المساعد الشخصي الرقمي

مشاهدة النسخة كاملة : just double click



الهوى ظبياني
02-05-2012, 09:58 PM
مسا الوررررد
اممم سعيدة بتواجدي فالمنتدى ..وفمنتدى المدونات بشكل أخص

فخاطري أشياء وايد ابي اكتبها ..ان شاء الله كل مرة بكتب شوي
اهم شي سويته اليوم اني زرت يدي .. من شهرين ما شفته ..
الظروف تتحكم فينا مع انه المفروض العكس ..

الهوى ظبياني
02-05-2012, 10:09 PM
اذكر فأيام الجامعة كانت عندنا مادة بيوكمستري ..ما كنت افهم من الدكتور شي ادش المحاضرة واطلع شرات الكرسي اللي يالسة عليه..امتحنا منتصف الفصل الاول يبت فالمادة D اول مرة فحياتي احصل هالتقدير انغميت وحزنت وقلت مستحيل هالمادة تغلبني وسألت البنات وجمعت من عندهم ملخصات ووصرت اراجع اول بأول لين يا الفاينلز والحمدلله حليت زين ويبتB ... حلوة أيام الدراسة ... ليتني اقدر اكمل ماستر وارد لأيام الجامعة

الهوى ظبياني
02-05-2012, 10:19 PM
امممم انا احب الرياضيات وشاطرة فيه فكنت اذاكر لإخواني الاصغر مني .. اذكر مرة يلست اذاكر ل2 من اخواني كانو فالابتدائي تقريبا ذاكرت وشرحت وتعبت وسويت لهم اختبار قصير اشوفهم فاهمين ولا بس يهزو لي الراس .. سويته وكان مستواهم ضعيف يعني ما كلاني شرحت شي جان اعصب عليهم من الخاطر وارد اراجع لهم من اول و يديد.. المساكين سارو يرقدون ع الساعة 10 بعدها بكم ساعة واحد منهم نش من رقاده وطلع برا امي شافته تقوله وين ساير جان يرد عليها بسير امتحن وهي كانت الساعة12 نص الليل!!!!والثاني ناش من رقاده ويقلب فلحافه ويدور تحت مخدته.. اخوي العود شافه واستغرب سأله شو ادور رد عليه ادور ورقة اختبار الرياضيات!!!!
شكلي سويت لهم رعب من الخاطر هههه

الهوى ظبياني
10-07-2012, 08:43 PM
مساكم أنا:00002:

قبل اسبوعين تقريبا كنت فالرياض .. بس للأسف ما حصلت وقت اتمشى فيها واشوفها عدل

ان شاء الله تكون اليايات اكثر من الرايحات ...

اعيش ما تبقى لي من ايام في انتظار رمضان بفارغ الصبر..

احلى شي فرمضان صلاة التراويح ...

الهوى ظبياني
10-07-2012, 08:46 PM
تعلمت فاليومين الماضيين ان التطنيش احسن طريقة تسكت وتقهر فيها العذال خخخخ

الهوى ظبياني
12-07-2012, 07:53 PM
مساكم جوري:smilies_098:

الهوى ظبياني
13-09-2012, 06:52 PM
welcome back Alhwa ..;)

الهوى ظبياني
13-09-2012, 06:56 PM
ليش احيانا صعب ان الواحد يفهمك.. مهما حاولت تقنعه بوجهة نظرك يظل متمسك فوجهة نظره ..ومب مستعد انه يتنازل عن رأيه حتى لو كان على غلط والطرف الثاني على صواب..ما ادري هل هو مجرد عناد..ولا خوفا ان صورته تهتز اذا قبل برأي الطرف الثاني

الهوى ظبياني
14-09-2012, 09:18 PM
يسعد مسا الغاليين،،

الليلة احساسي غريب ..
حاسة بكآبة..
لا تجديد.
لا تغيير
يوم نفس الشي ..نفس الروتين..

الهوى ظبياني
14-09-2012, 09:21 PM
وليل كموج البحر ارخى سدوله...
علي بأنواع الهموم ليبتلي

الهوى ظبياني
24-09-2012, 10:06 PM
نفسي اسافر واغير جو ..انا قنوعة وما ابي اسافر برا البلاد ع الاقل العاصمة..
يتني فرصة قبل اسبوعين بس عندنا نقص موظفين فالدوام ومسؤولنا ما رضى يعطيني اجازة..
والاسبوع الياي عندي فرصة اني اسير بس بعد بيكون عندنا نقص زيادة و مسؤولنا رفض
اتصلت عليه مرة 2 واعتذر انه ما يقدر يعطيني اجازة بحجة ان 2 من الموظفين عندهم ورشة انا هنيه حسيت اني شوي وبصيح خخخ لدرجة اني ما قدرت ارد عليه هو قابض لي الو الو وانا ساكتة واحاول اكلمه بدون ما يبين اني شوي وبصيح ...
قلت له احين من اسبوعين وانا احول اخذ اجازة ومحد راضي بسبب النقص وعادي 2 يحضرو ورشة عمل ليش ما يكون واحد بس...
قالي بشوف وبرد عليج ان شا

الهوى ظبياني
25-09-2012, 01:31 AM
ان شا

الهوى ظبياني
25-09-2012, 01:33 AM
حتى لو ما سرت مكان بتم فبيتنا ...

الهوى ظبياني
28-09-2012, 09:34 PM
ماشي اجازة الاسبوع الياي:(

الهوى ظبياني
04-10-2012, 07:28 PM
امممم

ملل تايم مسوي فيني عمايل

الهوى ظبياني
04-10-2012, 07:30 PM
الى من اهوى:

حبك يدفعني إلى الجنون..

إلى أن أبحث عن عينيك بين تلك العيون..

الهوى ظبياني
07-03-2013, 10:04 PM
يسعد مساكم

صار لي فترة ما شاركت فالمنتدى000

قبل اسبوعين او 3 انهيت رواية الأسود يلي بك لأحلام مستغانمي ...كانت رواية رائعة

اعشق كتاباتها ^_^

الهوى ظبياني
11-08-2013, 08:06 PM
مساء الخير.....بدينا الENTER مب شغال معي:tears: .... يعني كيف اكتب انا الحين .. اليوم اصبت بخيبة أمل ..مع اني المفروض متعودة خلاص بس دايما اتأمل فالناس الخير وبالاخير يخذلوني .. الله المستعان بس

الهوى ظبياني
23-08-2013, 04:05 PM
الحمدلله عل كل حال

ولم نرى ف الحمد الا العطاء