مبدع التصوير سعيد العامري (سفير دبي)

[عــيـ دبـي ــون]

2011/11/11 ...لقاء مميز وتاريخ مميز

مع مبدع التصوير سعيد العامري (سفير دبي)

من مواليد 1982

وأول هواياته الرسم وكرة القدم .. لعب لنادي النصر الاماراتي من 1994 ولغايه 1999 وترك النادي بسبب الدراسة .. وفي سنة 2002 درس في بريطانيا لغايه 2005 .. وخلال فترة الدراسة تعرف على احد الزملاء في الكلية وكان يحب التصوير الفوتوغرافي ويمارسه .. وقال له ان التصوير فن ويحتاج حس و ذوق و ثقافة و صبر .. ونفس الوقت شجعه على هالواية لانه كان واثق بانه مناسب له هالمجال بعد ما شاف تصويره في الكيمرا العادية ( المدمجة ) و بالذات بعد ماعرف انه يمارس هواية الرسم ..



احبتي اعضاء منتديات عيون دبي للابداع وزواره في حاله الرغبه للمشارك في هذا اللقاء

ومعرفه كل صغيره وكبيره من مبدعنا سعيد العامري

نتمنى في كل مره تكون الاسئله ماتتعدى 3 اسئله

وبعد مايجاوب مبدعنا يمكن للعضو طرح اسئله اخرى


موعدنا

2011/11/11

[عــيـ دبـي ــون]

بسم الله وعلى بركه الله نبداء لقائنا المميز مع اخونا سعيد العامري

احد مبدعي التصوير في دوله الامارات

نتمنى من الاعضاء من خلال اسئلتهم انا نعرف كل صغيره وكبيره عن مبدعنا في عالم التصوير وشو يحب شو يكره ووووووو يعني من a الى z


وانا راجع للاسئله ان شاء الله قريبا

[Pretty_girl]

مـرحبا ,, الساااع

من متى وأنا أتريا هالمقابلة

كيف حالك أخوي سعيد العامري؟

صراحة أنا من أحد المعجبين بأعمالك .. ومن زمااان أتابعك وانصدمت يوم شفت اسمك فهالمنتدى ,, واستانست من هالشي ..
صراحة ..من اشوف تصويرك انبهر واتحمس مادري ليش.. ماشا الله عليك
يعجبني أكثر شي ف تصويرك الزوايا .. واللي يبهرني أكثر شي.. انك قليل ماتستخدم الفوتوشب .. ((وهالشي قليل ما اشوفه فالمصورين اللي أتابعهم)) .. هذا ان دل دل على ابداعك وتميزك ووتمكنك وشغفك لهالمجال ......

بسم الله سأبدأ في طرح الأسئلة...

- شو هو المشروع/ الهدف اللي قاعد تسعى لتحقيقه خلال السنوات القادمة؟

- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟

- الحين انت دراستك طيران .. ولا تصوير فوتوغرافي ؟؟؟


أتمنى أشوف تواصلك معانا فالمنتدى .. ونسمع اقتراحاتك وانتقاداتك البناءة ..

شكرا لك لأنك عطيتنا جزء من وقتك

وكلنا فخورين بك كمصور إماراتي راقي ..

الله يوفقك ..


(( شكرا عيون دبي على الموضوع ))

[عــيـ دبـي ــون]

Pretty_girl
العفو اختي


اخوي سعيد العامري

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات


تذكر شو نوع اول كيمره استخدمتها وانا اقصد هنيه الكيمرات العاديه...


وشو نوع اول كيمره احترافيه


الاسئله كثيره والرجوع قريب

[كتبيه محبوبه]

السلام عليييكم
هلا فيييك مبدعناااا سعيد العاااامري
وحياااااك في كرسي المقاااابلات وهااااذي
فرصه حلوووووه اتااااحهااا حقناااا
اخووووي ومديري عيوووون دبي
حق نتعرف اكثر واكثر على مبدع التصوير
وسفير دبي سعيد العاااامري اتمنى لك
التووووفيييق ياااااربي وان شاااااالله لي
عووووده مره ثااااانييه مع الاسئله

[كتبيه محبوبه]

السلام عليييكم
رجعت مع الاسئله ههه
!!!
!!
1- بداياتك في التصوير؟ ومتى البداية الفعلية لـ سعيد؟
2- نشاهد جمال وروعة الأفكار والتنفيذ في لقطاتك – ماشاء الله – فكيف تأتي الفكرة وهل يتم رسمها أو مثل مايقولون تأتي على البركة؟
3- في أي مجال لابد للشخص من تطوير نفسه حتى يصل للاحتراف في ذلك المجال فكيف تطور نفسك في مجال التصوير ، ونصيحتك للمصورين لتطوير قدراتهم؟


وسموووحه طووولت عليييك
مع السلامه وان شالله من
المتااابعين لك لهذاااء القااء الرااائع ^^

[سعيد العامري]

السلام عليكم و رحمة الله وبركاته

جمعة مباركة

شحالكم عساكم بخير

اولا اشكر اخوي عيون دبي على اختياري لهالمقابلة .. و اشكركم على كلماتكم الطيبة ومتابعتكم لاعمالي المتواضعة .. تشجيعكم لي هو استمراري في هالمجال .. وان شاءالله بجاوب على اسئلتكم كلها ..

واذا حبيتوا تزيدون فالاسئلة بعد ما اجاوب على اول 3 .. فما عندي مشكلة ..

