الرئيسية التحكم التسجيل أتصل بنا
صفحة 4 من 6 الأولىالأولى ... 23456 الأخيرةالأخيرة
النتائج 31 إلى 40 من 53

الموضوع: مبدع التصوير سعيد العامري (سفير دبي)

  1. #31
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    اقتباس المشاركة الأصلية كتبت بواسطة مالي مثيل مشاهدة المشاركة
    مرحب اخوي سفير دبي

    انا من عشااق لتصويرك وافكارك..

    وانااحب التصوير واتعلم التصوير من نااحيه صورك.. وافكاارك ..

    ليش اخترت التصوير ؟؟

    تحب تصوير ماكرو؟؟

    من هو المصور الحقيقي؟؟

    شو نصيحتك لي كا مبدئه فالتصوير . وشورايك في كميرا نيكون دي 7000 ؟

    ولي عووده

    ربي يوفقك
    مرحبااا مالي مثيل .. شكرا عالكلمات الطيبة ..

    ليش اخترت التصوير ؟؟

    من التصوير اقدر اعرف .. حسك .. ثقافتك .. خيالك .. ذوقك وفنك .. رسالتك .. فكرك .. طولة بالك .. التعمق في خلق الله

    هذا النوع من التصوير اللي اخترته


    تحب تصوير ماكرو؟؟

    احب تصوير الماكرو نعم .. صح انه صعب بالذات اذا اصور الكائنات الحيةومتعب يوم تكتم النفس عشان تثبت التركيز ( الفوكس ) ولكن فيه تحدي الذات وصبر .. واللي يصور ماكرو خياله واسع وعينه مب مثل عين اي شخص عادي .. وهني ما اتكلم عن الحشرات ومشكلتنا يوم نسمع الماكرو نتخيل حشرات وتفاصيلها بس .. لان الاغلبية اللي نشوفهم حولنا يصورون حشرات وبس .. وهذا خط النهاية للخيالً

    الماكرو فن ومن خلاله تقدر تصور اشياء صغيرة مثلا على شكل تجريد .. او نبتة صغيرة مع خلفية حلوة او سلوك الكائنات الحية الصغيرة .. يعني اشياء ما تشوفها اي عين

    اذكر مرة كلمني واحد من جنوب افريقيا .. وقالي انه شاف واحد يالس وخاش راسه في الحشيش ويصور

    استغرب منه ويقول هذا شو يسوي ؟ وكان فيه فضول الا يعرف شو يصور .. فترياه لين ما يخصلص .. وساله شو تصور في الحشيش ؟؟؟ قال
    اصور هذا ويراويه شاشة الكاميرا .. ولا يشوف شي مثل وردة صفرا وعليهاقطرات مكورة وخلفيتها خضرا .. استغرب ؟؟؟ وين هالوردة راوني اياها ما اشوفها ؟؟ واشر بصبعه قال هاي !! يقول لي يا سعيد ما تنشاف الوردة من صغرها .. تقيسها بالملي وتنشاف في الصورة كبيره .. فيقول المصور فعلا عينه غير


    من هو المصور الحقيقي؟؟

    المصور الحقيقي اللي ما يقول خلاص وصلت
    اللي يستمتع و يحب هالهواية
    وما ياخذ التصوير مثل سباق الماراثون
    خياله واسع
    باله طويل
    مثقف
    يعرف كيف يوصل الفكرة
    صادق مع نفسه دايماً

    شو نصيحتك لي كا مبدئه فالتصوير . وشورايك في كميرا نيكون دي 7000 ؟

    هو تقنيا وفنيا

    تقنيا


    كيف تسيطين على كامج عشان تحصلين اللقطة اللي تبينها

    تعرفي على اساسيات الكاميرا نفسها والاشياْ تتحكمين بهم الاضاءة وهاي اهم خطوة

    الي هم3 واهم 2 .. الشتر ( الغالق ) وفتحة العدسة ... وثالثهم الايزو وشو وظيفة كل منهم؟

    اذا عرفتي كيف تتحكمين بهم وتعرفين وظايهم .. فانتي عديتي اول واهم خطوة

    حاولي تصورين على وضعية المينوال او يدوي

    Manual Mode = M

    لانه يسيطر الـ 3 وبتتعلمين بسرعة

    حاولي تقرين الكتيب للكاميرا

    بعد ما تشوفين انج تقدرين تسيطرين عالكاميرا من ناحية التحكم بالاضاءة والاهتزاز والفوكس والعزل والحدة

