المساعد الشخصي الرقمي

مشاهدة النسخة كاملة : قصيده :أستكثرك وقتي لشاعر خالد الفيصل



عيون الشوق
14-07-2013, 02:55 AM
أستكثرك وقتي علي وغدابك
وعادة زماني كل ماطاب هون


ليت الذي وداك يازين جابك
تشوف عقبك كيف الأيام سون


شرق مشيت وغرب وقتي مشابك
والقلب ماله لايمن فيك لون


عقب الهنا بك ذاق لوعة عذابك
تلونت دنياه ولا تلون


طويتني طي الورق في كتابك
حتى معاليق الحشا لك تطون


اشتقت لأيام الهوى في جنابك
يوم الشموع بليل الأحباب ضون


واشتقت أقول لهاتفك مرحبا بك
واشتقت لغيوم الصحاري تكون


عوّّد ترى داع الهوى عند بابك
وأروى القلوب اللي بعد ماترون


غنيت لك عمري ولا جا جوابك
واسمى مع مجنون ليلى تدون




## الشاعر خااااالد الفيصل##

همس
14-07-2013, 08:14 PM
صح لسان شاعرنا خالد الفيصل ع هالقصيدة الرائعة ..

تسلمين يالغلا ع هالطرح الرائع والجميل لقصيدة الشاعر ..

ننتظر منج الزود .. لا تحرمينا حبوبه ..

hawawy
14-07-2013, 08:55 PM
صح لسانك ،،، ابداع وربي:)

عيون الشوق
16-07-2013, 01:46 AM
صح لسان شاعرنا خالد الفيصل ع هالقصيدة الرائعة ..

تسلمين يالغلا ع هالطرح الرائع والجميل لقصيدة الشاعر ..

ننتظر منج الزود .. لا تحرمينا حبوبه ..


صح بدنك حبيبتي ،،، الاروع مرورك وتواجدك ف متصفحي
لاخلا ولا عدم ،،

عيون الشوق
16-07-2013, 01:47 AM
صح لسانك ،،، ابداع وربي:)

صح بدنك ... اشكر مرورك وتواجدك
احترامي