محمل الافراح عود
يابلي من كل طيب
ردلي حالي وكود
ياحلا عودا رطيب
حل في داري وهود
مرحبا حي الحبيب
محمل الافراح عود
يابلي من كل طيب
ردلي حالي وكود
ياحلا عودا رطيب
حل في داري وهود
مرحبا حي الحبيب
عصام ولا امبارك
مافيهم مستقيم
ولي معاهام شارك
عليه من الجحيم
اهل الفساد اشرارك
ربي فيهم عليم
ياخذهم اخذ مدارك
في مدراجن اليم
الدار ماهي دارك
دار العز المقيم
فيها شيوخ اتبارك
وفيها الدين الرحيم
نارن وتطفي نارك
وكمن فارس فهيم
للمعنى الف فارك
والف عليك اتقيم
ثاري ويقصي ثارك
ولالي غيرك غريم
جارك عليك بجارك
لا تتبع لك غشيم
شيطانك في ازارك
وابدل مابك تقيم
يرشونك في مقدارك
واخطر كيد الحريم
تنسجلك خط امسارك
توديبك في عتيم
وافهمها زين امبارك
من حولك كم لئيم
ساري فكر اشبــك واحــولف
ولاني من اللي يغث مخلوق
يوم النـجــم عـلــمه مـــدولف
ارج الامر من رب لخــلوق
عسى النـفس ترقـى وتــولف
وحي البقا ان كان ملـحـوق
وانا الـشـــجي أبـغـي أوولف
سابح وليت الـســر مـغـــلوق
قطو لفى خلــبه مضــولف
كل يوم عند البـاب مـوثـوق
أحـترت بـه وشـكـله مـوولف
يبــغـي يحــيـد أمـر ويـبــوق
لي من نظر عـينه تـخــولف
ويعاين امعاين هـل الـســـوق
لا هو عـلى امـري مكــولف
يا من بلاني فــيه بـه عــوق
جني القطو مادري يـســولف
ريته يقــولي يـبـغي أيـســوق
به معـرفه عـلــمة مئـــوولف
ويفز من الـقــران مخــنــوق
خذ مالخـبر صــدقه ويــولف
يا جار واحفـظ حـبـلك بروق
مندوب من صوبك مـجـولف
جساس خبرك علمه اسـروق
حلـفن مـع حلـفــك مـحــولف
وربي عـلــيـم بكـل مسـبــوق
بدعـي دعـا سـادل مـســولف
داعي رجى ياخذكم الـحــوق
وأزيد واسـجــد لي وأزولف
وأعقص نداء للرب محــنوق
يقضـي ولا يبــقي أمخـولف
ويقطع نسل شـرك بسـاحـوق
ياعزى نفسي وحظي يادمشق
ياوزى مابي وربي لي معيض
القدر مكتوب حفظ اللوح ثق
والعزى لامدني شعر وقريض
ياخيار الصنف يازين انبثق
حلوة اللفتة شفى نفس المريض
يرتسم لي في خيالي لون فق
مثل درهام السما مده عريض
انطلق منها نشاط وكود برق
والتفرد وصفها يخسى البغيض
لو يكون الحق حق الها وحق
وكل من يجحد مباديها غريض
بس ارجع والامر سهم انسرق
من عيون اللي عسى عينة تغيض
الله الرزاق ربي بي رفق
يرحم الحال اللذي به يستيعيض
سلام يالخلان مني للصحاب
سلام من دار الهوا عند بابه
سلام فوق اسهيل لاضي وغباب
سلام عد الحرف كمن هجابه
سلام ياغالين مافيه مرتاب
هذا سجلي والشعر والكتابه
اهدي بيوتي للذي بالنقا جاب
قلبي وخلاني عثير بعذابه
عذب السقايا مالقينا له احباب
يدعي نفور الحال مني عجابه
بادي بحبه من بعيدي ولاقراب
عليه لاغيره اهل الصبابه
اقدم لكم
قصيده
عسى تلاقي واعي ،،، الحرف ينهل
منها ويشفي مامصابه
بخط الحبر بكتب لي حوايـر
تعبر عن عميق الحـب كلـه
وبكتب وصف حالي والسراير
وبكتب عن حبيب ٍ مـا أملـه
وبثني فوق مابي مـن عبايـر
وثولث ثم أروبع فـي سجلـه
نعايم في المـلا منهـا كثايـر
تحير العقل لـي منهـا تسلـه
ومنها لو بغيتـه لـك يجايـر
