المساعد الشخصي الرقمي

مشاهدة النسخة كاملة : أمي



حسين خميس
21-03-2012, 03:59 PM
كل صباح بشوفج أستبشر
بالفرح والخير يا أمّي

بالحنان وبالدفا أشعر
طول ما انتي دايماً يمّي

انتي شلتيني تسعة أشهر
ثم حملتي خوفي وهمّي

كم رعيتيني وأنا صغيّر
كم سجد صدرج على حلمي

يا وفا باليوف له أنطر
فرحةٍ ترقى ولا تظمي

يا حنانٍ جاد بي أكثر
انرسم في صوتي وإسمي

يا جسد شايل غصن يثمر
وينها من لا تبي فهمي

السفر للكون ما يزهر
غير رقّه بالحشا تنمي

لو يجي يومي أقوم أذكر
بسمه اشتاقت فضا رسمي

ما يطيب الصبح لو أسفر
دون قبلة راس تنضمّي

يا غلاي اللّي به أتأمّر
هان أمرٍ منج لو دمّي

يا سماي اللي عطاء تنثر
ازهرت روحي ندى عزمي

كل صباح بشوفج أستبشر
بالفرح والخير يا أمّي


شعر: حسين خميس آل علي

كتبيه محبوبه
21-03-2012, 04:11 PM
صححح السسانك يااا شاارعرناا على هالابياات الطيبه
والام تسستااهل كل الخيييير
وكل ام يعلهاا تكووون بخير وتعيش ف خير ياارب
تسسلم يا شااعرناا ربي يعطييك العاافييه ياارب
ننتظر ابدعااتك ويديدك القااادم

عــيـ دبـي ــون
21-03-2012, 04:36 PM
يا حنانٍ جاد بي أكثر
انرسم في صوتي وإسمي


صح لسانك يالشاعر على هالابيات الرائعه خاصه انها في الام

همس
21-03-2012, 07:25 PM
يا سلام ع هالقصيدة الرائعة ..

صح لسانك وعلا شانك يالشاعر ع هالقصيدة الرائعة والمميزة ع الام ..

ابصراحه ابدعت فيها .. يعطيك العافية ..

حسين خميس
22-03-2012, 03:12 PM
صححح السسانك يااا شاارعرناا على هالابياات الطيبه
والام تسستااهل كل الخيييير
وكل ام يعلهاا تكووون بخير وتعيش ف خير ياارب
تسسلم يا شااعرناا ربي يعطييك العاافييه ياارب
ننتظر ابدعااتك ويديدك القااادم

تسلمين كتبيه محبوبه

مشكورة على مرورج

الله يعطيج الصحة والعافية

تقبلي أطيب تحياتي

سراب الشارجه
22-03-2012, 08:04 PM
شاعرنا حسين خميس صح لسانك قلتها هناك واقولها هنا

كلمات تستحق المرور عليها وين ما تواجدت لنها بالفعل مميزه

تقبل مروري واحترامي

نبض
24-03-2012, 10:54 AM
أيامك بشائر الوفا و أزاهير الخير
مبدع يالشاعر حسين
كلمات رسمت رقي المشاعر ولامست رهف إحساس الوجدان والحنين
ثراء الروائع هنا تبارك الرحمن
بطيب العود و دخونه ارسل بهاء التقدير والثناء لك سيدي

الحر الأشقر
24-03-2012, 12:01 PM
صح لسانك مليون سيدي على هذه القصيدة الرائعه للام

ودمت بود