فانا يالس مع اهلي في بيت واحد ..

نبدأ

[سعيد العامري]

مـرحبا ,, الساااع

من متى وأنا أتريا هالمقابلة

كيف حالك أخوي سعيد العامري؟

صراحة أنا من أحد المعجبين بأعمالك .. ومن زمااان أتابعك وانصدمت يوم شفت اسمك فهالمنتدى ,, واستانست من هالشي ..
صراحة ..من اشوف تصويرك انبهر واتحمس مادري ليش.. ماشا الله عليك
يعجبني أكثر شي ف تصويرك الزوايا .. واللي يبهرني أكثر شي.. انك قليل ماتستخدم الفوتوشب .. ((وهالشي قليل ما اشوفه فالمصورين اللي أتابعهم)) .. هذا ان دل دل على ابداعك وتميزك ووتمكنك وشغفك لهالمجال ......

بسم الله سأبدأ في طرح الأسئلة...

- شو هو المشروع/ الهدف اللي قاعد تسعى لتحقيقه خلال السنوات القادمة؟

- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟

- الحين انت دراستك طيران .. ولا تصوير فوتوغرافي ؟؟؟


أتمنى أشوف تواصلك معانا فالمنتدى .. ونسمع اقتراحاتك وانتقاداتك البناءة ..

شكرا لك لأنك عطيتنا جزء من وقتك

وكلنا فخورين بك كمصور إماراتي راقي ..

الله يوفقك ..


(( شكرا عيون دبي على الموضوع ))

شكرا اختي .. هذا من ذوقج الطيب .. نتعب اثناء التصوير عشان اقلل استخدامي للفوتوشوب قدر الامكان

- شو هو المشروع/ الهدف اللي قاعد تسعى لتحقيقه خلال السنوات القادمة؟

هو الهدف عندي واحد .. ( حب التصوير ) و رسالة بجميع اللغات .. احب اوصلها لكل شخص .. وعندي رسالة بوصلها للعالم عن طريق مسابقة الشيخ حمدان بن محمد للتصوير الفوتوغرافي فانتظروها.

وان شاءالله هناك مشاريع .. والحين ادرسها بس احتاج وقت طويل وامشي فيها حبة حبة .. احب اشتغل بكل ثقة واكون عند حسن ظن كل من يتعامل معاي ..
و اول هالمشاريع .. تصوير بوتريهات ويتفرع لاكثر من مجال ..
وتصوير معماري وتصوير الاكل ..


- سمعت انك تعرف ترسم(تمتلك موهبة الرسم).. بس ماقد مرة سمعتك تعترف فهالمهارة ليش؟؟


لاني تركت هالهواية من سنة 1995 .. وفي نفس السنة فزت بجائزة افضل رسام على مستوى مدارس دبي .. ( كنت في الصف الخامس )
وايامها كننا انا وربعي نحضر حصص القرآن وندرس الدين ونعتكف في المساجد .. وعرفوا اني فزت بالمركز الاول .. والرسمة اللي فزت بها ..
فيها مسجد الاقصى .. وحرمة فلسطينية ماسكة ولدها ينزف .. وجندي اسرائيلي واقف وماسك سلاح ويدوس علي لعبة الولد .. والبيئة فيها دمار وخراب ..
ربعي قالولي ليش ترسم ؟ ما تعرف الرسم حرام ؟ انا هني تعقدت بصراحة .. فقلت اكون في السليم احسن لي واترك الرسم .. طبعا هالكلام قبل 16 سنة تقريبا ..


- الحين انت دراستك طيران .. ولا تصوير فوتوغرافي ؟؟؟


درست هندسة الطيران .. لكن امارس هواية التصوير الفوتوغرافي .. يعني هوايتي مالها دخل في شغلي .. لكن فالمستقبل التصوير بيكون شغلي الاول والاخير ..

شكرا

[سعيد العامري]

Pretty_girl
العفو اختي


اخوي سعيد العامري

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات


تذكر شو نوع اول كيمره استخدمتها وانا اقصد هنيه الكيمرات العاديه...


وشو نوع اول كيمره احترافيه


الاسئله كثيره والرجوع قريب

مرحبابك اخوي عيون دبي

الكثير من الاعضاء لايعرف سبب لقبك ب سفير دبي او الشخص الذي لقبك هذا اللقب....اعرف الاجابه ولكن احببت الجميع يعرف منك بالذات

هم اللي لقبوني ربعي لاكثر من سبب .. قبل كنت وايد اصور في دبي وطلع معالمها .. بالتصوير الليلي .. وقبل التصوير كنت مشارك في منتدى الكتبي الثاني .. ودايما ايبلهم اخبار عن دبي وشويخها الله يحفظهم وعن انجازاتهم .. وحتى ايام الدراسة في بريطانيا .. كنت دايما اكلم البريطانين عن دبي وعطيهم اخبارها .. الشباب ايامها اذا اي شي يبون يعرفون عن دبي .. كانوا ايون عندي ويسئلوني ..


تذكر شو نوع اول كيمره استخدمتها وانا اقصد هنيه الكيمرات العاديه...

اول كاميرا استخدمتها في حياتي كانت سوني سايبر شوت .. في سنة 2003 ..

Sony Cyber-shot DSC-T1


5 ميقابكسل


وشو نوع اول كيمره احترافيه

كانت Nikon D80 في 2006

شكرا اخوي عيوني دبي

[سعيد العامري]

اختي الكتبية

لي عودة ان شاءالله