قصيدة الشاعر عبدالله الشامسي
•
عيون دبي
========================
لجل عينك بمشــي دروب الصعب
....................وبتبعك لو رحت في وسط الكهوف
بشتريك بدم قلـــــــــبي والذهب
....................ولجل عينك باتصــــــــــدا للسيوف
مايهم الحاسد لي بـــــــــك كذب
....................دام اسمك ناقشه فـــــوق الكفوف
كل شي في الكون يحدثله سبب
....................وانت فرحي لو يواجهنـــي الخوف
ياعيون دبي قلبـــــــي لك وهب
....................كل مافي اليوف خاضعــلك وقوف
لي فؤاد في جمـــــــــيرا منتهب
.................... والسبب من راعي القـــلب العطوف
لي نزع قلبي وشعّل فيــه اللهب
.................... لي ملك زين البشر مالـــــه وصوف
في الشبه ماله شبه كلــــه عجب
.................... لون خده ماتعادلــــــــــــه الطيوف
يشبه التفاح لولا هــــــــــو عنب
.................... ويشبه النجمه ولو هـــــو م الهنوف
لي سحرني بعود يوفــه والهدب
....................له مشاعر ها الحشا كلـــها وقوف
ولو يقول القلب ماريــــــده كذب
.................... كل خلق الله اتهلل يــــــومه يطوف
لي يبان الماي فـي ريجه انشرب
.................... ياحسافه تحكمه عنـــــــي ظروف
يوم أشوفه كنيه صايـــــــم رجب
.................... وله أنا حاظر ولو هــــــو مايروف
ياعيون دبي اسمــــــــــه منكتب
.................... في وسط قلبي وموشـوم بحروف
وين أولّي وين أسافـــــر لاذهب
.................... الجسم ماعاد تحمـــــــــله الكتوف
قلتله يانور عيني لـــــــــي طلب
.................... لاتخلي مدمع عيونـــــــــي ذورف
لو يفيد الطب بكتبلـــــــــــه كتب
.................... ياعيون دبي دونـــــــه ما أشوف
حسبي الله ع الذي كــان السبب
.................... لي حكم بالظلم ماهــــو بالنصوف
يالغلا اسمج ف قلبـــــي ماغرب
.................... بس لاتعدم حشـــــــــايه بالسيوف
يالغلا عمري وهبتـــــه لك وهب
.................... ومستحيل أنساك لو عمري يطوف
ياعيون دبي مايفيــــــــد العتب
.................... في الذي جافاك دامــــــه مايروف
لاتقول أهواه دامه هـــــو كذب
.................... لي يخونك يوم جــــــازاه بحسوف
عبدالله الشامسي
حبيت اشارك بقصيدة من كلمات الشاعر عبدالله الشامسي
والسموحة منك شاعرنا ان قصرت في اتقان القاءها
رد مع اقتباس
المشاركة الأصلية كتبت بواسطة مُحَرَّمة
المفضلات