صبر ساعة

[خليفه بن سليم]

السلام عليكم

اخواني واخواتي

كل مره اقول السموحه على غيابي الطويل


وهذي بعد اقول السموحه ... مايطاوعني زماني بالتواصل


ولو ماكنت واثق بطيبة قوبكم ماكنت اطلب السموحه



واقدم لكم هذي المتواضعه عن الصبر وحال الحبيب الناسي




صـبر ســاعـه للعـمــر كــله
يبدل . . الله .. كـل مافيـــنا

الحــــيـاه وذوقـــهـا حـــله
يعلم .. الله .. كـم عانـيــــنا

والسـعــاده مالـــهـا مـــــله
غـادر الاوقـــات يجـفـيــــنا

نـقـضي الايـــام عـســـرله
غاتر الـمــرتــاح خـافـيـــنا

نـبـتــسـم بســـمه (وبسم اله)
نهـجـر الـضـيــقه تـأذيــــنا

مانـحــــبه قــول لـمـجـــله
فـي أســاسه مايـعـــانـيـــنا

نرتوي من الحــب يا فــــله
فوعته تنـعــش خـوافـيـــنا

في الحقيقه رشـفـك اعـــله
نسمت احســاسك تـغـذيـــنا

بعتراف الصــدر حـضـنــله
والحـشى حـيــز مبــانـيــــنا

والخــــواطـر كـم غـنــــله
بالـفرح يافرحــتي عـيــــنا

لـك ولـه .. والله .. مـا دّله
يدفــعه حـب الـوفا فـيـــنا

ياسهير الـطــرف غـضــــله
لاتفـــكـر فــي معــانـيــــنا

من الخوافي بيـدك وشــله
القـلـب اهــديـك والـعـيـــنا



كلمات خليفه بن سليم الكتبي

[سالم الكعبي]

صح لسانك الشاعر وبيض الله ويهك على هذه القصيدة الرائعة تقبل مني كل احترام وتقدير

[عبدالله الشامسي]

عليكم السلام ورحمة الله وبركاته


من طويل الغيبات ياب الغنايم وهاي غنيمتنا منك اخويه خليفه
صح لسانك وزان ... جزله او ووافيه من راس وافي

"
"

دمت بود

[همس]

قصيدة في قمة الروعه ..

صح لسانك وعلا شانك ع هالقصيدة الرائعة .. ابدعت فيها ..

[الحر الأشقر]

مساء الورد





مطول الغيبات جاب الغنايم:)


صح لسانك بوعجيل على هذه القصيدة الجميلة


ودمت بكل الود

[سراب الشارجه]

الشاعر خليفه بن سليم

صح لسانك نتريا ابيات الرائعه دوم

تقبل مروري واحترامي

[محمد الشامسي]

صح لسانك اخوي خليفه ابيات غايه في الروعه


تحياتي لك

[بنت دار غايب غاليها]

صح لسانك وعلا شانك اخوي خليفه على هالابيات الحلوه

[عــيـ دبـي ــون]

صح لسانك يالشاعر على هالابيات الرائعه

ومسموح والمنتدى منتداك :)

[الغربه]

غيابك وعذرك مقبول
ومتي ما رجعت القلب لك مفتوح
وبترحيب اكثر من اول
وها الابيات الرائعه تشهدلك
ودمت بموده واعجاب الغربه

[كتبيه محبوبه]

صصحح السسانك ياإشااعرناا
على هالابيات الطيبه
ننتظر يديدك القاادم
تحياأاتي لك