يوم حانت ساعة لوداعي لقيت عين الخل دماعه....
------
صلالهه وصلاله.. زرناها ولله الحمد
جوها روعه صراحه والمناظر الطبيعيه تجنن والوديان والعيون والشلالات شيء ثاني
بس كل مابغينا نقعد ونريح فمكان كلانا الباعوض
ياخي مانرتتتتتاح فاليلسه وطول الوقت نحكك
طبعا السكن الحمدلله زين
لكن الأكلأنصح كل حد اي صلاله ايب جدوره واكله ويقعد يطبخ يسويله جو وبالمره ياكل اكل زين ونظيف..
وجبات الريوق والعشا الحمدلله زينه لكن الغددا يعني كل يوم نحصل شيء فالشسمه
وعاد اخر يوم رحنا المهرجان وخذنا اكل تراثي اونه
وفالبيت كلنا كلنا الا امي
وبعد ماخصلنا امي قالت ماشاء الله خلصتو الصحون
كان شيء ذبانه فالثريد
بس أنا متأكده انه مب اكل تراثي 100 بالميه : )
وبس والله معاناتي كانت مع الأكل والباعوض والحمدلله الأمور بخير وسهاله
وهالمره مب أنا اللي استلمت التصوير فالرحله خواتي ماقصروا
أنا يالله يالله بالعافيه كم صوره
وتلفوني خربان
وجي والله .. بلادنا عزيزه علينا والله الامأرات غير
الحمدلله على نعمة بلادنا
---
سرنا فالمهرجان مكان جي نفس معرض الكتاب .. طبعا ماكان لي خلق أنقي الكتب وأطالع كنت في حاله يرثى لها ،، المهم كنت مشغله الكيمره فيديو واتمشى ح.. على فكرة تصوير الفيديو احلى من الصور حتى لو ماكان هاي كواليتي حتى يلست اشوفه مره ثانيه استانست عليه
المهم ما اطالعت الكتب وجي مع ان درب الروحه كنت بموت من الملل أبي شيء أأقراه...
المهم تميت جي اطالع جان احصل كتاب التعبير والانشاء وشليته قلت يلا استرجع قدراتي في الكتابة
والكتاب طلع فنننن هههههههه بس يصلح حق خواتي اكثر
كل مواضيع التعبير فالكتاب والتعالبير المساعده وعناصر الموضوع وكل شيء. والله رهيب ..
*التعابير* اتعايز اعدلها فوق
المهم
صلاله ولا عمان بشكل عام اسامي مناطقهم ياخي وايد صعبه
مافي اسم واحد ابوي واخوي قروه عدل كل الاسامي يقرونها مقلوبه هههههههههه
الحمدلله على كل حال
والله يحفظ اهلنا واهلكم والناس الطيبين
--
ياخي احس أني قاعده اكتب اشياء وايد ملخبطه
لأن اساسا داخليا أنا متلخبطه خخخ
حتى احس ساعات أبي أطلع اللي فخاطري واكتب بس ماشي احس داخلي شيء فاضي
--
امس صارلي موقف.. رجعني ورى
يالله..مر وقت طويل بس ككأنها أمس
هزني وخوفني.. حسيت أني في حلم
.................................................. ......
باجر عندي شيء لازم أسويه ضروري إذا ماقمت وسويته بتأدب عدل وبحصل شيء محترم
خل أحترم نفسي شوي وأسير أنام
بس كيف وأختي قاعده عاللابتوب وتكلم ربيعاتها
سبحان الله وبحمده سبحان الله العظيم
رد مع اقتباس
المفضلات