    انتي جاهزه الحين ومستعدة للتصوير

    تبين تصورين صور فنية

    فنيا

    عودي عينج عالاشياء الحلوة .. شوفي صور فيها ابداع وتعلمي منهابالذات المواقع الاجنبية .. وسئلي نفسج كيف خذ الزاوية وليش اختار التوقيت هذا .. ركزي وين الاضاءة واقعة في صورهم ووين الظلال .. اقري مجلات التصوير وكتب .. شوفي دروس عاليوتيوب .. لا تفكرين فالعدة لين ما تشوفين نفسج جاهزة

    وشورايك في كميرا نيكون دي 7000

    استخدم هاي الكاميرا .. وبصراحة ممتازة
    وتعتبر من انجح الكاميرات في الاسواق .. لانها للمبتدئين وفيها خصايص حلوة قريبةمن كاميرات البروفيشنل .. وجودة الصور فيها والالوان قوية

    الايزو متطور وهذا من اهم الاشياْ يتابعها المصور في الكاميرات .. لانه يتعلق بجودة الصورة

    شكرا وبارك الله فيج واتمنالج التوفيق في عالم الضوء
    Saeed Al Amri

  2. #32
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    السموحه عالاطاله اخواني و اخواتي انا
    فالدوام ..

    لي عوده بالاجوبه .. الليله ان شاء الله
    Saeed Al Amri

  3. #33
    مبدع فعال

    الحاله : Pretty_girl غير متواجد حالياً
    تاريخ التسجيل: Aug 2011
    رقم العضوية: 349
    الدولة: الإمارات العربية المتحدة
    الهواية: كُل مايَستَحِقُّ الاهْتِمام
    السيرة الذاتيه: ذَواتٌ مُحَلِّقَةٌ
    العمل: طالِبَة عِلْم '
    المشاركات: 927
    Array

    أوسمة العضو


    افتراضي

    خذ راحتك ،

    ماشا الله

    يزاك الله خير

    بما انك قلت عادي نسأل بعد ، ^^ قلت استغل الفرصة الذهبية
    قريت كلامك عن المانيوال ،
    انزين .. أنا خاطري أعرف يوم أحطه عالمنيووال واصور تطلع الصورة سودة
    أسير المنيو، اختيار الشتر وخيار ثاني بعد اتوقع الايزو، واغيرهم عشوائي واروح اصور ، اذا ماعيبني اروح اغيرهم مره ثانيه عشواي،
    ( الحين انا حابة استخدمه استخدام دائم بدال زر الاوتو والماكرو والبورتريت،،، فهمت؟)
    خاطري اعرف متى انقص الشتر ومتى ارفع الشي الثاني ( الايزو اتوقع )

    وايد قريت عن هالشي فالنت عن فتحة العدسة والشتر بس مافهمت شي ياليت لو عندك طريقه مبسطه تخليني افهم هالشي وايتم فبالي
    بالتوفيق
    واعذرني ... وشكرا لك

    سبحانك اللهم وبحمدك أشهد أن لا إله إلا أنت أستغفرك وأتوب إليك

  4. #34
    المدير العام
    الصورة الرمزية عــيـ دبـي ــون

    الحاله : عــيـ دبـي ــون غير متواجد حالياً
    تاريخ التسجيل: Apr 2011
    رقم العضوية: 1
    الدولة: United Arab Emirates‏
    العمل: موظف
    المشاركات: 6,015
    Array

    افتراضي

    نشوفنا بنطول مده اللقاء عيل






    من هو افضل مصور اماراتي في نظرك والافضليه في الاحتراف اقصد



    لك الكثير من الاصدقاء وخاصه من لديهم هوايه التصوير من تتوقع منهم سيكون له اسم في عالم التصوير والابداع


    خبرني عن هالطفل ماشاء الله عليه

    كيف تقبل هذا الدور


  5. #35
    المدير العام
    الصورة الرمزية عــيـ دبـي ــون

    الحاله : عــيـ دبـي ــون غير متواجد حالياً
    تاريخ التسجيل: Apr 2011
    رقم العضوية: 1
    الدولة: United Arab Emirates‏
    العمل: موظف
    المشاركات: 6,015
    Array

    افتراضي

    احبتي اعضاء المنتدى

    بعد اذن اخوي سفير دبي

    راح يكون نهايه اللقاء يوم الاثنين تاريخ21 وقابله لتمديد ليتسنى لمبدعنا الاجابه على بعض الاسئله واتاحه الفرصه لمن اراد ان يسئل

