مشاعــ فوضوية ــرٌ

[سحآبة صيف]

لا أعلم هل شوقي له سينتهي حين أراه
أم ان رؤيته ستزيد من شوقي إليه

إلى متى هذا الشوق يا رب
لا أعلم ><

[سحآبة صيف]

فجأة و بدون أي مقدمات .. بديت أصارخ
بس مب من الألم أو الضيق أو شيء
لا
بس

نذاااااااااااااااااااااالة
في حد كان رااافع ضغطي .. و حبيت أراهويه العين الحمرا
يعني أنا مب شريرة شريرة
بس طبعا لازم كل حد ياخذ حقه


هههههههههه

و الحمدلله .. تمت المهمة بنجاح .. و قضضيت على عجرفته و الشيء اللي كان رافع ضغطي فيه
و هو شيء يمكن يكون سخيف
بس بالنسبة لي واااايد كبييير

أكثر شيء يرفع ضغطي لما الواحد ياكل حذالي وووو

(( يطلع صووووت ))

اكره حياتي وقتها
و اكره هالانسان كره العمى

يا الله شكثر هالحركة مؤرفة ><

[سحآبة صيف]

كم مرة قلت لهم اني ما ابي اطلع
و اصر على موقفي
و لما يا الوقت اللي طقت جبدي فيه و ابي اطلع
الكل غير رايه
يعني هي الحركة معروفه
حركة عنااااد
بس شو اسوي
لا حول و لا قوة
نحن ف البيت عندنا نظام الاتفاق

لازم كلنا متفقين ان نطلع
و لو واااحد معارض
حتى لو كان أصغر وااحد فينا
ما نروح المكان إللي نباه إلا لما يقتنع هالواحد و يوافق

يمكن صح هالشيء مب حلو
او انه يرفع الضغط أحيانا
بس ف نفس الوقت مفيد
عشان داايما نكون على ايد وحدة
في كل شي

في قعدتنا
و اكلنا
و طلعتنا
حتى في لعبنا و سوالفنا

و هالشيء اللي وااايد احبه في ابوي
لأنه دايما يحاول يخلينا نكون مجتمعين على شيء واااحد

[سحآبة صيف]

عندي موافق كثيرة
احب اني انثرها على الأوراق
في أشياء تنقال للناس
و في أشياء انها إتظل متخبية وااايد أفضل
من هالأشياء اللي احب اقولها
المواقف اللي تكون مع الناس القراب مني
في الفترة الأخيرة
صرت قريبة من اخواني
كوني أكبرهم
كنت بعيدة عنهم
داايما مع الكبار
ما أقعد إلا مع اللي احسهم قراب من تفكيري
أو ع الأقل فاهمين كلامي
بس مع الأيام
اكتشفت ان اخواني الصغار
هم أكثر الناس اللي اعرفهم فاهميني
و عارفين شو ابي
و متفهمين بدرجة كبيرة

يمكن صح هم صغار
بس مثلهم في فهمي و معرفة اللي ابيه و اريده ما شفت

تفاجأت ف يوم و انا رادة من السكول معصبة و متنرفزة
اخوي يستقبلني عند الباب
و يدخلني
و بتكبر مني قلت له قوووم مب متفيجة لك
و أول ما دخلت امي هزبتني لأن اظن ما فصخت و انتوا بكرامة نعالي عند الباب
و دخلت به ف الصالة
و هني حسيت بضيق كبير يمكن اصلن ضيقي كان من ضغط السكول
و ماماتي فجأة
المهمم
اخوي قال حق امي
ماما حسي فيها
هي مضايقة
يمكن من المدرسة
حرام عليكم
تعصبون عليها

هني حسيت بتصرفي كيف كان غلط معاه
يمكن ما كنت حاسة وقتها بالشيء اللي قلته له
اكيد حز فخاطره
بس بعد ما خلاني روحي

القصد

مرات نحس ان نحن وااايد كبار
لدرجة ان تصرفات أو كلام اللي اصغر عنا نعتبره تفاهات
أو مثل ما نقول (( كلام يهال ))
بس للأسف ان نحن مب فاهمين ان هاليهال عقلهم اكب منا بوااايد
ممكن يساعدونا في اشيا ما عمرنا فكرنا انهم ممكن يفيدونا فيها

الواحد مهما كبر
لابد بيحتاج لأحد أصغر عنه
مب شرط يوجهه .. مع العلم ان مب عيب يوجهونا .. بس ع الأقل يذكرونا بأشيا
نحن ناسينها

[سحآبة صيف]

و ها انا الآن استعد للنوم
لا أعلم هل سأعود غدا لألقاكم
أم أن شيئاً ما سيحدث و يبعدني عنكم

