المساعد الشخصي الرقمي

مشاهدة النسخة كاملة : عجزت القى مع غيرك غرام عنك يلهينى ...



كتبيه محبوبه
26-07-2012, 12:49 PM
جافيــني بعد أكثر يــلي بكلامــك مستكــثر
الحب بــي بــالك لعبه أللبس قناعـــك وتنكر
تبغــى الصراحه يا ظـــالم انك سراب مش اكثر


************

كتبت أنا في تالي الليل
بيتين...لعيون من يسوى جميع
الخلايق... الي معاهدني علي الزين
والشين...واللي بشوفه يصبح الفكر
رايق... الصاحب اللي منزله داخل العين
...هو الخوي وقت السعه والضوايق

***********

تمنيت ارحل لعالم عليه الفاتحه تقرا...
ورفض موتي يواجهني بوجه القادم المخفي...
ياترى شفتو جسد ميت ورفض يستقبله قبره...
انا هذي معاناتي واظن اللي مضى يكفي..!
**************
خــلّني .. أرتــاحــلــك .......
واضــيــّع .. حــــزن .. بـداخــلـك .......
واعــيد لــــك .. مــافــات لــــك .......
وابــــكــي ... أبـــكـــي .. لاجـــل ..
أســتـــاهــلـــك ..

**********

يــالــلى معـــاى قـــاعد ومــو معـــاى بــــالك

خلـــّك علـــى بعضـــك ورتّب امــورك وحـــالك

ولا تلــوومنى لــى قلـــت عفنـــاك وعفنـــا وصـــالك

يا قلبـــى الســـبب معــرووف و يـــامـــا قلنـــــا لــك

************

تدري..
ان الجرح للمجروح دين ..
وانت جارحني وحقك اجرحك..
وين تبعد وانت في نفسك سجين..
وين تنسى وانت ناسيني معك..
كيف تفرح وانت تاركني حزين..
جرحك مثل ظلك يتبعك..

*************

صعبه اذا خنت العهد...
وش عاد عذرك ينفعك...

تخسر حبيبك للابد...
ومايفيدك حتى مدمعك...

جرب تجافيني وتصد...
تلقى عيوني تودعك...

*************

اذكروني عندما يكون القبرُ داري

والحجر الأسود وسادتي

والكفن الأبيض ثوبي

وغدا تمرون على القبور

باحثين عن قبري

فلن تجدو سوى حبي....

*************
خطاي اني منحت الحب شخص وقابله بنكران
طمعت احسب طمع قلبي بحبك يكسب ارباحه
وعرفت انه ما تورثته من ابوي آدم طمع انسان
خسر ملك جنان وراحته باسباب تفاحه

*************

يضايقني الحكي عنك..وتشعل سيرتك نااااري..
وأحس بضيقة في صدري...إذالك مر أي طاري..
كرهتك إنت وأيامك ولاباقي بعيني دمووووع..
ولودار الحكي عنك أحب أغير الموضوع...

*************

أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات

*************

أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني

*************

اخطيت في البعد
كيف اخطيت
اخطيت يا قرة اعياني
افرض ولو كنت انا زليت
تبعد وتصبح علي جاني
يا غاية القلب ما حسيت
ما شفت همي واحزاني
ما شفت حالي كيف امسيت
ما شفت دمعي على اوجاني

*************

لا صد عنك من توده وجافاك
خله وجازه بلجفا
مثل صده
خلك عزيز النفس والعز مأواك
وكلن عطه تفصيل
ثوبه بقده
خص الرفيق اللي اذا
جيت حياك
وان غبت ياصلك
بالموده

*************

تعال خذ مني هداياك
وباقي الصور واغلى
المكاتيب
ماعاد تنفعني بلياك
وجودهن عندي
تعذيب
يكفيني اتسلى بذكراك
دامك نويت تصد
وتغيب
وبوعدك طول العمر
ما انساك
حتى ولو حطمني
الشيب

*************

من يوم ما ذوقتني فرقاك والحزن في حياتي غرستة،،
شريت لي ثوب علشان لقياك راحت موضته ومالبسته،،
شريت لي عطر مازهاني بلياك له سنين بعلبته مالمسته

