المساعد الشخصي الرقمي

مشاهدة النسخة كاملة : مالبورو أحمر



عبدالله محمد الشمري
24-11-2011, 01:30 AM
والله يالولا تارك التتن لي وقت = إنّي لأكنّه لين يكوي فوءادي

صبري قضا وانا على الموت وايقت = واليوم ابا اكفر بالحيا والمبادي

ياهم وش بك ما بقلبي ترفّقت = رفيق عمري مار ظالم وسادي

لا مجرمً جابو لي الحبل وشنقت = و لا شفت من وقتي سلام وبرادي

سكرت لي مده من الوقت ما فقت = الا وانا في ديرة الخوف غادي

فوق السحاب برحلة الفكر حلّقت = لعلّي انظر نور الافراج بادي

اتلى الامل شعره وفيها تعلّقت = واشوف الارض اشواك طلح وكدادي

صديت عن بعض النواحي ودنّقت = وجنّبت دربً فيه كبوة جوادي

صريح مايومً للانذال نافقت = اشري زعل خطو الخسيس الربادي

ما دمت من بعض الهقاوي تحقّقت = الخوف ما به للنعامه مفادي

عبداً لهّمي مار طوّلت ما اعتقت = والعتق هو شفّي وغاية مرادي

سراب الشارجه
24-11-2011, 10:03 AM
صح لسانك شاعرنا كلمات مميزه

تقبل مروري واحترامي

الحر الأشقر
24-11-2011, 12:06 PM
صح لسانك اخوي على هذه القصيدة الجميلة

محمد الشامسي
24-11-2011, 05:06 PM
صح لسانك اخوي عبدالله كلمات رائعه

تحياتي لك

همس
26-11-2011, 03:45 AM
صح لسانك يالشاعر ع هالقصيدة الغاوية ..

ابدعت اصراحه ..

عادل بوبدر
26-11-2011, 05:21 PM
صح لسانك ياخوي عبدالله

عشت

عادل

سالم الكعبي
27-11-2011, 05:25 AM
صح لسانك ، كلام جميل

أخوك

سالم الكعبي (حطّام)