المساعد الشخصي الرقمي

مشاهدة النسخة كاملة : دروبي رمل:للشاعر بدر بن عبد المحسن



عيون الشوق
11-05-2013, 10:44 PM
دروبي رمل

http://www.dubaieyes.net/up/upadmin/136824840060848677812286-92428135.jpg



في دروبي رمل لامن جيت ساري
ينبت الأشواك لامن رحت ساري


صاحبي ماجيتك إلا وفي طريقي
من ربيع العام نوّار وخباري


ولا تواعدنا وبه في الأرض زهره
ولا تفارقنا وبه للبرق طاري


لا تأخر دام لي في العمر ساعه
ولا تقدم لين أشوفك في انتظاري


الزمن ورده .. سهرت أحسب ورقها
وإن قضا ماجيت في دموعي عـواري


حبـّني كثـر اللـذي نلقـى بوعـدنا
من ظلال وريح ونجوم وغـداري


صاحبي مثل الخجل لو تكتسي بي
قبل أصير الشال يذهلني انحساري


ياقريب البعد .. للشكوى أسامي
الجفـا .. والخوف .. وآخرها حذاري


وانت لو خان الزمن بقول وافي
لا أنا تركي .. ولا أظنك مشاري

همس
12-05-2013, 12:12 AM
الله ع هالابيات الرائعة ...

صح لسانه الشاعر ..

تسلمين يالغلا ع هالطرح الجميل .. ابدعتي عزيزتي ..

عيون الشوق
12-05-2013, 02:31 PM
الله ع هالابيات الرائعة ...

صح لسانه الشاعر ..

تسلمين يالغلا ع هالطرح الجميل .. ابدعتي عزيزتي ..

ربي يسلمك من كل شر يالغلا
اشكر مرورك وتواصلك الدئم
احترامي