المساعد الشخصي الرقمي

مشاهدة النسخة كاملة : العزايم



عبدالله محمد الشمري
23-11-2011, 02:09 AM
إكبري يالعزايم وإصغري يالظروف = وإركدي يالهبايب وإثبتي يالجبال

كن ما اسمع كلام وكن ما اشوف شوف = ميّت إحساس عامد واخفي الانفعال

شاعراً عرقلنّه جايرات الصدوف = معظم الوقت عاقل ما خلا من هبال

بين راساً عنيد وبين قلباً عطوف = وبين حظاً تعيس وبين ظرفاً عضال

واقفاً واتجاهل حر نار الوقوف = فوق جمر الحقيقه تحت ثلج الخيال

ليلةً عاندتني بالصعوبه تطوف = كيف انا قلت ليله ؟ بالحقيقه ليال

ماتجود الليالي في منال الشفوف = الهقاوي تبخّر دون صعب المنال

درهمن الركايب داميات الخفوف = في مضارب ( بني حاضر) وباكر تعال

شفت رف الحمام ويتبعنّه رفوف = للعشوش العتيقه معتريها الجفال

انظر الشمس تسطع ماغشاها كسوف = دونها الغيم يسبح ويتبادر سؤال

هل بقي بالسحابه شربةً بالكفوف ؟ = وهل ميل الليالي يقبل الاعتدال ؟

ماملكت الكنوز ولا تركت الحسوف = كل ماشفت بيدر دونه الحظ حال

استحي من ضيوفي لو همومي ضيوف = يقلط الهم وانحر في قدومه جمال

راحت القلب ساعه ماعلى النفس خوف = في كهوف المظامي زايلات الظلال

يقرب الضيم وانهض في يديني سيوف = وانتخي واتذكّر للمواقف رجال

ماكسبت العزايم من طموح الضعوف = لا طموحي حرام ولا التخاذل حلال

محمد الشامسي
23-11-2011, 03:22 AM
صح لسانك اخوي عبدالله ابيات جزله غايه في الروعه

تقبل تحياتي

همس
23-11-2011, 09:28 AM
صح لسانك اخوي ع هالقصيدة الغاوية ..

ابدعت فيها .. يعطيك العافية ..

لا تحرمنا من جديدك ..

تذكار
25-11-2011, 11:56 PM
صح لسانك اخوي .. ولا هنت .

هزاع البديري
27-11-2011, 12:10 AM
صح لسانك ولاهنت ع الشآمخه الجميله
ودي وتقديري طال عمرك .