  6. #36
    ‎عضو شرف

    الحاله : المصمم العربي غير متواجد حالياً
    تاريخ التسجيل: Jun 2011
    رقم العضوية: 86
    الدولة: عشقي U.a.E ودنيتي
    الهواية: DesigN & Photography
    السيرة الذاتيه: لآ أعرف قوِآعد النجآح ! ولكَني أعرف أهم قواعد الفشل ..، وهي .. [ارضاء الناس ] ..
    العمل: Tourists in the world
    المشاركات: 83
    مزاجي
    8
    Array

    أوسمة العضو


    افتراضي

    بسم الله الرحمن الرحيم

    أخي المبدع والمميز ....

    سعيد العامري

    بكل تحيه وإحترام أقف بهذا المنتدى ... وأوقع على روعة ذلك اللقاء ..
    مميز بكل ما بالكلمة من معنى ....

    لم يتبقى لي أي أسئلة ... بل وأيضاً لم يتبقى لي شيئ إلا وقد إستفدت منه .. كل كلمة قرأتها بهذا اللقاء كانت فائدة لي ..

    فشكراً لك .. ولأخي عيون دبي على إتاحة الفرصة لنا بالإستفادة من تلك الأسئلة .. والردود ...

    مع كل إحترامي وتقديري

  7. #37
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    اقتباس المشاركة الأصلية كتبت بواسطة محمد الشامسي مشاهدة المشاركة
    مرحبابك اخوي سعيد العامري في هالمقابله اللي اسعدتنا
    و شكرا لاخوي عيون دبي على اتاحة الفرصه لنستفيد من خبرتك في التصوير

    اخوي سعيد العامري لاحضت في بعض صورك لقطات نادره ما تي اللا في لحضات و ما تتكرر
    السؤال
    1ـ كيف تعرف اللحضه المناسبه لتصوير وهل تكون الكامره دايما معاك
    2ـ طريقة انتقائك للموقع و الزاويه و الضوء
    3ـ وهل تفضل استخدام الفلاش في التصوير

    اتمنى اني ما ثقلت عليك بالاساله
    تحياتي لك اخوي المبدع سعيد العامري
    حياك الله اخوي محمد االشامسي

    تسلم على كلماتك الطيبة .. من ذوقك

    1ـ كيف تعرف اللحضه المناسبه لتصوير وهل تكون الكامره دايما معاك


    الكاميرا كل يوم اشلها معاي .. بس اذا مخطط حقالتص،يو في مكان .. فاخذ العدة كلها

    من عدسات وفلاشات وامبريلا .. اذا تقصد باللحظه المناسبة لتصوير الطبيعة .. فهذا لاني اتابع موقع الارصاد ..

    واستغل الشتا .. و الجو له دور كبير في الوان الصورة .. من ناحية التشبع والتباين + فلاتر اذا احتجت

    تخيل هاي الصورة ماخوذه في الصيف و بدون غيوم وحر والخ



    وتخيل هذي ايضا



    الجو المناسب مهم


    2ـ طريقة انتقائك للموقع و الزاويه و الضوء


    و اختياري للمواقع + التوقيت ( تكلمنا عن الشتا ) .. مثلا اذا شفت منظر عيبني اوقف .. ليش اوقف ؟ لاني رسمت الصورة في بالي والحين ابغي اسجلها في كاميرتي ..
    وكلنا بهالطريقة سبحان الله .. فهذا يعود لخيالك وذوقك ..

    كيف تعود نفسك على اختيار المواقع ؟
    لازم تتابع صور مبدعين .. وتثقف ذهنك وتعود عينك .. وعقب حاول تكون مختلف شوي بافكارك وتبتكر اشياء يديدة ..

    3ـ وهل تفضل استخدام الفلاش في التصوير

    نعم .. احب استخدام الفلاش في تصوير البورتريه (الناس ) ..

    لكن ما يكون الفلاش فوق الكاميرا



    و أفضل استخدام فلاش خارجي بنفس طريقة الفيديو

    http://www.youtube.com/watch?v=GF4c0HCAB2A

    شكرا محمد
    Saeed Al Amri

  8. #38
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    اقتباس المشاركة الأصلية كتبت بواسطة تذكار مشاهدة المشاركة
    عدنا ...

