المساعد الشخصي الرقمي

مشاهدة النسخة كاملة : تفاحتين



عبدالله محمد الشمري
12-07-2011, 02:06 PM
يازين ياللي خذيت القلب في زينك = يامجرماً بالبشر مايشهر سلاحه



الله على مافعلت بقلبي ايعينك = اسرفت به والخساره تسبق ارباحه



سهم المنايا على مقرن حجاجينك = ورموشك السود تسبى العقل بالراحه



كن الزهر منبته برياض خدّينك = والصدر قسمين تفاحه وتفاحه



ولّعت نار الخطر بالعمد بأيدينك = تنورتك ضيّقه والناس لماحه



قرّبت ذود العواطف من ميادينك = والذود راعيه حول حماك مسراحه



ابا اطلبك حق بالتعريض وادينك = سحرك غزا القلب بالنظرات واجتاحه



كان انت راعي وفا قدّم براهينك = القلب جرحه يطيب بعطف جراحه



ماقلت لك قابلاً وردك وسكينك؟ = من كان قبلي شكر معروف ذباحه ؟



اغليك انا وادري العشاق مغلينك = من انت تغلي؟ هنا الاشواق فضاحه



اطمّنك حول سرّاً بيني وبينك = صندوق الاسرار عندي ضاع مفتاحه



ارجوك رح بالخفا لا طحت من عينك = بحر الهوى ماوصل شاطيه سباحه



ياماكر الزين يا ما احذر شياهينك = من ماكراً له بضلع وفوق لولاحه



شاعرك يمّك يشدّنه عناوينك = لعيونك اكتب قصايد واحرق الساحه

عــيـ دبـي ــون
12-07-2011, 04:00 PM
شاعرك يمّك يشدّنه عناوينك = لعيونك اكتب قصايد واحرق الساحه

صح لسانك شاعرنا على هالابيات الرائعه

همس
12-07-2011, 04:30 PM
صح لسانك وعلا شانك يالشاعر ع هالقصيدة الرائعه ..

سلمت اناملك .. يعطيك العافية .. لا تحرمنا من جديدك ..

تذكار
12-07-2011, 05:07 PM
صح لسانك يالشاعر على القصيده

يعطيك الف عافيه يارب

كتبيه محبوبه
14-07-2011, 10:11 AM
صحح السااانك يااااشااااعرناااا وربي يعطيييك
العاااافييه يااااربي ننتظر يديدك القااااادم

بنوووووته
17-07-2011, 12:37 AM
"





ابا اطلبك حق بالتعريض وادينك = سحرك غزا القلب بالنظرات واجتاحه



كان انت راعي وفا قدّم براهينك = القلب جرحه يطيب بعطف جراحه


"




الله عليك .. وصح لسانك ولاهنت ..
ولاتحرمنا من هالقصيد الوافي يالوافي ..


يعطيك العافيه


"

سحآبة صيف
22-07-2011, 06:43 PM
الله يعطيك العافية يا الشاعر

قصيدة راااائعة جدا

سامي احمد
27-07-2011, 05:40 PM
القدير


عبدالله الشمري

صح الله السانك واعلى شانك
تقبل الورد

سامي احمد

الحر الأشقر
08-08-2011, 08:33 PM
تستحق التصفيق بحرارة على هذه القصيدة

صح لسانك مليار على هذه القصيدة الرائعة

ودمت بخير

عبدالله محمد الشمري
07-09-2011, 12:19 AM
شكراً شكراً لكل من حطت رحاله هنا وابداء اعجابه وتوّج القصيده بتوقيعه 0

لا هنتوا ومشكورين كل الشكر وممتن لكم 0

تقبلوا وافر احترامي واطيب تحاياي

ناظم العربي
07-09-2011, 07:17 AM
ابا اطلبك حق بالتعريض وادينك = سحرك غزا القلب بالنظرات واجتاحه

عند شواطئ هذا النص
تتوقف كلماتي اعجابا ودهشه
لك مودتي وفائق تقديري
لنصك العذب جدا جدا