المساعد الشخصي الرقمي

مشاهدة النسخة كاملة : آإذكــرني ؤآإنــســئ الـكـل !!



كتبيه محبوبه
08-04-2012, 12:28 PM
السسسلالام عليييكم


http://dubaieyes.net/up/upadmin/13338288006630086279450-953794767.jpg


كيف أودّع صورتك من هالحياة
كلما جيت أرتحل طيفك لفّى !



وقف قبل ترحل خلاص ,
لا تنسى تاخذ | دمعتي " مابي تروح
و بعيني لو : نتفة بكا !


ما جبت لك طاري !
شافوك ب عيوني | و : دروا ... !


ما عوّرك طاري الفراق ؟
ماضقت به !



إجرحيني بالعتب لا تسكتين
إجرحيني وادري انك : آسفه !


خذني لـ أماكن مزعجة للعابرين
ما أبغى سكوون
أخاف ( لحظة ) أختلي مع ذاكرة
مليانة بـ وجيه ، وتعب !
وو أحنّ له ..



جاك عمري | وش ورا عمري تبين ؟
خافي الله
ما ملى عينك : عُمر !!


مَ اشتقت لي !
ما أصدقك لو قلت : لا
أعرف حنينك " يحررقك
وأدري بأني لك وطن
سكنتني ..
مِن آخري لين أولي !



بس قول لي : إنك إلي
وَ ببقى معك
بزرع بدل دمعك : فرح
و ببدل الظلمة : صبح
وبرسم مساحات السما : غيم و مطر
ومهما تصد يبقى الوعد !
عمري إلك .. مابدلك
وتبقى سنيني تنتظر !
بس قول لي : إنك إلي


ما أطوله..
ليل الحنين
يملاك دهشه وأسئله
يمكن قسى!
يمكن تناسى وابتعد!
وليه ابتعد؟
عنده سبب؟
ووين الوعد؟
وليه السبب هي تجهله؟



أستسمحك !
و أنحر قرابين الأسف
مابين صوتي وشهقتك
أستسمحك !
لا تقسى يوم إني خطيت
و جيت أعترف في غلطتي !
ياوردتي مالك مفر
مالك سوى حظني : وطن
مالك سوى قلبي : قدر
تحيين بي و أتنفسك !
وأخطي معك و | أستسمحك


أمس صليت لأجل أنسى : غيابك
و أدفن جروحي !
جفن عيني دمع " أذَن !
أقام و كبّر قنوتي !
و جرحي : أمْ !
وسلمت و نويت أدعي ..
دعائي مانبت له : فمْ



أمس كانت جموع الناس : تستسقي
لَ الأرض جدبا يبو تمطر !
وأنا وياهم أستسقي أبي يلّي ولا في بالهم يخطر :
أبيكِ أنتي | مطر روحي
أبتغسل بطهرك وأروي جروحي ..
و أسمعهم بَ يدعوا الله :
( حوالينا حوالينا )
و أنا أدعي :
( علينا ولا حوالينا )
عسسى غيمك على جدب الصدر : يقطر !
البارحة كنتي على حد : البكا
وَ أنا على : أطراف الشهاق !


إرضي غروري !
قولي :
تدري ؟
ماتزينت بعدك !
ولا أدري وين روجي
ولا كحلي زار رمشي
ولا شمتني عطوري



خذني على قد حزني
زين يَ الطيب ؟
وإن شفت دمعي أمانة إستر اهدابي


يدري الحبيب إنه حبيب و بجفاه !
ماهو خراب الكون | لا أقفيت و أقفى !


إشربي القهوة بردت !
ولهفة الحب : بردت
و اللقا
و باقي العتب ..
إشربي القهوة أظن : موعد الفرقى قرب !


من غبت | ماغابت دموعي عن " العين
هذا غيابك : أتعب أطراف جفني


يا إلهي لا التفتي لي وقلتي :
ها يا بيبي !
فجأة ..
يسكني حنانك و الدجى يسكن في شيبي !
بجد أحس إني طفل وتمتلي بالحلوى جيبي !


