عادل بوبدر
28-04-2012, 09:30 PM
دخول : أتمنى أن ترتقي لأطراف ذائقة القارئ العزيز
وأهديها وردة لتلك المكرمة الموقرة
بسم الله أبدأ
::
::
ألا ياللي رميتوا رميةٍ تصعب على الرامـي
سهوم ٍ من بيوت القاف مختـارات و مْنقَّـاه
حَوَت من نغمة الاشعار بين إظهار وإدغامي
يغني مع لحنها ساجع القمري مـع الورقـاه
بعد ماجاني التصريح من مندوبـك السّامـي
على ردي .. عسى ردي يناوش غايته ومناه
شكيتوا واشتكيتوا من عنـا دولاب الايامـي
ولا كل ٍ تبي تبدي له الشكوى ولا المشكـاه
يا كود اللي يحفظ من الشيَم عادات واحكامي
يبادلك الصراحه لا عنيت وجيت لـه تنصـاه
زمانك لو صفا لك واجتباك اليوم مـا دامـي
ولو يقبل سريعه خطوته لَ اقفى يحسب خطاه
ليالينا تمنّينـا علـى صفحـات الاحلامـي
تعشِّمنا سرابٍ زامي ٍ في يابـس المضمـاه
ترى دنياك هذي يالبيـب أرزاق واقسامـي
نصيبك لو تمادت غيبتـه لابـد مـا تلقـاه
وجفنك لا تفيِّـض دمعـه لعـاذل ولوَّامـي
يلبسك الملامه لو صفا لـك قولـه و معنـاه
دموع اهل الكرامه ما حشمها غير الاكرامـي
على شيمة وقيمة بيت عز ٍ ناهـض ٍ مبنـاه
ولا تلقى مكاسب تجرتك مـع كـل سوَّامـي
ولو له جوخة التاجر و زي ٍ زاهي ٍ ترضـاه
لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجـاه
ومن دون الوفا حالت ظلوم ٍ بحرهـا طامـي
غمرني والتماني راس رجم ٍ ما قدرت أرقاه
نسايرها بحاضرها .. حقايقهـا والاوهامـي
لعل الله يدبـر حيـرة المبلـي ولا يقصـاه
عسى تسفر لك ايامك وتجلي ليل الاظلامـي
وتقبل لك مقابيل الليالي كيـف مـا تهـواه
قلم عادل بوبدر
وأهديها وردة لتلك المكرمة الموقرة
بسم الله أبدأ
::
::
ألا ياللي رميتوا رميةٍ تصعب على الرامـي
سهوم ٍ من بيوت القاف مختـارات و مْنقَّـاه
حَوَت من نغمة الاشعار بين إظهار وإدغامي
يغني مع لحنها ساجع القمري مـع الورقـاه
بعد ماجاني التصريح من مندوبـك السّامـي
على ردي .. عسى ردي يناوش غايته ومناه
شكيتوا واشتكيتوا من عنـا دولاب الايامـي
ولا كل ٍ تبي تبدي له الشكوى ولا المشكـاه
يا كود اللي يحفظ من الشيَم عادات واحكامي
يبادلك الصراحه لا عنيت وجيت لـه تنصـاه
زمانك لو صفا لك واجتباك اليوم مـا دامـي
ولو يقبل سريعه خطوته لَ اقفى يحسب خطاه
ليالينا تمنّينـا علـى صفحـات الاحلامـي
تعشِّمنا سرابٍ زامي ٍ في يابـس المضمـاه
ترى دنياك هذي يالبيـب أرزاق واقسامـي
نصيبك لو تمادت غيبتـه لابـد مـا تلقـاه
وجفنك لا تفيِّـض دمعـه لعـاذل ولوَّامـي
يلبسك الملامه لو صفا لـك قولـه و معنـاه
دموع اهل الكرامه ما حشمها غير الاكرامـي
على شيمة وقيمة بيت عز ٍ ناهـض ٍ مبنـاه
ولا تلقى مكاسب تجرتك مـع كـل سوَّامـي
ولو له جوخة التاجر و زي ٍ زاهي ٍ ترضـاه
لقيت الناس من ماضي العصور الفوت ظلاّمي
حظيظ اللي نجا من ظلمهم يا الله بالمنجـاه
ومن دون الوفا حالت ظلوم ٍ بحرهـا طامـي
غمرني والتماني راس رجم ٍ ما قدرت أرقاه
نسايرها بحاضرها .. حقايقهـا والاوهامـي
لعل الله يدبـر حيـرة المبلـي ولا يقصـاه
عسى تسفر لك ايامك وتجلي ليل الاظلامـي
وتقبل لك مقابيل الليالي كيـف مـا تهـواه
قلم عادل بوبدر