المساعد الشخصي الرقمي

مشاهدة النسخة كاملة : ساحر الاحساس



سالم الكعبي
23-12-2011, 03:26 AM
أخواني وأخواتي الكرام

يسعدني أن أقدم لكم الجديد ( ساحر الاحساس )
من كلماتي وألحان وغناء الفنان : سلطان البلوشي
حاليا ً على الإمارات FM

يا ساحر الاحساس يا قلـب ضــاوي
يا مـالـك ٍ روح ٍ بنـت نــور ٍ وفـــي
أشتاق لك شـوق المحــب الهــواوي
وأحن في بعدك ضما يطلـب الــري

مثلك عديم وطـيب نفســك تســـاوي
هذه الاصالة من سـلالـة هـل الحــي
مالــك شبيـــه ٍ ياخــــوي المخــاوي
هـل في مدينــة شفتهــا تشبــه دبــي

أمـوت أحبــك فــوق كـل الرجــاوي
ما طيــق بعــدك لـو بتتبـاعد شــوي
غـــيرك ولا بلقـى في دنيــاي لاوي
يا راحـت عيوني ويا شمعة الضــي

أنتــه ربيــع العمــر رغم الهجــاوي
أتنفــس أحسـاسـك وتسقــيني المــي
وأنت شفـا لجـروح وأنـت المـداوي
يالماضي الاجمل ويا الحاضر الحي


أخوكم : سالم الكعبي

عــيـ دبـي ــون
23-12-2011, 11:35 AM
ماعرفت شو اختار


مثلك عديم وطـيب نفســك تســـاوي
هذه الاصالة من سـلالـة هـل الحــي
مالــك شبيـــه ٍ ياخــــوي المخــاوي
هـل في مدينــة شفتهــا تشبــه دبــي


بعدها استوقفتني هالاببات



أنتــه ربيــع العمــر رغم الهجــاوي
أتنفــس أحسـاسـك وتسقــيني المــي
وأنت شفـا لجـروح وأنـت المـداوي
يالماضي الاجمل ويا الحاضر الحي



ماقول غير صح لسانك يالشاعر على هالابيات الرائعه :)

الحر الأشقر
23-12-2011, 01:46 PM
قصيدة جميلة


صح لسانك بوغنيم على هذه القصيدة الجميلة


ودمت بود

محمد الشامسي
23-12-2011, 04:48 PM
رووووووووووووووووووعه بو غنيم :S_029:

صح لسانك على هذي الابيات الرائعه

(ساحر الاحساس) من اكثر القصايد اللي احبها من كلماتك

وابدع فيها سلطان بلحن واداء و لا اروع

يسلم منطوقك صديقي على هذي القصيده

سالم الكعبي
23-12-2011, 06:08 PM
المدير الغالي عيون دبي صح بدنك ولك مني كل إحترام وتقدير وأشكرك على هذه المشاركة المميزة

سالم الكعبي
23-12-2011, 06:09 PM
الحر الاشقر مشكور على مرورك الطيب وصح بدنك

سالم الكعبي
23-12-2011, 06:11 PM
أخوي وصديقي العزيز (نجم سهيل) ما عليك زود وأقولك بسك من الغيبة تعال أشتقنالك وايد ولك مني كل أحترام وتقدير

عبدالله الشامسي
24-12-2011, 11:03 PM
سالم الكعبي

"
"

صح لسانك اخويه وزان قصيده جميله واحساس رائع صورته في هالقصيده
تمنياتي القلبيه لك بالتوفيج ولاتحرمنا من كل يديدك

"
"

دمت بود

سالم الكعبي
26-12-2011, 02:35 AM
عبدالله الشامسي صح بدنك ومشكور على مرورك الجميل تقبل مني الاحترام والتقدير

همس
26-12-2011, 04:55 AM
الله ع هالقصيدة الرائعه احساس رائع ومميز

صح لسانك وعلا شانك ع هالقصيدة الجميله ..

? تحرمنا من ابداعك ..

سالم الكعبي
26-12-2011, 06:13 PM
الله ع هالقصيدة الرائعه احساس رائع ومميز

صح لسانك وعلا شانك ع هالقصيدة الجميله ..

? تحرمنا من ابداعك ..


شكرا همس على مرورج وصح بدنج مشكورة