تعال
و بلل مسمعي بصوتك
أنا : كووومة عطششش !



كِلما قلتي : حبيبي
صاح كلي | يرحم أمك لا تغيبي !
,

و بغيت أشتاق !
و نبهني التعب بدري | كفاية إرهاق !


غيرتي دنيتي بعدك كثير
صرت ما أحب الكلام !
صارت البسمة على شفاهي : عجب
صار صمتي في عيون الناس : عادة



أسولف لل نجوم : شلون عني فلّ ؟
وكيف أدعي له في وتري | ولا جاني ,

سوواح ادور عنك متى بتاتي ؟
خلاص ماني معاتبك الحطب طاح
,

الغصّة ومافيها أبيك
بس لا قادر اشوفك وشي زي الحلم اجيك


ليت السهر قلبي دامك تحبينه
لَ ابخشش المغرب !
وابداك من حينه !



أحس بشي يخنقني ولا أدري
هي العبره ؟ او انك تكبر بصدري !
,

هذا المسا ناسي
جاني على موعد فرح
بس مامعه ناسي


يا نوم كيف الحال ؟
سولف معي تكفى
حكيك يهد جبال
طب هدّني ب أغفى !



بعد طعنك ولا أقطع سالفة : جرحك سوى بالخير
وربي ماطرى ف صدري سوى انتي
وقلت : أشتاق لي عنك !
,

و علمني متى تفضى !
عشان أعرف متى : أشتاق
و علمني متى تقبل عيونك واحدٍ فاضي


بقى بعدك أمل
و إحساس بإنك راجعه بعدين
ياليتك ماخذه حتى الامل في ليلة غيابك



قالت : مانمت البارحه
و قلت : أدري !
كنتي في قلبي و وسط بالي تمرين
هذا اتصال الروح للروح يسري
كل ماغفيتي | أقول : أحبك , تفزّين !
,

و إن غاب صوتك ! بتبقى سيرتك حيّة
ما كنت عابر عشان تمر بي عابر !
ي أجمل حديث الغياب و ياطواريّة
ياكسري اللي عجزت القى له الجابر

ما علمك صوت المطر كيف أحتريك ؟
والا المطر ماجاب لي طاري أبد



ليتك تجي كلك ولّه
وتقول : كن البعد طال ؟
و من الفرح ماأعاتبك واقول : يااااخي مااااابغيت :"(
,

سافر
كل المدى غيّاب
ي قلبك : الكذاااب
كم قال : ما أخلييك لو خلتّك احباب !

الحر الأشقر
08-04-2012, 07:18 PM
مسجات حلوة


تسلم اناملك على المسجات

كتبيه محبوبه
08-04-2012, 07:50 PM
تسسسلم اخوووي الحر ع مرورك
الطيب تحيااااتي لك

عــيـ دبـي ــون
16-04-2012, 11:19 PM
يعطيج العافيه اختي على هالمسجات الرائعه

سحآبة صيف
16-04-2012, 11:34 PM
يسلمو حبوبة

كتبيه محبوبه
16-04-2012, 11:46 PM
يعطيج العافيه اختي على هالمسجات الرائعه

ويعاافييك ربي من كل شر
تسسلم ع المرور الطيب
تحيااتي لك..

كتبيه محبوبه
16-04-2012, 11:47 PM
يسلمو حبوبة

الله يسسلمج حبوبه ع مرورج الطيب

همس
17-04-2012, 08:01 PM
ابصراحه مسجات في قمة الروعه ..

وفقتي في الاختيار .. يعطيج العافية يالغلا ع ابداعج ..

كتبيه محبوبه
17-04-2012, 10:37 PM
فدديتج يالغلا تسلمين ع مرورج الحلو
لاتحرميناا من هالتوااجد الطيب
تحيااتي لج