المساعد الشخصي الرقمي

مشاهدة النسخة كاملة : 00 - همســات غــريــاف - 00



غرياف
19-09-2012, 11:24 PM
الســـلام عليــكـــم و رحمـــة الله و بـــركــــاتــه ..

أســـمــــي : غريـــاف ..

عمــــــري : مواليد 90 ــ يعني الحين 22 سنه .. ( في عمر الزهور ^_^ )

المهـــــــنه : طــالبــه / Business- Bachelor in Human Resources

هوايــاتــي : كانت أعشق تصفح النت بس وصلت لمرحلة التشبع و صرت احب اقرأ و انشغل بدراستي و مشاريعي بشكل كبير.

طموحاتـي : خاطري أسوي شي مهم يخلد أسمي - أفكر بعد ما اتخرج اسوي بزنس صغير - بعدني ادور على فكره.

صداقاتــي : عندي صدقاتي الي كانوا معاي في الثنويه العامه ومن بعدها افترقنا و كلن انشغل في حياته :( و في الكليه تجمعني مع بنات علاقة الزماله فقط
و ما زلت ابحث عن الصداقه في كل مكان ^_^.. بس تعرفت في حياتي على بنات اخلاقهم عاليه رغم ان ما نتلاقى ابدا الا اني ما اقدر انساهم .. الله يجمعني وياهم.

منتديــات عيون دبــي ..:

أخــونــا عيون دبي تجمعنا معـاه ذكريات رائعه .. ( بحلوق دبي ) .. ما شاء الله بدا ابداعه بموقع صغيرون و عقب بركز تحميل
و الحين موقع رسمي رائع و منتدى واضح انه متعوب عليه .. الله يوفقه .. وتستمر مسيرة الابداع ^_^
.
.
.

هذا الي عندي لكم لين الحين .. انتظروني مع جديدي اليومي .. ^_^

.
.
.

Princess

غريــــاف ^__^

غرياف
20-09-2012, 12:07 AM
على فكره .. عادي تردون على الموضوع .. اذا حد يبى يعلق على شي يتفضل ^_^ ..

غرياف
24-09-2012, 08:01 AM
السلام عليكم و رحمة الله وبركاته ..


بداية يوم دراسي جديد و انتقلنا اليوم لكلاس يديد ^_^ ..
الكلاس حلوو و واسع بس اخاف بنات الكلاس يضاربون لان التغيير مفاجأ و بعض البنات ما يناسبهم التغيير ^_^
بس بنسبة لي الحمدلله مرتاحه ..


تمنوا لي التوفيق ^_^

غرياف
26-09-2012, 02:15 AM
السلام عليكم و رحمة الله وبركاته ..

مساكم الله بالخير .. الساعه الحين 2:06 صباحا و انا موب قادر ارقد !!
و كنت شاريه مجموعه طارق السويدان الخاصه بقصة خالد بن الوليد رضي الله عنه و كل يوم اسمع شي منها قبل الرقاد
بس اليوم بما ان الرقاد طااار فضلت اني اسمع اكثر و اتعرف على هذي الشخصيه البارزه .. انا من اشد المعجبين بخالد رضي الله عنه.

و الحين فتحت الكمبيوتر على اساس اكمل بروجيكتي بس بمجرد ما شفت البحث حسيت بكسل خخخ

يعلموني كيف ابدا مشاريع جديده خاصه فيني .. الحين يالسه اسوي الخطه ^_^ مادري اذا حد بيشتري مني المشروع بعدين او لا لوول
يقولون ان الامارات تبى مبدعين جدد و راح تدعم مشاريعهم فقلت اشد حيلي و ابدع ^_^ ما بخبركم فكرتي اخاف تسونها لوول

خلاص انتهى وقت اللعب و لازم اسوي البروجيكت و لين تصير الساعه 3 و ربع بصلي القيام و عقب الفجر و برقد شوي لين ايي وقت الذهاب لطلب العلم

الله يعيني على السواقه بعيون نعسانه لووول بشرب كوفي قبل لا اظهر من البيت ..


مع السلامه ..

غريـــــافووو ^__^

غرياف
26-09-2012, 02:15 AM
على فكره .. عادي تردون على الموضوع .. اذا حد يبى يعلق على شي يتفضل ^_^ ..

ترى من قوانين القسم ان محد يرد على مدونة الثاني لووول توني استوعب ^_^


السموحه منكم

غرياف
30-09-2012, 08:07 AM
السلام عليكم و رحمة الله و بركاته ..

