المساعد الشخصي الرقمي

مشاهدة النسخة كاملة : قصه من الواقع



golden cat
07-12-2011, 10:00 PM
كان شاب اسمه عايش يعيش في قرية وكان يحب بنت اسمها نورة ,
في يوم راح عايش يخطب نورة ولكن أبو نورة رفض لانه عايش على قد حاله وماعنده حلال ولا فلوس
وقالها نورة انا راح اشتغل ويصير عندي فلوس وارجع اخطبك واتزوجك .. فوافقت نوره انها تنتظره ,
سافر عايش المدينه وصار يشتغل في التجارة ومرت الأيام وصار عنده فلوس ورجع لقريته عشان يطلب يد نورة ولكن لما رجع تفاجئ ان نورة تزوجت وهاجرت مكان ثاني مع رجلها
وقرر يسافر ويدور على نورة .. ومر ع القرية الاولى وسلم على أمير القرية
وقاله : أنا عندي لغز واللي يجاوب عليه بعطيه كل حلالي
فقاله الأمير : وشو اللغز ؟
قال عايش ( أبنشدك نور القمر وشلون نورة )
أحد الجالسين قال له : أبيض .. واحد قال : أصفر
وكل الأجوبة غلط .. محد عرف اللغز !
فسافر الى قرية ثانية وطرح عليهم نفس اللغز ومحد عرف الجواب
راح للقرية الثالثة وكان تعبان من السفر فقالهم : أنا عندي لغز واللي يعرف يحله بعطيه كل حلالي وبعد محد عرف الجواب
فقالهم : لاني تعبان بنام واللي يعرف الجواب يقولي اياه الصبح
ومن بين الحضور كان زوج نورة موجود
فرجع للبيت وقالها : جانا اليوم واحد خبل يقول عندي لغز واللي يحله بعطيه مالي وحلالي كله ..
فـ قالت له : وشو هو اللغز ؟
قالها : أبنشدك نور القمر وشلون نورة ؟
فبتسمت نورة وقالت قوله :
(مثل السمك في البحر وشلون عايش؟)
فقام الصبح زوج نورة وراح وقال لعايش : (مثل السمك في البحر وشلون عايش ؟)
فبتسم عايش وقال له : هذا مالي وحلالي وسلم لي على نوره

هذا جزاء الوفا ( الخيانه )


منقووول

تذكار
07-12-2011, 11:08 PM
قصة رائعة
ياعايش يارمز الوفا
تسلم ايدك اختي فولدن ..

عــيـ دبـي ــون
07-12-2011, 11:23 PM
تسلمين اختي على هالقصه الرائعه:)

golden cat
08-12-2011, 12:27 AM
الله يسلمكم ويعافيكم
ومشكورين على المرور
وما ننحرم من مروركم وطلتكم