*************

*تذكر صاحبك وارجع
تقرب له ولو بالصوت
على آخر نفس واقف
تجي ولا يجيه الموت
واشوف الموت احرص منك
واشوف انك تبيه يموت
اخاف انك بعد موته
تحن وتفتح التابوت
اخاف من القهر تزعل
وتبكي يوم فات الفوت

*************

عجزت اضحك على نفسى واقول انى تناسيتك

عجزت القى مع غيرك غرام عنك يلهينى

*************
بعد الخيانة انتهت رغبتي فيك
وان كنت تذكرنا ترنا نسيناك
يشهد على الله لاحل طاريك
يروق قلبي لكن اذكر سواياك

==================

لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك


=================

لاتكثر بحكيك تري دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك وماانا عاجز اهدمك

=================

تذكار
27-07-2012, 01:16 AM
يعطيك العافيه كتبيه على المسجات الرائعه
اختيار موفق يالغلا

ننتظر جديدك

شمس المحبه
27-07-2012, 01:24 AM
أحترت شوانقل من مسجاتك الرائعه بحزن محتواها...وكل مسج فيهابداية لقصة حياتي..

همس
27-07-2012, 07:14 AM
تسلمين يالغلا ع هالمسجات الحلوه ..

ابدعتي في الاختيار .. سلمت هالانامل الحلوه يالعيوووز هههههه ..

لا تحرمينا من مشاركاتج الحلوه خخخخ ...

كتبيه محبوبه
27-07-2012, 01:49 PM
تذكار :)

إالله يعافيج حبيبتي
على مرورج الأروع

لاتحرمينا منن تواجدج
ااحترامي و ودي ^^

كتبيه محبوبه
27-07-2012, 01:51 PM
شمس المحبه :)

تسسلمين عزيزتي على
هالتواجد والمرور الطيب

لاتحرمينا من حضورج الرائع
تحياأتي و احتراامي ^^

كتبيه محبوبه
27-07-2012, 01:54 PM
هموووس يدؤوتي ههههه يعلهاا مديمه يأرب
ؤيسسلمج ويعاافييج ربي ياا عيوزي منن كل
شرر وضرر :)
لالاتحرميني منن وجودج ولا من حضورج يدوه :)


ااحترامي و ودي لج يالغأليه ^^

عــيـ دبـي ــون
27-07-2012, 06:04 PM
صعبه اذا خنت العهد...
وش عاد عذرك ينفعك...

تخسر حبيبك للابد...
ومايفيدك حتى مدمعك...

جرب تجافيني وتصد...
تلقى عيوني تودعك...


كتبيه محبوبه

تسلمين اختي على هالمسجات الرائعه

كتبيه محبوبه
27-07-2012, 06:22 PM
عيون دبي :)

تسسلم وسلمت روحك
على مرورك الطيب

لاتحرمنا منن هالتواجد الطيب
ااحترامي لشخصك الطيب ^^

الوله
04-08-2012, 11:10 AM
مسجات قمه على قمه

يسلموووو

الوله

كتبيه محبوبه
05-08-2012, 09:48 PM
قمه الروووعه مرورج و وجودج غلاتي

تسسلميني الغلا على هالمررو ولا تحرميناا

من هالتوااجد الطيب ااحترامي

مُحَرَّمة
05-08-2012, 11:12 PM
ماشاء الله مسجات متنوعة وحلوة ..

تسلمين حبوووبة على ذوقج..

مودتي..

كتبيه محبوبه
09-08-2012, 03:29 AM
الرووووعه مرورج يالغاليه

والذوووق كلامج وحضورج لاخليت

تسسلميين يالغلا على هالتوااجد الطيب

لاتحرمينااا منه

تحيااتي لج :)

النفس الحشيمه
11-08-2012, 10:26 AM
حلوه المسجات // ربي يعطيج الف عافيه

كتبيه محبوبه
11-08-2012, 11:02 AM
عيوووونج الحلوووه حبووووبه

ويعااافييج ربي من كل شر

تسلمين على المرور

تحيااتي :)