المساعد الشخصي الرقمي

مشاهدة النسخة كاملة : قصيدة عتاب



hawawy
14-07-2013, 08:51 PM
السلام عليكم و رحمة الله و بركاته ،،،
حبيت اشاركم بقصيده بس ما اعرف منو كاتبها


الله اكبر صرت تستنكر الصوت !!
من بعد ما كنـت تتمنـى سماعـه ..

العام تحسب لي الدقيقه لو تفـوت ..
والحين ما تعطي من الوقت ساعه !!

لاهنت ,, ياللي لايت ٍ خافقي لـوت
أقنعت قلبي عنـك رغـم إمتناعـه ..

واللي حفظ يونس نبيه من الحـوت
من باعني بعتـه مثيـل البضاعـه ..

حبل الوصل لو بيننا صار مفلـوت
ماهمنـي فـي جذبتـه وإنقطاعـه ..

نفسي عزيزه لو توردنـي المـوت
ما أذل لو إن ذبحتنـي الشجاعـه ..

المر عندي خير من حالي التـوت
لا صار به منّه \ وهـم \ وقطاعـه ..

لو توزن الدنيا جواهـر وياقـوت
منهو نزل بالعين صعـب إرتفاعـه ..

خلصت منك يوم تستنكر الصـوت
من بعد ما كنت تتمنـى سماعـه !!

تقبلو تحياتي :
هواوي

همس
14-07-2013, 09:47 PM
وعليكم السلام والرحمة ..

قبل كل شي يا هلا ومرحبا فيك اخوي في منتديات عيون دبي ..

نورت المنتدى بتواجدك ومشاركاتك الرائعة ..

نتمنى نشوف اسمك دائما في المشاركات والردود ..

وصح لسان قايلها ..

ويعطيك العافية ع هالقصيدة الرائع ..

سلمت اناملك وننتظر جديدك وابداعك بالمنتدى ..

hawawy
14-07-2013, 09:51 PM
ربي يسلمج ،،،

و ان شاء الله

راح ابدع