المساعد الشخصي الرقمي

مشاهدة النسخة كاملة : المزاج



عبدالله محمد الشمري
01-05-2012, 01:05 AM
اي نعم كنت ناجع في مداراً بعيد = اي نعم جيت راجع للهوى والغرام

مقبلاً لك وشوقي كل لحظه يزيد = مالت الروح يمك والخطاوي همام

تحت هتان غيمه كان موقف فريد = يرجف القلب لهفه للقا بالزحام

في لقا ارواحنا المشهود ذاب الجليد = كان فيه اتفاق وفيه نقطة نظام

فرصةً كان فيها عمر حظي مديد = ابتدت في سلام وودّعت في سلام

كنت صعب المراس وكان راسي عنيد = جيت طفلاً يبي له منك زود اهتمام

كان عقلي رزين وكان رأيي سديد = صرت اشاهد بدربي نور صبح وظلام

كان صبري رصيد وباح كل الرصيد = لا عرفت الطريق ولا رغبت المقام

هز قلبي هواك وهز خضر الجريد = فوق تمثال حبك حام رف الحمام

حايراً فيك مدري من هو المستفيد = لا حلالك حلال ولا حرامك حرام

ترزم النوق عطشا بعد جهداً جهيد = السراب يتوارى والظوامي حيام

يوم فرقاك هم ويوم لقياك عيد = غير عيد الضحيه غير عيد الصيام

ايتجدد غرامك كل صبحً جديد = انت حبك وجود وغير حبك عدام

غير سود المقانع لك مكاناً وحيد = بين عوج الضلوع بمجلس الاحترام

كان تبي الصراحه والكلام الاكيد = في كلامك غموض وفي عيونك كلام

اعرف اسرار قلبك لو تظاهر سعيد = رغبة النفس دايم ما تحقق تمام

فيك جرحاً عميق وفيك هماً شديد = لا تركت الطموح ولا بلغت المرام

ما يطيب المزاج ولا يزين القصيد = كان ماهو لعينك يا رشيق القوام

اطلبك عطف قلبك كان ماهو حديد = شربة الما ترد الروح بعد الهيام

جيت ولهان ظامي 0 جف دم الوريد = حطني بين صدرك والثغر واللثام

كتبيه محبوبه
01-05-2012, 01:44 AM
ا
يتجدد غرامك كل صبحً جديد =
انت حبك وجود وغير حبك عدام

صصحح السسانك ياإ شااعرناا على هالابياات الطيبه
افتقدنااا حروفك وأبيااتك العذبه هالفتره :)
كلماات طيبه كطيب تواجدك
ربي يعطييك العاافيه ياأرب
ننتظر نبع قصصيدك وحروفك الطيبه
تحياأتي لك

تذكار
01-05-2012, 04:26 PM
صح لسانك ابيات رائعة

يعطيك الف عافيه

عــيـ دبـي ــون
01-05-2012, 10:04 PM
صح لسانك يالشاعر على هالابيات الرائعه

همس
01-05-2012, 10:28 PM
صح لسانك وعلا شانك يالشاعر ع هالقصيدة الجميلة ..

سحآبة صيف
03-05-2012, 08:35 AM
اطلبك عطف قلبك كان ماهو حديد = شربة الما ترد الروح بعد الهيام

جيت ولهان ظامي 0 جف دم الوريد = حطني بين صدرك والثغر واللثام


صح لسانك الشاعر و يعطيك العافية على هالأبيات الحلوة

الحر الأشقر
04-05-2012, 07:57 AM
صباح الجوري




صح لسانك مليون على هذه القصيدة الجميلة


ودمت بود

مفلح الاحبابي
04-05-2012, 01:53 PM
يوم فرقاك هم ويوم لقياك عيد = غير عيد الضحيه غير عيد الصيام

صح لسانك ولا تحرمنا من جديدك

الحر الأشقر
28-05-2012, 10:23 AM
اسمحلي سيدي على تواجدي في صفحتك مرة اخرى بس حبيت اقرا القصيدة مره اخرى من جمالها

خليفه بن سليم
28-05-2012, 11:08 AM
تحت هتان غيمه كان موقف فريد = يرجف القلب لهفه للقا بالزحام



صح لسانك والله


جميل انت هنا شاعر احساس

دمت بكل الود

وتقبل اعطر تحيه

عبدالله محمد الشمري
14-07-2012, 04:09 AM
الاخوان والاخوات الكرام

اسعد الله اوقاتكم بالمسرات

اشكركم جزيل الشكر على مروركم وتفاعلكم الجميل واسمحوا لي عن التأخير

تحياتي للجميع