المساعد الشخصي الرقمي

مشاهدة النسخة كاملة : موقف حصل معي 1



خليفه بن سليم
04-05-2012, 01:40 AM
السلام عليكم

اخواني واخواتي

من باب الضحك اقدم هنا موقف حصل معي

في يوم الجمعه

اتصل صديق يريد يقعد معاي وانا ماكنت في البيت

فطلبت منه ان نلتقي في كوفي شوب بعيد عن الزحمه

واتفقنا على المكان والموعد قبل صلاة العشاء

وانا انزل من السياره تذكرت ان الكوفي شوب مشروباته ماتروق لي


وكان عندي في السياره كيس صغير فيه كاكاو

وهذا الكاكاو مايحتاج غير ماء ساخن

لان فيه كل شي

قلت فكره عشان ماانحرج مع مشروبهم الردي

دخلت قبل صديقي

اخترت مكان في الزاويه

وطلبت ماء ساخن فقط بدون اي شي وكوب اضافي فاضي


وشوي دخل صديقي وقعدنا وصبيت له من الكاكاو وشرب بسرعه !!؟؟

اقوله شربت بسرعه ؟!

قال عشان تطلب لي مره ثانيه ههههههههههه

قلت لا مابطلب لان هذا المشروب خلص

سكت /

وقبل الاذان قلنا بنطلع ورحت ادفع الحساب

العامل لي كان ماخذ الطلب طلع من مكانه

وهذا واحد ثاني

يقولي شو طلبت ؟؟

اقوله ماي ساخن

يحسبني امزح الهندي

راح شاف الطاوله لقي فيها مشروب كاكاو


رجع يضحك // انا ضحكت

قال مافي ماي هذا كاكاو .. فرحان يعني

قلت هذا كاكاو بس من وين ؟؟!! عطني منه اذا عندك

في عندكم منه ؟


قال لا

قلت يعني انا شاري ماي حار ،، صح؟



قال ماي حار ؟! ويتلفت يمين وشمال





احتار ،،،


انا اريد الموضف لي كان قبله لانه يعرفني

وهو يبغي يشوف الكارت لي يتسجل فيه الطلب لكل زبون

ولانه ماي حار مايتسجل في الطلب


والهندي في نفسه يعرف شو الموضوع والورطه لي هو فيها

اخر شي فكر ودبر وقرر

قال خلاص في حل


شو رفيق الحل ..

قال

تدفع اجرة المكان

هههههههههههههههههههههههههههههه

طيب بدفع انا واقف عشان ادفع اصلا

كم ؟

قال 5 درهم

رحنا عنه وهو في خاطره شي واحد


اتمنى انها اعجبت اخواني

اذا اعجبتكم عندي اكثر عنها

كتبيه محبوبه
04-05-2012, 01:51 AM
هههههههههه حلوووه حليله فخاظره يعرف
شؤوه شربت ومن وين يبت هالشي إلي شربته
آآسستمر شااعرنااا ونترياا الموقف 2 :)
تسسلم ووربي يعطييك العاافيه ياأرب
ننتظر كلل يديدك القااادم والطيب

تحياأاتي لك :)

خليفه بن سليم
04-05-2012, 02:41 AM
هههههههههه حلوووه حليله فخاظره يعرف
شؤوه شربت ومن وين يبت هالشي إلي شربته
آآسستمر شااعرنااا ونترياا الموقف 2 :)
تسسلم ووربي يعطييك العاافيه ياأرب
ننتظر كلل يديدك القااادم والطيب

تحياأاتي لك :)



كتبيه محبوبه


تسلمين على مرورج العاطر

احسن ماريده يعرف شو مستوي ههههه

دمتي بكل الود

وفالج طيب

تذكار
04-05-2012, 04:02 AM
ضاع الهندي مسكين (:


حلوه اخوي .. وننتظر المواقف الثاني

عــيـ دبـي ــون
04-05-2012, 03:39 PM
هههههههههههه

اسميه موقف عجيب وانته يالشاعر طلعت هب سهل بعد :)

سحآبة صيف
04-05-2012, 05:06 PM
ههههههههههههههههههههههههه

و حليلك ^^

خليفه بن سليم
04-05-2012, 05:16 PM
ضاع الهندي مسكين (:


حلوه اخوي .. وننتظر المواقف الثاني


تذكار

شكرا جزيلا على مرورج الرائع

دمتي بود

خليفه بن سليم
04-05-2012, 05:17 PM
هههههههههههه

اسميه موقف عجيب وانته يالشاعر طلعت هب سهل بعد :)


عيون دبي

من غير قصد والله يالغالي

ربي يسعدك اسرني مرورك الرائع هنا

دمت بكل الود

خليفه بن سليم
04-05-2012, 05:18 PM
ههههههههههههههههههههههههه

و حليلك ^^


محبوبة الكل

ضحكة دايمه ان شاء الله


شكرا لمروج الرائع هنا

دمتي بود

همس
04-05-2012, 05:22 PM
ههههههه ..

موقف حلووو .. يعطيك العافية ..

ننتظر موقفك الثاني :) ..

خليفه بن سليم
04-05-2012, 05:38 PM
ههههههه ..

موقف حلووو .. يعطيك العافية ..

ننتظر موقفك الثاني :) ..

همس

ههههههه

اضحك الله سنك


فالج طيب قريب ان شاء الله


دمتي بكل الود

وتقبلي اعطر تحيه

golden cat
06-05-2012, 09:28 PM
هههههههههه
مب سهل اخوي خليت الهندي يفهي واخرتها لازم تدفع اجره المكان
حلوة منك اخوي وننتظر الموقف 2
وتسلم على الطرح