المساعد الشخصي الرقمي

مشاهدة النسخة كاملة : الجاذبيه



عبدالله محمد الشمري
15-02-2012, 01:02 AM
يانيوتن ما عرفت الجاذبيه = صدقوك أهل المدارس وأنت ضايع
والله ان الجاذبيه عاطفيه = تستحل القلب وتسوي فضايع
نظرة المشتاق مع غمزه خفيه = جابت المطلوب للطلاب طايع
هي ملامح وجه والا مزهريه= ياورودا وصفها بالحيل رايع
يامحلل ذبحت النفس البريه= جالها تحريم في كل الشرايع
كان لك قلبين ياكبرالخطيه= قلب شاري للحبيب وقلب بايع
عرفتي لك صاحبي صارت قضيه= هزت الوجدان والدنيا وقايع
ماعوى ذيب الخلا بالمهمهيه= كود من زود العنا ظامي وجايع
أن سمعت الناي والا السامريه= لاع قلبي ياخلي القلب لايع
التغلي والدلع والنرجسيه= للعذارا شرع وفنون وطبايع
المحبه راحت الروح الشقيه= والقلوب اسرارها تبقى ودايع
ارسل الاشواق لاحبابي هديه= وان عشقت العشق بين الناس شايع
قيس جنه حب ليلى العامريه= مالقاله في مواصلها ذرايع
ماحسبت حساب كساب الرديه= عادت الرديان خسرات البضايع

بارق
15-02-2012, 01:20 AM
ماعوى ذيب الخلا بالمهمهيه= كود من زود العنا ظامي وجايع


صح لسانك ..واعتلا شانك

تذكار
15-02-2012, 03:11 AM
صح لسانك ولاهنت..
ابيات اكثر من رائعة

الحر الأشقر
17-02-2012, 03:23 PM
مساء الجاذبية




صح لسانك مليار اخوي على هذه القصيدة الرائعه


ودمت بود

عــيـ دبـي ــون
21-02-2012, 10:06 PM
صح لسانك يالشاعر على هالابيات الرائعه

ابدعت :)

سحآبة صيف
22-02-2012, 07:32 PM
التغلي والدلع والنرجسيه= للعذارا شرع وفنون وطبايع



يعطيك العافية الشاعر ع الأبيات الرائعة

صح لسانك

همس
27-02-2012, 04:34 AM
صح لسانك وعلا شانك ع هالقصيدة الرائعة ..

لا تحرمنا من جديدك ومشاركاتك الرائعة ..

كتبيه محبوبه
22-04-2012, 12:13 AM
صصح السسانك ياإشااعرناا
على هالابياات الطيبه
ننتظر يديدك القااادم
تحياأتي لك

عبدالله محمد الشمري
10-01-2013, 12:06 AM
اشكر الجميع واعتذر عن التأخير واعتذر عن الغياب وها انا اعود الى منتداي واعضاءه الكرام

تقديري وتحياتي للجميع اخوان واخوات