ماكنت أحسبك عديم احساس

[كتبيه محبوبه]

http://up.almstba.com/uploads/almstba.com_13095881297.jpg



اتعبت نفسي وجوالـي وأنـا افـره

عليك ياللي ما عـاد اتطيـق جوالـي



ادق واسئل عن احوالـك كـذا مـره
من طيبتي كل مامريـت فـي بالـي



ماكنت احسبك عديم احساس بالمـره
مستخسر انك ترد تسئل عن احوالـي



والله وطلع لك اسم يـا تابـع الجـره
ماكنك اللي ربيت اسنين في ظلالـي



اصغر من انك تذل القلـب وتضـره
كافي معك ضاعت اسنينه على الخالي



انكان نفسـك عشـان ابيـك مغتـره
والله لا اعلمك وشهي قيمـة امثالـي



ماتدري ان الحـرار قلوبهـا حـره
ان عزمت تقلب الاول علـى التالـي



قل للسنيـن العـذر لا عـاد تتشـره
في عز ما ضقت ما حصلتك قبالـي



خليتني والوجيـه البيـض مسمـره
تضحك علي الليالي بوجـه عذالـي



لكـن وعـد لاشتريلـك ورد واثـره
على فراقك واسـوي حفـل بلحالـي



واعزم هداياك اللـي داخـل الجـره
اللي قبل يوم كانـت ذكـرة الغالـي



واحرق هذاك ا لقلب وافتك من شـره
واعيش عمري بلا همـي وغربالـي



صدقني ما ضقت من فرقاك بالمـره
بس ما ذبحني سوا حاجـه بجوالـي



تدري وش اللي ذبح قلبي من الحـره
اني مخزنـك فـي جوالـي الغالـي

[همس]

قصيدة في منتهى الروعه والجمال ...

وتسلمين يالغلا ع هالقصيدة الرائعة ..

صح لسان صاحب القصيد .. ولو كتبتي اسم الشاعر لانه قوانين القسم عزيزتي ...

[عيون الشوق]

كلمات القصيده في قمة الروعه
اختيار جميل
يعطيك العافيه يالغلا