تغير بعد عهـده عـن محلـه
ومنها لو نساك وصار جايـر
تخط أحروف أسمه في تولـه
يباشر بالمنـام ومـر زايـر
يداعب لك شجونك فـي تدلـه
ويثني جرحك الماضي بغايـر
يغيضك لو عليك الفيـن علـه
وفيه الحال من مابـه نكايـر
نقيضك دوم لك نقاض غزلـه
يغامربـك وأن حبـك يسايـر
ويبـذل كـل كلـه ثـم كلـه
وينسيك الشقـا والهـم ذايـر
ويجلب لك سعاده فـي عسلـه
وانا لي صابني بقصى العماير
وحش الجاش وحش ٍ ماكنلـه
بداني للعمـر حـب الدرايـر
وحب ٍ عن كثير الحب أعلـه
سلب مني كياني فـي عزايـر
بعيد الوصل ليت الوصل حلـه
يساوي كل بيض الحسن داير
ويسوى في الحشى والروح مله
ويسقيني المراره فـي قرايـر
وشافـي شفتـه عنـي يغلـه
وصيف البدر لو بدر ٍ ونايـر
ولونه مثل ماشمـس ٍ مطلـه
قماش وملمسه نوع وحرايـر
رهيف اللمس غـض معتنلـه
وطوله في قوامه لـي يغايـر
حسان ٍ باديات الحسـن فلـه
مثيل وكل ماوصفـه شعايـر
كتبها شاهـده والـزود شلـه
عيونه من المها فيهـا نظايـر
وعنقـه عنقهـا ياكـود سلـه
وشعره لي على متنه ستايـر
وفيها من العطر نرجس يهلـه
وصدره عن حشى جوفه مغاير
يخفق الثوب مايلمـس حشلـه
أبيع العمر من دونـه خسايـر
وغيره لـو ببـدل بـه مذلـه
وعمري دون ماوصله عساير
شفي القلب لـه بالعيـن حلـه
وحله ثانيه بقصـى الضمايـر
سكنها صاحبي والغير لا لـه
وهذا ياملا والبعـض سايـر
يحده في الهوا عشـق ٍ يسلـه
طعونـه ان تحملهـا كبايـر
واصغرها هجر من غير زلـه
دلع لو هو غلا او فكر جايـر
خليط وكل من صوبـه يفلـه
ويصبر صاحب الخفاق فايـر
يهيم وكل من حولـه طعنلـه
ولا يفهم هوا الخفـرات بايـر
ولا خل ٍ سعى في شف خلـه
ساري القلم فكري يحد التماثيل
واقصد بعيد النول عني مناله
بين الخطوط اشن مابي تعلييل
ياليت مابي في حضون السهاله
وفاة والدي
سليم بن علي الكتبي
في خمس ذي الحجة توفى والدي
يالله تغفر له وانته به رحيم
في وسط عشر من الاوائل بالهدي
يالله تقبل والدي وانته عليم
خير الليالي اسألك فيما لدي
من صدق ايماني ووعدك بالنعيم
رحمة الله عليك
آه يامن ون ونة من تذكر
صاحبن قد له زمانن ماتذكر
التعديل الأخير تم بواسطة خليفه بن سليم ; 07-11-2012 الساعة 06:56 PM
حبة ع غرة راس
وحبة على الخدين
وحبة على الكراس
وحبة لعين العين
وحبة ترد انفاس
وحبة تشط الزين
وحبة بها نبراس
وحبة وراها بين
وانا دهاني باس
غرو بعينه عين
جامع جنوس اجناس
متجانس وقلبين
رايق ورامي جاس
اوداني في بحرين
عليه نوع الباس
كاسي منه جنبين
ياونتي لو داس
بي من البعد آهين
التعديل الأخير تم بواسطة خليفه بن سليم ; 22-11-2012 الساعة 04:27 PM
كل جمعة ينتقم ربي من الظالم
وكل جمعة رحمتة تغشى عباده
وكل مسلم عيده الجمعه مسالم
وكل ظالم لو يقصر بالعباده
الله ينتقم من الظالمين في كل جمعة
سبحان الله لي جعل هذا اليوم للفريقين المختلفين مختلفة التاثير رغم انة توقيت لنهاية الاسبوع
المهم ماعلينا الحين الجو حلو والطلعة للبر تحتاج حطب
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات