صناعة شعب

[المايدية ريانة العود]

صناعة شعب

*

في تجارة حب .. ناجح

في صناعة شعب .. ناجح

في زراعة قلب .. ناجح

ياللي حبك يحيي ابقلبي اقتصاده ..

*

هوب عادة :

لوتبعت اخطاك حافي

لو غدا لك شعب وافي .

لو تلحفت امنياتي .. والرجا لك بالسعادة

*

هوب عادة :

لو تساءلت الشرايين السخية

لو تدفق لك غلا من روح حية

لو نقشت عروق دمي ابجدية

*

هوب عادة :

لو توسدني غلاك وصحصحنيه

لو احارب ليل فكري وهادننـيه

لو طماني في لجوج الموحشاتي

لو ظماني والمرابع معشبات .. ابلا هوادة

*

لو يذود الشعب عن شيخٍ كريم

هوب عادة :

لو غدينا كلنا .. الطود العظيم

وكلنا .. كلنا خليفة .. كلنا رجال و حريم

كلنا .. درعه وسيفه

هوب عادة

*

هوب عادة ..

*

*

صك حبَ ..

صك ولاء ..

صك طاعة ..

روح وافراد و جماعة

نبض يسمو في جسد

في محبتك إتحد كلنا ..

كلنا ( كلنا .. خليفة ).. كلنا درعه و سيفه

ياللي حبك في زيادة .. هوب عادة

*

واحد وواحد قسى .. قال له: جنودي اسود

وردَ له: جنودي نسا

و يالامارات ابشرى به

حبنا صبح ومسا

بالحروف و بالكتابة

بالمعاني والذرابة

بالسمهري والحرابة

قبل شيبانه شبابه .. و يا عسى نوفي عسى

*وهوب عادة

ولاتبا منا شهادة ..

اعتكاف القلب في حب القيادة ..

هوب عادة

ولا تجنس .. لا حكم قانون .. ولا هو بالولادة

عشق طهر الارض يامحمد عبادة ..

*كلنا .. كلنا خليفة

كلنا نبض اتحاده

*

في تجارة حب ناجح

في صناعة شعب ناجح

في زراعة قلب ناجح

ياللي حبك ينعش ابروحي اقتصادة

.....

*

للاستماع

صناعة شعب المايدية ريانة العود.mp3





او من هنا



http://www.4shared.com/audio/_Eqp3cQJ/hoob_3adah.html

[سحآبة صيف]

شاعرتنا

يعطيج العافية ع هالقصيدة الحلوة

[بنوووووته]

"

هوب عادة :

لو غدينا كلنا .. الطود العظيم

وكلنا .. كلنا خليفة .. كلنا رجال و حريم

كلنا .. درعه وسيفه

هوب عادة

*

هوب عادة ..

"



وهذا قليل بحق دولتنا الغاليه ... ومهما قلنا وفعلنا وسوينا مابنوفيها حقها ..


وحق شيوخها الاكرام الله يحفظهم ويطول بعمارهم .. ويحفظ دولتنا ..




تسلمين الشاعره زان هالحس والالقاء الرائع ..


يعطيج العافيه ولاتحرمينا من يديدج

[همس المشاعر]

صك حبَ ..

صك ولاء ..

صك طاعة ..

روح وافراد و جماعة

نبض يسمو في جسد

في محبتك إتحد كلنا ..

كلنا ( كلنا .. خليفة ).. كلنا درعه و سيفه

ياللي حبك في زيادة .. هوب عادة


مساج ورد جوري

يسلم قلم خط هالاحساس الرائع
وسلمتي شاعرتنا على هالصوت الوطني

ما لنا قول عقب قولج غير
كلنا للإمارا ت وكلنا خليفه

وتقبلي اعجابي ومروري
ودمتي برضى الرحمن

اختج
همس المشاعر

[عــيـ دبـي ــون]

وكلنا .. كلنا خليفة .. كلنا رجال و حريم

كلنا .. درعه وسيفه



صح لسانج على القصيده وعلى إلقائج المميز

هالقصيده اتت في وقتها وفي ظروف الكل يعرفها

ابدعتي فيها شاعرتنا باسلوبج الرائع ووصلت الى الكثير

[سراب الشارجه]

شاعرتنا الغاليه المايديه ريانة العود

صح لسانج ملايين

والله يعطيج الصحه والعافيه

[كتبيه محبوبه]

في تجارة حب .. ناجح
في صناعة شعب .. ناجح
في زراعة قلب .. ناجح
ياللي حبك يحيي ابقلبي اقتصاده ..
=====
صححح السااانج وعلا شاااانج
يااالغاااليييه سلمتي وسلمت يمنااااج
على ماااكتبت من حرروووف
عذبه في صفحااات عيون دبي
ربي يعطيييج العاااافييييه ياااااربي
لاتحرميناااا من عذوووبه
كتبااااتج ياااالغلا

[محمد الشامسي]

رووووووعه شاعرتنا قصيده حماسيه تحرك الاحساس الوطني

صح لسانج

شكرا على الكلمات الوطنيه الرائعه

شكرا على هذا الالقاء المميز

شكرا لهذا الاحساس الوطني

شكرا لانه القصيده يت في وقتها


و هذا مب غريب عليج يالشاعره
و هوب عاده

تقبلي مني كل احترام و تقدير

[الحر الأشقر]

مساء الولاء



وكلنا .. كلنا خليفة .. كلنا رجال و حريم

كلنا .. درعه وسيفه


تألقتي وكتبتي ما يتمنى كل شاعر وشاعره ان تكون هذه القصيده له

قصيدة وطنية جائت في الوقت المناسب وبـ صراحه تستحق تكون كـ انشودة وطنية



صح لسانك عدد بلا مدد على هذه القصيدة وعلى الاداء الرائع

ريانة العود
حبرك يخالطه شذى الياسمين

دمت بكل الود والحب

[تذكار]

صح لسانك شاعرتنا
قصيده وطنية رائعه
من اجمل ماسمعت من القصايد الوطنيه
يعطيك العافيه ..