المساعد الشخصي الرقمي

مشاهدة النسخة كاملة : جنيف..عبـــيد بـن صويلــح الهــاملي



كتبيه محبوبه
12-07-2013, 01:56 AM
من يوم شفتك صرت لي طيف
اتخايله في كل الاوقات

ماحد مثلك في البدع شيف
طبع وحلاوه واحترامات

عودك سحرني يوم انا ضيف
قمت ألتفت وأعطيك نظرات

زايد جمالك يا ظبي ريف
ماخذ من الاريام لفتات

وصف الخشم كسلة السيف
وعينك اتوهـْ بي متاهات

وصفي لكم ما فيه تزييف
محلى ابتسامك بالمسرات

يا دانتي في موسم الصيف
يا منوتي في كل حزات

ماحب غير اللي على الكيف
كيفي وأنا عشّاق دانات

وانته تذوب بوقت لمصيف
لانك حلو ونعيم وجنات

عودك يباله جو في جنيف
تفتك من صيفٍ و دوقات

خواطري ماهيب تأليف
خواطري تهيج ساعات

خصٍ إذا شفت المواليف
أعبر احساسي بأبيات

أبيات تتباعد عن الهيف
وتفكني من كل ضيقات

يا بو رميشاتٍ مواقيف
يا بو نهود صغار غضّات

ياللي مكمل بالتواصيف
انته عوَض عن كل ما فات

وانته غني عن كل تعريف
حالي و مالي والارادات

ماظن هذا القول به زيف
واسمحلنا ان شف زلاّت

كلفتني بالشوق تكليف
بصبر و لو عامين ما بات

صنّفت لك شعري تصنّيف
وكانك بغيت الزود قل هات

كتبيه محبوبه
12-07-2013, 01:59 AM
اسسفه بلغلط حطيت القصيده عند الخواطر :idiot_alam:

ان شالله يتم نقلهاا :00017:

همس
12-07-2013, 04:57 AM
صح لسان قايلها ..

تسلمين يالغلا ع هالطرح الجميل ..

يعطيج العافية وننتظر جديدج حبوبه ..

هههه مب منج من كبر سنج يالعيوز ههههه ..

عيل عندج مخالفه :) ...

تم نقل الموضوع لقسم المناسب ..

كتبيه محبوبه
12-07-2013, 05:33 AM
صح لسان قايلها ..

تسلمين يالغلا ع هالطرح الجميل ..

يعطيج العافية وننتظر جديدج حبوبه ..

هههه مب منج من كبر سنج يالعيوز ههههه ..

عيل عندج مخالفه :) ...

تم نقل الموضوع لقسم المناسب ..


آلله يسلمج ربي من عذابه
هههههه عنلاتج يا يدوتي غلطت
ما انتبهت وألله
ههههههه مخالفات أناا عندي مب إلا مخالفه
ههههههه ، تسلمين فديت روحج
ع نقل وع مرورج الطيب لإخليت وألله

حياج فديتج :00017:

اماراتية و افتخر
12-07-2013, 07:11 AM
اختيار رائع أختي صح لسان قايلها
ويعطيح العافية ع نقلها

عيون الشوق
13-07-2013, 12:26 AM
صح لسان الشاعر ،، قصيده جميله
يعطيك العافيه كتبيه ع طرحها..
تحياتي لكِ

كتبيه محبوبه
13-07-2013, 10:29 AM
اختيار رائع أختي صح لسان قايلها
ويعطيح العافية ع نقلها

صح بدنج وسلمت روحج من كل شر
وتسلمييين ع مرورج الطيب

حياج الله :00017:

كتبيه محبوبه
13-07-2013, 10:30 AM
صح لسان الشاعر ،، قصيده جميله
يعطيك العافيه كتبيه ع طرحها..
تحياتي لكِ

تسلمين حبيبتي عيون ع مرورج وحضورج الطيب
حياج الله يألغاليه .... :00017: