المساعد الشخصي الرقمي

مشاهدة النسخة كاملة : تهديني الورد



عبدالله صالح العمري
18-12-2011, 10:31 PM
تهديني الورد .. وانت الورد وزْهوره
**** وتقلي انساك وانت الذاكره فيني .
هذا دلالك كِثر واستفقد اشعوره؟!
**** أو غايتك بالهوى تبعد وتجفيني!!
والاّ بوصفك مزايا الحسن مغروره
**** ودّك بها يالغلا تسعد وتشقيني
رحماك رحماك نفسي فيك ماسوره
**** ما اشوف داعي بدنيا الحب تضنيني
وشلون يسلاك قلبي .. وانته اسروره
**** وانته لعيني عيون .. وشمعة اسنيني
إذا القمر يختلس من طلعتك نوره
**** وش عاد عن بسمتك والشوف يغنيني ؟
إرجع كما كنت نهج الحب دستوره
**** تواضعك يخجل البسمه ويغريني
ما دام وردك يفوح الكون بعطوره
**** والري تحنان ينبع من شراييني
خَلْ الغرور .. وتعال انجسد الصوره
**** أنا أحبك شعور .. وتكملة ديني
شعر: عبدالله صالح العمري

عبدالله الشامسي
19-12-2011, 01:47 AM
"
"

اخويه عبدالله صح لسانك وزان جزله من راس جزل

تمنياتي القلبيه لك بالتوفيق

"
"

دمت بود

سالم الكعبي
19-12-2011, 01:49 AM
صح لسانك الشاعر عبدالله قصيدة جميلة لك مني كل احترام وتقدير

همس
19-12-2011, 03:24 AM
صح لسانك يالشاعر ع هالقصيدة الرائعة ..

يعطيك العافية ..

الحر الأشقر
19-12-2011, 09:42 AM
صباح الورد


الله الله الله على هذه القصيدة الرائعة



صح لسانك مليار ولا يكفون علي هذه القصيدة الرائعة
كل بيت اجمل من الثاني

ودمت بنقاء الورد

محمد الشامسي
21-12-2011, 05:27 PM
صح لسانك اخوي عبدالله ابيات جميله


تحياتي لك

عــيـ دبـي ــون
21-12-2011, 11:50 PM
**** تواضعك يخجل البسمه ويغريني
ما دام وردك يفوح الكون بعطوره
**** والري تحنان ينبع من شراييني
خَلْ الغرور .. وتعال انجسد الصوره
**** أنا أحبك شعور .. وتكملة ديني


صح لسانك يالشاعر على هالابيات الرائعه:)