بسرعه بكتب لكم لان بطارية الاب توب بتخلص لوول


صباح اليوم كان جميييييل و الحمدلله ^_^
ما نسيت الاي دي خخ موظفة الاستقبال تتبسم لاني ما نسيت الاي دي لوول يعني ما بتضارب وياي ع الصبح ^_________^
اليوم عندي كلاس ارت ^______^ بروح اللعب بالفخار .. اكيد بتقولون شو يخص الارت ف البزنس !! لا تسالوني اساله صعبه ههههه

بشوفكم بعد ما اشحن الاب توب ^_^


غروووفه

غرياف
04-10-2012, 09:13 PM
السلام عليكم ورحمة الله وبركاته ..

اليوم 4-10-2012 .. تاريخ اليوم يصادف وفاة أمي الله يرحمها قبل 4 سنوات ..!
سبحان الله الايام كيف مرت بهذي السرعه !!

و خلال هالاسبوعين سمعت عن اكثر من 5 اشخاص توفوا بشكل مفاجأ !!
ياربي ارحمنا .. اللهم اني اعوذ بك من الموت فجأه ..!

.
.
.

ما زلت مشغوله بمشاريع الكليه .. و كل يوم اشوف طلباتهم تزيد !! وبعدين يعني !!
ابا الايام تمر بسرعه و اتخرج .. رغم اني بشتاق لجو الدراسه بس الضغط ما احبه %_%
.
.
بسير اكمل الي كنت اسويه .. مع السلامه

غريـــاف ^_^

غرياف
08-10-2012, 12:55 PM
السلام عليكم ورحمة الله وبركاته ^_^


شو الاخبـــار ...؟


احضر هذا الاسبوع لشي حلووو ... بسويه يوم الاحد .. بصوره لكم و بحطه في قسم التصوير ^_^

متحمسه


ادعوا لي

غرياف
09-10-2012, 11:34 PM
مساكم الله بالسعاده ..


توني مخلصه من تصميم البروشورات الي بوزعها في المتحف ^__^ متحمسه للمتحف
و باجر بنسير رحله تعليميه ترفيهيه لـ .... ما بخبركم ^__^

ادعوا لي دائــــــــــما ..

تصبحون على خير ..

غرياف

غرياف
12-10-2012, 05:10 PM
السلام عليكم و رحمة الله وبركاته .. ^_^

كيف الحال ..؟ // جمعه طيبه على الجميع ان شاء الله ..


تعالوا بعلمك شي حلو .. ما كنت اعرفه لاكني عرفته بعد ما قرأة كتاب ( فقه السنه )

حد منكم يعرف عن صلاة التسبيح !!!! كيف كنت غافله عنها !!

خلوني اعلمكم ... هذا الحديث :

