المساعد الشخصي الرقمي

مشاهدة النسخة كاملة : قصيدة فز الخفوق ..للشاعر خالد الفيصل



عيون الشوق
05-05-2013, 01:10 PM
فز الخفوق



فزَّ الخفوق وقلت ياالله عسى خير
أثر الَّليالي عاد غايـب قمرهـا


مع شوفته نشوه وفزَّه وتخدير
وعيون خـلاَّنٍ تعانـق نظرهـا


يفزَّ له قلبي كمـا فـزِّة الطَّيـر
والرِّجل كن الَّلي تحتها غدرهـا


ياصبح عمري ياصباح التِّباشيـر
نوره ملا قلبي وروحي غمرهـا


عقب الفراق الَّلي تعدَّى المحاذير
يبَّس غصون القلب جافي دهرها


ربَّع بروحي عقب ماهي معاسير
سحابة هلَّـت بقلبـي مطرهـا


وأسقى بها زرعة هوانـا بتقديـر
غرسـة غـرامٍ بالمحبَّـه بذرهـا


ياعاذليـن العيـن والله مخاسيـر
والَّلي درى عن حال عيني عذرها


تشوم عيني عن جميـع الغناديـر
وإن ناظرت عيني فؤادي نهرهـا


ياناس أحبَّـه والمحبَّـه مقاديـر
هذا هوى نفسي وهذا قدرهـا


والحب ماله ياهل الحب تفسيـر
قلبيـن والله بالمحبَّـه أمـرهـا


لى جيت أصوَّر حالة الحب تصوير
وأرد عن حالي لخلِّـي خبرهـا


لقيت وجدي فوق كل التعابيـر
كل الشِّعر قطره وشوقي بحرهـا

همس
06-05-2013, 12:41 AM
تسلمين يالغلا ع هالطرح الجميل ..

يعطيج العافية يالغلا ..

عيون الشوق
06-05-2013, 02:07 PM
تسلمين يالغلا ع هالطرح الجميل ..

يعطيج العافية يالغلا ..


ربي يسلمك من كل شر هموسه... اشكر مرورك وتواصلك