    1/موقف طريف حصل لك وانت تمارس هذه الهواية.....؟؟

    2/ مالذي يصنع الصورة...؟؟

    3/ يُقال "التصوير فن" ، وكذلك يُقال بأن "التصوير توثيق" ، ويُقال
    بأن "التصوير قد يكون في لحظة مفاجئة حظ" ، فـ ماذا تقول ؟!؟
    *

    مرحبااااا

    موقف طريف حصل لك وانت تمارس هذه الهواية.....؟؟

    وايد مواقف حصلت لي بالذات في تصوير الطيور

    كنت اصور هالطير في القرم ( كلبا )*



    وهذي هي المنطقة



    بسيارتي*



    الطير كان مشاغب بصراحة و وايد لعوزني .. ينتقل من مسافة الى مسافة بعيدة مابين 100 لـ 200 متر .. فكنت اتبعه بسيارتي .. ودخل منطقة البحر .. ووقتها كان جزر وماشي ماي وشفت اثار تواير سيارات والمكان طين والطير بعيد دااااخل .. ( قلت في خااطري أنا ضارب خط ساعتين من دبي لين هني عشانك ) وأشغل الدفع الرباعي وادخل .. وهو يطير شرق وغرب وانا وراه .. وطلع من المنطقة رجع اليابسة .. طلعت وراه وانا لا شعوريا بندت الدفع الرباعي لان عيني عالطير .. ورجع دخل منطقة البحر *وانا وراه .. واسوق و أنا واضحك اقول ما لك مفر اليوم .. وعقب طار مره ثانية رجع اليابسة .. وانا كسرت السكان اوني بطلع ولا السيارة تغط وتنزل من ورا وانا اقول شو السالفة ؟ ولا اشوف أني مبند الدفع الرباعي .. شفت الطير واقف على غصن كانه يضحك علي .. شغلته الدفع الرباعي مره ثانية بس ماشي فايدة وبدت السيارة تغط من جدام .. بطلت الباب ولا اشوف الموتر داق تحت خلاص .. حكيت راسي ( شو اسوي الحين ) وكانت الساعة 3 ونص العصر وادري ان لين الساعة 5 بيصير مد وسيارتي بتغرق .. واشوف السيارات تمر برع *وفيها انجليز وارفع يدية فوق *وهم رفعوا يسلمون *ويصوروني ( أنزين ساعدوني !!!) .. ويت الساعة 4 ولا اسمع فقاعات تحت ريولي وتحت السيارة ( بيصير مد ) ولا اشوف دورية ياية .. قلت الحمدلله .. حاولوا يمين يسار وآخر شي طلعوني الساعة 5 والماي كان وقتها مغرق تواير السيارة .. ف الحمدالله .


    2/مالذي يصنع الصورة...؟؟



    المصور الفوتوغرافي في الاول والأخير

    3/ يُقال "التصوير فن" ، وكذلك يُقال بأن "التصوير توثيق" ، ويُقال
    بأن "التصوير قد يكون في لحظة مفاجئة حظ" ، فـ ماذا تقول ؟!

    صحيح .. كلهم مرتبطين في بعض .. وهذا يدل ان التصوير صار جزء من حياتنا .. كل اللي تشوفه فالتلفزيون .. الاخبار والبرامج والخ عبارة عن توثيق .. ومنه الفن .. واذا كان حظ .. يعني أنا استغليت لحظة يمكن ما تتكرر .. فأنا محظوظ ..

    التصوير ثقافة .. التصوير علم ..
    Saeed Al Amri

  9. #39
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    اقتباس المشاركة الأصلية كتبت بواسطة pink heart مشاهدة المشاركة
    عدنا

    - هل تؤمن باستخدام الفلاتر في كاميرات التصوير
    وبرأيك هل برامج تحرير الصور ( الفوتوشوب مثلاً ) كافية لإضفاء لمسة جمالية على الصورة ؟

    - لم يعرف التصوير الضوئي بشكل كبير إلا بعد ظهور الانترنت فبرأيك هل للإنترنت دور كبير في انتشار هذا التخصص ؟

    - بماذا تهتم قبل عمليـة التصويـر ؟
    - هل تؤمن باستخدام الفلاتر في كاميرات التصوير
    وبرأيك هل برامج تحرير الصور ( الفوتوشوب مثلاً ) كافية لإضفاء لمسة جمالية على الصورة ؟


    هو لابد من استخدام عدة اضافية عشان تطلع الصورة بافضل نتيجة .. عشان ما نعدل على الفوتوشوب وايد ..