« صَلاةُ التَّسْبِيحِ »
عَنْ عكرمة عَنْ ابنِ عبَّاسٍ رَضِيَ اللهُ عَنْهُ قَالَ : قَالَ رَسُولُ اللهِ صَلَّى اللهُ عَلَيهِ وَسَلَّمَ للعبَّاسِ ابنِ عَبْدِ المُطَّلِبِ : « يَا عبَّاسُ يَا عَمَّاهُ ! أَلا أُعْطيكَ ، أَلا أَمْنَحُكَ ، أَلا أَحْبُوكَ ، أَلا أَفْعَلُ بِكَ عَشْرَ خِصَالٍ ؟ إِذَا أَنْتَ فَعَلْتَ ذَلِكَ غَفَرَ اللهُ لَكَ ذَنْبَكَ : أَوَّلَهُ وَآخِرَهُ ، قَدِيمَهُ وَ حَديِثَهُ خَطَأَهُ وَعَمْدَهُ ، صَغِيرَهُ وَكَبِيَرهُ ، سِرَّهُ وَعَلانِيَتَهُ ، عَشْرَ خِصَالٍ : أَنْ تُصَلِّيَ أَرْبَعَ رَكَعَاتٍ تَقْرَأُ في كُلِّ رَكْعَةٍ فَاتِحَةَ الْكِتَابِ وَسُورَةً ، فَإِذَا فَرَغْتَ مِنَ الْقِرَاءَةِ في أَوَّلِ رَكْعَةٍ فَقُلْ وَأَنْتَ قَائِمٌ : سُبْحَانَ اللهِ وَالْحَمْدُ للهِ وَلا إِلهً إِلَّا اللهُ وَاللهُ أَكْبَرُ خَمْسَ عَشَرَةَ مَرَّةً ، ثُمَّ تَرْكَعُ فَتَقُولُهَا وَأَنْتَ رَاكِعٌ عَشَراً ، ثُمَّ تَرْفَعُ رَأْسَكَ مِنَ الرُّكُوعِ فَتَقُولُهَا عَشْراً ، ثُّمَ تَهْوِي سَاجِدَاً فَتَقُولُهَا وَأَنْتَ سَاجِدٌ عَشْراً ، ثُمَّ تَرْفَعُ رَأْسَكَ مِنَ السُّجُودِ فَتَقُولُهَا عَشْراً ، ثُمَّ تَسْجُدُ وَتُقُولُهَا عَشْراً ، ثُمَّ تَرْفَعُ رَأْسَكَ فَتَقُولُهَا عَشْراً ، فَذلِكَ خَمْسٌ وَسَبْعُونَ في كُلِّ رَكْعَةٍ ، تَفْعَلُ ذلِكَ في أَرْبَعِ رَكَعَاتٍ ، إِنْ اسْتَطَعْتَ أَنْ تُصَلِّيَهَا في كُلِّ يَوْمٍ مَرَّةً فَافْعَلْ ، فَإِنْ لَمْ تَسْتَطِعْ فَفِي كُلِّ جُمُعَةٍ مَرَّةً ، فَإِنْ لَمْ تَفْعَلْ فَفِي كُلِّ شَهْرٍ مَرَّةً ، فَإِنْ لَمْ تَفْعَلْ فَفِي كُلِّ سَنَةٍ مَرَّةً ، فَإِنْ لَمْ تَفْعَلْ فَفِي عُمُرِكَ مَرَّةً (1) » .
أخرجه أبو داوود وابن ماجه وابن خزيمة في صحيحه

.
.
.

دام الرسول وصانا بها حتى لو مره في العمر !! يعني اكيد هي في غاية الاهميه !!

تعلموها ترى سهله و خبروا الي مايعرفها .. غفر الله لي و لكم ..


غرياف

غرياف
13-10-2012, 04:33 PM
السلام عليكم ورحمة الله وبركاته ..


شو الاخبار ..؟ ان شاء الله الكل بخير وصحه ^_^

الحين ببدى اشتغل في بروجيكتي لازم اسلمه الخميس الياي >< في حد بيساعدني ..؟ لوول

ادعولي ..

غرياف

غرياف
20-10-2012, 12:31 AM
السلام عليكم ورحمة الله وبركاته

.
.
الله اكبر الله اكبر الله اكبر لا اله الا لله
الله اكبر الله اكبر الله اكبر و لله الحمد

مساء التهليل و التكبير .. مساء اليوم الثالث من ذي الحجه
الف مبروك للحجاج و ياااابختهم .. نسأل الله انه يتقبل منهم و منا صالح الاعمال
اشتقت للحج و خاطري احج مره ثانيه .. يارب احج السنه اليايه .. اللهم امين ..

.
.
البارحه كان يوم حافل و صار لي فيه اكثر من موقف !!

اول شي الصبح صليت الفجر ع الوقت و رديت ارقد ! بالعاده ما ارقد الا البارحه رقدت
المفروض اطلع من البيت الساعه 7 وربع و الحق اسير الكليه قبل زحمة الشوارع
بس البارحه طلعت الساعه 7 و خمسين >__< راحت على نومه
و بسرعه اشغل السياره و عقب ينادوني ف البيت و يقولون ان في حرمه تصير لنا توفت >_< الله يرحمها و يغفر لها
و اتاخر و تصير الساعه 8 و بسرعه ابا اسوق و اوصل لان عندي اول كلاس بيكون فيه عرض لشغل سويته و لازم اوصل ع الوقت
و المسافة بتاخذ مني 45 دقيقه بس سقت بسرعه ( اول مره اتهور من طلعت الليسن) بس الحمدلله الشارع مافيه زحمه و وصلت للكليه قبل الوقت بخمس دقايق
و العجيب اني من اوئل البنات الي وصلن !!! قبل المعلمه حتى!!!!!!!!!!!! و تميت اتريا البنات لمدة ساعه وربع !!!!!! و عقب عرضة المشروع وما اذكر شو سويت
المهم الكلاس الي بعده سرنا رحله للـ NaJah Career Fair و كان المكان زحمه و انا طول الوقت >__< و محد رضى ياخذ CVs الي سوينها !! محد يبى يوظفني !!
قالوا اونه تخرجوا ببكلوريوس مانبى دبلوم عالي !! انزين انا الحين ادرس بكلوريوس و بتخرج قريب !!!!!!! شو ها ! المهم خذت كروت لاكثر من شركه عشان اول ما اتخرج اتواصل وياهم
انا ما اعرف ليش ودونا هالمكان اذا محد بيقبلنا !!

