المساعد الشخصي الرقمي

مشاهدة النسخة كاملة : الاطلال



عبدالله محمد الشمري
13-01-2012, 01:58 AM
يامبعدٍ عني ولانيب راجيك=دونك غراب البين رف الجناحي
تبعد وقلبي بابتعادك يناديك=وان زدت خطوة زاد قلبي جراحي
عشر وثمان سنين والقلب يغليك=لليوم هذا ماهنا وإستراحي
اغليك واغلي ناسك اللي حواليك=واغلي على شانك ديار ونواحي
واروح للبيت الذي كان يأويك=والقاه مظلم واكثر الرسم ماحي
مهجور تلعب بالهبوب الشبابيك=لو هو بشر من حر فرقاك طاحي
انا ادري انه خالياً منك يبكيك=مار جبرتني ذكرياتي إلحاحي
واقول له يا دار تبت مبانيك=حلو الحلايا وين وجّه وراحي
ماجابني واوجست ريبه وتشكيك=واقفيت تلعب بي هبوب الرياحي
رجعت للإطلال من شأن ماضيك=اخاطب الجدران مانيب صاحي
اللي خذا عقلي رموشك وعينيك=الله عطاك رموش مثل الرماحي
بعيون مفتونك ولا أحدٍ يحاليك=ياسيد كل الغانيات الملاحي
الثلج والجمر الحمر بين اشافيك=ذباح للعشاق سم ٍ ذحاحي
لون العرق وقت الخجل فوق خديك=مثل الندى بالورد وقت الصباحي
سحرك تعّدى كل ساحر يجاريك=سحره محّرم وانت سحرك مباحي
ماحب ليلى قيس لو سمع طاريك=وان صرت مثله ماعليه جناحي
لعبت بي لعبٍ يسرك ويرضيك=لعب الاصابع في عقود السباحي
ياليت لو ساعه من العمر ناسيك=انساك لو الله كتب لي نجاحي

همس
13-01-2012, 02:06 AM
صح لسانك وعلا شانك يالشاعر ع هالقصيدة الرائعة والمميزة ..

يعطيك العافية .. لا تحرمنا من مشاركاتك الرائعة بالمنتدى ..

الحر الأشقر
13-01-2012, 01:40 PM
قصيدة في منتهى الجمال



صح لسانك مليار عالقصيدة الجميله

ودمت بود

محمد الشامسي
13-01-2012, 03:08 PM
صح لسانك اخوي عبدالله كلمات ولا اروع

تقبل مني تحياتي

عــيـ دبـي ــون
13-01-2012, 05:37 PM
اغليك واغلي ناسك اللي حواليك=واغلي على شانك ديار ونواحي
واروح للبيت الذي كان يأويك=والقاه مظلم واكثر الرسم ماحي
مهجور تلعب بالهبوب الشبابيك=لو هو بشر من حر فرقاك طاحي
انا ادري انه خالياً منك يبكيك=مار جبرتني ذكرياتي إلحاحي


ابدعت يالشاعر على هالابيات الرائعه صح لسانك :)