المساعد الشخصي الرقمي

مشاهدة النسخة كاملة : بوح المشاعر..!حديث الذات..!



فرج الدهمشي
15-08-2012, 03:23 AM
بسم الله الرحمن الرحيم




السلام عليكم ورحمة الله وبركاته



هنا يبدأ قلمي يبحر مع مشاعري ..وما يفيض به قلمي من شعرا



في البداية يا مرحبا فيكم يا أخوتي في متصفحي ..




أشكر القائمين على المنتدى على أعطاء الاعضاء فرصة لكي ينثروا مشاعرهم ..

فرج الدهمشي
15-08-2012, 06:22 AM
صباح الخير..


صباح اكبر من التقدير..!


الى من عاشقه قلبي..


صباحك شوق ونغمة طير..!


صباح الضحكه الحلوه


يجيني عزفها غنوه


صباح الورد


صباح اللي بعدكم برد..!


تعال اقرب وجيب ادفاك


تعال اقرب ابيك اهناك..


نعانق بالسما احلام..


رضا مغرور وشوق هيام..!


معاني صادره لرضاك


ومعاني وارده لرضاي


ياعزف الناي


ياروح من القهر منفاي ..!


صباح الذوق


صباحك يعتريني شوق..


ولهفه مالها اخر


مدام لشووفكم باتوق..!


يااطهرحب


يااعظم من سكن هالقلب..!


دخيلك شوفها دنياي


تنادي يالغلا وياي..!


صباحي في وجودك غير

فرج الدهمشي
15-08-2012, 06:22 AM
ليه يادنيا الالم ..




بعد ما تعيشينا الامل ..



يكون بعد العناق هذاك اللي يسمونه فراق




وانا اسميه الممات ..




هذي الدنيا كلها قسا..




اكتسى روحي العنا..




تعبت ادور لعيوني ضيا..





بعد ان بداء قلبي يحس بالامان ..




في ظل قلبك الحنون،




واطمأنت روحي واحست بأهتمامك





وتراقص الحب فرحا




لانه ذاق حلاوة حبك الطاهر...




بعد معاناة مع مرار الحياة ,,



أعلنت الرحيل ..






أيهون عليك قلبي..




ألا تعز عليك دمعاتي .،




أيعجبك نزف جراحي،،




التي ولدها رحيلك المفاجاء




أحب ان أخبرك...،




ان جنتك التي أنشأتها بين كنفاة قلبي الصغير .،،




قد انقلبت الى نار تسعر ..



ومن بعد انوار البهجه التي ملأت بها روحي




قد أنطفأت ..



ورغم ذلك سأظل ... !!

فرج الدهمشي
27-08-2012, 08:24 PM
جمر الغلا في غيبتك صار وقاد
شعل فتيل الشوق هاجس ظنوني



يالغاليه صبري مسافات وابعاد
والشوق دمعة حايره في عيوني



الوقت في شوفك مسرات واعياد
وان غبت عني طاولتني اطعوني



العيد من دونك معاناه وسهاد
حسبي عليهم كان عنك حدوني



يانبض روحي ماتهنيت برقاد
لاجيت ابرقد هيّضني اشجوني



اسهرت عيني واكثر الناس هجاد
وعهد المحبه بيننا مايهوني



ياناعم الخدين .. ياغض الانهاد
يا ام العيون اللي حورها فتوني



ياوردة ٍبين النفل عطرها ساد
يا ليتهم من عطرها طيبوني



ودي اشم العطر لافاح من غاد
واحضن حبيب الروح لويعذلوني



حبك سكن بالقلب يابنت الاجواد
ولا فيه غيرك في حياتي يموني



يحفظك ربي من بلا كل حساد
ياللي مليتي بالغلا كل كوني

فرج الدهمشي
27-08-2012, 08:26 PM
هلت تباشير الفرح ليلـة العيـد
وسقت التهاني بالبيوت الجزيله



اسمى التهاني سقتها ( لباشة الغيد )
اصدق مشاعر من خليل لخليلـه



للي غلاها داخل القلـب تحديـد
سبة عناي وعلتـي كـل ليلـه



ياما انتظرته بين حسره وتنهيد
عيني اسليها ونفسـي عليلـه



( الغاده ) اللي وصفها غير يازيـد
ام العيون .. الناعسـات .. الضليلـه



اللي غيابه يشعل النـار ويزيـد
وسط الحنايا مثل جمر المليلـه



من لوعة الفرقا وكثر التناهيـد
هز الكيان وخافقي .. عزتـي لـه



ليا اقبلت مثل المزون المراجيـد
تسقى خفوقي والضلوع النحيله



لعيونها نبض القصايد اناشيـد
تروي حكايات الليـال الجميلـه



اكتب لها شوقي وصدقي بتأكيـد
بالغايه اللي كـل بـارق تخيلـه



للشامخه بنت الرجال الصناديـد
اللي غلاهـا مـا ادور بديلـه



واجمل هديه تحتوي ( فرحة العيد )
فيها التهاني .. والمعانـي النبيلـه

فرج الدهمشي
08-09-2012, 04:23 AM
صباحك احلى من .. زهور البساتين
يا زهر قلبي .. يابساتيـن روحـي