المهم رجعنا .. انا كنت صايمه و ابا ارجع البيت لاني صدعت كان يوم حافل من بدايته .. و انا طالعه من بركنات الكليه تفاجأه ان البنات بركنوا حولي و ماخلوا لي مكان عشان اطلع !!!
الحين بدت المغامره الثانيه !! حاولت احرك سيارتي يمين يسار ماشي فايده ! و سويت حركه غريبه بس طلعت فيها السياره بس للاسف دعمت سيارة بينه كانت وراي !! ضيقت علي المكان ماشي مجال
بس الحمدلله سيارتها ما تعورت لان سيارتي بس لمستها *_* بس سيارتي صار فيها خدش بسيط @_@ ياويلي من ابوي ههه بس لين الحين ما لاحظ
المهم رجعت البيت .. اول ما نزلت من سيارتي و تحركة شوي طاح لاب توبي !!!!!!!!!!!!!!!!!!!!!! اول شي يا في تفكيري مشروعي الي ما سويت له نسخه ثانيه !!!!!!!!!!
بسرعه اركض للحجره و قلبي يدق المشروع المفروض تسليمه اليوم لو راح رحت وياه خخخ و ما طاع الكمبيوتر يشتغل !!! و احاول وياه و تطلع لي شاشه زرقا !! و الله كنت بصيح
و فـ ايدي فلاش ابا انقل المشروع بمجرد ما يفتح الكمبيوتر .. و الحمدلله فتح لمدة دقيقتين و بسرعه نقلت كل شي .. بعد ما دعيت كل الدعاوي الي حافظتنها ^_^ ربي ما ضيعني الحمدلله
ورقدت و نشيت و لقيت الاهل محتشرين مع العزا و البيت كله معزين و اهلي .. مش وقت حشره ابدا عندي 100 الف شي ف راسي و غير اني صايمه ..
بس الحمدلله الامور عدت على خير و مرت الليله بسلام ..

بس صدق كان يوم غريب بنسبه لي ..


تريوني مع مغامراتي ..


غروفه

غرياف
20-10-2012, 08:21 PM
السلام عليكم ورحمة الله وبركاته ..

مساء التهليل و التكبير .. مساكم الله بالسعاده ان شاء الله ..


مافي حد فيكم بيتكرم و بيساعدني في بروجيكتاتي !! ^_^
هذيل حالفين ما يخرجونا الا بعد م يطلعون عيونا *_*

الله المستعان .. و الحين متوهقه ضيعت الفلاش الي كنت اخزن فيه ملفاتي !!

غرياف
13-01-2013, 11:03 PM
السلام عليكم و رحمة الله وبركاته ...


تأخرت واااايد ادري :( لكن شو اسوي ..هانت باقي 6 شهور و اتخرج >< بس الظاهر بتخرج و ما بقى براسي شعره ^_^

ادعوا لي بتوفيق .. بروجيكتات و فاينلات و حاله .. ربي يوفقني و يوفق كل طالب .. آمييين

ان شاء الله بس اخلص برد و بشارك ..


غريـــــــــــافوو

غرياف
19-03-2013, 11:07 PM
السلام عليكم،
هذي اول محاولاتي بالمشاركه عن طريق ابلكيشن الجلكسي
حبيت التقنيه

غرياف
29-01-2014, 06:04 PM
السلام عليكم و رحمة الله وبركاته ..


حد اشتاق لي !! هههه
اصلا حد يعرفني ..اختفيت ادري

بس ابشركم تخرجت بـ بكلوريوس في الموارد البشرية

2013 كانت حافلة ..مشاريع و تدريب و تخرج ... الحمدلله على كل حال

و مبروك اللستايل اليديد لمنتديات عيون دبي ...$_$


غرياف

غرياف
13-04-2014, 11:47 AM
السلام عليكم و رحمة الله وبركاته

شو الاخبار؟؟

أول يوم دوام ^__^