المساعد الشخصي الرقمي

مشاهدة النسخة كاملة : أحبك يا نظر عيني للشاعر علي بن رحمة - رحمه الله



اماراتية و افتخر
24-08-2013, 10:10 PM
أحبك يا نظر عيني

أحـبـك يـانظر عيني غناتي
واحب الارض لي تمشي عليها

واحـبك حتى أكثر من حياتي
واسوم الروح لجلك وأشتريها

ويـوم اذكرك وانا في صلاتي
يـداخلني الـفكر واشـك فيها

ويـوم أذكرك في حزت مقاتي
اتـرك وجـبتي لـو اشتهيها

مـعي ذكراك له ذوق وحلاتي
دوا الـفراق والـروح ايحيها

اداويـبه جـروحٍ مـخفياتي
فـلا غـيرك طـبيبٍ يعتنيها

ولـو يا زين تعرف واجباتي
دروب الـحق تـاخذ وتعطيها

فـلا تـنحل بعض المشكلاتي
وانـا دعـواي حـاكمها وليها

عـليه الـحق بشهود وثباتي
لـكن اشـهودها مـنها وفيها

ولـولا الخوف ودرا العاجباتي
واخاف الناس يكثر بي حكيها

لـطبّعها بـعاصوف الشراتي
وخـلي مـويها يـطمي عليها

وخـل يكون لي في الكائناتِ
تـقول الـناس هـذا مدعيها

عيون الشوق
17-10-2013, 01:20 AM
يعطيك العافيه غلالاتي ع هالطرح

همس
26-01-2014, 01:15 PM
صح لسان قايلها ..

ويعطيج العافية يالغلا ع هالقصيدة الجميلة ..