أن كان مالك من جهدنا محاصيل = يالله يالديـان تقضـى عليـنـا
مهما سكتنا زودو فوقنـا الميـل = ولاسرهم حتى بعـد مارضينـا
قامو يزيدون الفتـن والقلاقيـل = ياهيه ياحكـام النـا سنينـا !!
شعب يبـاد ولاتفيـد الاقاويـل = شعب يمـوت ولالقالـة معينـا
يافيصل ألاسلام ماعاد به حيـل = بيعت كرامتنـا وحنـا شرينـا
قد قلتها والفعل يبغـا رياجيـل = أن كان مال القدس عز أنتهينـا
في خطبة ماهيب خطبة دعابيـل = الحق واضح والمواقـف تبينـا
واليوم يامشكاي قد صابنا ويـل = مدام فيصل راح وش في يدينا

ناظم العربي
22-11-2011, 09:30 PM
ذبح الاقصى يوميا يبدو انه سيستديم مادمنا بهذا الذبول
وهذه الصوره البائيه من خذلان وخمول وانهيار
رحم الله كل الاصلاء الذين كانت القدس في عيونهم
بارك الله بك لهذه القصيده الرائعه

محمد الشامسي
23-11-2011, 03:17 AM
صح لسانك اخوي طلال ابيات معبره وجزله

تحياتي لك

همس
23-11-2011, 09:36 AM
صح لسانك اخوي ع هالقصيدو الغاوية والمعبرة ..

ابدعت فيها ابصراحه ..

لا تحرمنا من ابداعك الرائع ..

عــيـ دبـي ــون
23-11-2011, 11:51 AM
الله يرحم الملك فيصل ال سعود رحمة الله رحمة واسعه


وصح لسانك اخوي على هالقصيده الرائعه واللي في محلها ابصراحه

طلال بن نشار
01-12-2011, 04:13 PM
صح ابدان الجميع ومشكورين على مرورهم المميز تقبلو تحيااااتي وتقديري