المساعد الشخصي الرقمي

مشاهدة النسخة كاملة : ليلــــــــة سبـــــــــت



عادل بوبدر
11-03-2012, 11:19 PM
كانت ليلة سبت مثلها مثل كل ليلة من ليال الاسبوع
لاجديد لا مثير لا غريب
وفجأة تعطرت ليلته تلك بعطر صوتها وسمع منها اجزل شعرها
هي اختفت ولكنه هو انشد وقال

ياللي بدعت القاف ليتك توقعت
قدام لا تلعب ولا تمتحنّي

فكرت في الابيات لحظه و قررت
أبدع مشاعرها على كل فنّي

وأنا بصير بفنها لا تبصّرت
كلٍ من الهقوات يحتاط منّي

لكن ياللي بالمحبه تسببت
يوم العيون بـ رمشهن أسبلنّي

صوبتـني وأمسيت من ليلة السبت
طريح من يوم الجروح نزفـنّي

علقتني وياليتني ما تعلقت
في حربة سهامك ولا صوبـنّي

أنا احسب إني تبت لكن ما تبت
إثر الهوى عاصوف ما يستكنّي

يوم اللقا ماشي عذر لو تعذرت
كل الدموع بشوفتك أذرفنّي

ورحب بك الخاطر ولو ما تكلمت
لين ركدت الأنفاس ثم أرجهنّي

واقفيت كنــي بالهوى ما تعلمت
والشوق دنّــان جرسه لك يدنّي

هذي مشاعر قلتها ما تكلفت
من غصة ٍ همّـالها ما يونـّي

وأرجو السموحه يالغضي كان قصرت
ترى المحبه عـبـّـرت فيك عنّي

الشاعر: عادل بوبدر

همس
12-03-2012, 04:30 AM
ابيات في قمة الروعه والجمال ..

ابصراحه ابدعت في هالقصيدة ..

صح لسانك ع هالقصيدة الجميلة والرائع .. يعطيك العافية ..

عــيـ دبـي ــون
12-03-2012, 05:18 PM
صح لسانك يالشاعر على هالابيات الرائعه ابدعت فيها :)

كتبيه محبوبه
13-03-2012, 12:53 PM
صححح السسانك يااا شاااعرنااا ربي يعطيييك
العاافييه ياااربي ننتظر يديدك القااادم تسسسلم

عادل بوبدر
14-03-2012, 12:49 PM
ابيات في قمة الروعه والجمال ..

ابصراحه ابدعت في هالقصيدة ..

صح لسانك ع هالقصيدة الجميلة والرائع .. يعطيك العافية ..
الاروع تواجدك سيدتي
عساك على القوة
وبارك الله فيك

سراب الشارجه
14-03-2012, 07:57 PM
أنا احسب إني تبت لكن ما تبت
إثر الهوى عاصوف ما يستكنّي

صح لسانك شاعرنا كلمات روووووعه

عادل بوبدر
15-03-2012, 09:51 AM
صح لسانك يالشاعر على هالابيات الرائعه ابدعت فيها :)


هلا وغلا اخوي عيون دبي
اشكر مرورك العطر

ناظم العربي
15-03-2012, 05:41 PM
الوان من الحروف الملونه
عبرت عن ارقى انثيالات الاحاسيس الرقيه والصادق
اعرنا المتميز لك خالص ودي واحترامي

الحر الأشقر
24-03-2012, 12:14 PM
ليلة السبت واليوم سبت :)



صح لسانك مليون على هذه القصيدة الرائعه

ودمت بود

عادل بوبدر
26-09-2013, 03:31 PM
صححح السسانك يااا شاااعرنااا ربي يعطيييك
العاافييه ياااربي ننتظر يديدك القااادم تسسسلم

بيض الله وجهك
شكرا على المرور سيدتي