[سحآبة صيف]

اليوم أول يوم دراسي
في آخر فصل دراسي
و آخر سنة دراسية بالنسبة لي
حسيت اني ف حلم
ما ودي يخلص
ما شيء دراسة اليوم
كأنهم خلونا انداوم بس عسب نشوف ربيعاتنا
و انسولف
و نتمشى ف هالساحة إللي ع كثر ما نفتر فيها
ما نشبع
الوضع وااايد كان حلو
و كوني بنت علمي
أول مرة أحصل فراغ مع بداية الدراسة
بالعادة كتب و دراسة من أول ما دق جرس الحصة الأولى
آآآآه
أدري بشتاق لهذي الأيام
حصص
جرس
و طبعا ما أنسى الكانتين
و الشردة من الحصص
مب شردة بمعنى شردة أقصد بها ان نستأذن من الأبلة بنص الحصة
و نطلع و ما نرجع إلا بعد الجرس
شعور حلو
و لا الشردة الحقيقية اللي شردتها من حصة في حياتي
راح تضحكون علي أدري
بس بخبركم
مرة وحدة فحياتي شردت شردة حقيقية من صجي
و كانت من حصة الرياضة
بس بالفعل كان الوضع مو طبيعي
و حتى شعوري كان روووعة
اول مرة أشرد و من شو يا حظي
من الريااااااااااااااااضة
هههههههههههههههههههههههههه

أم حق بنت علمي
خخخخخخخخخخخخخخخخ

[سحآبة صيف]

نعم اكتفيت
اكتفيت من الألم الذي يسببه لي ما حدث سابقاً
نعم
فالألم مازال يحفر خندقاً لا أعلم متى سينتهي حفره ؟!
أخبروني
لماذا هذا الألم الذي لا أستطيع نسيانه
أو حتى تجاهله ؟!
ما أشعر به شيء عجز لساني لأعوام طويلة أن ينطق به
انه كالقنابل الفتاكة
سيفتك كل من أقصده و من سبب لي الألم
لم أعد قادرة على إحتمال ما يحدث
أمثل الامبالاة
و الأبتسامة
و لكن ما بداخلي أعظم بكثير
كل من أرتاح لإخباره بما يجول بخاطري
هي تلك الورقة
و ذلك القلم
و هذه الأزرار التي أنقش بها ما أشعر به
في هذه الصفحات

[سحآبة صيف]

أول مرة تصير
لو ما صارت لي مستحيييييل أصدق إن أبوي يسويها أبدا
لأني أعرفه
مب مال هالسوالف
بس انصدمممممت صدمة سااااحقة

البارحة هو اللي مر علي بعد الدوام
و انا استغربت
لأن بالعادة أمي هي اللي تاخذني
المهم
أول ما ركبت
بدا يرحب و يهلي
و يا هلا ببنتي
و يا مرحبا
و يا زين هالبنت شحلاتها
الله يخليها لي
و أشوفها عروس
و أنا مستحية بس مستغربة بشكل كبير
قالي
(( باباتي شو تبين تتغدين ؟ ))
قلت له (( ليش ؟ ))
قال (( بطلب لج من برا ))
استغربت
باباتي عنده نظام ف البيت ان الفاست فود بس مرة في الشهر
و البارحة كسر النظام
قلت له أبي ماك
قال اوكي بس عندي شرط
انج تاكلين الوجبة كلها ف السيارة و لما تنزلين البيت سوي عمرج مب مشتهية تاكلين شيء
و لا تخبرين حد اني خذتلج

هني نقعععععععععععت من الضحك
و قلت له بابا هذي حركات حد ثاني مب انته
قال منو
قلت هاي حركات ماما
ان كلوا ف السيارة و لا تخبرون حد
ههههههههههههههههههههههههههههههههه

و خذت لي هبي ميل
و كلته بأسرع شيء عندي

و لما وصلت البيت مثلت بكل ما اوتيت من قوة على التمثيل

و محد حس بشيء

هههههههههههه

[سحآبة صيف]

يعلم
بأن ما ينبض بين أضلعي شيء ينتمي له
يعلم
بأن هذا القلب الصغير لا ينطق إلا بإسمه
يعلم
بأن كل ما أحمل من مشاعر هي ملكه لوحده

و لكنه لا يعلم
بأن غيآبه عني يقتلني بشدة ><

[سحآبة صيف]

أنتظر تلك اللحظة التي أقف فيها على خشبة المسرح
أستلم تلك الشهادة التي لطالما إنتظرتها
و أمي تصفق لي بحراره
و الدموع تملئ عينيها
و الكل يهتف بإسمي
و ينادوني في آخر المطآف

(( الخريـــجة ))