المساعد الشخصي الرقمي

مشاهدة النسخة كاملة : الإخت تعور أخوها



سحآبة صيف
27-12-2011, 11:36 AM
السلام عليكم و رحمة الله و بركاته

كثيرة المواقف اللي نمر بها .. و منها اللي يضحك و منها اللي دموعنا تهل عليه سيول و سيول
لا تخافون ما راح اخليكم تصيحون .. و تتشائمون من الموضوع

مررت ف حياتي بمواقف مضحكة كثيرة و حبيت اطرح لكم وحدة من هالمواقف اللي تضحك .. ممكن أنا بس اشوفها تضحك و ممكن انتوا بعد بس المهم انها من المواقف اللي خلتني ابتسم كل ما تذكرتها

من هالمواقف :

كنت ف فترة الامتحانات و كنت بالفعل مندمجة في الدراسة و كان وضعي يصيح الكل .. امي تضايقت منه و ابوي كان مب مرتاح من هالوضع و اخواني و البيت بكبره مجلوب ع حالتي

المهم كنت اذاكر فيزيا و فجأة اسمع حد يدق الباب و بقوة و اليهال يصارخون
خفت و تحريت ان في شي صاير و الكل خايف
فتحت باب الغرفة
طلعت ف الصالة

ما في حد

رحت الحوي

ما في حد خفت قلت فخاطري بلاهم ؟؟ وين راحوا ؟؟

ما لحقت ألف و أشوف ورا
و إلا اسمع يهال يضحكون و يرشون علي ماي بالمسدسات

كنت اصارخ و انقز
و كنت معصبة لأنهم سوو فيني هذي الحركة

و من كثر ما كنت معصبة كنت امشي بسرعة عسب أبعد عنهم و ما انتبهت و فجأة

طااااااااااااااااااااااخ

و جااااااااان اطيح على ويهي و يخيسوني بالماي

و هني استسلمت للأمر الواقع و خذت مسدس و مزرته بالماي
و بديت أرش على الكل
و حتى امي ما سلمت مني


و في النهاية حصلت هزبة لأن بللت كل شي في البيت

و اليوم الثاني مرضت أنا و اخوي الصغير



الشي اللي ضحكني وااايد
ان اخوي لما طحت قالي آآآآآآآآي تعورت

قلت له نعم ؟

قال تعورت

قلت له أنا اللي طحت و انت اللي تعورت كيف ؟!

قالي
ترى الإخت اللي تطيح تعور اخوها
بس لما الأخو يطيح محد يتعور غيره

نحن نحس فيكم بس انتوا ما عندكم احساس

ههههههههههههههههه


و هذا ولد الـ 5 سنوات قام يرمس عن الإحساس

golden cat
27-12-2011, 10:20 PM
يا حياتي على اللي يحس باخته ومشكورة اختي على موضوعك


عاد انا من المواقف اللي صارت او اللي كنت السبب فيها وللحين اذكرها

كنت بالطايف مع الاهل نتسوق وطلعت بسيارة عمي وولده الكبير الللي يسوق وخذانا للسوق

وكنا امي وعمتي وبنات عمي كبار ومتزوجات جالسين بالكرسي الثاني اواخوي جنب ولد عمي السواق
وانا كنت مع بنت عمي بالشنطة بما اننا الصغار منهم

والكبار نزلوا يتسوقون واحنا بالسيارة جالسين وكنت انا واخوي وبنت عمي بالشنطة وياي وفي وحدة من بنات عمي بالكرسي الثاني

المهم كان عندي زجاجة ماي صحة وكنت العب بالورق تبعها وشلته وما عندي مكان ارميه ورميته على اللي قدام ووصل لولد عمي وهو خذ له منديل وحط عليه ماي ورماه وره وجا ببنت عمي اللي بالكرسي الثاني وقاموا يتهاوشون هي وولد عمي السواق

وشوي هدت الحرب وانا كنت ورا الكرسي يعني ما صادني شي
وشفت منديل مبلول وصل وراي عندي

ورميته ومرة ثانية بدت الحرب وانا سلمت منها بس كنت هادية بالمعركة وبعيدة عنها بس ايام كانت حلوة مع الاهل

سحآبة صيف
27-12-2011, 10:34 PM
ههههههههه

تسلمين عزيزتي
ع المرور و ع القصة الحلوة

:)

المتهور
27-12-2011, 11:24 PM
ههههههههههههههههههههههههههههههههههههههه

ذكريات جميله ..

موووقف حلووو هع ..

سحآبة صيف
27-12-2011, 11:27 PM
ههههههههههههههههههههههههههههههههههههههه

ذكريات جميله ..

موووقف حلووو هع ..

و الأجمل مشاركتك لنا الموضوع .. و مرورك به

تسلم و شاكرة لك هذا المرور الطيب

حشيمه الذات
28-12-2011, 06:38 PM
يحيااااتي ربي يسلمه ويخليك بععض
مشكووره ختي ع الموقف الحلوو ههههه
وسلا ماات ما تشوفوون ششر .... تقبلي مرووري

سحآبة صيف
28-12-2011, 09:25 PM
يحيااااتي ربي يسلمه ويخليك بععض
مشكووره ختي ع الموقف الحلوو ههههه
وسلا ماات ما تشوفوون ششر .... تقبلي مرووري

تسلمين غلاية
و شاكرة لج مرورج الطيب عزيزتي

همس
10-01-2012, 01:40 AM
فديته هذا يزاه يوم حس فيج ههههههه ..

فديته الله يحفظه ويخليه لكم يارب ..

ذكريات حلوه :) ..

تسلمين عزيزتي ع هالمواقف الحلوة والجميلة ..

نترقب منج الزود يالغلا ..

سحآبة صيف
10-01-2012, 06:10 PM
فديته هذا يزاه يوم حس فيج ههههههه ..

فديته الله يحفظه ويخليه لكم يارب ..

ذكريات حلوه :) ..

تسلمين عزيزتي ع هالمواقف الحلوة والجميلة ..

نترقب منج الزود يالغلا ..



تسلمين اختي همس ع المرورالطيب
:)

بنت دار غايب غاليها
10-01-2012, 06:45 PM
ذكريات حلو والله
حلو يوم طلعوج من جو الامتحانات شوي :smilies_049:


ذكرتيني بخواني دايم يطفروبي خخخخ

بنت دار غايب غاليها
10-01-2012, 06:52 PM
ذكريات حلو والله
حلو يوم طلعوج من جو الامتحانات شوي :smilies_049:


ذكرتيني بخواني دايم يطفروبي خخخخ

سحآبة صيف
10-01-2012, 07:08 PM
تسلمين الغالية ع المرور الطيب و لا عدمته