    بتشوفين فئة من المصورين الكسالى .. صور مرتين ويقول الباقي في الفوتوشوب .. وفئة تقول 30٪ تصوير و 70٪ تعديل ..

    وبتحصلين ناس تتعب اكثر في التصوير عشان تقلل استخدامها للفوتوشوب او برنامج معالج ..

    فهذي وجهات نظر من باب التجارب .. مب قانون ..

    عن نفسي .. ابا اكون مصور فوتوغرافي .. ما ابغي اعتمد عالتعديل وايد فابذل جهد اكبر .. مثلا اذا اصور منظر طبيعي وابغي السما تكون زرقا اكثر .. فاستخدم بولورايزر فلتر ..



    لكن هناك فئة تقول بغمجها بالفوتوشوب .. واذكر واحد كان يصور في ستوديو ربيعه .. فطلب منه يخوز الكرسي لان ما يباه يطلع فالصوره .. فقال له لا تحاتي بخوز الكرسي بالفوتوشوب !!! يعني كسل لابعد حد ..

    الصورة بصيغة الـRAW صحيح قابله للتعديل وما تاثر على جودة الصورة .. بس كلما تتحرش فالصورة .. تتاثر البكسلات .. فالنهاية جودة الصورة تتاثر .. فهذا هو السر لعدم الاعتماد على التعديل وايد ..

    المعالجة تكون بمستوى معقول .. هذي فالنهاية كاميرا ومستحيل تعطي كل شي 100٪ .. مرات تكون الصورة ناقصه اضاءة او تحتاج رفع اضاءة ( التعريض ) او الوان او التباين .. تعديل ميلان .. تحتاج حدة .. او عناصر مزعجة للنظر اشلها .. .. هالاشياء اللي اسويها ..

    لو يبت لج صورتين حلوات .. لنفس الموضوع .. والثنتين يتشابهن وماشي فرق

    بس بقول لج هذي بالتعديل وهذي بدون تعديل ؟ اي صورة بتقدرينها اكثر ؟

    - لم يعرف التصوير الضوئي بشكل كبير إلا بعد ظهور الانترنت فبرأيك هل للإنترنت دور كبير في انتشار هذا التخصص ؟


    بكل تاكيد .. الحين نحن كلنا نعرف بعض من الانترنت .. وايضا التصوير .. صرنا نتعلمه من هالشبكة .. الوصول لاي معلومه بكل سهولة .. واكثريتها مجانية
    Saeed Al Amri

  10. #40
    ‎عضو شرف
    الصورة الرمزية سعيد العامري

    الحاله : سعيد العامري غير متواجد حالياً
    تاريخ التسجيل: Jun 2011
    رقم العضوية: 90
    الدولة: UAE
    الهواية: Photography
    العمل: Photography
    المشاركات: 109
    Array

    افتراضي

    اقتباس المشاركة الأصلية كتبت بواسطة محبوبة الكل مشاهدة المشاركة
    احم رجعت بعد اجابتك على اسئلتي عشان أحشرك من يديد

    1- ماذا تعني لك المرأة ؟
    2- هل تعتقد إن هواية التصوير أشغلتك أو خلتك تتخلى عن أمور ثانية كانت مهمة بحياتك ؟
    3- الحياة الإجتماعية شو تعنيلك ؟




    - ماذا تعني لك المرأة ؟

    اختصرها واقول .. المرآة دواء .. كـ آم .. كـ زوجة .. كـ أخت

    و خلف كل رجل عظيم امراة عظيمة

    عنوان الحنان والعطاء هي المرآة

    - هل تعتقد إن هواية التصوير أشغلتك أو خلتك تتخلى عن أمور ثانية كانت مهمة بحياتك ؟

    الهواية غيرت الروتين الي كانت ماشي عليه فقط .. اما الامور المهمة ما تغيرت ..

    الحين عادي و ما ايلس في دبي نفس قبل .. دايما برع المدينة .. و عادي اروح لين مسقط اصور وارجع ثاني يوم ههههه


    الحياة الإجتماعية شو تعنيلك ؟


    اغلى من الذهب والفضة


    شكرا والله يعطيج العافية
    التعديل الأخير تم بواسطة سعيد العامري ; 20-11-2011 الساعة 02:15 PM
    Saeed Al Amri

صفحة 4 من 6 الأولىالأولى ... 23456 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •